သတင်းစာတွေ နိဂုံးချုပ်တော့မည်လား

Time သတင်းမဂ္ဂဇင်းကြီး၏  ‘ထောင်စုနှစ်၏ အရေးအကြီးဆုံးဖြစ်ရပ် ၁ဝဝ’ တွင် ကမ္ဘာ့ပထမဆုံး သတင်းစာအဖြစ် ဂျာမနီနိုင်ငံ Strassburg မြို့ တွင် ၁၆ဝ၉ ခုနှစ်က စတင် ထုတ်ဝေ သောဆက်ဆံရေးသတင်းစာ Relation ကို မှတ်တမ်းတင်ခဲ့သည်။

‘ဒီမိုကရေစီ စနစ်၏ သမ္မာကျမ်းစာ’ ဆောင်းပါး ၄ မျက်နှာ၊ ဂယ်လီလီယို၏ နက္ခတ်ကြည့်  မှန်ပြောင်းသတင်း၊ လူမှုရေးသတင်း အချို့ ပါဝင်လေသည်။သတင်းစာတွင် ခေါင်းကြီး၊ ကြော် ငြာ၊ ကာတွန်း၊ ထင်မြင်ချက်တို့ မပါဝင် သော်လည်း ကမ္ဘာ့ပထမဆုံး သတင်း စာ အဖြစ် ကမ္ဘာ့မှတ်တမ်းဝင်ခဲ့သည်။  အများပြည်သူ အများစု ဖတ်ရှုခွင့်ရ သော သာမန်ပြည်သူတို့ကြားထဲ ထိုး ဖောက်ဝင်ရောက်သော သတင်းစာကား ၁၈၃၃ ခုနှစ်တွင် အမေရိကန်နိုင်ငံမှ ထုတ်ဝေသော ‘တစ်ပဲနိ’သတင်းစာ ဖြစ် သည်။ ယနေ့ခေတ် ဖတ်ရှုနေကြရသော သတင်းစာ၏ ရှေ့ပြေးသတင်းစာပင် ဖြစ်တော့သည်။

ဤတစ်ပဲနိသတင်းစာသည် အမေရိကန်ပြည်ထောင်စု၏ ပထမဆုံး သတင်းစာမဟုတ်ပေ။ အမေရိကန် ပြည်ထောင်စုတွင် ပထမဆုံးထုတ်ဝေ သော သတင်းစာမှာ ၁၆၉ဝ ပြည့်နှစ် ထုတ် ‘ဘော်စတွန်နေ့စဉ်သတင်းစာ’ ဖြစ်သည်။ ၁၈၄၈ ခုနှစ်တွင် အမေရိကန် သတင်းစာလုပ်ငန်း၌ ကြေးနန်း သတင်း စာများ စတင် အသုံးပြုလာခဲ့သည်။ ၁၈၇၃ ခုနှစ်တွင် သတင်းဓာတ်ပုံများ၊ ၁၉၁၄ ခုနှစ်တွင်အမေရိကန်သတင်းစာ လောက၌ အော့ဖ်ဆက်စာပုံနှိပ်စနစ်ကို စတင် အသုံးပြုလာခဲ့သည်။ သတင်းစာများ လူထု အတွင်း ရောက်ရှိလေလေ သတင်းစာလွတ်လပ် ခွင့်များ ပိုမိုတောင်းဆိုလာကြလေ ဖြစ် ပြီး အမေရိကန်နိုင်ငံ ဖွဲ့စည်းပုံ အခြေခံ ဥပဒေပြင်ဆင်ချက် ဥပဒေအမှတ် (၁) တွင် ကွန်ဂရက်လွှတ်တော်သည် လွတ် လပ်စွာ ရေးသားထုတ်ဝေခြင်းအား ချုပ် ချယ်တားမြစ်သော ဥပဒေကို မပြဋ္ဌာန်း ရ ဟု ရှင်းရှင်းလင်း လင်း ရေးဆွဲ အတည် ပြု ထားလေသည်။

သတင်းစာရှိသော ကမ္ဘာ

၁၉ ရာစု အလယ်ပိုင်းလောက် မှစ၍ နှစ်ဆယ်ရာစု အကုန်ထိကား သတင်းစာသည် ဒီမိုကရေစီ၏ ပြယုဂ်၊ မကောင်ဆိုးဝါးတို့ အတွက် နှင်တံ၊ ပြည် သူတွေအ တွက် တံ ခွန်ဖြစ်လေသည်။ ပထမပြင်ဆင်ချက် ဥပဒေပါ ပြဋ္ဌာန်း ချက်များအတိုင်း ဒီမိုကရေစီနိုင်ငံကြီး တစ်နိုင်ငံဖြစ်သော အမေရိကန်နိုင်ငံသည် တစ်ဆံခြည်မျှင်မျှ မတိမ်း မစောင်း ဘဲ ခိုင်ခိုင်မတ်မတ် ရပ်တည်ခဲ့လေသည်။ အမေရိကန်ပြည်ထောင်စုအတွင်း ဖြစ်ပွား ပေါ်ပေါက်ခဲ့သော အမှုအခင်းများကို ကြည့်လျှင် သိသာလှပါသည်။

၁၉၃၁ -နီးရားသတင်းစာ နှင့် အစိုးရ (မင်နီဆိုးတားပြည်နယ်)
၁၉၇၁ – ဝါရှင်တန်ပို့စ်သတင်းစာ နှင့် အစိုးရ (ပင်တဂွန်စစ်ဌာနချုပ်)
၁၉၇၂ – ဝါရှင်တန်ပို့စ်သတင်းစာ နှင့် အစိုးရ (ဝါးတားဂိတ်ရုံးချုပ်)
၁၉၇၉ – တိုးတက်ရေးသတင်းစာ နှင့် အစိုးရ (ကာကွယ်ရေးဝန်ကြီးဌာန)

ဤအမှုအခင်းအားလုံးတွင် တရား လွှတ်တော်ချုပ်က အစိုးရကိုပြစ်တင် ရှုတ်ချပြီး သတင်းစာများကို အနိုင်ပေးခဲ့ သည်ချည်း ဖြစ်သည်။ ‘ဝါရှင်တန်ပို့စ် သတင်းစာ-ဝါးတား ဂိတ်အရေးအခင်း’ သည် ကမ္ဘာကျော်အရေးအခင်း ဖြစ်ပြီး သမ္မတနစ်ဆင် နုတ်ထွက်ပေးလိုက်ရ သည်။ ထို့အတူပင် ပင်တဂွန် လျှို့ဝှက် စာတမ်းများ သတင်းစာများ၌ ပုံနှိပ် ဖော်ပြခြင်းကို ကန့်ကွက်တားဆီးပေး ရန် အမေရိကန် အစိုးရ၏ အဆိုပြုချက် မှာလည်း အရေးနိမ့်ခဲ့ရလေသည်။ တရားလွှတ်တော်ချုပ်က လွတ် လပ်စွာ ရေး သား ထုတ်ဝေခွင့်၏ မဟာ ရည်မှန်းချက်မှာ ပုံနှိပ်ထုတ်ဝေခြင်း လုပ်ငန်းကို ကန့်ကွက်တားဆီးခြင်း မပြု ရန်ပင် ဖြစ်သည်…ဟု ဆုံးဖြတ် ခဲ့ခြင်း ဖြစ်လေ သည်။ ဤကား လွတ် လပ်သော သတင်း စာရှိသော နိုင်ငံတစ်နိုင်ငံ၏ ရွှေရောင် ဝင်းပခဲ့သော ကာလတစ်ခု ဖြစ်သည်။ ယနေ့အချိန်အထိလည်း သတင်းစာ၏ ဂုဏ်သရေေ လျာ့ ပါးခြင်း မရှိေ သး..။ သို့သော်…။

သတင်းစာအပေါ်အမြင်များ

၂ဝ ရာစု တစ်ခေတ်လုံး ရေပန်း အစားဆုံး အထိရောက်ဆုံး၊ အလေးဂရု အပြုခံရဆုံး မီဒီယာမှာ သတင်းစာပင်  ဖြစ်သည်။ မနက်မိုးလင်း၍ မျက်နှာသစ် ပြီး သည်နှင့် ကော်ဖီနှင့်အတူ သတင်း စာဖတ်ရှုရခြင်းသည် လူအများစုကြီး၏ အစွဲလန်းဆုံး အလေ့အထ ဖြစ်လာ သည်။ ပန်းခြံထဲမှာ၊ ကော်ဖီဆိုင်မှာ၊ မီး ရထားပေါ်မှာ သက်သောင့်   သက်သာ နှင့် သတင်းစာမှ မဖတ်ရလျှင် မပြည့်စုံ သလိုလို၊ နေမထိထိုင်မသာ မနက်ခင်း ဖြစ်တော့သည်။ သို့သော် သတင်းစာတွေ အပေါ် ထားသော သဘောထားကရော ထပ်တူကျပါရဲ့လား။

သတင်းထောက်တွေ စုဝေးအလုပ် လုပ်ကိုင်ရာနေရာဟာ အဲ့ဒီနယ်မြေနိုင်ငံ တည်တံ့ရှင်သန်ရေးအတွက် အရေးကြီး တဲ့ စတုတ္ထမဏ္ဍိုင် စိုက်ထူရာနေရာ ဖြစ်တယ်။

(သောမတ်မက္ကောလေး)

အကယ်၍ သတင်းစာမရှိတဲ့ အစိုးရနှင့် အစိုးရမရှိတဲ့ သတင်းစာ နှစ်မျိုးအနက် တစ်ခုခုကို ရွေးချယ် ဆုံးဖြတ်ပါဆိုရင် ဒုတိယကိုပဲ ကျွန်တော် ရွေးမယ်။

(သောမတ်ဂျက်ဖာဆင်)

သတင်းစာဆိုတာ မရှိမဖြစ်လိုအပ် တဲ့ မကောင်းဆိုးရွားပဲ ဖြစ်တယ်။

သမ္မတဟောင်း ဂျော့ခ်ျဘုရ်ှ(အကြီး)

ဒီမိုကရေစီကျင့်သုံးသော နိုင်ငံတို့ တွင် သတင်းစာသည် လွတ်လပ်မှု အပေါင်း၏ အလံ ဖြစ်သည်။ သတင်းစာ ကြောင့် လူထုထောက်ခံမှုတွေ ဒီရေလို တိုးမြင့်လာနိုင်သလို သတင်းစာကြောင့် ပင် မြောင်းထဲရောက်သွားသူတွေ မရေ တွက်နိုင်တော့။ သမ္မတလောင်းအဖြစ် ရွေးကောက်ပွဲဝင်ရန် သက်ဆိုင်ရာ ပါတီက ရွေးချယ်အမည်စာရင်း တင် သွင်း ပြီးကာမှ အတိတ်က အရိပ်မည်းကြီးတွေ ကြောင့် အမည်စာရင်းကို ပြန်လည် ရုပ် သိမ်းခဲ့ရတာတွေလည်း အနမတဂ္ဂပင်။ဘာပဲဖြစ်ဖြစ် သတင်းစာတွေသည် ကမ္ဘာ တစ်လွှားမှ နေ့စဉ်ဖြစ်ပျက်ပြောင်း လဲနေတာတွေကို တစ်ထိုင်တည်း တစ် နေရာတည်းက ကြားသိနေနိုင်ခြင်းက သတင်းစာ၏နေရာကို ပြဋ္ဌာန်းပေး ထားခြင်း ဖြစ် သည်။ အမှန်တရားကို လိုလားမြတ်နိုးသူတွေအတွက် သတင်း စာသည် သစ္စာဘက်တော်သား ဖြစ်သည်။သို့သော်…ဒါတွေသည် မနေ့ တစ်နေ့က ဖြစ်သည်။ ဂလိုဘယ် လိုက် ဇေးရှင်း ခေတ်ဦးကာလအထိ ဖြစ်သည်။ သည်ကနေ့ မဟုတ်တော့။

သင်လွတ်အောင် မပြေးနိုင်ပါဘူး

လွန်ခဲ့သော ဆယ်စုနှစ်တစ်ခုခန့် ၂ဝဝဝ ပြည့်နှစ်လောက်မှစ၍ ကမ္ဘာ့ သတင်းစာတိုက်ကြီးများက သတင်းစာ လုပ်ငန်းကြီး တဖြည်းဖြည်း ဆုတ်ယုတ် ကျဆင်းနေပြီဟု ဖွင့်ဟဝန်ခံခဲ့ကြသည်။ သတင်းစာများ၏ အဓိက ဝင်ငွေအများ စုကို ကြော်ငြာကဏ္ဍများမှ ရရှိနေကြ ခြင်း ဖြစ်သည်။ သတင်းစာ စောင်ရေ အလိုက် ကြော်ြ ငာခနှုန်း ထားများကို သတ်မှတ်လေ့ရှိသည်။ ယခုအခါမှာ တော့ သတင်းစာဖတ်သူ ဦးရေ တဖြည်း ဖြည်း လျော့နည်းကျဆင်းနေလျက် ရှိပြီး ပြန်လည် ဦးမော့လာစရာ အြေ ကာင်း ကလည်း သိပ်မမြင်တော့။ နာမည်ကျော် ကမ္ဘာ့ သတင်းစာတိုက်ကြီး တချို့ ရောင်းသူရောင်း၊ ပိတ်သူပိတ်၊ လုပ်ငန်း ချုံ့သူချုံ့နှင့် အတော်လေး ဖရိုဖရဲ ဖြ စ်နေကြပြီ။ စီးပွားရေးလုပ်ငန်းများ ကျဆင်း၊ သတင်းစာဖတ်သူ အရေ အတွက် ကျဆင်း။ သတင်းစာစီးပွားရေး လုပ်ငန်း မှာ နာလန်မထူတော့။အခြားတစ်ဖက်တွင်ကား သတင်း များကို အင်တာနက်ပေါ်တွင် ဖတ်ရှု လာနိုင်ခြင်းက သတင်းစာကို အလဲထိုး လိုက်ခြင်းပင် ဖြစ်သည်။ သတင်းစာများ တွင် သတင်းများ၊ ဆောင်းပါးများ ထည့် သွင်းဖော်ပြဖို့ ကုန်ကျစရိတ်ရှိသည်။ ပုံ နှိပ်ဖို့အချိန်လိုသည်။ ကြော်ငြာကဏ္ဍမှရ သောဝင်ငွေမှာလည်းယခင်ကလို သတင်း စာတစ်စောင်၏ စရိတ်ကို ထောက်ကူ မပေးနိုင်တော့။ အဆိုးဆုံးအချက်ကား အင်တာနက်ပေါ်တွင် အခမဲ့ ဖတ်နေရ သောသတင်းများအတွက် မည်သူက ငွေပေး၍ ဖတ်ချင်မည်နည်း။

အခုလောလောဆယ် လုပ်နေကြ ရသည်ကား သတင်းစာ၏ လိုအပ်ချက် နှင့် သတင်းစာဖတ်သူတို့၏ လိုအပ်ချက် ကို ထိန်းညှိရင်း သတင်းစာဖတ်သူဦး ရေ ဦးစိုက်ကျ ဆင်း မသွားစေရန် အလိုက်သင့်ပြောင်းလဲ ထိန်းကျောင်းရုံ သာ ဖြစ်သည်။

CNN ကတော့ ကြော်ငြာနိုင်ရက်သည်။
CNN ကလွတ်အောင် သင်မပြေး နိုင်ပါဘူး’…။

အိုဘားမားကလည်း တမှောင့်

ပြီးခဲ့သောလက အင်တာဗျူးတစ်ခုတွင် အိုဘားမားက ဤသို့ မိန့်မြွက်ခဲ့လေပြီ။ အမေဇုန်အွန်လိုင်းမှ တစ်ဆင့်ထုတ်လွှင့်ပြသခဲ့ခြင်းဖြစ်သည်။ အမေရိကန်နိုင်ငံရဲ့ သတင်း စာ လုပ်ငန်းဟာ မှေးမှိန်ပြီး အကျဘက်သို့ ရှေးရှုနေပါပြီ။ မီဒီယာလောကမှာ ယထာဘူတ လက်တွေ့ကျမှုနဲ့ လက်ရှိအချိန်တွင် အားချင်းပြိုင်နေပြီး သတင်းမီဒီ ယာများ ရဲ့ သတင်းထုတ်ဝေမှု လက်လီဖြန့်ဝေ ရောင်းချမှု ကဏ္ဍတို့ရဲ့ လမ်းစဉ်ဟောင်း ကြီးမှာ ထာဝရချုပ်ငြိမ်းသွားဖွယ် ဦးတည်နေပါပြီ။ အင်တာနက်ရဲ့ လွှမ်းမိုးနိုင် မှု၊ ခေတ် ရဲ့ တောင်းဆိုမှုကို သတင်းစာ မီ ဒီယာက ကျားကုပ်ကျားခဲ ခုခံနေရတဲ့ ခက်ခဲ ကြမ်းတမ်းတဲ့ ကာလတစ်ခုပါပဲ..။..တဲ့။ သတင်းစာတွေအတွက် သတင်း ဆိုးတစ်ပုဒ်ပင်။

မောင်ခိုင်လတ်

Popular Myanmar News Journal