ပြင်ဦးလွင်ပေတဒါန (ကြာတော့ ကြာခဲ့ပါပြီ) .. ဗဟုသုတ အလို့ငှာ ပြန်လည်ကူးယူဖော်ပြခြင်းဖြစ်ပါတယ်.... ကြောက်လန့်တက်သူများ မဖတ်ရ....

ပြင်ဦးလွင်(၈)မိုင် သုဿာန်ထဲက ပေတဒါန အလှူပွဲဓါတ်ပုံတွေပါ။
https://www.facebook.com/blackdream21 (၂၈.၅.၂၀၁၁) တွင် ရိုက်ကူးသောဓါတ်ပုံများဖြစ်ပါတယ်။

သာမန်ရိုးရိုး တမလွန်ဘုံသားများ စားသောက်ရန် ပြင်ဆင်တည်ခင်းရာ နေရာ

မန္တလေး ဗြဟ္မစိုရ် နာရေးကူညီမှုအသင်းရဲ့ နာယကဆရာတော် က တရားဟောကြားတော်မူပါတယ်။

VIP ပုဂ္ဂိုလ်များအတွက်

ဘယ်ဘက်ဖက်ရွက်ပေါ်က ထမင်းခဲ တစ်ဝက်မရှိတော့ပါ…

သေသေချာချာကြည့်ရင် ငါးပေါ်မှာ ကိုက်ရာအချို့ကို တွေ့နိုင်ပါတယ်

သံဃာတော်များနှင့် သီလရှင်များလည်း ကြွရောက်ချီးမြှင့်တော်မူကြပါတယ်။

တမင်လုပ်ကြံဖန်တီးတဲ့ ခြေရာတွေမဟုတ်ပါဘူး။
ဒါဆိုရင် ဘာဖြစ်နိုင်မယ်ဆိုတာ.........

ခြံနဲ့ကျွေးထားတဲ့ (သဲခင်းထားတဲ့နေရာမှာတော့) ခြေရာတွေပါ ကျန်ခဲ့ပါ တယ်..။ အရွယ်စုံ ဆိုဒ်အဆုံပါပဲ..။ (ပြိတ္တာတွေ ဖိနပ်မစီးဘူးဆိုတာ ခြေရာတွေအရသိရပါတယ်..။ အတည်ပါ..။ မနောက်ပါဘူး)
သဲပုံစေတီ..။ ကိုစံမှဲ့ ၊ မဖဲဝါ..။ သချိုင်းစောင့်တို့ရဲ့ သဲတွေပေါ်မှာ ခြေရာတွေ အသီးသီးပေါ်နေပါတယ်။ (လုံးဝလုပ်ကြံဖန်တီးမှု မပါဝင်ပါ။)

တမလွန်လောကမှ ပုဂ္ဂိုလ်များ ကုသိုလ်ယူဖူးမြော်နိုင်ကြစေဖို့ရာ သဲပုံစေတီတော်တဆူကိုလည်း တည်ထားပေးပါတယ်။

ကိုစံမှဲ့ ၊ မဖဲဝါ မောင်နှမအတွက်ပါ..။ ဘယ်ဘက်က သက်သက်လွတ်… ညာဘက်က ငါးအစိမ်း..။

ဆွေတော်မျိုးတော်များကို စတင်ဖိတ်ကြားပါပြီ။

လာရောက်တဲ့ လူပရိသတ်အင်အားက သုဿာန်ဇရပ်အပြည့်ပါ။

ဘဝတပါးမှ ဆွေတော်မျိုးတော်များ သီးသန့် ရေစက်ချ သာဓု အနုမောဓနာ ပြုနိုင်ပါရန် လူများဝင်ရောက်ခြင်း မပြုရ။

မြေစောင့်နတ်၊ မြေစောင့်ဘီလူး၊ သုဿာန်စောင့်နဲ့ နာမည်ကျော် မဖဲဝါတို့မောင်နှမ အတွက်ကို ခုလို VIP Special Room များမှာ တည်ခင်းဧည့်ခံပြီး ဒါနပြုပါတယ်။

ပေတ အာဟာရဒါန ပြုလုပ်ရန် နီးကပ်လာချိန်မှာ ည (၁၁း၄၅)နာရီခန့်မှာတော့ မီးများအားလုံးကိုအခုလို ခေတ္တခဏ ငြှိမ်းသတ်ထားလိုက်ပါတယ်။မိနစ်(၂၀)ခန့် မီးငြှိမ်းသတ်ထား ချိန်အတွင်း မီးမှိတ်ပြီး အစာကျွေးနေတဲ့အချိန်မှာ ဘုရားဂုဏ်တော်တွေ၊ ဂါထာတွေ၊ ဘုရားစာတွေကို မရွတ်ဖို့လည်း သတိပေးထားပါတယ်။

လူတွေအထဲမ၀င်အောင် ဒီလို ကာပေးထားပါတယ် (မီးပိတ်ပြီးတဲ့အချိန်မှာ ဒီ့ထက် ပိုနောက်ဆုတ်ခိုင်းပါတယ်..။)

အထူးခြားဆုံးကတော့ မြေဖုတ်ဘီလူးနေရာပဲ ဖြစ်ပါတယ်..။ မျက်စိရှေ့မှာတင် သေသေချာချာ မြေမြှုပ်ပြီးကျွေးထားခဲ့တဲ့ ဖက်ရွက်တွေဟာ အကုန် မြေကြီးအပေါ် ပြန်ရောက်နေပါတယ်….။ အပုပ်နံ့ပေးတာတွေ၊ အမွှေးနံ့ပေးတာတွေ၊ ၀င်ပူးတာ စီးတာတွေတော့ အခု ပြင်ဦးလွင်ပွဲမှာ မတွေ့ခဲ့ရပါဘူး..။သန္တိသုခမှ အသင်းသား အချို့နဲ့ မေတ္တာရှင် ပေတဒါနအဖွဲ့မှ အဖွဲ့ဝင်အချို့ သုဿန်မှာ အိပ်ဖို့ ကျန်ခဲ့ပါတယ်…။ လူတွေ များလို့ လာမစားရဲလို့ မစားခဲ့ရဖူးဆိုရင် အခုလူတွေ ရှင်းသွားတဲ့အချိန်မှာ လာရောက်စားသောက်နိုင်ပါကြောင်းနဲ့..။ မ၀သေးရင် မိမိတို့ ဒီမှာ အိပ်မည်ဖြစ်သဖြင့် လာရောက်တောင်းခံနိုင်ပါကြောင်း ပြောကြားနေသည့် အသံများကိုလည်း ကြားလိုက်ရပါတယ်….။

ရေဘူးတော့ တိုက်ခဲ့တယ်..။ လက်နှစ်စစ်လောက် လျော့သွားပါတယ်..။ သူတို့ ဆက်သောက်လို့ ရအောင် အဲ့ဒီ့ဘူးကို သုဿန်မှာပဲ ထားခဲ့ပါတယ်…။

လွန်ခဲ့သော ခြောက်နှစ် ခုနစ်နှစ်ခန့်က ဖြစ်သည်။
          ဖိတ်စာနှင့် ဖိတ်စာပေးသူကို ကြည့်ပြီး“ဘယ်လိုပါလိမ့်”ဟု တွေးမိလိုက်သည်။ ဤလို ဖိတ်စာမျိုးကို တစ်ခါမှ မမြင်ဖူး၊ မရဖူးဘူးသဖြင့် အံ့သြသလိုလည်း ဖြစ်သွားမိသည်။
          ဖိတ်စာပေးသူကလည်း နိကာယ်သာသနာတော် ထွန်းကားရေးအသင်း၏ ဥက္ကဋ္ဌ၊ ဝဋံသကာ (ဘီအေ) သာသနာရေးဝန်ကြီးဌာန အကြံပေးပုဂ္ဂိုလ်(ငြိမ်း) ဦးသောင်းလွင် (ရှင်သုမန)။
          သူက ပြောသည်မှာ -
          “ကျွန်တော် ခု အသက်ခုနစ်ဆယ် ရှိပြီ၊ ခုမှ လုပ်ရကောင်းမှန်း သိလို့ ဉာတိပေတ ဥဒ္ဒိဿဒါန အလှူလုပ်မလို့”
ဟုဆိုသည်။
         သူပြောသည်ကို ကျွန်တော်သဘောပေါက်၏။ ဉာတိပေတ ဥဒ္ဒိဿ အလှူဆိုသည် မှာ သံသရာ ဘဝ အဆက်ဆက်က ဆွေမျိုးတော်စပ်ခဲ့သော မကျွတ်မလွတ်ကြသူ ပေတ(ပြိတ္တာ)များကို ရည်စူး၍ သီးသန့် အလှူလုပ်မည် ဖြစ်သည်။ သို့သော် ဤလိုပွဲမျိုးကို သီးသန့် မိမိအိမ်၌ လုပ်သူဟူ၍ စာရေးသူ တစ်ခါမှ မကြုံဖူး၊ မတွေ့ဖူးပေ။
          သူက ထိုပွဲသို့ ဗန်းမော်ဆရာတော်ကြီးကိုလည်း ပင့်ထားသည်ဟု ပြော၏။ ဗန်း မော် ဆရာတော်ကြီး ဆိုသည်မှာ ကျွန်တော်တို့ နိကာယ် သာသနာထွန်းကားရေး အသင်း၏ သြဝါဒါစရိယ၊ အပြည်ပြည်ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ်မှ ဒုတိယပါမောက္ခချုပ် သိရောမဏိဝဋံသကာ ဒေါက်တာ အရှင်ကုမာရ ဆရာတော်ဘုရား ကြီးကို ဆိုလိုခြင်း ဖြစ်သည်။
          ဗန်းမော် ဆရာတော်ကြီးဆီသို့ စာရေးသူသည် တစ်နှစ်လျှင် အနည်းဆုံး သုံး လေးခေါက်တော့ မရောက် မဖြစ် ရောက်ရ၏။ ရောက်ရသော အကြောင်းမှာ နိကာယ် သာသနာတော်ထွန်းကားရေးအသင်းက နှစ်စဉ်ကျင်းပနေသော နိကာယ်စာမေးပွဲ အတွက် ပုစ္ဆက သွားလျှောက်ရခြင်း၊ ပုစ္ဆာသွားယူးရခြင်း၊ စာဖြေသံဃာများ၏ အဖြေ လွှာများကို စိစစ် အမှတ်ပေးရန် ပို့ပေးခြင်း၊ ဆရာတော်ကြီး စိစစ်အမှတ်ပေးထားသော စာဖြေလွှာများကို ပြန်ယူရခြင်းတို့ကြောင့် ဖြစ်သည်။
          ဉာတိပေတ ဥဒ္ဒိဿအလှူဒါနနှင့် ပတ်သက်၍ လျှောက်ထားကြည့်ရာ ဆရာတော် ကြီးက အလွန်လုပ် သင့်သော အလှူဒါနတစ်ခုဖြစ်ကြောင်း မိန့်ကြားလေသည်။
          ဆရာတော်ကြီး၏ မိန့်ကြားပြောပြချက်အရာ သံသရာ အဆက်ဆက်က တော်စပ် ခဲ့ကြသော ဆွေမျိုး ပြိတ္တာများအတွက် ဘုရားရှင်လက်ထက်တော်က ဗိမ္ဗိသာရမင်းကြီး အလှူပေးခြင်း၊ ဆွေမျိုးပြိတ္တာများအား အမျှဝေခြင်းတို့ကို ဆရာတော်က အကျယ်တဝင့် မိန့်ကြားလေသည်။
          ထို့ပြင် ဆွေမျိုးပြိတ္တာများကိုသာမဟုတ် ပြိတ္တာများအားလုံးကို ရည်ရွယ်၍ တိပိဋက မင်းကွန်းဆရာ တော်ဘုရားကြီးသည် ကြံတောသုသာန်တွင် မကျွတ်မလွတ်ဘဲ ရှိကြကုန်သော ပေတ(ပြိတ္တာ)များအတွက် ပေတဥဒ္ဒိဿဒါန (အကျွတ်အလွတ်ပွဲ)ကို ၁၉၈၃ ခုနှစ်မှ ၁၉၈၇ ခုနှစ်အထိ ပြုလုပ်သွားကြောင်းကိုလည်း ဆရာတော်ကြီးက မိန့်ကြားပြန်သည်။
          (ထိုစဉ်က ကြံတောသုသာန်ကို ရွှေတကော၊ ထိန်ပင်သို့ မပြောင်းမရွှေ့သေး ပေ။)
          မင်းကွန်း တိပိဋက ဆရာတော်ကြီး ဦးဆောင်ကျင်းပသော ပြိတ္တာတို့၏ အကျွတ် အလွတ်ပွဲ (ပေတ ဥဒ္ဒိဿဒါန)ကို ဗန်းမော်ဆရာတော်ကြီးကိုယ်တိုင် ပါဝင်ဖူးသည်။ ထို့ အပြင် ယခု ပျံလွန်တော်မူသွားကြပြီဖြစ်သော တိပိဋက ဆရာတော်များနှင့် ဆရာ တော်ကြီး အတော်များများ ကြွရောက် ချီးမြှင့်ကြကြောင်းလည်း မိန့်ကြားသည်။
          အကျွတ်အလွတ်ပွဲပြုလုပ်သော ကာလမှာ သီတင်းကျွတ် လပြည့်ကျော်တစ်ရက်၊ နံနက် ခုနစ်နာရီတွင် နှစ်စဉ် အချိန်မပြောင်းဘဲ တိတိကျကျ ပြုလုပ်သည်။ ထိုအကျွတ် အလွတ်ပွဲကို ဦးဆောင်ကြသော လူပုဂ္ဂိုလ်များမှာ သံမဏိ ဦးမောင်မောင်နှင့် နိုင်ငံ့ဂုဏ် ရည် ဦးသူတို့က ဦးဆောင်ကြသည်။ ကြံတောသုသာန်၌ပင် ပေတဥဒ္ဒိဿဒါန(တစ္ဆေစာ)ကို အိုးကြီးအိုးငယ်တွေနှင့် ချက်ပြုတ်ကြသည်။
          ဦးမောင်မောင်မှာ အင်္ဂလိပ်တို့ အုပ်ချုပ်ရေး ခေတ်ကာလ တစ်လျှောက် ကျောင်း သားအရွယ်ကပင် အင်္ဂလိပ်အစိုးရကို တော်လှန်လာသူ၊ သံမဏိဘွဲ့ရလာသူ ဖြစ်သည်။ ထို့နောက်တွင် မင်းကွန်းဆရာတော်ကြီးနှင့်တွေ့ကာ ဆရာတော်၏ အဆုံးအမ၌ တည် လာသူ ဖြစ်သည်။
          မင်းကွန်း တိပိဋက ဆရာတော်က ကြံတောသုသာန်၌ အကျွတ်အလွတ်ပွဲ ပြုလုပ် ခြင်းမှာ ရန်ကုန်မြို့၏ အဓိက သုသာန်ကြီးဖြစ်သဖြင့် မကျွတ်မလွတ်သူများလည်း အများ အပြားပင် ရှိနေကြ၍ ဖြစ်ပေမည်။
          စာရေးသူမှာ ကမာရွတ်မြို့နယ် လှည်းတန်း၌နေသူဖြစ်ရာ နာနတ်တော၊ ခြောက် ပင်ခံ၊ ကွမ်းခြံမှသည် စာရေးသူတို့ နေသော စပယ်ခြံရှိ ကြံတောသုသာန်နှင့် နီးသော အရပ်များက လူကြီးသူမများသည် ယခုအထိ ကြံတောသုသာန်က တစ္ဆေ၊ သရဲ၊ မှင်စာ၊ ကျတ်၊ ပေတများအကြောင်းကို အခွင့်အခါသင်လျှင် ပြောကြားတတ် ကြမြဲ ဖြစ်သည်။
          ကြံတောသုသာန်ကို သက်ဆိုင်ရာက ရေဝေး၊ရွှေတကောနှင့် ထိန်ပင်ကို ပြောင်းရာ၌လည်း သရဲ တစ္ဆေကို ကားအစီးပေါင်း မည်ရွေ့မည်မျှ တိုက်ယူရသည်။ သရဲ တစ္ဆေတွေ များလွန်း၍ ကားမထွက်နိုင် ဖြစ်ကာ ပြန်ဆင်းခိုင်းရကြောင်း၊ နောက်ကားနှင့် ပို့မည်ဖြစ် ကြောင်း ပြောရသလို အလည်လွန်နေ၍ သူများတွေ ပြောင်းသွားကြသည်ကို မသိလိုက် သဖြင့် ကြံတော၌ပင် တစ္ဆေတစ်ကောင် ကျန်နေခဲရာ ညညကျလျှင် ထိုတစ္ဆေ မည်သို့ ငိုနေပုံ၊ မည်သို့ ခြောက်လှန့်ပုံတို့ကိုလည်း ရယ်စရာအဖြစ် ပြောကြားနေကြသည်ကို ကြားခဲ့ရသည်။
          ဤသို့ သုသာန်ပြောင်းသည့်ကိစ္စနှင့် ပတ်သက်၍ သီတဂူဆရာတော်ကလည်း “သီတဂူ၏ ဘဝပုံရိပ် တစ်စိတ်တစ်ဒေသ”စာအုပ်တွင် ယခု သီတဂူ အာယုဒါန ဆေးရုံ ဆောက်လုပ်ရန် ကိစ္စနှင့် ပတ်သက်၍ အောက်ပါအတိုင်း ရေးသားထားသည်။
          “ဆွမ်းဦးပုညရှင် အနောက်ဘက် ဆူးချုံတောတွေနဲ့ မြေရိုင်းကြီးကို ရှင်းလင်းတဲ့ အခါ နာနတ်တော သုသာန်ကလေးကို ထုလိုက်၊ ဖြိုလိုက်၊ ဖျက်လိုက် လုပ်ရပါတယ်။ ရုပ် အလောင်း မြှုပ်နှံထားတဲ့ အုပ်ဂူပေါင်း (၃၇)ဂူက အရိုးတွေကို တူးပြီး မီးရှို့ပစ်လိုက်ရပါ တယ်။
            အချို့အုတ်ဂူတွေထဲမှာ ပုပ်သိုးနေတဲ့ ရုပ်အလောင်းကောင်များကို တွေ့ရတယ်။ ရှင်းလင်းနေဆဲ မြေလွတ်ကြီးမှာ တဲထိုးလို့ နေကြရတယ်။ အလုပ်သမားတွေ၊ အင်ဂျင် နီယာတွေနဲ့ ဘုန်းကြီးတို့ တစ်တွေဟာ ညကျရင် အလှည့်နဲ့ အိပ်ပြီးတော့ သတိထား နေကြရတယ်။ တချို့အလုပ်သမားတွေကို ခေါင်းလာမ,တယ်။ တချို့ အလုပ်သမား တွေကို ခြေထောက်ကနေ အိပ်ရာပေါ်က ဆွဲချတယ်။ တစ်ခါ တစ်ခါ တဲအမိုးပေါ်ခဲတွေ ကျလာတယ်။
            သြဝါဒါစရိယ ပထမဂန္ဓာရုံဆရာတော်က သံဃာဆွမ်းကပ်၊ ပရိက္ခရာရှစ်ပါးလှူ၊ အမျှဝေ၊ ပရိတ် ရွတ်၊ အမိန့်တော်ပြန် လုပ်ရမယ်လို့ သြဝါဒပေးတဲ့အတွက် ထိုသြဝါဒ အတိုင်း အားလုံးလိုက်လုပ်ကြတယ်။ အမျှဝေ အမိန့်တော်ပြန်ပြီးတဲ့ ညနေခင်းမှာ တီအီး အလဲဗင်း အမိုးဖွင့်ကားကြီးကို အဆင်သင့်ပြင် ထားပြီး“လာကြဟေ့၊ တက်ကြဟေ့၊ မင်းတို့ကို အိမ်ပြောင်းပေးမယ်”လို့ ဖိတ်ခေါ်ပြီး အသစ်လုပ်ထားပြီး ဖြစ်တဲ့ သုသာန်ဇရပ်နဲ့ သုသာန်အသစ်ဆီသို့ မောင်းသွားပြီး အားလုံးကို ပို့လိုက်တယ်။
            တက်ပြီးလိုက်ပါလာကြတာ တစ်ယောက်ကိုမျှ မမြင်ရပေမယ့် မော်တော်ကား ကြီးရဲ့ တာယာကတော့ ပြားနေတာပဲ။ အဲဒီညရဲ့ နောက်ပိုင်းမှာတော့ ဆေးရုံမြေ ကွက်ကြီးထဲ အားလုံး အေးချမ်းစွာ အိပ်ကြရတယ်။”
ဟု ရေးသားဖော်ပြထားလေ၏။  
ဤသို့ သီတဂူဆရာတော်ကြီး၏ ကိုယ်တွေ့ဖြစ်ရပ်ကို ဖတ်ရှုရခြင်းအားဖြင့် ပေတ(ပြိတ္တာ)တို့သည် သုသာန်၌ အနေများကြသည်မှာ ထင်ရှားလေ၏။ ထို့ကြောင့် ဘဝနတ် ထံ ပျံလွန်တော်မူပြီဖြစ်သော တိပိဋက ဆရာတော်ကလည်း ပေတဥဒ္ဒိဿဒါန (အကျွတ်အလွတ်ပွဲ)ကို ရန်ကုန်မြို့ရှိ ကြံတောသုသာန်၌ ၁၉၈၃ ခုနှစ်မှ ၁၉၈၇ ခုနှစ်ထိ နှစ်စဉ် နှစ်တိုင်း လုပ်ခဲ့ခြင်း ဖြစ်သည်။
ပေတ(ပြိတ္တာ)ဆိုသည်မှာ ငရဲ၊ တိရစ္ဆာန်၊ ပြိတ္တာ၊ အသူရကာယ်ဟူသော အပါယ်လေးဘုံ၌ ပါဝင်သည်။ လူတို့ ပြောနေကြသော သရဲ၊ တစ္ဆေ၊ မှင်စာ၊ သဘက်၊ ဖုတ်၊ ကျတ်၊ ဥစ္စာစောင့်၊ ရုက္ခစိုး၊ စုန်း၊ ဘီလူး စသည်တို့မှာ အားလုံး ပေတခေါ် ပြိတ္တာ များ ဖြစ်ကြသည်။
ပြိတ္တာတို့၏ဘုံသည် ငရဲကြီးရှစ်ထပ်တို့အထက် လူ့ပတ်ဝန်းကျင်၌ ရှိ၏။ ယင်းတို့နေရာဘုံမှာ တော၊ တောင်၊ မြစ်၊ ချောင်း၊ သုသာန်၊ သစ်ပင်၊ လိုဏ်ခေါင်း၊ ကျောင်းပျက် အိမ်အို၊ ဥယျာဉ် စသည်တို့၌ နေထိုင်ကြသည်။
လူတို့သည် သေလွန်ပြီးနောက် ပြိတ္တာ ဖြစ်ကြရခြင်းအကြောင်းမှာ လူ့ဘဝ လူ့ လောက၌ အကြင်သူတို့ သည် -

• ·         ဥစ္စာစွဲ၊ သားမယားစွဲတို့ဖြင့် သေလွန်သူများ။
• ·         ငြူစူခြင်း၊ ဝန်တို မစ္ဆရိယနှင့် သေလွန်သူမျာ။၊
• ·         မိမိကိုယ်တိုင် ပေးကမ်းလှူဒါန်းခြင်း မရှိသူများ။
• ·         သူတစ်ပါးတို့ ပေးကမ်းလှူဒါန်းသည်ကို တားမြစ်အန္တရာယ်ပြုသူများ။

ထိုသူတို့သည် ပြိတ္တာဘုံ၌ ဖြစ်ကြရလေသည်။
ပြိတ္တာဘုံသို့ ကျရောက်သွားသူတို့မှ အမြဲမပြတ် အစာရေစာငတ်ပြတ်၍ နေနေကြ ရသည်။ သူတို့၏ အကုသိုလ် ဂရုံကံ၊ လဟုကံကို လိုက်၍ အနှစ်တစ်ရာ၊ အနှစ်တစ် ထောင်၊ အနှစ်တစ်သောင်း၊ အနှစ်တစ်သိန်းတို့ ကာလပတ်လုံးလည်းကောင်း၊ ဘုရားတစ် ဆူနှင့် တစ်ဆူကြား၊ ဘုရားတစ်ဆူ၊ နှစ်ဆူ၊ သုံးဆူကြား၊ လေးဆူကြား စသည်ဖြင့် အကုသိုလ်ကံ၏ အလေးအပေါ့ပေါ်တွင် ဝဋ်ခံကြရသည်။
ပြိတ္တာဘုံတို့သည် အမျိုးအစားအားဖြင့် များစွာ ရှိကုန်ကြသည်။
၁။ စန္တတ ပြိတ္တာ = သူတစ်ပါးစွန့်ထားသော တံတွေး၊ နှပ်၊ အန်ဖတ်တို့ကို စားရ သော ပြိတ္တာမျိုး။
၂။ ကုဏပါသ ပြိတ္တာ = မြွေ၊ ခွေး၊ လူသေ စသော အကောင်ပုပ်များကို စားရသော ပြိတ္တာမျိုး။
၃။ ဂုတခါဒက ပြိတ္တာ = လူ့မစင် စားရသော ပြိတ္တာမျိုး။
၎။ အဂ္ဂိဇာလမုခ ပြိတ္တာ = အစားမစားရဘဲ ပါးစပ်မှ မီးလျှံထွက်နေသော ပြိတ္တာ မျိုး။
၅။ သုစိမုခ ပြိတ္တာ = ခန္ဓာကိုယ်ကြီးပြီး ပါးစပ်က အပ်နဖားပေါက်မျှရှိကာ အစား အစာများကို ပါးစပ်က မသွင်းနိုင်၊ နားပေါက်၊ နှာခေါင်းပေါက်က သွင်း၍ စားရသော ပြိတ္တာ မျိုး။
၆။ တဏှာဋိက ပြိတ္တ = ရေမသောက်ရသော ပြိတ္တာမျိုး။ ရေတွေ့သော်လည်း ရေများမရှိတော့ဘဲ ရေများက သွေး၊ ပြည်၊ ကျင်ကြီးတွေ ဖြစ်သွားရသည့် ပြိတ္တာမျိုး။
၇။  သုနိဇ္ဈာမက ပြိတ္တာ = မီးလောင်ထားသော သစ်ငုတ်နှင့်တူပြီး ကြုံလှီပိန်ကပ် ကာ အရိုးပြိုင်းပြိုင်းနှင့် အဝတ်မရှိ ကိုယ်တုံးလုံးနေရသည်။ အနံ့အသက် အလွန်ဆိုး သည့်အပြင် ခြေခွင် လက်ခွင်နှင့် မျက်လုံးအစုံက အပြင်သို့ ပြူးထွက်နေသည်။ ထမင်းဆာခြင်း၊ ရေငတ်ခြင်းဒဏ်ကို အပြင်း အထန် ခံစားနေရသော ပြိတ္တာမျိုး။
၈။ သတ္တင်္ဂ ပြိတ္တာ = လက်သည်း ခြေသည်းတို့က ဓားလှံလို ချွန်ထက်နေပြီး မိမိ ၏ အသားကို ဖဲ့စားနေရသော ပြိတ္တာမျိုး။
၉။  ပဗ္ဗတင်္ဂ ပြိတ္တာ = ကိုယ်ခန္ဓာမှာ တောင်လောက်ရှိပြီး ဇီးကွက်မျက်နှာနှင့် ကိုယ်ခန္ဓာမှ အခိုးအလျှံတွေ အမြဲထွက်ကာ တစ်ကိုယ်လုံး မီးလောင်ကျွမ်းခံ နေရသော ပြိတ္တာမျိုး။
၁၀။  အဇဂရ ပြိတ္တာ = စပါးကြီးမြွေနှင့်တူသော ခန္ဓာရှိပြီး ညအခါ တပြောင် ပြောင် တောက်လောင်နေသော ကိုယ်ခန္ဓာနှင့် သွားလာလှည့်ပတ်နေပြီး နေ့အခါ ဆင်းရဲအမျိုးမျိုး ခံစားနေရသော ပြိတ္တာမျိုး။
၁၁။ ခုပ္ပိပါသိက ပြိတ္တာ = ထမင်းငတ် ရေငတ် အမြဲခံနေရသော ပြိတ္တာမျိုး။
၁၂။ နိဇ္ဈာမတဏှိက ပြိတ္တာ = ပါးစပ်မှ မီးလျှံတပြောင်ပြောင် ထွက်နေပြီး ရေဆာ ထမင်းဆာ ဒုက္ခကို အမြဲခံနေရသော ပြိတ္တာမျိုး။
၁၃။ ပရဒတ္တူပ ပြိတ္တာ = မိမိအစွမ်းအစနဲ့ ဘာမှ မစားရဘဲ လူ့ပြည်က ဆွေမျိုး တွေ ကုသိုလ်ပေး အမျှအတန်းဝေမှ စားရသောက်ရ အသက်ရှည်ရသော ပြိတ္တာမျိုး။
၁၄။ ကာလကဉ္စိက ပြိတ္တာ = ကိုယ်ခန္ဓာ သုံးဂါဝုတ်ရှိပြီး အသားအသွေးနည်း ကာ သစ်ရွက်ခြောက်လို အရိုးကျဲခြင်း၊ အပ်နဖားပေါက်လောက်သာ ပါးစပ်ပေါက်ရှိခြင်း၊ စားသောက်ရသောအခါ စောက်ထိုးမိုးမျှော်ပြုပြီးမှ စားသောက်ရသော ပြိတ္တာမျိုး။
၁၅။ ဝေမာနိက ပြိတ္တာ= နေ့ခံ ညစံ ပြိတ္တာမျိုး။ နေ့အခါ ငရဲထိန်း အလုပ်လုပ်ရပြီး ငရဲခွေးတို့ ကိုက်ခြင်းကို ခံရခြင်း၊ ဓားလှံလှီးဖြတ်တာ ခံရခြင်း၊ ညအခါကျမှ နတ်ကဲ့သို့ စည်းစိမ်ခံစားရသော ပြိတ္တာမျိုး။
၁၆။ မဟိန္ဓိက ပြိတ္တာ = ဝေမာနိက ပြိတ္တာမျိုးတွင် ပါဝင်၍ ငရဲပြည်မှာ ယမမင်း သွားလုပ်ရသည်။ အဆင်းလှသည်။ စည်းစိမ်ကြီးသည်၊ သို့သော် စားသောက်ချင်တိုင်း မစားရ။ တစ်ခါတစ်ရံမှ စားသောက်ရသည်။ တောင့်တမှု အာသာ ဆန္ဒပြင်းပြသော ပြိတ္တာမျိုး။
စသည်ဖြင့် မိမိပြုခဲ့သော အကုသိုလ်ကံအလိုက် ခံစားနေသော ပြိတ္တာတို့သည် များပြားစွာ ရှိကြကုန် သည်။
အပ်သွားလို အမွေးရှိသော ပြိတ္တာ၊
မိကျောင်းရေလို ကိုယ်ရေရှိသော ပြိတ္တာ၊
လက်သည်းခြေသည်း ရှည်သော ပြိတ္တာ၊
ခြေတစ်ချောင်းသာရှိသော ပြိတ္တာ၊
မျက်စိတစ်လုံးသာ ရှိသော ပြိတ္တာ၊
မျက်စိများစွာရှိသော ပြိတ္တာ၊
ပါးစပ်၊ မျက်စိ၊ နှာခေါင်းတို့သည် ရင်ဘတ်၌သာ တည်ရှိသော ပြိတ္တာ -
စသည်ဖြင့်လည်း ရှိသေးသည်။
ထိုသို့ ပြိတ္တာအမျိုးမျိုး ရှိကြရာတွင် မိမိတို့ အစာအာဟာရအလို့ငှာ လူတစ်ဦး တစ်ယောက်ကို ပူးဝင်ကာ တောင်းဆို စားသောက်ရသော ပြိတ္တာမျိုးတို့လည်း ရှိသေးသည်။
အနံ့ခံရုံနှင့် အာဟာရ ပြည့်ဝသွားသော ပြိတ္တာမျိုး၊ ချက်ကြော်ပြီးသော အာဟာရ ကိုမှ ကြိုက်တတ်သော ပြိတ္တာမျိုး၊ အစိမ်းလိုက် စားရမှ တင်းတိမ်သော ပြိတ္တာမျိုး၊ အရှင်လတ်လတ်ကိုမှ ကျွတ်ကျွတ်မြည်အောင် ဝါးစား တတ်သော ပြိတ္တာမျိုး။
ပေတ(ပြိတ္တာ)တို့ ဖြစ်ကြကုန်သော တစ္ဆေ၊ သူရဲ၊ မှင်စာ၊ သဘက်၊ ဘီလူး၊ ရုက္ခစိုး၊ ကျတ် စသည့် ပြိတ္တာတို့က လူတို့အား ခြောက်လှန့်တတ်သော အခြင်းအရာတို့မှာလည်း အမျိုးမျိုး ရှိလေသည်။
အခြောက်ခံရသူ ကံနိမ့်နေ၍ အခြောက်ခံရခြင်း၊
နောက်ပြောင် ကျီစယ်လို၍ ခြောက်ခြင်း၊
ချစ်ခင်၍ ခြောက်ခြင်း၊ အမျှအတန်းပေးဝေမှုကို ရလို၍ ခြောက်ခြင်း၊
စားသောက်လို၍ ခြောက်ခြင်း၊ ဥစ္စာပေးလို၍ ခြောက်ခြင်း၊
မှာထားလို၍ ခြောက်ခြင်း၊ နှုတ်ဆက်လို၍ ခြောက်ခြင်း၊
သားမယားတို့ကို စွဲလမ်းခင်မင်၍ ခြောက်ခြင်း၊
ဘုရားသံ တရားသံကို ကြားနေရ၍ ရွတ်ဖတ်သရဇ္ဈာယ်သည်ကို မလိုလား မနှစ်ခြိုက်ခြင်း -
စသည်တို့ကြောင့် ခြောက်လှန့်ခြင်းတို့လည်း ရှိသည်။
အမှန်မှာမူ ပြိတ္တာတို့က ခြောက်သည်မဟုတ်၊ သူတို့ဆန္ဒကို လူတို့အား ပြောပြလို ၍၊ အကူအညီ တောင်းလို၍ ကိုယ်ထင်ပြရာ သူတို့၏ အကုသိုလ်ကံကြောင့် သူတို့၏ အတ္တဘော ကိုယ်ခန္ဓာသည် ကြောက်လန့်ဖွယ် ရွံရှာဖွယ် ရှိနေသည်။ ထိုသို့သော သူတို့၏ အတ္တဘောကို လူတို့က ရုတ်တရက် မြင်ကြရသောအခါ လန့်ဖျပ်ကြောက်ရွံ့ ကုန်ကြသည်။ ဤသည်ကိုပင် တစ္ဆေခြောက်သည်ဟု လူတို့ ပြောကြသည်။
အခြောက်ခံရသူ အချို့က ပြောပြကြသည်မှာ ခေါင်းက ပုတ်လောက်၊ မျက်လုံး ကြီး နှစ်လုံးက လင်းကွင်းလောက် တစ်ကိုယ်လုံးတွင် အမွေးစုတ်ဖွား အရှည်ကြီးနှင့် စသည်ဖြင့် သူတို့ မြင်ရာကို သူတို့ ပြောကြသည်။ သူတို့မြင်သလိုပင် ထိုထိုသို့သော ရုပ်ဆင်းသဏ္ဌာန်ရှိကြသည့် ပေတများကား အများအပြားပင်။
အမှန်က လူတို့ တွေ့မြင်ရသော ထိုအတ္တဘော ကိုယ်ခန္ဓာသည် သူတို့၏ အကုသိုလ်ကံကြောင့် အမှန်တကယ်ဖြစ်နေ၊ ခံစားနေရသော ကိုယ်ခန္ဓာပင် ဖြစ်သည်။ လူတို့ကြောက်အောင် တမင်လုပ်ကြံ၍ ပြခြင်း မဟုတ်ပေ။ ပြိတ္တာတို့မှာ အမှန်တကယ် အလွန်သနားစရာကောင်းသော သတ္တဝါများ ဖြစ်ကြပေသည်။
ဗုဒ္ဓရှင်တော်မြတ်ဘုရား ဟောကြားတော်မူအပ်သော ပေတဝတ္ထုကား များစွာ ရှိပေသည်။ ဗုဒ္ဓဘုရားရှင် လက်ထက်တော်အခါက ရဟန်းတော်များသည်လည်း ပေတများစွာကို ကိုယ်တိုင်မြင်တွေ့ကြရကြောင်း ပေတ ဝတ္ထုတော်မျာ၌ုပါရှိလေသည်။
ဥပမာအားဖြင့် ဂဏပေတ ဝတ္ထု၌ ဘုရားရှင် ဇေတဝန်ကျောင်းတော်၌ သီတင်း သုံးနေတော်မူစဉ် အရှင်မောဂ္ဂလာန် မထေရ်မြတ်သည် သာဝတ္ထိပြည်သို့ ဆွမ်းခံကြွ တော်မူလေရာ အဝတ်မပါ ဗလာကိုယ်ချည်းနှင့် ရုပ်ရည်မလှ ပိန်ချုံးကျကာ အကြော ပြိုင်းပြိုင်းထနေသော ပြိတ္တာများကို တွေ့၍ သူတို့၏ အကုသိုလ်ကံများကို မေးမြန်ကာ ဘုရားရှင်အား လျှောက်ထားသဖြင့် ဘုရားရှင်က တရားနာ ပရိသတ်တို့အား ဟောကြား တော်မူလေ သည်။
တစ်ခါကလည်း ကာလကဉ္စိက ပြိတ္တာကြီးသည် ရေငတ်လွန်း၍ အနက် တစ်ယူဇနာရှိသော မဟာဂင်္ဂါ မြစ်ကြီးထဲသို့ ရေသောက်ဆင်းသွားသည်။ ပြိတ္တာကြီး ရောက်သော် ဂင်္ဂါမြစ်ရေသည် ခန်းခြောက်ကုန်၏။ အခိုးအလျှံတွေထွက်ပြီး မြစ်ကြီး၏ အောက် ကျောက်ပြားကြီးသာ တွေ့ရသည်။ ပြိတ္တာကြီးကား ရေစီးသံကို ကြားနေရ၏။ သို့အတွက် ရေကို ဆက်လက်ရှာဖွေသည်။
ဤသို့နှင့် နံနက်အရုဏ်ကျင်းလာသည်။ ရေကိုကား ရှာမတွေ့သေး။ ထိုအချိန် မှာပင် နံနက်၌ သံဃာ အပါးသုံးဆယ်တို့သည် အရုဏ်ဆွမ်းအလို့ငှာ ထွက်ကြွလာသည်။ ထိုအခါ ရေလိုက်ရှာနေသော ပြိတ္တာကြီးနှင့် ဆုံမိကြ၏။
ရဟန်းများက ပြိတ္တာကြီးကို မေး၏။
“ပြိတ္တာကြီး၊ မဟာဂင်္ဂါမြစ်ကြီးထဲမှာ ဘယ်အရာကို လိုက်ရှာနေသနည်း”
“အရှင်ဘုရားတို့၊ တပည့်တော် ရေငတ်လွန်း၍ ရေလိုက်ရှာနေပါသည်ဘုရား။”
ထိုအခါ ရဟန်းတို့က -
“ပြိတ္တာကြီး၊ သင့်ရှေ့မှာ မဟာဂင်္ဂါမြစ်ကြီးပဲ၊ ရေတွေ တသွင်သွင် စီးနေသည် မဟုတ်လော။”
“တပည့်တော် နားထဲမှာ ရေစီးသံကိုမူ ကြားနေရပါသည်ဘုရား။ သို့သော် ရေကို ကား မမြင် မတွေ့ရပါလားဘုရား။”
ထိုအခါ ရဟန်းတော်များသည် ပြိတ္တာကြီး၏ အကုသိုလ်ကံကို သဘော ပေါက် သွားကြ၏။ ပြိတ္တာကြီးကိုလည်း အလွန်သနားသွားကြသည်။ ထို့ကြောင့် ရဟန်းတို့က-
“ပြိတ္တာကြီး၊ ဒီလောက်တောင် သင် ရေသောက်ချင်နေရင် မဟာဂင်္ဂါမြစ်ပြင်မှာ လှဲအိပ်လိုက်ပါ။ ငါတို့ သင့်အား ရေတိုက်ပေးကြပါမည်။”
ပြိတ္တာကြီးသည် ရဟန်းများ မိန့်ကြားသည့်အတိုင်း လှဲအိပ်လိုက်သည်။
ရဟန်းအပါး သုံးဆယ်တို့သည် သပိတ်အလုံးသုံးဆယ်တို့နှင့် ဂင်္ဂါမြစ်ထဲက ရေကို ခပ်ပြီး ပြိတ္တာကြီး၏ ပါးစပ်ထဲသို့ လောင်းထည့်ကြသည်။
တစ်မနက်လုံး သပိတ်အလုံးသုံးဆယ်နှင့် ရဟန်းအပါး သုံးဆယ်တို့ လောင်း ထည့်ကြသော ရေသည် ပြိတ္တာကြီး၏ ပါးစပ်ထဲသို့ တစ်လက်ဆွန်းမျှသာ ဝင်သည်။ ပြိတ္တာ ကြီးကား ရေငတ်နေသော အာသာ မပြေချေ။
ဤကဲ့သို့ ရေငတ်နေသော ပြိတ္တာ၊ အစာငတ်နေသော ပြိတ္တာတို့သည် ဒုနှင့်ဒေး ရှိကြပေသည်။ ဤသို့သော ပြိတ္တာမျိုးတို့ကို ပေတဥဒ္ဒိဿဒါန ပြုရခြင်းသည် ပြိတ္တာ တို့အတွက် အလွန်အကျိုးများပေသည်။
ထို့ကြောင့်လည်း တိပိဋက မင်းကွန်းဆရာတော်ကြီးနှင့်တကွ ဆရာတော်ကြီးများ၊ ပုဂ္ဂိုလ်များသည်လည်း ပေတဥဒ္ဒိဿဒါန (အကျွတ်အလွတ်ပွဲ)လုပ်ကြသည်မှာ သနားစရာ ကောင်းသော ပြိတ္တာများအတွက် အကျိုးတရား ကြီးမားလှပေသည်။
ထို့ကြောင့်လည်း စာရေးသူသည် တစ်ကြိမ်တစ်ခါမျှ မတွေ့ဖူး မကြုံဖူးဘူးသေး သော ဦးသောင်းလွင်၏ ဉာတိပေတ ဥဒ္ဒိဿဒါနအလှူပွဲသို့ ရောက်ဖြစ်အောင် အရောက် သွားခဲ့ခြင်း ဖြစ်၏။
ဦးသောင်းလွင်၏ ဆွေမျိုးပြိတ္တာများအား ဖိတ်ကြားသော ဖိတ်စာ နမူနာ တစ်ရွက် ကိုလည်းတောင်း ယူခဲ့သည်။ ထိုဖိတ်စာမှာ အောက်ပါအတိုင်း ဖြစ်ပါသည်။

ဉာတိပေတ ဥဒ္ဒိဿဒါန
ဆွေမျိုးပြိတ္တာများအတွက် ရည်စူးအလှူမင်္ဂလာပွဲသို့ ဆွေမျိုးပြိတ္တာများအား
ဖိတ်ကြားလွှာ
ရန်ကုန်မြို့ တာမွေမြို့နယ် ကျားကွက်သစ်ရပ်ကွက် (…)လမ်း၊ အမှတ် (…)နေ့ ဦး/ဒေါ် (…)က ယခုဘဝ/ရှေးအတိတ်သံသရာ တစ်ခုသော ဘဝ/ဘဝအဆက်ဆက်တို့က ဆွေမျိုးတော်စပ်ခဲ့ကြဖူးပြီး ယနေ့ တိုင် ပေတဘဝ၌ မကျွတ်မလွတ် ရှိနေကြသည့် မိဘ ဘိုးဘွား ညီအစ်ကို မောင်နှမ စသော ဆွေမျိုးပြိတ္တာတို့အား ရည်စူး၍ ၂၀၀၂ ခုနှစ် အောက်တိုဘာလ(၁၃)ရက်၊ ၁၃၆၄ ခု၊ သီတင်းကျွတ် လဆန်း (၇)ရက်၊ တနင်္ဂနွေနေ့ (ယနေ့မှနောက် (၇)ရက်မြောက်သောနေ့ နံနက်(၁၀)နာရီတွင် ရန်ကုန်မြို့ တာမွေမြို့နယ် ကျားကွက်သစ် ရပ်ကွက်၊ ကျိုက္ကဆံလမ်း၊ အမှတ် (၂၂၈)နေအိမ်တွင် ဘုရား အမှူးရှိသော သံဃာတော် (၆)ပါးတို့အား နေ့လယ် ဆွမ်း ဆက်ကပ်၍ သင်္ကန်း(၆)စုံ၊ ထီး(၆)လက်၊ ဖိနပ်(၆)ရံနှင့် အခြားလှူဒါန်းဖွယ်တို့ကို စေတနာသုံးတန် ထက်သန်စွာဖြင့် လှူဒါန်းကြပါ မည်။ ထိုဉာတိပေတ ဥဒ္ဒိဿဒါန ဆွေမျိုးပြိတ္တာ ရည်စူးအလှူမင်္ဂလာပွဲသို့ သင်ဆွေမျိုး ပြိတ္တာ လူကြီးမင်း ကိုယ်တိုင် ကြွရောက်ပြီး သာဓုအနုမောဒနာ ခေါ်ဆို၍ သင်တို့အတွက် ရည်စူး၍ပြုသော ကုသိုလ်ဝေစု ကို ရယူပါရန် လေးမြတ်စွာ ဖိတ်ကြားအပ်ပါသည်။
မေတ္တာရပ်ခံချက်
ကျွန်ုပ်တို့၏ မိဘ ဘိုးဘွား ညီအစ်ကို မောင်နှမ စသော ဆွေမျိုးပြိတ္တာတို့သည် တစ်စုံတစ်ခု သော အကြောင်းကြောင့် ကျွန်ုပ်တို့၏ ဖိတ်ကြားခြင်းကို မသိရှိနိုင်ခဲ့ပါလျှင် ကမ္မဇိဒ္ဓိ တန်ခိုးရှိကြသည့် ရွာစောင့်နတ်၊ မြို့စောင့်နတ်၊ နယ်စောင့်နတ်၊ ကွင်းပိုင် နယ်ပိုင် ဘိုးဘိုးကြီး စသော သာသနာစောင့်နတ် သူတော်ကောင်းတို့က မိမိတို့ ပိုင်နက် နယ်ပယ် အတွင်းရှိ ကျွန်ုပ်တို့၏ ဆွေမျိုး ပြိတ္တာများအား တစ်ဆင့် ဖိတ်ကြားပေးပါရန် လေးစားစွာ မေတ္တာရပ်ခံ ပန်ကြားအပ်ပါသည်။
အထက်ပါ စာသားအတိုင်း ခုနှစ် ရက်ကပင် ဆွေမျိုး ပြိတ္တာများအား ကြိုတင် ဖိတ်ကြားထားပါကြောင်း သိရပေသည်။
                                                               ကိုကြီးကောင်း
မှတ်ချက်။            ။သူရဇ္ဇမဂ္ဂဇင်း (အတွဲ(ဂ) အမှတ်(၁)၊ ၂၀၀ဂ ခုနှစ်၊ ဇန်နဝါရီလ၊ စာမျက်နှာ ၁၂၈ မှ ၁၃၁ ထိ)မှ ကူးယူ ဖော်ပြပါသည်။
(အက်ဒမင် - ရွာတော်ရှင်)

သရဲအကြောင်းပြောကြမယ် (ပေတလောကကိုစိတ်ဝင်စားသူများ)