●မြန်မာ့နွေဦး ဖြစ်နိုင်ချေ(၄)ခုနှင့် ၂၀၁၅ မျက်မှောက်ပြု● (မှူးဇော်)

● မြန်မာ့နွေဦးနှင့် ဧကန်မဲ့မှုများ ●
တပ်မတော်အစိုးရက လမ်းပြမြေပုံ(၇)ရပ်ဖြင့် အာဏာလွှဲပြောင်းရေးကို ဆောင်ရွက်သွားရန် ကမ္ဘာသိထုတ်ပြန်ကြေညာခဲ့စဉ်က နိုင်ငံတကာအသိုင်းအ၀ိုင်းအနေဖြင့် မြင့်မြင့်မားမား မျှော်လင့်ထားခဲ့ ခြင်း မရှိခဲ့သည်မှာ အမှန်ပင်။ ကမ္ဘာကြီးတစ်ခုလုံးကို အငိုက်မိသွားစေသည့် မည်သူကမှ မျှော်လင့်မထား ခဲ့သော နိုင်ငံရေးအသွင်ကူးပြောင်းမှုကို မြန်မာနိုင်ငံက ရဲရဲရင့်ရင့် လျှောက်လှမ်းခဲ့သည် ဟု National Endowment for Democracy မှ ဝါရင့် ဒါရိုက်တာတဦး ဖြစ်သူ ဘရိုင်ယန်ဂျိုးဆက်က ဆိုသည်။ မြန်မာ နိုင်ငံတွင် လူထုအုံကြွမှုတစ်ရပ် ဖြစ်ပေါ်ခြင်း သို့မဟုတ် စစ်တပ်ကပင်ဆက်လက်အုပ်စိုးခြင်း စသည်တို့ ဖြစ်လာနိုင်သည် ဟု အမျိုးမျိုး တင်ကြိုခန့်မှန်းခဲ့ကြသော်လည်း အဆိုပါ နိုင်ငံရေးဖြစ်စဉ်များ ပေါ်ပေါက် လာခဲ့ခြင်း မရှိခဲ့ပေ။
ဒီမိုကရေစီအသွင်ကူးပြောင်းမှုနှင့် နိုင်ငံရေးဖြစ်စဉ်များတွင် အနာဂတ်၌ မည်သို့ ဖြစ်လာနိုင်သည် ဟု ဧကန်မုချ တွက်ချက်၍ မရနိုင်၊ အထူးသဖြင့် မြန်မာနိုင်ငံကဲ့သို့ ရှုပ်ထွေးနက်နဲ ကျယ်ပြန့်လှသည့် အသွင်ကူးပြောင်းမှုတွင် မည်သည်ကိုမျှြ့ကိုတင်ခန့်မှန်း တွက်ဆ၍ မရနိုင်ဟု ၄င်းက ဆိုသည်။ မြန်မာ့နွေ ဦး ဟု နိုင်ငံတကာပညာရှင်များက ကင်ပွန်းတပ်ခေါ်တွင်ခဲ့ကြသော မြန်မာနိုင်ငံ၏ အသွင်ကူးပြောင်းမှု သည် အုပ်ချုပ်သူဘက်မှ စတင်ဖော်ဆောင်ပေးသည့် အထက်မှလာသည့်အပြောင်းအလဲ ဟု ဆိုသော် လည်း ချောမွေ့ညင်သာသည် ဟု ဆိုသည်။ အသွင်ကူးပြောင်းမှုတွင် “ဖြစ်လာနိုင်ခြေ” များကို ဘရိုင်ယန် ဂျိုးဇက်က ခန့်မှန်းရာတွင် မီဒီယာလမ်းပွင့်မှု၊ ပြုပြင်ပြောင်းလဲမှုနှင့်အတူ အတွေးအခေါ်သစ်၊ အယူအဆ အသစ်များ ပိုမိုရရှိလာခဲ့ပြီး နိုင်ငံရေးဗဟိုချက်အသစ် တစ်ခု ထွက်ပေါ်လာနိုင်သည် ဟု ဆိုသည်။ စီးပွား ရေး၊ လူမှုရေး၊ နိုင်ငံရေး စသည့် ကဏ္ဍစုံ နယ်ပယ်စုံတွင် ပြုပြင်ပြောင်းလဲမှုများ တစ်ချိန်တည်းတစ်ပြိုင် တည်း ဖြစ်ပေါ်လာခြင်းအားဖြင့် ရှင်းလင်းလွယ်ကူသည့် ပန်းတိုင်ဟူ၍ တိတိကျကျ မဖော်နိုင်တော့သည့် အပြင် ယင်းပြုပြင်ပြောင်းလဲမှုတစ်ခုနှင့်တစ်ခုအကြား အပြန်အလှန် ထိန်းကျောင်းမှု၊ အပြန်အလှန်ဖိအား ပေးမှုများ ဖြစ်ပေါ်လာစေပြီး ခန့်မှန်းတွက်ဆရန် ခက်ခဲသော အနာဂတ်ကို ဖြစ်ပေါ်စေသည် ဟု ၄င်းက ဆိုသည်။

ဤနေရာတွင် အဓိကကျသည်မှာ မူဝါဒချမှတ်သူ နိုင်ငံရေးခေါင်းဆောင်များ၏ ဆုံးဖြတ်ချက် ချမှတ်မှု၊ တစ်နည်းအားဖြင့် လက်တွေ့ကျ၍ အလုပ်ဖြစ်သော မဟာဗျူဟာအမြင် ပြည့်ဝမှုပင် ဖြစ်သည်။ “ဖြစ်နိုင်ခြေ” အများအပြား ရှိနေသည့် ပြဿနာများ၊ စိန်ခေါ်မှုများကို ကိုင်တွယ်ဖြေရှင်း ဆုံးဖြတ်၍ မူဝါဒ ချမှတ်ရာတွင် အားလုံးနှင့် အဆင်ပြေချောမွေ့စေနိုင်မည့် မူဝါဒကို ရွေးချယ်ချမှတ်နိုင်ရန်နှင့် ကြိုတင် မျှော် လင့်မထားခဲ့သည့် အခြေအနေများ တွေ့ကြုံလာလျှင် ယင်းအခြေအနေနှင့်အညီ အဆင်ပြေပြေ ဖြေရှင်း နိုင်ရန် ဖြစ်ကြောင်း ၄င်းက ဆိုသည်။ ဖြစ်နိုင်ခြေ အများဆုံး ဟု ကြိုတင်တွက်ချက်ထားသော အခြေ အနေကို မျှော်မှန်းသည့် မုဝါဒဆုံးဖြတ်ချက်များကို ပြင်ဆင်ထားလျှင် ဆုံးရှုံးလွဲချော်မှုများနှင့် ကြုံတွေ့ရ နိုင်ကြောင်းလည်း သတိပေးထားသည်။

မြန်မာ့နွေဦးသည် အသွင်ကူးပြောင်းရေး၏ အစောပိုင်းကာလတွင်သာ ရောက်ရှိနေသေးသော် လည်း ရင်ဆိုင်ကျော်လွှားရမည့် ပြဿနာများ၊ စိန်ခေါ်မှုများမှာ ကြီးမားလှသည်။ ထိုသို့ ဧကန်မဲ့မှုများနှင့် ပြည့်လွှမ်းနေသော မြန်မာ့နွေဦးကို ကြိုတင်ခန့်မှန်းချက်များနှင့် လျှောက်လှမ်းခဲ့ပါက မဖြစ်နိုင်သော လမ်း ကို လျှောက်လှမ်းခြင်းသာ ဖြစ်မည် ဟု ဘရိုင်ယန်ဂျိုးဇက်က ကောက်ချက်ချသည်။

● ၂၀၁၅ မတိုင်မီ ဖြစ်နိုင်ခြေ(၄)ခု ●
မြန်မာ့နွေဦးသည် ကြီးကျယ်ပြီး ကျယ်ပြန့်သည့် အသွင်ကူးပြောင်းရေးရေပြင်တွင် ရောက်ရှိနေပြီး မည်သည့်သောင်ကမ်း၊ မည်သည့်ဘက်သို့ ဦးတည်မည် ဆိုသည်ကိုလည်း တိတိကျကျ မသိနိုင်သေး သည့် အနေအထားမျိုး ဖြစ်နေသည် ဟု ၄င်းက ဆိုသည်။ “ဒိုင်ယာလော့ ဗဟိုပြု အသွင်ကူးပြောင်းမှု” ကို ဦးတည်ထားခဲ့ကြသော်လည်း သေချာရေရာသည့် သဘောတူညီချက် မတွေ့ရသေး ဟုလည်း ဆို သည်။ တစ်ဖန် ဒီမိုကရေစီ အသွင်းကူးပြောင်းရေးမှာ “ဧကန်မုချ အောင်ရမည်” ဟု စိတ်နှလုံး ဒုံးဒုံးချနိုင်သော လုပ်ငန်းစဉ်လည်း မဟုတ်ပေ။ မြန်မာ့နွေဦး၏ ရှေ့ခရီးမှာ ရှည်လျားပြီး ခက်ခဲကြမ်းတမ်းမည် ဟူသည့် အချက်ကတော့ သေချာနေပေသည်။ သို့သော်လည်း အခင်းအကျင်းများနှင့် စကားသံများအရ ဒိုင်ယာလော့ဖြင့် စေ့စပ်ညှိနှိုင်းကာ အသွင်ကူးပြောင်းရေးကို ပုံဖော်လိုသော အခြေအနေတစ်ရပ် အားလုံး တွင် ရှိနေပြီး အောင်မြင်နိုင်ရန်လည်း နီးစပ်နေသည်ကို ၄င်းက ထောက်ပြသည်။ အကယ်၍သာ မြန်မာ့ နွေဦးအနေဖြင့် အားလုံး လိုလားကြောင်း ပြသနေသော ဒိုင်ယာလော့ဗဟိုပြု အသွင်ကူးပြောင်းမှုကို လျှောက်လှမ်းနိုင်ခဲ့ပါလျှင် တောင်အာရှနှင့် အရှေ့တောင်အာရှဒေသတွင် အာဏာရနှင့် အတိုက်အခံ နှစ်ဖက် ညှိနှိုင်းမှုဖြင့် ပထမဦးဆုံးသော အသွင်ကူးပြောင်းမှု ဖြစ်လာမည် ဟု ဆိုသည်။
သို့သော်လည်း မြန်မာ့နွေဦးသည် လှိုင်းကြီးလေထန် မုန်တိုင်းဒဏ်ကိုလည်း ခံရနိုင်ချေ ရှိနေသလို လှိုင်းလေကင်းဝေး လေပြည်အေးနှင့်လည်း ပွေ့ဖက်ရနိုင်သည်။ ကမ္ဘာတစ်ဝှမ်း ဒီမိုကရေစီအသွင်ကူး ပြောင်းမှု ဖြစ်စဉ်များနှင့် နှိုင်းယှဉ်၍ ၂၀၁၅ မတိုင်မီ မြန်မာ့နွေဦး၏ဖြစ်နိုင်ခြေ(၄)ခုကို ဘရိုင်ယန်ဂျိုးဆက် က ဖော်ထုတ်ထားသည်။

●ဖြစ်နိုင်ခြေ(၁)၊ ဒိုင်ယာလော့အခြေပြု အသွင်ကူးပြောင်းမှု ●
အင်ဒိုနီးရှားနိုင်ငံတွင် ဆူဟာတိုအလွန် နိုင်ငံရေးအစီအစဉ်အသစ် ဖော်ဆောင်မှုမျိုး ဖြစ်သည်။ “တပ်မတော်က နောက်ပိုင်းတွင် နိုင်ငံရေးမှ အပြီးအပိုင် ထွက်ခွါပေးမည် ဟု သဘောတူညီပြီး အတိုက် အခံများက အပြန်အလှန် လိုက်လျောသည့်အနေဖြင့် နိုင်ငံရေးတွင် အတိုင်းအတာတစ်ခုအထိ စစ်တပ် ပါဝင်မှုကို သဘောတူ လက်ခံခြင်း ဖြစ်သည်။” ဤဖြစ်စဉ်တွင် ၂၀၁၅ ရွေးကောက်ပွဲသည် ဒိုင်ယာလော့ အခြေပြုအသွင်ကူးပြောင်းမှု၏ အရေးကြီးသည့် အဆင့်တစ်ဆင့် ဖြစ်ပြီး ၂၀၁၅ အလွန်ကာလတွင် ပိုမို ကျယ်ပြန့်သော ပြုပြင်ပြောင်းလဲမှုများကို နှစ်ဖက်သဘောညီ ဆက်လက် ဖော်ဆောင်သွားရန် ဖြစ်သည်။ ကျယ်ပြန့်သော ပြုပြင်ပြောင်းလဲမှုများ ဆိုသည်မှာ အသွင်ကူးပြောင်းရေးကာလ တရားစီရင်မှု၊ စစ်တပ်ပိုင် စီးပွားရေးလုပ်ငန်းများ၏ ရပ်တည်ခွင့်အာမခံချက်၊ အမျိုးသားလုံခြုံရေးတွင် စစ်တပ်၏အခန်းကဏ္ဍ စသည်တို့ ပါဝင်မည် ဖြစ်သည်။ တပ်မတော်၏ စိုးရိမ်ပူပန်မှုများကို အာမခံချက်နှင့် ဒီမိုကရေစီအသွင်ကူး ပြောင်းရေးကို အချိန်ဇယားဖြင့် ဖြည်းဖြည်းချင်းတည်ဆောက်ယူရေးကို တပ်မတော်နှင့် အတိုက်အခံများ ညှိနှိုင်းအဖြေရှာနိုင်လျှင် ဖြစ်နိုင်ခြေ ရှိသည်။ အဓိကအချက်မှာ ရှော့ခ်ရိုက်ကူးပြောင်းရေးမဟုတ်ဘဲ ဖြည်း ဖြည်းချင်းပြောင်းလဲရေးဖြင့်သာ စေ့စပ်ညှိနှိုင်းမှု အောင်မြင်နိုင်ခြင်း ဖြစ်သည်။

●ဖြစ်နိုင်ခြေ(၂)၊ နောက်ကြောင်းပြန်လှည့်ခြင်း●
လက်ရှိ နိုင်ငံရေးပြုပြင်ပြောင်းလဲမှုများသည် တပ်မတော်၏အစိုးရိမ်ရဆုံး အခြေအနေများသို့ ဦးတည်လာသည့် အချိန်အခါတွင် ဒီမိုကရေစီနောက်ပြန်လှိုင်းအရိုက်ခံရမည် ဖြစ်သည်။ နိုင်ငံတော်နှင့် ပြည်သူလူထုကို ကာကွယ်စောင့်ရှောက်ရသူ ဟု အစဉ်အဆက် ခံယူကျင့်သုံးခဲ့သော တပ်မတော်အနေ ဖြင့် “နိုင်ငံအတွက် အန္တရာယ်ကျရောက်လာချိန်၊ အန္တရာယ်ကျရောက်တော့မည် ဟု ယူဆလာချိန်တို့တွင် အဆိုပါ ဖြစ်နိုင်ခြေ လက်တွေ့ဖြစ်ပေါ်လာမည်” ဖြစ်သည်။ ဥပမာအားဖြင့် နိုင်ငံရေးခေါင်းဆောင်များ၏ ကျန်းမာရေး၊ အစိုးရနှင့် လွှတ်တော်အကြား ထိန်းမရနိုင်အောင် ဆက်ဆံရေးပြိုလဲခြင်း၊ ရခိုင်ပြည်နယ် ကဲ့သို့ ပြည်သူများအကြား ပဋိပက္ခများ မြင့်မားပြင်းထန်လာခြင်း၊ ပြည်သူလူထု လမ်းပေါ်ထွက်လာကာ ဆူပူအုံကြွမှုများ ဖြစ်ပေါ်လာခြင်း စသည့်အခြေအနေမျိုးတွင် တပ်မတော်၏ အခန်းကဏ္ဍ ပြန်လည် ပေါ် ပေါက်လာနိုင်သည်။
[ယနေ့ ထိုင်းနိုင်ငံတွင် ကြုံတွေ့ရသော ထွက်ပေါက်ပိတ်သည့် နိုင်ငံရေးအကျပ် အတည်းမျိုး ပေါ်ပေါက်လာလျှင်လည်း စစ်တပ်၏ ထိန်းကျောင်းမှုကို ခံရနိုင်ပေမည်။]

●ဖြစ်နိုင်ခြေ(၃)၊ စီးပွားရေးဖွံ့ဖြိုးရေး ဦးစားပေးလမ်းကြောင်း ●
မြန်မာ့အရေးလေ့လာသူများ၊ ကျွမ်းကျင်သူများနှင့် မြန်မာပြည်သူများ ကြိုက်နှစ်သက်သော ပုံစံ မှာ စီးပွားရေးပြုပြင်ပြောင်းလဲမှုများကို ခိုင်ခိုင်မာမာ ဖော်ဆောင်နိုင်သော အရှေ့တောင်အာရှဒေသတွင်းမှ စင်္ကာပူ၊ တောင်ကိုရီးယား၊ မလေးရှား၊ အင်ဒိုနီးရှား စသည့် လမ်းကြောင်းမျိုး ဖြစ်သည်။ စီးပွားရေးတိုး တက်မှုကို အလေးပေးပြီး နိုင်ငံရေးပြုပြင်ပြောင်းလဲမှုများကို အကန့်အသတ်ဖြင့် ဖြေလျှော့ပေးခြင်းမျိုး ဖြစ် သည်။ ပြည်သူလူထုအနေဖြင့် စီးပွားရေးတိုးတက်မှု၊ ကြွယ်ဝချမ်းသာမှုတို့ကိုသာ အလေးထားဆောင် ရွက်ပြီး ဒီမိုကရေစီနှင့် လူ့အခွင့်အရေးစံနှုန်းများကို အကန့်အသတ်ဖြင့် လမ်းဖွင့်ပေးခြင်းကို နှစ်သက်ဟန် ရှိသော်လည်း အတိုက်အခံများ၏ ခံယူချက်များနှင့် တိုင်းရင်းသားဒေသများတွင် တိုင်းရင်းသားအခွင့် အရေးများ ရရှိရေးတို့က အဓိကကျနေသည်။ ဒီမိုကရေစီနှင့် လူ့အခွင့်အရေးစံနှုန်းများကို အတိုက်အခံ များက ဆုပ်ကိုင်ဆန့်ကျင်နေမည်ဆိုလျှင်လည်းကောင်း၊ အင်စတီကျူးရှင်းအသစ်အဖြစ် ပေါ်ပေါက်လာ သော ဥပဒေပြုရေးမဏ္ဍိုင်မှ စံပြုစံနှုန်းများကို ဆုပ်ကိုင်ထားလျှင်လည်းကောင်း စီးပွားရေးဖွံ့ဖြိုးမှု ဦးစား ပေး ဖြစ်နိုင်ခြေမှာ ဖြစ်ပေါ်လာရန် ခက်ခဲနေမည် ဖြစ်သည်။
ဤဖြစ်နိုင်ခြေ၌ “အတိုက်အခံနှင့် အင်စတီ ကျူးရှင်းအသစ်များက ပြည်သူများစီးပွားရေးအမြန်ဆုံးတိုးတက်ရေး တစ်ခုတည်းကို ဦးတည်ချက်ထားရှိ မှသာ ဖြစ်ပေါ်လာနိုင်”သည်။

●ဖြစ်နိုင်ခြေ(၄)၊ နိုင်ငံရေး စည်းလုံးညီညွတ်မှု ပြိုကွဲခြင်း ●
မြန်မာနိုင်ငံတွင် အင်အားအကောင်းဆုံးဖြစ်သော စစ်တပ် ပြိုကွဲသွားလျှင်သော်လည်းကောင်း၊ အတိုက်အခံတို့၏ စုစည်းမှုပြိုကွဲသွားလျှင်သော်လည်းကောင်း အသွင်ကူးပြောင်းရေးအပေါ် သက်ရောက် နိုင်သည့်အလားအလာများကို ထည့်သွင်းတွက်ချက်ရန် လိုအပ်မည် ဖြစ်သည်။ “ပြုပြင်ပြောင်းလဲမှုများ အရှိန်အဟုန် ပိုမိုကောင်းမွန်လာချိန်တွင် အတိုက်အခံအင်အားစုများအနေဖြင့် လိုက်လျောအလျှော့ပေး ရသည်များ မဖြစ်မနေ လုပ်ဆောင်ရတော့မည်” ဖြစ်ပြီး တိုင်းရင်းသားအင်အားစုတို့နှင့် ဝေးကွာသွားနိုင် သည့် အခြေအနေများလည်း ရှိနေသည်။ ဤကာလတွင် တိုင်းရင်းသားပြဿနာများအတွက် ဖြေရှင်း ချက် မရရှိနိုင်သေးလျှင် မတည်ငြိမ်သည့် အချိန်ကာလတစ်ခုကို ဖြတ်သန်းရဦးမည့် အနေအထား ဖြစ်နေ သည်။ “အခြေခံဥပဒေပြင်ဆင်ရေးကိစ္စရပ်များကို အတိုက်အခံများက ဖိအားပေးဆောင်ရွက်လာလျှင် တပ်မတော်နှင့် ထိပ်တိုက်တွေ့ဆုံသည့် အနေအထားအထိ ရောက်ရှိလာနိုင်သည်။” ဖြစ်ပေါ်လာမည့် ဆိုးကျိုးများမှာ အပြင်းထန်ဆုံးအနေအထားအထိ ရောက်ရှိနိုင်ပြီး ကြေကွဲဝမ်းနည်းဖွယ်ရာ ရလဒ်များ ထွက်ပေါ်လာနိုင်သည်။

● ၂၀၁၅ ကို မျက်မှောက်ပြုရေး ●
ဤသည်မှာ ဘရိုင်ယန်ဂျိုးဇက်က ၂၀၁၅ မတိုင်မီ ဖြစ်နိုင်ခြေ(၄)ခုကို လွန်ခဲ့သော ၂၀၁၃ခုနှစ် အတွင်းကပင် လေ့လာသုံးသပ်၍ တင်ကြိုခန့်မှန်းခဲ့ခြင်း ဖြစ်သည်။ မြန်မာ့နွေဦးသည် ဘရိုင်ယန်ဂျိုးဇက် မျှော်မှန်းထားသည့် ဖြစ်နိုင်ခြေ(၄)ရပ်အနက်မှ မည်သည့်ဖြစ်နိုင်ခြေနှင့် နီးစပ်လာနေသည်ကိုလည်း မျက်မြင် တွေ့မြင်နိုင်ပါလိမ့်မည်။ ဒီမိုကရေစီကူးပြောင်းမှုတွင် ပညာရှင်တို့ သုံးသပ်သည့်အတိုင်းလည်း ဖြစ်ချင်မှ ဖြစ်မည်၊ ထို့အတူ ဖြစ်ချင်လည်း ဖြစ်လာနိုင်သည်။ ဧကန်မဲ့မှုတို့ ပြည့်နှက်နေသော “အနေကန် ခရီး” ကို လျှောက်လှမ်းခဲ့ပြီး ဖြစ်သော မြန်မာ့နွေဦး၏ ကံကြမ္မာသည်ပင် တိုင်းပြည်ကံကြမ္မာ၊ ပြည်သူ တို့၏ ကံကြမ္မာ ဖြစ်နေလေရာ ဧကန်မုချ လှပနေသည့် မြန်မာ့နွေဦးကို စိမ်းလန်းစွာ တွေ့မြင်နိုင်ရေး အတွက် ၂၀၁၅ ကို မျက်မှောက်ပြုကြရန် ရှိတော့ကြောင်း မီးမောင်းထိုး တင်ပြလိုက်ရပေသည်။

[Ref: Political Transition in Burma: Four Scenarios in the Run-Up to the 2015 Elections by Brian Joseph]
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
[Democracy Today Newspaper, Vol.1, No.81, Thursday, May 29, 2014]

Hmuu Zaw