၂၀၀၈ ဖွဲ့စည်းပုံအခြေခံဥပဒေပြင်ဆင်ရေး ဆန္ဒပြတောင်းဆိုနေချိန် အမျိုးသားဒီမိုကရေစီ အဖွဲ့ချုပ်၊ ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့ ပူးပေါင်းအခြေခံဥပဒေ ပြင်ဆင်ရေး ဟောပြောပွဲများ ပြုလုပ်လာခဲ့သဖြင့် ယင်းဖွဲ့စည်းပုံပြင်ဆင်ရေးနှင့် ပတ်သက်၍ ပြည်ထောင်စုကြံ့ခိုင်ရေးပါတီ ဗဟိုကော်မတီဝင်၊ အမျိုးသားလွှတ်တော် ကိုယ်စားလှယ် ဦးလှဆွေနှင့် မေးမြန်းခဲ့သည်များအနက် အချို့ကို ကော်နုတ်ဖော်ပြပါသည်။
မေး- ဖွဲ့စည်းပုံပြင်ရေးနဲ့ပတ်သက်ပြီး NLD ဦးဆောင်လှုပ်ရှားမှုများလာတယ်။ အဲဒီတော့ NLD ပါတီက ဖွဲ့စည်းပုံပြင်ဆင်ရေးနဲ့ပတ်သက်ပြီး လူထုကိုဆွဲခေါ်လာတဲ့အပေါ်မှာ သဘောထား အမြင်လေး သိချင်ပါတယ်။
ဖြေ- ကျွန်တော်ပြောချင်တာက NLD ကလေ မရောင်ရာဆီလူး၊ သူတို့လုပ်မှ ပြင်ရတဲ့ပုံစံ။ အဲဒီအကွက်ကိုဆင်တာ။ ဒါပေမဲ့ အဲဒီအကွက်က ရိုးနေပြီဗျ။
ဘာဖြစ်လို့လဲဆိုတော့ ၄၃၆ ကို ပြင်ပေးမယ်ဆိုတာ တိုက်ရိုက်ကြီးမပြောပေမယ့်လို့ ကာချုပ်ကရော၊ ဦးသိန်းစိန်ကရော၊ ဦးရွှေမန်းကရော၊ ဖွဲ့စည်းပုံအခြေခံဥပဒေကို ပြင်မယ်လို့ဆိုတာပြောတယ်။ ပြင်မယ်ဆိုတာ ဥပမာဗျာ ကာချုပ်က ဘယ်လို့ပြောလဲဆိုတော့ ဥပဒေဘောင်အတွင်းက ပြင်မယ်။ နောက်ဆုံး စကားလုံးက ပြင်မယ်ပြောတယ်။ ဒါနံပါတ်တစ်။ ဦးသိန်းစိန်ကလည်း ဖွဲ့စည်းပုံကို ပြင်မယ်။ သို့သော်လည်း မလောပါနဲ့ပြောတယ်။ ဦးသိန်းစိန်ကလည်း ပြင်မယ်လို့ပဲ ပြောတာပဲ။ ဦးရွှေမန်း ကလည်း ပြင်မယ်ဆိုလို့ပြောပြီးတော့ ကော်မတီတောင်ဖွဲ့ပြီးတော့မှ လုပ်နေပြီဗျ။ ၄၃၆ နဲ့ ပတ်သက်ပြီးတော့ ပြင်မယ်လို့ပြောတာနဲ့ပဲ ၄၃၆ ဂိတ်ကြီးက ဖွင့်သွားပြီ။ ၄၃၆ ဂိတ်ကြီးက ပွင့်သွားပြီဆိုမှတော့ အထဲမှာရှိတဲ့ ၁၊ ၂၊ ၃၊ ၄၊ ၅၊ ၆ စတဲ့ဟာတွေပြင်ရမှာလေ။ ၄၃၆ ပြင်မယ် လို့ပြောပြီးကတည်းက တပ်မတော်သားတွေကလည်း အကုန်လုံးကာချုပ်ရဲ့ ဆန္ဒ အတိုင်း ပြင်မှာပဲ။ ပြင်ဖို့မဲထည့်မှာပဲ။ အဲဒီတော့ ၄၃၆ ကြီးကနေ ဝင်လာမယ်။ ပုဒ်မ ၁၊ ၂၊ ၃၊ ၄၊ ၅၊ ၆ အဲဒါတွေပြင်ဖို့ကတော့ အသေးစိတ်ပြင်မယ်။ ဒါကတော့ လွယ်မှာမဟုတ်ဘူး။ နည်းနည်း ခက်မယ်။ အဲဒါပဲ အရေးကြီးတယ်။ အဲဒါ ကျွန်တော်ပြောတာက သူတို့ NLD ၄၃၆ ပြင်မယ်လို့ ပြောတာသည် မရောင်ရာဆီလူး ပြောတာလို့ ကျွန်တော်ထင်တယ်။ အဲဒီတော့ အခု NLD က လူထုကိုဆွဲခေါ်တယ်။ ဘာညာဆိုပေမယ့်လို့ သန်း ၆၀ မပါဘူး။ သူတို့ကွက်ကွက်ကလေးပဲ ပါတယ်။ ကျန်တဲ့လူတွေက ကိုယ့်အလုပ်နဲ့ကိုယ် စိတ်မဝင်စားဘူး။
မေး- ဒါတွေကတစ်ခုပေါ့။ ပြီးခဲ့တဲ့ မေ ၁၇၊ ၁၈ ရက်နေ့တွေမှာ ဒေါ်အောင်ဆန်းစုကြည်တို့ လုပ်တဲ့ ဖွဲ့စည်းပုံပြင်ဆင်ရေးဟောပြောပွဲမှာ တပ်မတော်ကို ပြင်းပြင်းထန်ထန် ဝေဖန်ထားတာ ရှိတယ်။ အဲဒီအပေါ်မှာ သုံးသပ်ပေးပါဦး။
ဖြေ- အဲဒါနဲ့ပတ်သက်ပြီးတော့ တပ်မတော်ကို ပြင်းပြင်းထန်ထန် ဝေဖန်ထားတာတွေကို တပ်မတော်က သူ့ (ဒေါ်အောင်ဆန်းစုကြည်) ကို တုံ့ပြန်မှာလည်း မဟုတ်ဘူး။ တပ်မတော် ကလည်း အရေးတယူလုပ်လိမ့်မယ်လို့ ကျွန်တော်မထင်ဘူး။ ဘာဖြစ်လို့တုန်းဆိုတော့ သူပြော တာ ဆင်ပါးစပ်နှမ်းပက်တာဖြစ်လိမ့်မယ်လို့ ကျွန်တော်မြင်တယ်ဗျ။
မေး- ဘယ်လိုကြောင့်ပါလဲ။
ဖြေ- သိပ်ပြီးတော့ အရေးမပါဘူး။ သူတပ်မတော်ကို ပုတ်ခတ်နေတာက ပေါ်ပြူလာဖြစ်အောင် ဟောပြောရတာနဲ့တူတယ်။
မေး- အခု တပ်မတော်အပေါ် ပြင်းပြင်းထန်ထန်ဝေဖန်တာတွေက မတ်လမှာ သမ္မတကြီးနဲ့ ဒေါ်အောင်ဆန်းစုကြည်နဲ့ တွေ့ပြီးတဲ့နောက်ပိုင်းမှာ ဒေါ်အောင်ဆန်းစုကြည်က အစိုးရကိုရော၊ တပ်မတော်ကိုရော ပြင်းပြင်းထန်ထန်ဝေဖန်လာတာတွေ့ရတယ်။ အဲဒီအပေါ်မှာ ဘယ်လိုမြင် ပါသလဲ။
ဖြေ- ဒါဆိုရင် သမ္မတကြီးနဲ့ ညှိမရလို့နေမှာပေါ့။ သမ္မတကြီးကလည်း လူထုအမှန်တကယ် လိုချင်တဲ့ ဆန္ဒအတိုင်းလုပ်မှာဗျ။ သန်း ၆၀ လူအများစုက ဒီမိုကရေစီပုံစံအတိုင်း ဆောင်ရွက် မယ့် ဘက်မှာပါဗျ။ NLD က လိုချင်တာက လူအများစုလိုချင်တာ ဟုတ်ချင်မှ ဟုတ်မယ်။ NLDကို လူအများစု ကြိုက်တယ်လို့ မပြောနိုင်သေးဘူး။
မေး- အခု NLD က ဖွဲ့စည်းပုံနဲ့ပတ်သက်ပြီး လူထုဟောပြောပွဲတွေလုပ်တာရှိတယ်။ ပြည်ခိုင်ဖြိုး ပါတီကရော ဖွဲ့စည်းပုံပြင်ဆင်ရေးနဲ့ ပတ်သက်ပြီး လူထုဟောပြောပွဲတွေလုပ်ဖို့ ရှိသလား။
ဖြေ- ကျွန်တော်တစ်ယောက်တည်း ကျွန်တော်နယ်မြေဆင်းတယ်။ အခြေခံဥပဒေထဲက ဘယ်ဟာ ပြင်သင့်တယ် ဘယ်ဟာ မပြင်သင့်ဘူး။ ကျွန်တော့်မဲဆန္ဒနယ်တွေမှာ ပြောတယ်။ ကျွန်တော့်လိုပဲ လွှတ်တော်ကိုယ်စားလှယ်အများစုက ပြောကြတယ်လို့သိရတယ်။ ဒါပေမယ့် ကျွန်တော်တို့က အုံနဲ့ကျင်းနဲ့ အဲဒီလိုမျိုးတော့ မလုပ်ဘူး။ ကိုယ့်မဲဆန္ဒနယ်အလိုက်လုပ်တာ။
မေး- အဲဒီလိုပြင်ဆင်ရေးပြောကြတယ်ဆိုတော့ ဘယ်အချက်ကို အဓိကထားပြင်ဖို့ ပြောကြလဲ။ ဘယ်အချက်ကိုတော့ ဆက်လက်တည်ရှိစေချင်တယ်လို့ ပြောတာရှိလဲ။
ဖြေ- အဲဒါကတော့ ပြောပြီးသားပဲလေ။ ဗဟိုကော်မတီအစည်းအဝေး ပြီးကတည်းက ပြောရမှာတွေ ပြင်ရမှာတွေ အများကြီးရှိတယ်။ ကျွန်တော်တို့ ပြင်ရမှာတွေက NLD ထက် တောင် များသေးတယ်။
မေး- အရပ်ဘက်အဖွဲ့အစည်းတွေကရော ပြင်ဖို့ပြောနေကြပြီ။ အဲဒီအပေါ်မှာရော ဘယ်လို သဘောထားမှတ်ချက် ပေးချင်သလဲ။
ဖြေ- အရပ်ဘက်အဖွဲ့အစည်းကရော၊ NLD ရောမှာ အရပ်ဘက်တချို့အဖွဲ့အစည်းက NLD ဘက်ကပါတယ်။ တချို့အဖွဲ့အစည်းဟာ ကြံ့ခိုင်ရေးဘက်ကပါတယ်။ တချို့အဖွဲ့အစည်းက ကြားနေ။ ကျွန်တော်မြင်တာက ကြားနေများတယ်။ ပြင်ဖို့၊ မပြင်ဖို့ မသိဘူးဆိုတဲ့ အဖွဲ့က များနေတယ်။
မေး- မပြင်ရေးနဲ့ပတ်သက်ပြီး မေ ၃ ရက်နဲ့ မေ ၁၅ ရက်နေ့မှာ ဧရာဝတီတိုင်းက လေးမျက်နှာနဲ့ ဇလွန်မှာ ပုဒ်မ ၅၉ (စ) ထောက်ခံပွဲတွေတွေ့ရတယ်။ ပြည်ခိုင်ဖြိးပါတီဝင်တွေ ဦးဆောင် လုပ်တာလို့ သတင်း ဖော်ပြတာတွေ တွေ့ရတယ် အဲဒီတော့ ၅၉ (စ) မပြင်ရေးက ပြည်ခိုင်ဖြိုးရဲ့သဘောထားလို့ ပြောနိုင်ပါသလား။
ဖြေ- ၅၉(စ) ကို လိုအပ်ရင်ပြင်မယ်။ အခြေအနေ အချိန်အခါပေါ်မူတည်ပြီးတော့ လူထုဆန္ဒ သဘောထားလိုအပ်ရင် ချက်ချင်းပြင်မယ်ဆိုပြီး ပြည်ခိုင်ဖြိုး ဗဟိုကော်မတီက ဆုံးဖြတ်ချက် ချထားတယ်။ ကျွန်တော်ထင်ပါတယ်။ ၅၉(စ)က ဒီလောက်ဖြစ်နေတယ်လို့ မထင်ပါဘူး။ ဒေါ်အောင်ဆန်းစုကြည် အနေနဲ့က သမ္မတဖြစ်ချင်တဲ့ စိတ်ဆန္ဒရှိတယ်လို့ သူကိုယ်တိုင်လည်း ထုတ်ဖော်ပြောဆိုထားတဲ့အခါကျတော့ ကျွန်တော်ပြောချင်တာက အခုခါမှ သမ္မတဖြစ်ချင် တယ် ဆိုတာခက်ခဲတယ်။ ဘာဖြစ်လုိ့လဲဆိုတော့ လူတစ်ယောက်ဆိုတာ သူ့ဘဝသူလေ။ သမ္မတဖြစ်ဖို့ တစ်ချိန်မှာ နိုင်ငံခြားသားကို မယူတာကောင်းမယ်ဆိုပြီးတော့ ကျန်စစ်သားမင်း လိုပေါ့ဗျာ။ ငါတို့သမိုင်းမရိုင်းရအောင် ပဋိက္ခရားမင်းသားကို သူ့သမီးနဲ့ မပေးစားဘူး။ ဦးသိန်းစိန် သမ္မတဖြစ်တယ်ပေါ့ဗျာ။ သူကတြိဂံတိုင်းမှာ တိုင်းမှူးလုပ်ခဲ့ပေမယ့် လာဘ်မစားဘူး ပေါ့။ တြိဂံတိုင်းမှာ လာဘ်စားပြီး ပြုတ်သွားတဲ့လူနှစ်ယောက်ရှိတယ်။ ဒါမျိုးတွေ မလုပ်ဘူးဗျာ။ သူ့သားသမီးတွေက ဘတ်စ်ကားနဲ့ ကျောင်းတက်တယ်။ ဘတ်စ်ကားနဲ့ ရုံးတက်တယ်။ ကုမ္ပဏီ ထောင်တာတွေမလုပ်ဘူး။ သာမန်လိုနေတယ်။ အဲဒါကြောင့် သမ္မတကြီးဖြစ်လာတာလေ။ သူ့ကိုယ်သူ တည်ဆောက်လာတာပေါ့။ အဲဒါမျိုး ဒေါ်အောင်ဆန်းစုကြည်က တည်ဆောက် ရမယ်။ မိုးသီးဇွန် ပြောသလိုပေါ့။ အရေးအခင်း ကာလက ဒေါ်အောင်ဆန်းစုကြည် သို့မဟုတ် ကြိုးမဲ့လေတံခွန်၊ ကြိုးပြတ်ပြီးရောက်လာတဲ့ အနေအထားမှာ ဒိုင်းဆို သမ္မတ ဖြစ်ချင်တယ် ဆိုရင် သူအစကတည်းက ဗိုင်းကောင်း ကျောက်ဖိ နေခဲ့ဖို့ သင့်တယ်လို့ ကျွန်တော် မြင်တယ်။
မေး။ ဒါဆို လက်ရှိအနေအထားမှာ ဒေါ်အောင်ဆန်းစုကြည် သမ္မတဖြစ်ဖို့ လုံးဝ မရှိနိုင် တော့ဘူးပေါ့။
ဖြေ။ ဒီဘဝမှာတော့ မလွယ်ဘူး။ ဒီဘဝမှာတော့ ဒေါ်အောင်ဆန်းစုကြည် သမ္မတ ဖြစ်ဖို့ ကျွန်တော် မမြင်ဘူး။ သို့သော် ဆိုနီယာ ဂန္ဒီလို သူလုပ်လို့ရတယ်။ Speaker လုပ်လို့ ရတယ်။ ဟီလာရီကလင်တန်ဆို သမ္မတဝင်ပြီး ပြိုင်တာလည်း ရှုံးတဲ့အခါကျတော့ အိုဘားမားက ကမ်းလှမ်းတဲ့အခါမှာ တိုင်းပြည်ကောင်းအောင် ကြိုးစားတဲ့အခါမှာ နိုင်ငံခြားရေးဝန်ကြီး လုပ်တယ်။ သူတို့ NLD ပါတီထဲမှာလည်း သမ္မတလုပ်ဖို့ အရည်အချင်း ပြည့်မီတဲ့သူတွေ အများကြီး ရှိပါတယ်။ အခုကတည်းက ရွေးချယ်သင့်တယ်။ သူက Speaker တို့၊ နိုင်ငံခြားရေး ဝန်ကြီးတို့ စသည်ဖြင့်ပေါ့။ ဟီလာရီကလင်တန်တို့လို ဆိုနီရာဂန္ဒီ တို့လို ဖြစ်ဖို့ မြင်တယ်။ သူက လုပ်ချင်ပါတယ်ဆိုပြီး ဖြစ်တဲ့အခါကျတော့ နည်းနည်းတော့ ခက်တာပေါ့။ ကျွန်တော်က ပြောမယ်လေ။ သူ့သား နှစ်ယောက်ကို နိုင်ငံသား ခံယူလိုက်ပါ။ ဒါဆို အကျုံးဝင် သွားတာ ပဲလေ။ အဲဒါလေးတောင်မှ ကျွန်တော်ပြောတဲ့အခါမှ ဦးဝင်းတင်က အသက် ၁၈ နှစ် ပြည့်ပြီးတဲ့လူကို မြန်မာနိုင်ငံသား ခံယူဖို့ ပြောပိုင်ခွင့် မရှိဘူးလို့ ပြောတယ်။ ဒါဆို သန်း ၆၀ ကို ဘယ်လိုပြောမလဲဆိုတော့ ပြောမရဘူး။
မေး။ အခု မြန်မာနိုင်ငံမှာက ဖွဲ့စည်းပုံ ပြင်ဆင်ရေး လှုပ်ရှားမှုက များလာတယ်။ မေ ၁၅ ရက်နေ့ မန္တလေးမှာ သမ္မတကြီးက ပြင်ဆင်ရေးမဲဆွယ် စည်းရုံးလှုပ်ရှားမှုတွေ ဆူဆူပူပူ ဖြစ်နိုင်တယ်လို့ ပြောထားတယ်။
ဖြေ။ ကျွန်တော့်အမြင်တော့ သမ္မတကြီးက စိုးရိမ်တယ်။ စိုးရိမ်မယ်ဆိုလည်း စိုးရိမ်စရာ ပဲလေ။ ၈၈ နဲ့ NLD က လမ်းပေါ်ထွက်ရေးပဲ သိတာကိုးဗျ။ အဲဒါကို သမ္မတက ထိန်းတဲ့ သဘောလို့ ယူဆရတယ်။ တကယ်လို့များ တစ်တိုင်းပြည်လုံး ဆူပူမှု ဖြစ်လိမ့်မယ်လို့ ကျွန်တော် မမြင်ဘူး။ ဘာဖြစ်လို့လဲ ဆိုတော့ လူထုက ၈၈ ကလို မအတော့ဘူး။ မြှောက်ပေး ရင် မလုပ်တော့ဘူး။ မှန်ကန်တဲ့ လမ်းကြောင်းကိုပဲ သွားမှာ။ ဖွံ့ဖြိုးတိုးတက်ရေး လမ်းကြောင်း ကိုပဲ သွားတော့မှာ။ အဲဒီလိုဖြစ်ရင် မြန်မာပြည်က ဘယ်တော့မှ နာလန်ထူမှာ မဟုတ်တော့ ဘူး။ လူထုကလည်း အဲဒီလို မြင်နေပြီ။ မြှောက်ပေးတိုင်း လုပ်တာက ခဏတဖြုတ်ပဲ ပါချင်ပါမယ်။ ရေရှည်မှာ မပါနိုင်ဘူး။
မေး။ ဖွဲ့စည်းပုံ ပြင်ဆင်ရေးက လုပ်နေကြတာ အမျိုးမျိုးပဲ ဆိုတော့ ၂၀၁၅ မတိုင်ခင် ပြင်ဆင်ရေးက ဖြစ်လာနိုင်ပါ့မလား။
ဖြေ။ ဖြစ်နိုင်တယ်။ ဒါပေမဲ့ အနိုင်ရပါတီဖြစ်တဲ့ ကျွန်တော်တို့ ကြံ့ခိုင်ရေးပါတီက ပြင်မယ် ဆိုတဲ့ ဟာကြီးက အောင်မြင်မယ်။ တိုင်းဒေသကြီးတို့ အာဏာခွဲပေးတာတို့ ပေါ့ဗျာ။
မေး။ ဒါဆိုရင်တော့ ဖွဲ့စည်းပုံနဲ့ ပတ်သက်ပြီး နိုင်ငံရေး အကျပ်အတည်း တစ်ခုပေါ့။ အဲဒီ အပေါ်မှာ သုံးသပ်ချက်လေး သိချင်ပါတယ်။
ဖြေ။ ကျွန်တော်အမြင်က အကျပ်အတည်း တစ်ခုတော့ မဟုတ်ဘူး။ ကျွန်တော်မြင်တယ်။ Political Crisis မဟုတ်ဘူး။
လူထုပုံရိပ်- Vol(2) No(33)
ပြည်သူ့အာဏာ
0 comments:
Post a Comment