အင်ဒိုနီးရှားနိုင်ငံ ဂျာကာတာမြို့သို့ ထွက်ခွာသွားတဲ့ သြစတြေးလျ ၀န်ကြီးချုပ် Tony Abbott (Credit: AAP)
သြစတြေးလျနိုင်ငံ ၀န်ကြီးချုပ် Tony Abbott က အင်ဒိုနီးရှားနိုင်ငံ မြို့တော် ဂျာကာတာကို ဒီကနေ့ ရောက်ရှိမှာဖြစ်တယ်လို့ သိရပါတယ်။ အခုခရီးစဉ်ဟာ ၀န်ကြီးချုပ်တိုနီအာဘာ့ရဲ့ ပထမဦးဆုံး ပြည်ပခရီးစဉ်ပဲဖြစ်ပါတယ်။
ခရီးစဉ်အတွင်းမှာ အကြောင်းအရာ အမျိုးမျိုးကို ဆွေးနွေးဖြစ်မယ်လို့ဆိုပေမယ့် အများဆုံးဆွေးနွေး ဖြစ်မဲ့အကြောင်းအရာကတော့ လက်ရှိ တင်းမာမှုဖြစ်နေတဲ့ ခိုလုံခွင့်တောင်းခံသူ ပေါ်လစီအကြောင်းပဲ ဖြစ်မယ်လို့ ဆိုပါတယ်။
မြို့တော် ဂျာကာတာကို ဒီကနေ့ ညနေပိုင်းမှာ ရောက်ရှိမှာဖြစ်ပြီးတော့ အင်ဒိုနီးရှား သမ္မတ Susilo Bambang Yudhoyono နဲ့တွေ့ဆုံမှာဖြစ်ပါတယ်။ နှစ်နိုင်ငံ စီးပွားရေး တိုးချဲ့လုပ်ကိုင်နိုင်ဖို့အတွက် ခရီးစဉ်မှာ စီးပွားရေးသမားတွေအပါအ၀င် ကိုယ်စားလှယ်ပေါင်း အယောက် ၂၀လောက် ပါဝင်မှာဖြစ်ပါတယ်။
လက်ရှိ သြစတြေးလျအစိုးရရဲ့ ခိုလုံခွင့်တောင်းခံသူတွေရဲ့ ပေါ်လစီကြောင့် အင်ဒိုနီးရှားနိုင်ငံနဲ့ အခြေအနေတင်းမာမှုတွေဖြစ်နေပါတယ်။ လက်ရှိပေါ်လစီအရ လှေတွေနဲ့ရောက်တဲ့ ခိုလုံခွင့်တောင်းခံ သူတွေအားလုံးကို လာရာလမ်းအတိုင်းဖြစ်တဲ့ အင်ဒိုနီးရှားနိုင်ငံကို ပြန်ပို့ဆောင်ရမှာဖြစ်ပါတယ်။
ABC Radio Australia
0 comments:
Post a Comment