ခွန်နေ(AMMG)
Microsoft ကသူ့ရဲ့ ဒုတိယမျိုးဆက် tablet အမျိုးအစားနှစ်မျိုး ဖြစ်တဲ့Surface 2 နဲ့ Surface 2 Pro ကိုပြီးခဲ့တဲ့ ရက်ပိုင်းလေးတင်မှ မိတ်ဆက်ပွဲထုတ်သွားပါတယ်။
နှစ်ခုစလုံးကို အပါးဆုံး၊စွမ်းဆောင်ရည်အမြန်ဆုံး၊အပေါ့ဆုံးဆိုတဲ့ ဂုဏ်ပုဒ်တွေဖြစ်တဲ့(thinner,faster, lighter & better displays)ဆိုပြီး မိတ်ဆက်ပွဲမှာချီးမွမ်းခန်း ထုတ်သွားပါတယ်။
tablet နှစ်မျိုးလုံးအတွက် နောက်ဆုံးထွက် Window Version ဖြစ်တဲ့Window 8.1,Window 8 RT,Window 8 Pro ဆိုပြီး အဆင့်ဆင့်တိုးမြင့် အသုံးပြုလို့ရအောင် ဖန်တီးထားတယ်လို့ဆိုပါတယ်။
Microsoft Surface 2 Tablet
-----------------------------
Microsoft Surface 2 tablet NVIDIA’s latest Tegra 4 chipsetအသုံးပြုထားတာက ဂိမ်းကြီးကြီးတွေကစားဖို့အတွက်တော့ လုံလောက်စေမှာပါ။GeForce 72-core GPU အသုံးပြုထားပြီး RAM 2GB အသုံးပြုထား တာက tablet ဆိုတဲ့ စွမ်းဆောင်ချက်မှာ လုံလောက်တဲ့ အနေအထားပါ။
မျက်နှာပြင် ၁၀.၆ လက်မအသုံးပြု ထားတာက အရွယ်အစားကြီးကြီး ကြိုက်သူတွေအတွက် မျက်စိကျစရာဖြစ်နေပြီး resolution Clear Type 1080p display နှင့် multi-touch အနေနဲ့ တစ်ပြိုင်နက် 5-point အသုံးပြုနိုင်တာက အားရ စရာပါ။
ပြီးတော့ tablet တစ်ခုလုံးရဲ့ အပါးလွှာဆုံးဆိုတဲ့ ဂုဏ်ပုဒ်နဲ့အညီ ၈.၉ မီလီမီတာ နှင့် အလေးချိန် ၆၈၀ ဂရမ် အထိပေါ့ပါးစွာထုတ်လုပ်ထားပါတယ်။ကင်မရာစွမ်းဆောင်ပိုင်းအနေနဲ့ ရှေ့ကင်မရာ 3.5MP နှင့် နောက်ကင်မရာ5MP အသုံးပြုထားတာက tablet တစ်ခုအတွက်လုံလောက်စေမှာပါ။
Version ဘယ်နှစ်မျိုးနဲ့လာမယ်ဆိုတာတော့ ရေးသားထားခြင်းမှရှိပေမယ့်Micirosoft Surface 2 tablet 32GB Version အတွက်အမေရိကန်ဒေါ်လာ၄၅၀ လောက်အနည်းဆုံးကျသင့်မယ်လို့ဆိုပါတယ်။
Microsoft Surface 2 Pro Tablet
-----------------------------------
Surface 2 Pro tablet မှာတော့ လိုက်မမှီနိုင်တဲ့ အံ့မခန်း စွမ်းဆောင်ချက်တွေနဲ့ Surface 2 ထက်များစွာခြားနားနေတာကို မြင်တွေ့ရပါတယ်။
Surface 2 နဲ့ မျက်နှာပြင်အရွယ်အစား ၁၀.၆ လက်မရှိတာချင်း တူညီတယ် ဆိုပေမယ့် စွမ်းဆောင် ရည်တွေ က မျက်စိကျစရာပါ။Surface 2 Pro မှာအသုံးပြုထားတဲ့ fourth-generation Intel Core i5 chipset နှင့် dual-core 1.6GHz processor (max turbo clock 2.6GHz) အသုံးပြုထား တာက ထွက်ပြီးခဲ့သမျှ tablet တွေထက် စွမ်းဆောင်ရည်အပြတ်အသတ် သာနေတယ်ဆိုတာပြော စရာတောင်လိုမယ်မထင်ပါဘူး။
ထို့ပြင် Intel HD 4400 graphics က ဂိမ်းကစားရာမှာ အထစ်အငေါ့ မရှိ ကောင်းကောင်းကြီးအသုံးပြုလို့ရမှာပါ။ထူးခြားမူတစ်ခုအနေနဲ့RAM DDR3 အသုံးပြုထားတာက tablet တွေထဲမှာ ပထမဆုံး အသုံးပြုထားတာဖြစ်သလို ကွန်ပျူတာ တစ်လုံးကိုတောင် ကောင်းကောင်းကြီး ယှဉ်နိုင်မယ့်အနေအထားပါ။
1080p ClearType display နဲ့ပြသထားတဲ့ မျက်နှာပြင့်နှင့်ထွက်ရှိလာတဲ့Surface 2 Pro အတွက်ဈေးနှုန်းကတော့ 64GB version အတွက် $899၊128GB အတွက် $1299၊ 512GB အတွက် $1799 ဆိုပြီး အသီးသီး သတ်မှတ်ထားပါတယ်။
Ref:Gsmarena
Guide Magazine
0 comments:
Post a Comment