အမေး - အရှင်ဘုရားရဲ့ စာအုပ်ဖတ်ရတဲ့အတွက် တပည့်တော်တို့လူငယ်တွေမှာ ကိုယ့်ဘာသာရေးထဲ ဝေဝါးနေတဲ့အချက်တွေကို ရှင်းရှင်းလင်းလင်း သိမြင်ရပါတယ်။
တပည့်တော် တစ်ခုမေးလျှောက်ပါရစေဘုရား။ သက်တမ်းရှည်တဲ့ ကကုသန်စတဲ့ ဘုရားရှင်များဟာ ဓာတ်တော်သီးခြားမကျဘဲ ရုပ်ကလာပ်တော်ကျန်ရစ်ပြီး အဲဒီရုပ်ကလာပ်တော်များကို စေတီတည်ထားတယ်။ ကမ္ဘာမြေကြီးအတွင်းမှာ ယခုတိုင်တည်ရှိနေပါတယ်လို့ ဖတ်ရသိရပါတယ်ဘုရား။ ဒါနဲ့စပ်လို့ ဂေါတမဘုရားရှင် ဆံတော်ပယ်စဉ်က ဆံတော်ကို သိကြားမင်က ကလပ်နဲ့ခံပြီး နတ်ပြည်မှာစေတီတည်သလို မြင့်မြတ်တဲ့ ဘုရားရှင်တို့ရဲ့ ရုပ်ကလာပ်တော်များရှိရာစေတီများကို ဘာကြောင့် နတ်ပြည်မှာမတည်ဘဲ မြေကြီးထဲထားရတာလဲဘုရား။ ဘုရားရင်ပြင်တော်ပေါ်ကိုတောင် ဖိနပ်စီးပြီးတက်လို့မှမရတာ။ ဒီအတိုင်းဆို တပည့်တော်တို့ ငရဲမကျနိုင်ဘူးလားဘုရား။
မေသက်လှိုင် (လားရှိုး)အဖြေ- ရှေးဘုရားရှင်တို့ရဲ့ ရုပ်ကလာပ်တည်ရှိရာစေတီကို မေသက်လှိုင်ပြောသလို မြေကြီးထဲထားတာမဟုတ်ပါဘူး။ စေတီတည်စဉ်အခါတုန်းက မြေကြီးပေါ်မှာပါပဲ။ ယနေ့ခေတ်စေတီတော်များ မြေကြီးပေါ်မှာတည် ကြသလို တည်ခဲ့တာပါပဲ။ ဘုရားရှင်တစ်ဆူနဲ့ တစ်ဆူကြားမှာ ကမ္ဘာမြေကြီး တစ်ယူဇနာ တစ်ယူဇနာတက်လာကြောင်းကို သံယုတ်ပါဠိတော်အနမတဂ္ဂသုတ်မှာ ဝေပုလ္လတောင်ရဲ့ အနိမ့်အမြင့်ကိုစံထိုးပြီး သိရပါတယ်။ ဘယ်လိုပဲဖြစ်ဖြစ် အချိန်ကြာလာတာနဲ့အမျှ ကမ္ဘာမြေကြီးဟာ ပမာဏများစွာ ထူလာတာပါပဲ။ ကဿပဘုရားရှင်လက်ထက်ကတည်ခဲ့တဲ့ စေတီတော်ဟာ ယခုဂေါတမဘုရားရှင်လက်ထက်မှာ မြေကြီးအောက်ရောက်နေ လောက်ပါပြီ။ ဘုရားတစ်ဆူနဲ့တစ်ဆူကြားကို ထားဦးတော့ နှစ်ပေါင်းသုံးလေးရာက အဆောက်အအုံများ ယခုအခါ မြေအောက်မှ တူးဖော်တွေ့ရှိနေပါတယ်။
ဒါဖြင့် ဘုရားရှင်စေတီက အောက်ကဖြစ်နေပြီး လူတွေက အပေါ်ကနေ ဖိနပ်စီးပြီးလုပ်ချင်ရာလုပ်နေကြတော့ ငရဲကြီး-မကြီးဆိုတာနဲ့ပတ်သက်ပြီး ပြောပါ့မယ်။
ယနေ့ခေတ်လူတွေနေကြတဲ့ ကွန်ဒိုတိုက်တွေ ဟာ အထပ်ပေါင်းများစွာရှိပြီး အတော်မြင့်မားတဲ့ မိုးထိတိုက်တွေဖြစ်ပါတယ်။ ဒီတိုက်တွေရဲ့ အောက်ဆုံးမြေညီထပ်မှာနေထိုင်ကြတဲ့မိသားစုမှာ ဘုရားအဆောင်ရှိမှာပဲ။ အပေါ်ကအထပ်များမှာလည်း လူတွေနေတာပါပဲ။ ဒါဖြင့်ရင် မြေညီထပ်မှာ ဘုရားအဆောင်ရှိတဲ့အတွက် အပေါ်ထပ်မှာနေတဲ့လူများ ဘယ်လိုနေမလဲ။ နောက်တစ်ခု ယနေ့ခေတ်မြေကြီးပေါ်မှာတည်ထားတဲ့စေတီတော်တွေ များစွာရှိပါတယ်။ လူတွေက ထိုစေတီထက်မြင့်တဲ့ နေရာတိုက်တွေမှာ နေကြပါတယ်။ ဘယ်လိုလုပ်ကြမလဲ...။
အမှန်က သူ့နေရာနဲ့သူပါ။ အပေါ်တိုက်ခန်းမှာနေတဲ့သူက သူ့အိမ်နဲ့သူ အောက်ကဘုရားအဆောင်ကို မရိုသေလို့ နေတာမဟုတ်ပါဘူး။ အဓိကကတော့ စိတ်ပါပဲ။ ''စိတ်သာရှင်စော ဘုရားဟော''ဆိုတဲ့အတိုင်း ဒီနေရာမှာ စိတ်နဲ့လည်းသက်ဆိုင်နေပါတယ်။ ဥပါဒါန်ကြောင့် ဥပါဒ်ရောက်ဆိုတာလို အစွဲကြောင့်လည်းဖြစ်တတ်ပါတယ်။ သတိထားရပါမယ်။
ဆိုကြပါစို့။ မြို့တစ်မြို့မှတစ်မြို့သို့ လေယာဉ်ပျံနဲ့ ကောင်းကင်ပေါ်ကသွားတဲ့အခါ အောက်မှာ အချို့နေရာတွေမှာ စေတီတော်တွေကို မလွှဲသာလို့ ဖြတ်ကျော်ပျံသန်းရတာတွေရှိပါတယ်။ အဲဒီအခါ လေယာဉ်ပေါ် လိုက်ပါတဲ့သူများဟာ ဘုရားကိုမရိုသေလို့ မဟုတ်ပါဘူး။ ဒါဆိုရင် အပြစ်မရှိပါဘူး။ ဘုရားရှင်ကိုမရိုသေတဲ့အနေနဲ့ အပေါ်ကနေရင်တော့ အပြစ်ရှိတာပေါ့။ ''အထက်ကနေလို့ ငရဲကြီးမယ်''ဆိုတဲ့ပူပန်မှုဟာ နေရာတိုင်းမှာ မဖြစ်သင့်ပါဘူး။ တစ်ခါတစ်ရံ လွန်ကဲတဲ့ပူပန်မှုတွေဖြစ်ရင် မကောင်းပါဘူး။ ဒါကို ပါဠိလို 'အတိကုက္ကုစ္စ'လို့ခေါ်ပါတယ်။ အတိကုက္ကုစ္စဖြစ်ပုံ ပစ္စုပ္ပန်အကြောင်းတစ်ခု ပြောချင်ပါသေးတယ်။
တစ်ခါက မြို့တစ်မြို့မှာ ဇနီးမောင်နှံနှစ်ဦးရှိပါတယ်။ စီးပွားဥစ္စာများလည်း အသင့်အတင့်ရှိလို့ လူလတ်တန်းစားအထဲပါဝင်တယ်လို့ ဆိုရမယ်။ သူတို့ဟာ ယခုအချိန်အထိ ရွှေတိဂုံဘုရားကို မရောက်ဖူးဘူးတဲ့။ သူတို့မှာ သွားနိုင်တဲ့ငွေကြေးဥစ္စာ အသင့်အတင့်ရှိနေပါလျက်နဲ့ ဘာပြုလို့များ မသွားရတာလဲဆိုတာကို စုံစမ်းကြည့်ပါတယ်။ သူတို့ဟာ ရန်ကုန်ကို လေယာဉ်ပျံနဲ့ကောင်းကင်ကနေသွားရင် အောက်မှာရှိတဲ့စေတီပုထိုးတွေကို ဖြတ်သန်းသွားရမှာမို့ အပြစ်ကြီးမှာ ကြောက်လှတဲ့အတွက် ရန်ကုန်ကိုသွားနိုင်ပါလျက်နဲ့ မသွားခဲ့ပါဘူးတဲ့။ အသက် ၈ဝ ကျော်နေပါပြီ။ ယခုအချိန်အထိမသွားဖြစ်သေးပါဘူး။ ဒါဟာ အတိကုက္ကုစ္စလွန်ကဲတဲ့ ပူပန်မှုပါ။ ဒီလိုသာပူပန်နေမယ်ဆိုရင် ကမ္ဘာမြေကြီးအတွင်း နေရမယ့်နေရာ အလွန်ကျဉ်းမြောင်းသွားပါလိမ့်မယ်။ မဖြစ်သင့်ဘူးလို့ ယူဆမိပါတယ်။ လိုရင်းပြောရရင် စိတ်သာအဓိကလို့ ပြောချင်ပါတယ်။
ဆ ရာေ တာ် ဘ ဒ္ဒ န္တေ ကာ ဝိ ဒ ( မြိ တ် ) ၏ ဝ က် ဘ် ဆို က် မှ ကူး ယူ
ေ ဖာ် ပြ ပါ သ ည် ။
TheFlowerNews
Tuesday, September 30, 2014
ဘုရားအထက်က နေရင် ငရဲကျနိုင်ပါသလား
Subscribe to:
Post Comments (Atom)
0 comments:
Post a Comment