ဆံပင်ညှပ်ဆရာတွေ အမြဲပြောလေ့ရှိတတ်တဲ့ မုသားစကား (၇) မျိုး

သင် ဆံပင်ညှပ်ဆိုင်ကို ရောက်ပြီဆိုပါတော့။ ဆံပင်ပဲညှပ်ညှပ်၊ ဘာပဲ လုပ်လုပ် ခေါင်းတော့ အရင်လျှော်ခိုင်းကြတာချည်းပဲ ဟုတ်။ သင်က ခုလေးတင်အိမ်မှာ လျှော်လာတာလို့ပြောရင် ခုထပ်လျှော်မှ ညှပ်ရတာ အဆင်ပြေမယ်၊ ဆံပင်ဆိုးရတာ အဆင်ပြေမယ်၊ ဒီကလျှော်ပေးတဲ့ ရှန်ပူက ဘယ်လိုကောင်းတာစသဖြင့် အခြေအတင်လေးတွေ ရှိလာပြီပေါ့။ အိုခေ သူတို့ပြောသလို ခေါင်းလျှော်ဖို့ လက်ခံလိုက်ပါပြီ။ အဲ့ဒီနောက်မှာ ကိုယ်သွားနေကျ ဆံပင်ညှပ်ဆိုင်က ဆံပင်ညှပ်ဆရာတွေ ပြောလေ့ရှိတဲ့ မုသားစကားပါးပါးလေးတွေကို ဖော်ပြပေးလိုက်တယ်နော်။၁။ဟိုးအရင်ကတည်းက သုံးနေကျ ရှန်ပူတွေက မကောင်းတော့ဘူး။ ဆိုင်က ရှန်ပူတွေကတော့ အကောင်းဆုံး product တွေချည်းပဲ။

သင်က ခုလက်ရှိလည်း ဆယ်တန်းကျောင်းသူဘ၀က သုံးခဲ့တဲ့ ခေါင်းလျှော်ရည်အမျိုးအစားကိုပဲ စွဲစွဲမြဲမြဲသုံးနေတတ်သူ တစ်ယောက်လား။ ဒါဆိုရင်တော့ သူတို့က အိမ်မှာဘာခေါင်ေးလျှာ်ရည်သုံးသလဲလို့ မေးတဲ့အခါ မဖြေရင်အကောင်းဆုံးပါပဲ။ သင်က ဖြေလိုက်ရင် ခုဆိုင်မှာ သုံးတာကတော့ ဘာအမျိုးအစားဖြစ်တယ်ဆိုတာ ပြောပြပါလိမ့်မယ်။ ဒီအမျိုးအစားက ဘာကောင်းတယ်ဆိုတာ ပြောပြပြီး ဒါကို အိမ်မှာသုံးတာထက် ဆိုင်မှာလာလျှော်မယ်ဆိုရင် ဘယ်လိုကောင်းကျိုးတွေပိုရစေတယ်ဆိုတာမျိုးကိုလည်း သင့်ကို သူတို့ပြောပြပါလိမ့်မယ်။

၂။ဆံပင်ပါးရင် အထပ်ကလေးတွေ ညှပ်ကြည့် အဆင်ပြေသွားလိမ့်မယ်။

သင့်ဆံပင်က ခပ်ပါးပါးမို့ ဘယ်လိုကြည့်လိုက်ရင် အဆင်ပြေမလဲ တွေးရမှာပေါ့။ ဒါဆို သူတို့ပြောလေ့ရှိတာက အထပ်ထပ် layer ပုံစံသာညှပ် အားလုံးအိုခေသွားမယ်ဆိုတာပါပဲ။ တကယ်တော့ အဲ့ဒီလို အထပ်ကလေးတွေဖြစ်အောင် ညှပ်တာကလည်း ညှပ်ပြီးကာစ ဆိုင်မှာပုံသွင်းမှသာ အဆင်ပြေတာပါ။ ဆံပင်ပါးတယ်ဆိုရာမှာလည်း တစ်ယောက်နဲ့တစ်ယောက် မတူညီပါဘူး။ ရှိနေပြီးသား ဆံပင်ပုံစံနဲ့ မျက်နှာကျစတာတွေလည်း ထည့်သွင်းစဉ်းစားရဦးမှာပါ။

၃။အဖျားနှစ်ခွ နည်းနည်းဖြစ်နေရင် ခပ်တိုတိုသာ ညှပ်လိုက်၊ ဒါမှအဆင်ပြေမယ်။

တစ်ခါတစ်လေ ကိုယ်က ဆံပင်အရှည်ထားဖို့ စိတ်အားထက်သန်နေတယ်ဆိုပါစို့။ ကိုယ့်ဆံပင်က အဖျားနှစ်ခွဖြစ်နေတယ်။ ဒါပေမယ့် ဒါကိုလည်း တိုသွားအောင် ညှပ်မပစ်ချင်ဘူး။ ဒါဆို သူတို့က ညှပ်ချပစ်လိုက်ဖို့ ပြောရင်တောင် ကိုယ့်ဆန္ဒကို ရှင်းရှင်းလင်းလင်းပြောပြပြီး တစ်ခြားနည်းလမ်းစဉ်းစားခိုင်းပါ။ ဥပမာ- ဆံပင်ကို အရင်ကထက် ပိုဂရုစိုက်ပြီး ပေါင်းတင်တာမျိုးတွေ၊ အားဖြည့်ဗိုက်တာမင် လိမ်းပေးတာမျိုးတွေလုပ်မယ်ဆိုရင် ခုအတိုင်း ဘယ်လိုလေး တိုမသွားအောင် ပုံချလိုက်ရင် အဆင်ပြေမလဲ ဆိုတာမျိုးပေါ့။

၎။နေ့တိုင်းခေါင်းလျှော်တာ ဆံပင်အတွက် မကောင်းနိုင်ဘူး။

လေ့ကျင့်ခန်းနေ့တိုင်းလုပ်ပြီး ချွေးထွက်တဲ့သူတွေအတွက် နေ့တိုင်းခေါင်းလျှော်လို့ ရပါတယ်။ ဒါပေမယ့် ရှန်ပူကိုတော့ နည်းနည်းပျော့တဲ့ ရှန်ပူမျိုးသုံးရပါလိမ့်မယ်။ ခေါင်းလျှော်တိုင်းလည်း ဆံပင်ပျော့ဆေး သေချာသုံးပေးမယ်ဆိုရင် လျှော်လို့ရပါတယ်။

၅။ဆံပင်အဖျားတိမယ်ဆိုရင် ဆိုင်မှာလာတိတာ အကောင်းဆုံးပါ။

သင်အရင်ကရော ဆံပင်ကို ကိုယ်တိုင်တိဖူးပါသလား။ ရှေ့ဆံပင်တိမယ်ဆိုရင်တော့ ကိုယ်တိုင်ခန့်မှန်းတတ်ဖို့လိုပါတယ်။ ကွက်တိသွားတိလိုက်ရင် ရှေ့ဆံပင်တွေက အပေါ်ကိုတိုတက်သွားတဲ့အခါ အဆင်မပြေဖြစ်တတ်တာမို့ပါ။ ကျန်တဲ့ အဖျားနှစ်ခွဖြစ်နေတဲ့ နေရာတွေကိုတိမယ်ဆိုရင်လည်း ညီညီညာညာလေးတိမှာလား၊ ဒါမှမဟုတ် အချွန်ပုံစံထွက်အောင် တိမှာလား သိရပါမယ်။ သင်ကိုယ်တိုင်တိနေကျ၊ ဒါကိုလည်း သဘောကျတယ်ဆိုရင် သင်မလုပ်နိုင်စရာ မရှိပါဘူး။ အဲ့ဒီလိုမဟုတ်ပဲ ခုမှ စတိမှာ၊ သေချာလည်း မလုပ်တတ်ဘူးဆိုရင်တော့ သူတို့ပြောသလို ဆိုင်မှာ တိတာ ပိုသေချာတာပေါ့။

၆။ဆံပင်အဖျားလေးတွေ တိပေးတာ၊ ညှပ်ပေးတာ ဆံပင်ကို ပိုရှည်လာစေတယ်။

ဆံပင်ပညာရှင် Allen Ruiz ပြောကြားချက်အရတော့ ဒီအချက်ဟာ မှားပါတယ်။ ဆံပင်အဖျားလေးတွေ ပုံမှန်တိပေးတာ သင့်ဆံပင်ပိုမိုကျန်းမာလာစေတယ်ဆိုတဲ့ အချက်က မှန်ပေမယ့် ဆံပင်ကို ပိုအရှည်မြန်စေတယ်ဆိုတာကတော့ မှားပါတယ်တဲ့။

၇။ဆံပင်နဲ့ပတ်သက်ပြီး သုံးတဲ့ product ပိုများလေ ဆံပင်ပိုကျန်းမာလေပါပဲ။

ဒီအချက်ကလည်း မှားယွင်းပါတယ်။ သင့်ဆံပင်က အထူးတလည် ပျက်စီးနေတာမျိုးလည်း မဖြစ်ဘူး။ ပုံမှန်သင့်တော်တဲ့ ဆံပင်သားလည်းရှိတယ်ဆိုရင် ဆံပင်အတွက် သုံးတဲ့ ထုတ်ကုန်ပစ္စည်း နှစ်မျိုး၊ သုံးမျိုးဆို ရပါပြီ။

Ref:refinery29.com

မေသော် 

Trend Myanmar