ဘာသာရေးအကြောင်းပြ လော်စပီကာများတားပေးပါ

လော်စပီကာတစ်လုံးနှင့် ရပ်ကွက်အတွင်း အလှူခံနေသည့် နိဗ္ဗာန်ဆော်များ (ဓာတ်ပုံ − ကျော်ဇင်သန်း)

အချိန်မတော်ထွက်ပေါ်လာတတ်သည့် ဆွမ်းလောင်းဓမ္မာရုံမှ အသံချဲ့စက်သံကို ဒေါ်မာမာအေးတစ်ယောက် အမြဲစိတ်ညစ်ရသည်။ ဆူညံသံကြောင့် လပတ်စာမေးပွဲဖြေဆိုမည့် သားဖြစ်သူ စာကြည့်လို့မရ၍ဖြစ်သည်။ ဆွမ်းပတ်ရက်များနှင့် ကလေးလပတ်စာမေးပွဲ ရက်မတိုက်ဆိုင်စေရန် ဒေါ်မာမာအေး ဆုတောင်းနေရသည်။သူမနေအိမ်ရှေ့တည့်တည့် အမြင့် ၁၅ ပေတွင် လော်စပီကာ တပ်ဆင်ထားသောကြောင့် အခြားအိမ်နီးနားချင်းများထက် အသံချဲ့စက်ဒဏ်ကို ပိုခံစားနေရခြင်းဖြစ်သည်။ ဝါတွင်းကာလတွင် ဆွမ်းလောင်းဓမ္မာရုံက တစ်ပတ်လျှင် သုံးရက် အသံချဲ့စက်ဖွင့်သည်။ နံနက်တစ်ကြိမ်၊ ညတစ်ကြိမ်ဖွင့်လေ့ရှိပြီး လော်စပီကာစဖွင့်ချိန်မှာ နံနက် ၄ နာရီဖြစ်သည်။ တရားခွေများ၊ ခေတ်ဟောင်းသီချင်းများအပြင် တစ်ခါတစ်ရံ ခေတ်ပေါ်သီချင်း ဒုံးချပ်ချပ်များပင် ပါသေး၏။

အခါကြီး၊ ရက်ကြီးနေ့များအပြင် ဝါတွင်းကာလတွင် ဆွမ်းလောင်းဓမ္မာရုံများမှ တစ်ပတ်တစ်ကြိမ် ထွက်ပေါ်လာသော အသံချဲ့စက်၏ ဆူညံဒဏ်ကို ရုံးဝန်ထမ်း၊ ကုမ္ပဏီဝန်ထမ်းနှင့် လူတန်းစားပေါင်းစုံနေထိုင်ကြသည့် ရန်ကုန်မြို့၏ လူနေရပ်ကွက်များ၌ ဒေါ်မာမာအေးနည်းတူ အခြားသူများလည်း ကြုံတွေ့နေရသည်။

‘‘ကလေးက တဖြည်းဖြည်း အတန်းကြီးလာပြီ။ ကိုယ့်အိမ်ရှေ့တည့်တည့်မှာ လော်စပီကာရှိနေတော့ ပိုဆိုးတာပေါ့။ အသံတိုးတိုးဖွင့်ရင်တောင် ကြားနေရတာလေ။ ကလေးက စာကြည့်လို့မရဘူးလို့ ပြောတယ်။ ပထမသွားပြောကြည့်သေးတယ်။ အသံတိုးပေးဖို့၊ သူတို့က မချေမငံ ဘာသာရေးလုပ်နေတာ သိလားပုံစံပြောနေတော့ နောက်ပိုင်းသွားမပြောတော့ဘူး’’ဟု မရမ်းကုန်း (၅)ရပ်ကွက်တွင် နေထိုင်သူ ဒေါ်မာမာအေးက ပြောသည်။

‘‘ကျွန်မအိမ်မှာ နယ်ကနေ အလုပ်လာလုပ်တဲ့ ရုံးဝန်ထမ်းသုံးယောက်လောက်ရှိတယ်။ နေ့ခင်းဘက်ကျတော့ အလုပ်သွားနေတဲ့သူကများတော့ ရုံးဝန်ထမ်းတွေအတွက် ကိစ္စမရှိဘူး။ ဆွမ်းပတ်နေ့ကျတဲ့ ဗုဒ္ဓဟူးနေ့မနက် ၃ နာရီ ခွဲကျော်က စဖွင့်တော့ ကလေးတွေ အိပ်ရေးမဝကြဘူး’’ဟု လှိုင်မြို့နယ် (၁၆)ရပ်ကွက် ဦးဖိုးမှန်လမ်းတွင်နေထိုင်သူ ဒေါ်ခင်စန်းက ပြောသည်။

အချိန်အခါမရှိ ဘာသာရေးအကြောင်းပြဆူညံသံများက နေ့စဉ်ဘဝရုန်းကန်နေကြရသည့် ရန်ကုန်မြို့ခံများအတွက် အကြီးမားဆုံး စိတ်အနှောင့်အယှက်တစ်ခု ဖြစ်နေသည်။ သတင်းစာဂျာနယ်များ၏ ပေးစာကဏ္ဍများမှတစ်ဆင့် (သို့မဟုတ်) လူမှုကွန်ရက်စာမျက်နှာများမှတစ်ဆင့် အသံချဲ့စက်နှင့်ပတ်သက်၍ ခံစားချက်အသံများကို ထုတ်ဖော်လေ့ရှိသည်။

စက်တင်ဘာလအတွင်း ရန်ကုန်မြို့၌ဖြစ်ပွားသော ဓားထိုးတစ်ခုမှုမှာ အသံချဲ့စက်ပြဿနာကို အခြေခံခဲ့သည်။ အသံချဲ့စက်အသံကို လက်မခံနိုင်၍ အသံတိုးပေးရန် အချေအတင်စကားများရာမှ ရန်ကုန်မြို့ မရမ်းကုန်းမြို့နယ် (၅)ရပ်ကွက်တွင် ဓားထိုးမှုဖြစ်ပွားခဲ့သည်။

ဆူညံသံသည် ဆုံးဖြတ်ချက်ချနိုင်စွမ်းရှိသည့် သာမန်လူတစ်ဦးကိုပင် စိတ်ရှုပ်ထွေးပြီး အကြမ်းဖက်စေနိုင်သော စိတ်လှုံ့ဆော်မှုများကို ဖြစ်ပေါ်စေသည်။ လူကောင်းပကတိ သာမန်လူကိုပင် အကြမ်းဖက်စေနိုင်သော စိတ်လှုံ့ဆော်မှုများရှိနေသောကြောင့် သွေးဆူစေသည့် ယမကာမှီဝဲသူများ၊ နာမကျန်းဖြစ်၍ စိတ်အလိုမကျသူများအဖို့ စိတ်ထိန်းချုပ်ရန် ခက်ခဲလှသည်။

‘‘ကျွန်မယောက်ျားက ဒီရပ်ကွက်ထဲမှာ ရန်လည်းမဖြစ်ဖူးဘူး။ ရပ်ကွက်က ဓမ္မာရုံလူကြီးနဲ့ ရန်ငြိုးရန်စလည်းမရှိဘူး။ သူတို့ချင်း စကားတောင် မပြောဖူးကြဘူး။ ဘယ်ကနေ ဘယ်လိုဖြစ်သွားလဲ မသိပါဘူး’’ဟု ဓားကိုင်၍ ပြန်လည်တုံ့ပြန်ခဲ့သူ ကိုသက်ဦး၏ဇနီးဖြစ်သူက ပြောပြသည်။

ဆူညံသံသည် လူ့စိတ်ကို ဖိအားဖြစ်စေပြီး ဒေါသထွက်ခြင်း၊ စိတ်အလိုမကျခြင်းတို့ဖြစ်ပေါ်တတ်ပြီး စိတ်ကြမ်းတမ်းလာကာ မယဉ်ကျေးသော အမူအရာများဖြစ်စေရန် လှုံ့ဆော်ပေးကြောင်း စိတ်ပညာရှင်များက ဆိုသည်။

‘‘မနက် ၃ နာရီလောက်မှာ ဆွမ်းချက်ဖို့ ထဖွင့်တယ်။ လုံးဝအိပ်ရေးမဝဘူး။ အိပ်ရေးမဝတော့ စိတ်မကြည်ဘူး။ အလုပ်နဲ့ပတ်သက်လို့ ဆုံးဖြတ်ချက်ချရတာ မကောင်းဘူး။ အမြဲတမ်းစိတ်တိုတာ၊ စိတ်ပျက်တာရှိလာတယ်’’ဟု ပြင်သစ်ဆောက်လုပ်ရေးကုမ္ပဏီတွင် အင်ဂျင်နီယာအဖြစ် အလုပ်လုပ်နေသူ ကိုဇေမျိုးလင်းက နေအိမ်နှင့်နီးကပ်စွာရှိနေသော ဓမ္မာရုံမှ အသံချဲ့စက်သံနှင့်ပတ်သက်၍ ရင်ဖွင့်သည်။

ဆူညံသံကို အိမ်တွင်းနှင့် အိမ်ပြင်မှလာသော အသံဟူ၍ နှစ်မျိုးခွဲခြားထားပြီး လူလက်မခံနိုင်သည့် အိမ်တွင်း၊ အိမ်ပြင် ဆူညံသံနှစ်ခုစလုံးသည် ကျန်းမာရေးကို ဆိုးရွားစွာထိခိုက်နိုင်သည်။ ဆူညံသံကြောင့် ဖြစ်ပွားနိုင်သောရောဂါများမှာ နားအကြားအာရုံထိခိုက်ခြင်း၊ စိတ်ဖိစီးခြင်းတို့ကို ထိခိုက်စေသည်။ ထို့အပြင် သွေးတိုးရောဂါ၊ နှလုံးရောဂါအခံရှိသူများကို ပိုထိခိုက်စေသည်။

လူနေအိမ်ခြေနှင့် ဆေးရုံ၊ ကျောင်းနှင့် အများပြည်သူရှိသည့် နေရာများတွင်ရှိသင့်သည့် ဆူညံသံဟူ၍ ခွဲခြားသတ်မှတ်ထားပြီး ရှိသင့်သည့်အသံကိုလည်း နေရာဒေသအလိုက် ခွဲခြားထားသည်။

ဥပမာ စင်ကာပူနိုင်ငံတွင် လူနေအိမ်ခြေ၌ရှိရမည့် ဆူညံသံကို နံနက် ၆ နာရီမှ ည ၁၁ နာရီအထိသာ လက်ခံထားပြီး အားလပ်ရက်အချိန်များတွင် နေအိမ်ပြုပြင်ခြင်းအပါအဝင် သီချင်းကျယ်လောင်စွာဖွင့်ခွင့်ကိုပင် တားမြစ်ထားသည်။

‘‘စင်ကာပူဆိုရင် အသံချဲ့စက်မပြောနဲ့ ည ၁၁ နာရီကျော်ရင် စကားတောင် အော်ကြီးဟစ်ကျယ်ပြောလို့မရဘူး။ အားလပ်ရက်မှာ သံရိုက်တာ၊ စကူဖောက်တာကအစ လုံးဝလုပ်ခွင့်မပေးဘူး။ ဒဏ်ရိုက်တယ်’’ဟု စင်ကာပူနိုင်ငံတွင် ရှစ်နှစ်ခန့်နေထိုင်ခဲ့သူ ကိုဇေမျိုးလင်းက ပြောသည်။

မြန်မာနိုင်ငံတွင် နေအိမ်ပြင်ပအလုပ်ခွင်များမှ ထွက်ရှိလာသည့် အသံများကို ရန်ကုန်မြို့တော်စည်ပင်သာယာရေးဥပဒေအရ အရေးယူမှုများ ဆောင်ရွက်လျက်ရှိပြီး ရပ်ကွက်အတွင်း အသံချဲ့စက်ဖွင့်ခြင်းနှင့်ဆိုင်သည့် ခွင့်ပြုချက်ကို ဒေသန္တရဥပဒေအရ ကန့်သတ်ထားပြီး ရပ်ကွက်နှင့် အုပ်ချုပ်ရေးမှူးများကို ဆုံးဖြတ်ပိုင်ခွင့်ပေးထားသည်။

ဆွမ်းလောင်းဓမ္မာရုံနှင့် အခါကြီးရက်ကြီးကာလများတွင် အသံချဲ့စက်ဖွင့်သူများအနေဖြင့် ရပ်ကွက်အုပ်ချုပ်ရေးမှူးထံ ခွင့်ပြုချက်ယူရသည်။ ခွင့်ပြုချက်ယူမထားသူများကို ရပ်ကွက် (သို့မဟုတ်) ကျေးရွာအုပ်စု အုပ်ချုပ်ရေးဥပဒေအရ အရေးယူရန် ပြဋ္ဌာန်းထားသည်။

‘‘အခုနောက်ပိုင်းတော့ အလှူခံမဏ္ဍပ်တွေရော၊ ဘာသာရေးလုပ်တဲ့ ဆွမ်းလောင်းဓမ္မာရုံတွေရော ခွင့်ပြုချက်ယူတာ ရှားလာပါတယ်။ လူကြီးတွေက နားလည်မှုနဲ့ လွှတ်ပေးလိုက်တာတွေများပါတယ်။ ရပ်ကွက်အုပ်ချုပ်ရေးမှူးက ဘယ်အချိန်ဖွင့်လို့ပဲ ပြောလို့ရမယ်။ ဘယ်လောက်အတိုင်းအတာအထိ ဖွင့်လို့တော့ မပြောနိုင်လောက်ဘူး။ နောက်ပိုင်း ရန်ကုန်က လူနေတာတွေများလာတော့ ဒီဥပဒေတွေလောက်နဲ့ မလုံလောက်တော့ဘူး’’ဟု ဦးဝင်းမျိုးသူက ပြောသည်။

အသံညစ်ညမ်းဖြစ်ပွားနေသည်ဟု သက်သေပြနိုင်ရန် တိုင်းတာမှ ရမည်ဖြစ်သောကြောင့် ရုတ်တရက်ထွက်ပေါ်သော ဆူညံသံများကို ပတ်ဝန်းကျင်နှောင့်ယှက်မှုဖြင့် တရားစွဲဆိုနိုင်ရန် နိုင်ငံအချို့တွင် ဥပဒေတစ်ရပ်ပြဋ္ဌာန်းထားသည်။ မြန်မာနိုင်ငံတွင် အသံချဲ့စက်ခွင့်ပြုမိန့်ကို ဒေသန္တရဥပဒေနှင့် ထိန်းချုပ်ထားသည့်အပြင် ပတ်ဝန်းကျင်နှောင့်ယှက်မှုဖြင့် တရားစွဲဆိုနိုင်သည့်ဥပဒေရှိသော်လည်း အဆိုပါဥပဒေပြဋ္ဌာန်းပြီး နှစ်ပေါင်းဆယ်စုနှစ်ခုနစ်ခုကျော်မှ ယနေ့အချိန်ထိ ပတ်ဝန်းကျင်ဆူညံမှုကြောင့် တရားစွဲဆိုမှုမရှိခဲ့ချေ။

‘‘ပတ်ဝန်းကျင်အနှောင့်အယှက်ဖြစ်စေတယ်ဆိုရင် တရားစွဲဆိုလို့ရတဲ့ ပြဋ္ဌာန်းထားတဲ့ ဥပဒေတော့ရှိတယ်။ ဒီဥပဒေက နိုင်ငံရေးသမားတွေကို တရားစွဲဖမ်းဆီးထောင်ချတာမျိုးပဲ ရှိသေးတယ်။ ပတ်ဝန်းကျင်မှာဆူညံလို့ တရားစွဲတဲ့စီရင်ထုံးတွေတော့ အခုထိမရှိသေးဘူး’’ဟု တရားရုံးချုပ်ရှေ့နေ ဦးအုန်းညွန့်က ပြောသည်။

အခါကြီးရက်ကြီးများနှင့် ဝါတွင်းကာလအချိန်များ၌ ဆွမ်းချက်ရန် ဆော်ဩသောဓလေ့က အစဉ်အဆက်ပါလာခဲ့သည့် ဘာသာရေးနှင့်ဆိုင်သော အမူအကျင့်တစ်ခုဖြစ်သည်။

‘‘ကျွန်တော်တို့က ဘာသာရေးလုပ်တာပါ။ ဆဲဆိုတာတွေ ဖွင့်တာမဟုတ်ပါဘူး။ တရားခွေလောက်ပဲဖွင့်တာပါ။ မနက်ပိုင်းကတော့ တခြားဆွမ်းလောင်းတဲ့သူတွေလည်း နိုးထရအောင် ဖွင့်တာပါ’’ဟု မရမ်းကုန်းမြို့နယ် (၅)ရပ်ကွက်မှ ဓမ္မာရုံဥက္ကဋ္ဌ ကိုဝင်းအောင်က ပြောသည်။

တချို့ရပ်ကွက်များတွင်မူ မိုးလင်းမိုးချုပ်အသံချဲ့စက်တစ်လုံးနှင့် မိုက်ကရိုဖုန်းတစ်လုံးကိုင်ကာ ဟောပြောဆော်ဩနေသည့် မိုက်ခဲများလည်းရှိသည်။

‘‘အစ်မတို့ ဓမ္မာရုံမှာ သွားချောင်းကြည့်တယ်။ အိမ်မှာနေလို့မရအောင်ဆူနေလို့ ရေတစ်ခွက်ရှေ့ချပြီး မိုက်နဲ့အော်နေတာ။ ကြည့်ပြီး တော်တော်အကုသိုလ်ရတယ်။ ဘာသာရေးအကြောင်းပြပြီး လူတွေကို နှိပ်စက်နေတာ’’ဟု စမ်းချောင်းမြို့နယ် မြသိန်းတန်ဓမ္မာရုံအနီးနေထိုင်သူ အမျိုးသမီးတစ်ဦးက ပြောသည်။

ရန်ကုန်မြို့ခံများ၊ အထူးသဖြင့် ဓမ္မာရုံ၊ အလှူခံမဏ္ဍပ်နှင့် ဆွမ်းလောင်းရုံများအနီးအနားတွင် နေထိုင်ကြသည့် မြို့ခံများကတော့ အလှူအတန်း ပွဲလမ်းသဘင်ပေါသည့် ဝါကျွတ်ကာလအတွက် တွေးပူနေကြပြီဖြစ်သည်။

7Day Daily