ကိုးကန့်ဒေသတိုက်ပွဲများနှင့်နယ်စပ်ဒေသတည်ငြိမ်မှုအလားအလာ

Eurasia Review တွင်ဖော်ပြသည့် Myanmar's Kokang Crisis:Ethnic Violence Erupts Again-Analysis ကို ပြန်ဆိုပါသည်။ အိန္ဒိယနိုင်ငံ အာသံပြည်နယ်မှ Dlbrugarh University ၏ Department of Political Science တွင် လက်ထောက်ပါမောက္ခ တာဝန်ထမ်းဆောင်နေသူ Obja Borah Hazarika က ရေးသားထားသော ယခုဆောင်းပါးတွင် မြန်မာနိုင်ငံအရှေ့မြောက်ပိုင်း၌ ယခုနှစ် ဖေဖော်ဝါရီ ၉ ရက်က စတင်ဖြစ်ပွားခဲ့သော လောက်ကိုင်ဒေသတိုက်ပွဲများကြောင့် နေရပ်စွန့်ခွာထွက်ပြေးနေရသည့်ဒုက္ခသည်များ အိမ်နီးချင်းတရုတ်နိုင်ငံသို့ ဝင်ရောက်မှု နောက်ဆက်တွဲအလားအလာနှင့် လက်ရှိဖြစ်ပေါ်နေသည့် တပ်မတော်နှင့်ကိုးကန့်တိမ်းရှောင်လက်နက်ကိုင်တပ်ဖွဲ့တို့ကြား ဖြစ်ပွားသည့်တိုက်ပွဲများ၏ဖြစ်စဉ်အကျဉ်းချုပ်၊ တရုတ်-မြန်မာနှစ်နိုင်ငံဆက်ဆံရေးကို သက်ရောက်နိုင်သည့်အခြေအနေများကို သုံးသပ်တင်ပြထားသည်။မြန်မာနိုင်ငံအရှေ့မြောက်ပိုင်း နယ်စပ်ဒေသတွင် မြန်မာ့တပ်မတော်နှင့် MNDAA ဟု အတိုကောက် ခေါ်ဆိုကြသည့် ကိုးကန့်လက်နက်ကိုင်သူပုန်တပ်ဖွဲ့ တို့ကြား ရင်ဆိုင်တိုက်ပွဲများ ဖြစ်ပွားခြင်းကြောင့် ယခုနှစ် ဖေဖော်ဝါရီ ၉ ရက်မှစပြီး သေဆုံးသူ ၁၃ဝ ကျော်ရှိခဲ့သည်။ သေဆုံးသူများထဲတွင် တပ်မတော်နှင့်ရဲတပ်ဖွဲ့ဝင်များအပြင်သူပုန်များလည်း ပါဝင်ခဲ့သည်။ တိုက်ပွဲဖြစ်ပွားရာ ကိုးကန့်ဒေသတွင် အပစ်အခတ်ရပ်စဲရေးအတွက် တောင်းဆိုမှုများကို မြန်မာအစိုးရက ပယ်ချခဲ့သည်။ဗမာပြည်ကွန်မြူနစ်ပါတီ(ဗကပ)၏ အစိတ် အပိုင်းဖြစ်ခဲ့သော MNDAA သည် စစ်အစိုးရလက် ထက်တွင် နှစ်ဦးနှစ်ဖက်သဘောတူ အပစ်အခတ် ရပ်စဲရေးကို လက်မှတ်ရေးထိုးခဲ့သည့် လက်နက် ကိုင်အဖွဲ့များစွာအနက် အစောဆုံးလက်မှတ်ရေးထိုး ခဲ့သည့်အဖွဲ့အစည်းဖြစ်သည်။ ၁၉၈၉ ခုနှစ်တွင် ဗကပပြိုကွဲသွားပြီးနောက် MNDAA က အပစ် အခတ်ရပ်စဲရေးလက်မှတ်ရေးထိုးခဲ့ခြင်းဖြစ်သည်။၂ဝဝ၉ ခုနှစ်တွင် တပ်မတော်၏ထိန်းချုပ်မှုအောက် မှ ပြည်သူ့စစ်နယ်ခြားစောင့်တပ်ဖွဲ့အဖြစ်သို့ အသွင် ပြောင်းလဲရန် ဆောင်ရွက်ချက်ကို MNDAA က ငြင်းဆန်ခဲ့သဖြင့် ၄င်းတို့နှင့်တပ်မတော်ကြားရင်ဆိုင် တိုက်ပွဲများဆီသို့ ဦးတည်သွားခဲ့သည်။ MNDAA သည် မူးယစ်ဆေးဝါးရောင်းဝယ်ဖောက်ကားမှုတွင် ပါဝင်ပတ်သက်သည်ဟုတပ်မတော်ကသင်္ကာမကင်း ဖြစ်နေသည်။ ကိုးကန့်ဒေသကို လက်နက်ကိုင် တိုက်ခိုက်မှုများဖြင့် ဝိုင်းပတ်ပိတ်ဆို့ခဲ့ပြီး ကိုးကန့် သူပုန်များကို ကိုးကန့်ဒေသမှ တပ်မတော်က အောင်မြင်စွာတိုက်ထုတ်ခဲ့သည်။ ထိုအချိန်မှစ၍ ယခုနှစ် ဖေဖော်ဝါရီ ၉ ရက် တိုက်ပွဲများဖြစ် ပွားချိန်အထိ ကိုးကန့်ဒေသတွင် နယ်မြေအေးချမ်းမှု ရှိခဲ့သည်။ရင်ဆိုင်တိုက်ပွဲများ တစ်ကျော့ပြန်ဖြစ်ပွားမှု၏ နောက်ကွယ်မှအကြောင်းရင်းများသည် ရှင်းလင်း ထင်ရှားမှုမရှိသေးသော်လည်း ကိုးကန့်ဒေသ၏ အုပ်ချုပ်ရေးမြို့တော်ဖြစ်သော လောက်ကိုင်မြို့အနီး တပ်စွဲထားသည့် တပ်မတော်၏တပ်စခန်းများကို MNDAA က ဖေဖော်ဝါရီ ၉ ရက်တွင် ထိုးစစ်ဆင် ခဲ့ခြင်းသည် တိုက်ပွဲဖြစ်ပွားအောင် စေ့ဆော်ခဲ့သည့် အကြောင်းရင်းဖြစ်သည်ဟုဆိုသည်။ MNDAA ၏ အဆိုပါထိုးစစ်ဆင်မှုသည် ၂ဝဝ၉ ခုနှစ်အထိ ၄င်းတို့ ထိန်းချုပ်ထားခဲ့သည့် ကိုးကန့်ကိုယ်ပိုင်အုပ်ချုပ် ခွင့်ရဒေသတွင် နိုင်ငံရေးအရလွှမ်းမိုးမှု ပြန်လည် ရရှိရန်တရုတ်ဟန်မျိုးနွယ်တိုင်းရင်းသား ဖုန်ကြားရှင် ခေါင်းဆောင်သည့် MNDAA က ကြိုးပမ်းခြင်းဖြစ် သည်ဟုရှုမြင်ကြသည်။မြန်မာနိုင်ငံရှိ အခြားသောတိုင်းရင်းသားလက် နက်ကိုင်အဖွဲ့များက ကိုးကန့်သူပုန်များကို ထောက် ခံအားပေးလျက်ရှိသည်ဟု တပ်မတော်က သင်္ကာ မကင်းဖြစ်ခဲ့သည်။ အထူးသဖြင့် KIA ၊ SSA (ရှမ်း မြောက်)၊ TNLA နှင့် ရခိုင်တပ်မတော်(ဗဗ) တို့ကို တပ်မတော်က သင်္ကာမကင်းဖြစ်ခဲ့သည်။ ကိုးကန့် ဒေသရှိ သူပုန်များကို ပံ့ပိုးကူညီရန် ကြေးစားစစ် သားများအဖြစ် တရုတ်စစ်ပြန်စစ်မှုထမ်းဟောင်း တချို့ကို စုဆောင်းခဲ့သည်ဟု ဆိုသည်။
မြန်မာနိုင်ငံ၏ နိုင်ငံရေးနှင့်လူမှုရေးအခင်း အကျင်းကိုဆက်လက်ထိခိုက်ပျက်စီးစေလျက်ရှိသည့် ကျယ်ပြန့်သော တိုင်းရင်းသားသူပုန်အကြမ်းဖက်မှု ကိုတားဆီးရန် ရေရှည်စီမံကိန်းတစ်ခုကို ပုံဖော်ရေး ဆွဲခြင်းနှင့်လက်ရှိရင်ဆိုင်တိုက်ပွဲများကို စီမံခန့်ခွဲ ခြင်း၏ ပြဿနာများအပြင် သူပုန်အများစုသည် နယ်စပ်ဒေသ၌ အခြေချနေထိုင်နေသည့် လူနည်းစု အဖွဲ့အစည်းများဖြစ်သဖြင့် အဆိုပါဖြစ်ရပ်များသည် နယ်စပ်ဒေသလုံခြုံရေးကို ထိခိုက်စေသည်ဆိုသည့် အချက်အား မြန်မာအစိုးရက ကိုင်တွယ်ဖြေရှင်းရ မည်ဖြစ်သည်။ ၂ဝဝ၉ ခုနှစ်တွင် ကိုးကန့်ဒေသ၌ ဒုက္ခသည်ပြဿနာကြီးမားစွာဖြစ်ပေါ်ခဲ့သဖြင့် အိမ် နီးချင်းတရုတ်နိုင်ငံသည် အလွန်ထိတ်လန့်တုန်လှုပ် သွားခဲ့သည်။ ယခုနှစ်တွင် ဒုက္ခသည်ပြဿနာက အစပျိုးနေပြီဖြစ်သည်။တိုက်ပွဲများ စတင်ဖြစ်ပွားပြီးနောက် အစိုးရက အရေးပေါ်အခြေအနေကြေညာပြီး စစ်ဥပဒေပြဋ္ဌာန်း လိုက်ခြင်းကြောင့် တပ်မတော်က အကြီးအကျယ် ထိုးစစ်ဆင်မှုပြုလုပ်မည်ကိုစိုးရိမ်ပြီး ကိုးကန့်ဒေသမှ ဒေသခံများ နေရပ်စွန့်ခွာထွက်ပြေးသွားခဲ့ကြသည်။ တရုတ်နိုင်ငံ ယူနန်ပြည်နယ်၌ ခိုလှုံမှုရရန် မြန်မာ- တရုတ် နယ်စပ်ကို ဖြတ်ကျော်ဝင်ရောက်သွားသည့် ဒုက္ခသည်ဦးရေမှာ ၁ဝဝယဝဝဝ ဝန်းကျင်ရှိသည်ဟု ခန့်မှန်းထားသည်။တရုတ်နိုင်ငံ၏ နယ်စပ်တွင် တိုက်ပွဲများဖြစ်ပွား နေခြင်းနှင့် နောက်ဆက်တွဲအနေဖြင့် ယင်းမြေပေါ် သို့ ကိုးကန့်ဒေသခံများ ခိုလှုံရန်ရောက်ရှိလာခြင်းကို တရုတ်အစိုးရက စိတ်အနှောင့်အယှက်ကြီးစွာဖြစ်ခဲ့ ရသည်။ တရုတ်နိုင်ငံ ယူနန်ပြည်နယ်နှင့် နီးကပ်စွာ တည်ရှိသည့် လောက်ကိုင်မြို့နယ်မှ သူပုန်များ တပ်စွဲရာနေရာများကို ပစ်မှတ်ထားတိုက်ခိုက်ရန် မြန်မာအစိုးရက ရဟတ်ယာဉ်များနှင့် ဂျက်တိုက် လေယာဉ်များ အသုံးပြုခဲ့သည်။ ၂ဝဝ၉ ခုနှစ် ကကဲ့သို့ ကိုးကန့်ဒေသခံများ အလုံးအရင်းဖြင့် တစ်ကျော့ပြန်ဝင်ရောက်လာမည်ကို တရုတ်နိုင်ငံက စိုးရိမ်နေသည်။ ယူနန်ပြည်နယ်သို့ဝင်လာသည့် ဒုက္ခ သည်များကို တရုတ်အစိုးရက စားနပ်ရိက္ခာ၊ဆေးဝါး နှင့်အခြားအထောက်အပံ့များပံ့ပိုးပေးနေသော်လည်း ဒုက္ခသည်အလုံးအရင်းဖြင့်ဝင်ရောက်မှုကို ထိန်းချုပ် နိုင်ရန် နယ်စပ်တစ်လျှောက်လုံခြုံရေးကို တရုတ် နိုင်ငံကတင်းကျပ်ထားသည်။ ရင်ဆိုင်တိုက်ပွဲများ ဖြစ်ပွားနေခြင်းကိုအဆုံးသတ်ရန်လည်း မြန်မာအစိုးရ နှင့်ကိုးကန့်သူပုန်များကို တရုတ်အစိုးရက တောင်းဆို ထားသည်။

The Union Daily