စည်ပင်ရွေးကောက်ပွဲတရားမျှတမှုနှင့် ပြည်သူ့အသံ

မြို့တော်စည်ပင်ရွေးကောက်ပွဲသည် ၂၀၁၃ အကယ်ဒမီညရင်ခုန်သံများအောက်တွင် တိတ်ဆိတ်စွာ ပြီးဆုံးသွားခဲ့ပြီဖြစ်သည်။ သို့သော် မပြီးဆုံးသေးသည်က ယင်းရွေးကောက်ပွဲတရားမျှတမှုရှိ၊ မရှိဆိုသည့် ကိစ္စဖြစ်သည်။ ထိုပြဿနာက ရန်ကုန်မြို့ခံအများစုကြား အကယ်ဒမီပွဲသတင်းများလောက် တိုးမပေါက်နိုင်ခဲ့ပါ။ ထိုသို့ပြည်သူ့အင်အားမရှိခြင်းကြောင့် ကိုယ်စားလှယ်လောင်းများအတွက် ပိုမိုအခက်တွေ့စေခြင်းဖြစ်သည်။ဒီဇင်ဘာ ၂၈ ရက် ညနေထိ ရလဒ်အဖြေများ မပေါင်းနိုင်သေး၊ မကြေညာနိုင်သေးပါ။ ရွေးကောက်ပွဲအပြီး ၄a၈ နာရီအတွင်း ကြေညာမည်ဆိုထားသဖြင့် ယနေ့ဒီဇင်ဘာ ၂၉ ရက်တွင် ရလဒ်များထွက်လာနိုင်ပါသည်။ ပြည်သူနှင့်အနီးစပ်ဆုံးဌာနဆိုင်ရာအဖွဲ့အစည်းဖြစ်ပြီး အကျင့်ပျက်ခြစားမှုတွင် နာမည်ဆိုးဖြင့် ကျော်ကြားသော မြို့တော်စည်ပင်သာယာရေးကော်မတီအဆင့်ဆင့် ရာထူးနေရာများအတွက် ပထမဆုံးအကြိမ်ကျင်းပသည့် ယင်းရွေးကောက်ပွဲနှင့်ပတ်သက်၍ မြို့ခံများနှင့် ကိုယ်စားလှယ်လောင်းများက ယနေ့ပြည်သူ့အသံကဏ္ဍတွင် ပါဝင်ဆွေးနွေးထားပါသည်။

နော်လှလှစိုး

(ဗဟိုကော်မတီအဆင့်ဝင်ရောက်ယှဉ်ပြိုင်သူ)

အားနည်းချက်တွေအပြင် လစ်ဟာချက်တွေ တော်တော်ကို များပါ တယ်။ မသမာတဲ့ နည်းနဲ့ မဲဆွယ်စည်းရုံးသူတွေကို ဟန့်တားသတိပေး မှုတွေလုပ်တာ မတွေ့ရဘူး။ တချို့နေရာတွေဆို ရပ်/ကျေးရုံးမှာတင် ပါတီကြီးတစ်ခုက ကိုယ်စားလှယ်လောင်းတွေရဲ့ ဗီနိုင်းကပ်ကြေညာ ပေးထားတာ။

ရာအိမ်မှူးတွေက အဲဒီလူတွေရဲ့ လက်ကမ်းစာရွက်တွေတစ်အိမ်တက်ဆင်းလိုက်ဝေပေးနေတာတွေရှိတော့ သူတို့ရဲ့ သမာသမတ်ကျမှုက စဉ်းစားစရာကြီးဖြစ်နေတာပေါ့။ ကျွန်မကို ယုံယုံကြည်ကြည်မဲထည့်ပေးကြသူတွေရော မဲထည့်ချင်ပြီး မဲစာရင်းမပါလို့ မပေးလိုက်နိုင်သူတွေပါ ကျေးဇူးတင်ပါတယ်။ ကော်မရှင်အနေနဲ့ အထက်အောက်သတင်းပို့မှုအရမ်းအားနည်းတယ်။ သတင်းအချက်အလက် ဖြတ်တောက်မှုတွေရှိတာ အားမရဘူး။

မမင်းမင်းခိုင်

(ရန်ကင်းမြို့နယ်)

စည်ပင်ရွေးကောက်ပွဲအတွက် မဲထည့်တာအဆင်ပြေပါတယ်။ ရပ် ကွက်ထဲမှာတော့ မဲပေးခွင့်ရှိပြီးတော့ မဲစာရင်းမှာ ပါမလာတာတွေ ကြား မိပါတယ်။

ပြီးတော့ ဒီရွေးကောက်ပွဲကို စိတ်ဝင်စားတဲ့လူတွေတော် တော်နည်းတယ်ထင်တယ်။ မဲရုံမှာ မဲလာပေးတဲ့လူက တော်တော်ကို နည်းသလိုပဲ။ ဒီရပ်ကွက်မှာတော့ မဲရုံကို ကြီးကြပ်သူတွေနဲ့ မဲရုံးမှူးက အေးအေးဆေးဆေးပါပဲ။ ပြီးတော့ မဲလာထည့်တဲ့ မနက်ကျတော့ မဲရုံ မှာ ကောင်းကောင်းမွန်မွန်ပဲ ပြောဆိုဆက်ဆံပါတယ်။ မဲဆန္ဒရှင်တစ် ဦးအနေနဲ့ ရွေးချယ်ခံရတဲ့ ကိုယ်စားလှယ်တွေက ဘက်လိုက်မှု၊ လာဘ် စားမှုမရှိဘဲ တကယ်ကြိုးစားသွားမယ်ဆိုရင် ပြည်သူတွေအနေနဲ့ မဲပေး ရကျိုးနပ်ပါတယ်။ ပြီးတော့ ကိုယ်စားလှယ်တွေက သူတို့ပြောတဲ့ အတိုင်းသာ တကယ်လုပ်ဆောင်ပေးနိုင်ရင် ပြည်သူတွေအတွက်တော့ တကယ် ကောင်းမှာပါ။

ဦးဝင်းချို

(ဗဟိုကော်မတီအဆင့် ၀င်ရောက်ယှဉ်ပြိုင်သူ)

ဒီရွေးကောက်ပွဲအဓိကအားနည်းတာကတော့ ဥပဒေနဲ့ မညီတဲ့ လုပ်ရပ်တွေကို ထိန်းကွပ်မှုမရှိတာပဲ။ တာဝန်ရှိသူအဆင့်ဆင့်က ရိုး သားမှုမရှိဘူးလို့ပဲမြင်တယ်။ စပြီး မရိုးသားတာကတော့ ပြည်သူ့ဆန္ဒနဲ့ မညီတဲ့ အဲဒီရွေးကောက်ပွဲဥပဒေပဲ။ မဲဆန္ဒရှင်တွေအားကြိုးမာန်တက် ကျွန်တော့်ကို အားပေးခဲ့ကြတယ်။ အများစုက မဲဆန္ဒရှင်စာရင်းထဲမပါ တာကြောင့် ကျွန်တော့်ကိုမဲပေးချင်သော်လည်း မပေးလိုက်ရဘူးလို့ ကြားတယ်။ သူတို့ကိုကျေးဇူးတင်ပါတယ်။ ကော်မရှင်ကတော့ ကျွန်တော်တို့ ရွေးကောက်ပွဲမလုပ်ခင်ကတည်းက ထောက်ပြခဲ့၊ ပြောခဲ့တာတွေ အများကြီးပါ။ ဘာမှ ပြုပြင်လုပ်ပေးခဲ့တာမရှိပါဘူး။

ကိုကျော်ထူး

(အငှားယာဉ်မောင်း)

ကျွန်တော်တို့က သန်းခေါင်စာရင်းနဲ့ နေကြတာပါ။ မဲထည့်ဖို့လည်း ဘယ်သူကမှ လာမပြောကြဘူး။ အမှန်ဆိုရင် သူတို့က မဲပေးခွင့်ရှိသူ စာရင်းကိုသေသေချာချာကောက်ယူခဲ့သင့်တာပါ။ အဲဒီလိုမျိုးလိုအပ်ချက် တွေရှိနေတော့ ဒီရွေးကောက်ပွဲက သိပ်ပြီးတော့ ထူးခြားမယ်လို့တော့ မထင်ပါဘူး။ ပြီးတော့လည်း မြို့နယ်အုပ်ချုပ်ရေးနဲ့ စည်ပင်ဝန်ထမ်း တွေအနေနဲ့ ဘယ်လိုဘယ်နည်းနဲ့ မဲထည့်သင့်တယ်ဆိုတာကို နည်းလမ်း တကျရှင်းပြပေးနိုင်မှုမရှိဘူး။ ပြည်သူတွေရဲ့ အမှန်တကယ်ဆန္ဒသိပ်မပါ ဘူးထင်တယ်။ ရွေးကောက်ပွဲကော်မရှင်တာဝန်ရှိသူတွေကို ပြောချင် တာကတော့ ဒီလိုမျိုးလိုအပ်ချက်တွေ၊ အဖြစ်အပျက်တွေနဲ့ ရွေးကောက်ပွဲကြီးပြီးသွားတော့ ရွေးချယ်ခံရသူတွေက ပြည်သူတွေအတွက် အကျိုးရှိမယ့်လုပ်ငန်းတွေကို တကယ်ကောလုပ်နိုင်ပါ့မလားဆိုတာ သံသယ၀င်စရာပါပဲ။ ပြီးတော့လည်း ကျွန်တော်တို့လိုမဲပေးခွင့်ရှိရဲ့သား နဲ့ မဲမပေးလိုက်ရတာက ရွေးကောက်ပွဲကော်မရှင်ကြီးကြပ်သူတွေအနေ နဲ့ရော၊ မြို့နယ်တာဝန်ရှိသူတွေအနေနဲ့ပါလုံးဝကို မဖြစ်သင့်တဲ့ အမှား ပါ။ နောင်ရွေးကောက်ပွဲတွေမှာလည်း ဒီလိုမျိုးတွေဖြစ်နေရင် ပြည်သူ တွေက အရွေးခံရတဲ့ လူတွေကို ဘယ်လိုလုပ်ယုံတော့မှာလဲ။

ဦးအေးသိန်း

(ကမာရွတ်မြို့နယ်)

စည်ပင်ရွေးကောက်ပွဲအတွက် မဲသွားပေးတာ အဆင်ပြေခဲ့ပါတယ်။ မြို့နယ်တိုင်းမှာ ဝေဖန်သံတွေထွက်တာတော့ ကြားမိတယ်။ အခုရွေး ကောက်ပွဲကတော့ ထည့်တဲ့သူလည်း နည်းတော့ အေးအေးဆေးဆေးနဲ့ ပဲကောင်းပါတယ်။ မဲရုံစောင့်တဲ့ ၀န်ထမ်းတွေလည်း စည်းကမ်းရှိရှိနဲ့ ယဉ်ယဉ်ကျေးကျေးရှိကြတယ်။ အသက်အရွယ်ကြီးတဲ့သူတွေကိုလည်း သေသေချာချာရှင်းပြပြီး တွဲခေါ်လုပ်ပေးတယ်။ အဓိကကတော့ မဲဆွယ် တုန်းကပဲဖြစ်ဖြစ်၊ အခုမဲထည့်တာမှာပဲဖြစ်ဖြစ် ကော်မရှင်ဝင်တွေနဲ့ တာ ၀န်ရှိသူတွေအားလုံးမျှမျှတတလုပ်စေချင်ပါတယ်။

ဦးတိုးမြင့်ဦး

(လသာမြို့နယ်)

ကျွန်တော်က လသာမြို့နယ်ကနေ မဲပေးတာပါ။ ကျွန်တော်တို့ မြို့နယ်မှာတော့ မဲရုံတွေက မသမာမှုတွေလုပ်တာမတွေ့ရပါဘူး။ မဲရုံစောင့် တဲ့ ဆရာမတွေလည်း အားလုံးသေချာကြည့်ရှုပေးကြပါတယ်။ စည် ပင်ရွေးကောက်ပွဲကို ပြောရမယ်ဆိုရင်တော့ ပါဝင်ဆောင်ရွက်ကြသူ တွေအားလုံးကို ကျေနပ်အားရမိပါတယ်။ ကိုယ်တိုင်မဲလာပေးကြတဲ့သူ တွေတော့နည်းတယ်။ ကျွန်တော့်အနေနဲ့ ပြောရမယ်ဆိုရင်တော့ စည် ပင်ရွေးကောက်ခံကြရတဲ့သူတွေ လုပ်ငန်းစဉ်တွေဆောင်ရွက်ရာမှာ ၅၀ ရာခိုင်နှုန်းလောက်တော့ ဆောင်ရွက်နိုင်မယ်လို့ထင်တယ်။ ပြည်သူတွေအတွက် လုပ်ငန်းတွေလုပ်ဆောင်ပေးတဲ့ ရွေးကောက်ပွဲကော်မရှင် တွေကိုလည်း ကျေးဇူးတင်ပါတယ်။

ကိုကျော်ထွန်း

(မြောက်ဥက္ကလာပမြို့နယ်)

ကျွန်တော်မဲသွားပေးတော့ မဲရုံမှာ လူတွေတော်တော်နည်းတာကို တွေ့ရတယ်။ မဲရုံမှူးကို မေးကြည့်တော့လည်း ငါးပုံတစ်ပုံတောင် မလာ ဘူးတဲ့။ လူစိတ်ဝင်စားမှုနည်းတယ်လို့ထင်ပါတယ်။ တာဝန်ရှိတဲ့သူတွေ ကတော့ ကောင်းကောင်းမွန်မွန်ပါပဲ။ ဒါပေမဲ့ကိုယ်မဲပေးလိုက်တဲ့ သူကတော့ ပြည်သူ့အကျိုးကိုကောင်းကောင်းမွန်မွန်လုပ်စေချင်ပါတယ်။နောက်နောင်ရွေးကောက်ပွဲတွေမှာ ဒီအဖြစ်အပျက်ကို အတုယူပြီး ပိုကောင်းတဲ့ ရွေးကောက်ပွဲတွေ ကျင်းပပေးစေချင်တယ်။

ကိုကျော်သူ

(ဒဂုံဆိပ်ကမ်းမြို့နယ်)

စည်ပင်ရွေးကောက်ပွဲကျင်းပတော့ ကျွန်တော်တို့မြို့နယ်မှာ တွေ့ရ များတာက မဲပေးခွင့်ရှိသူတွေက သက်ကြီးရွယ်အိုနဲ့ နေထိုင်မကောင်း ဖြစ်တဲ့သူတွေဖြစ်နေတယ်။ သူတို့ကိုယ်တိုင်လာမထည့်နိုင်ကြတော့ သူ တို့ရဲ့ သားသမီးတွေကို ပေးခိုင်းတယ်။ မှတ်ပုံတင်တွေ၊ သန်းခေါင်စာ ရင်းတွေပါရဲ့နဲ့ မဲထည့်ခွင့်မရကြဘူး။ သူတို့တွေ ဒါကိုမကျေနပ်ကြဘူး။ မဲရုံဝန်ထမ်းတွေကတော့ သမာသမတ်ရှိကြပေမယ့် မဲရုံတွေနားမှာ Microစာရွက်လေးတွေနဲ့ မဲထည့်ရမယ့်သူတွေရဲ့ ကိုယ်ရေးအချက်အလက် အစုံရေးထားပြီးလာပေးဝေနေကြတာကိုတော့ တွေ့ရတယ်။ မဲဆန္ဒရှင် တစ်ဦးအနေနဲ့ ရွေးကောက်ပွဲကော်မရှင်နဲ့ တာဝန်ရှိသူတွေကို အလုပ် တစ်ခုလုပ်ပြီဆိုရင် သမာသမတ်ကျကျလုပ်စေချင်ပါတယ်။

ဦးထွန်းထက်အောင်

(ရွှေပေါက်ကံမြို့နယ်)

ကျွန်တော်ကတော့ မဲမပေးရတဲ့အတွက် နိုင်ငံသားအခွင့်အရေး ဆုံးရှုံးတယ်လို့ထင်မိပါတယ်။ ပြည်သူတစ်ယောက်အနေနဲ့ မဲပေးခွင့်ဆို တာ ရသင့်တာပေါ့။ မဲစာရင်းမှာ မပါဘူးဆိုပြီး မဲရုံဧရိယာနားတောင် မကပ်ခိုင်းဘူး။ တာဝန်ရှိသူတွေကို ပြောတော့လည်း စည်ပင်နဲ့ အုပ်ချုပ် ရေးမှူးအပြန်အလှန်လွှဲချနေကြတယ်။ ပြည်သူတစ်ရပ်လုံးပါဝင်ခွင့်မရ တဲ့အတွက် ပြည်သူကို ကိုယ်စားပြုတဲ့ ရွေးကောက်ပွဲလို့ မမြင်တာတော့ အမှန်ပါပဲ။ နောက်ရွေးကောက်ပွဲတွေမှာ ဒီလိုမဖြစ်ဖို့ ဆုတောင်းပါတယ်။

ဦးသန်းဦး

(အရှေ့ပိုင်းခရိုင်ဗဟိုကော်မတီဝင်)

ကျွန်တော်ကိုယ်တိုင်ကိုယ်စားလှယ်တစ်ဦးဖြစ်နေပြီးတော့ မဲပေး ပိုင်ခွင့်မရှိခဲ့ဘူး။ မဲရုံမှာ တာဝန်ရှိသူတွေကို ပြောတော့ တခြားသူတစ် ယောက်ရဲ့ နာမည်ကိုဖျက်ပြီးတော့ ကျွန်တော့်နာမည်ကိုတပ်ပေးတယ်။ မဲရုံတာဝန်ရှိသူတွေ စည်းကမ်းမဲ့တာသိသာပါတယ်။ နောက်ရွေးကောက် ပွဲတွေတိုင်းမှာ စည်းကမ်းရှိရှိနဲ့ ပြည်သူတစ်ရပ်လုံးပါဝင်လာအောင် ဆောင်ရွက်သင့်တယ်။ အခုကမဲပေးလိုက်ရတဲ့ သူတွေအများကြီးပဲရှိ တယ်။

ဦးအေးလွင်

လက်ဖက်ရည်ဆိုင်ပိုင်ရှင် (ဘိုးလိန်းအောင်မင်္ဂလာရပ်ကွက်)

ဦးမဲပေးဖို့သွားတော့ မဲရုံမှာ မဲပေးတဲ့သူတစ်ယောက်မှ မရှိဘူး။ တစ်ယောက်တည်းမဲပေးခဲ့ရတယ်။ ဒီရွေးကောက်ပွဲမှာ သမာသမတ်ကျ တာလည်း ရှိမှာပါ။ ၀န်ထမ်းတွေကတော့ ရပ်ကွက်က တာဝန်ရှိသူတွေ နဲ့ ကျောင်းဆရာမတွေပဲဆိုတော့ သိပ်ပြီးတော့ ထွေထွေထူးထူးမရှိပါဘူး။ ဆရာမတွေကတော့ မဲရုံစောင့်ပြီး မဲပေးကတ်ထုတ်ပေးတယ်။ ဦးကတော့ကိုယ်သဘောကျလောက်မယ်ထင်တဲ့ လူကိုတော့ ပေးခဲ့တာပါပဲ။ ဦးတို့ ရပ်ကွက်မှာတော့ လူ ၃၀၀ မှာ ၄၉ ယောက်လောက်ပဲ လာပေးကြတယ်။ ကိုယ်မဲပေးရမယ်ဆိုလို့သာ သွားပေးဖြစ်တာပါ။ ဘယ်သူမှလည်း စိတ် မ၀င်စားကြဘူး။ သူတို့ကလည်း စည်းရုံးမှုအရမ်းအားနည်းတယ်။ ကော်မရှင်ကိုပြောချင်တာကတော့ ဒီထက်ပိုပြီးတော့ စည်းရုံးမှုတွေ၊ လှုံ့ဆော်မှု တွေ ပြုလုပ်ခဲ့သင့်ပါတယ်။

ဒေါက်တာစိုးထွန်း

(အရှေ့ပိုင်းခရိုင်ကော်မတီဝင်လောင်း)

ပြည်သူတွေကို အသိပေးမှုမှာ တော်တော်အားနည်းခဲ့တာပါ။ ပြည်သူတွေအနေနဲ့က ဘာဆိုဘာမှမသိတဲ့လူ၊ နားမလည်တဲ့လူနဲ့ပဲဖြစ် နေတယ်။ အမှန်တော့ပြည်သူတွေနဲ့ အာဏာဆိုတာ မဲပေးပိုင်ခွင့်တစ်ခု ပဲလေ။ ပြီးတော့ကိုယ်စားလှယ်အများစုကလည်း ပါတီနောက်ခံမရှိတော့ ငွေရေးကြေးရေးအခက်အခဲရှိကြပါတယ်။ မဲမပေးတဲ့လူတွေကလည်း နစ်နာပါတယ်။ ရွေးကောက်ပွဲကော်မရှင်အနေနဲ့လည်း ပထမဆုံးအကြိမ် ပြန်လည်လုပ်ဆောင်တဲ့နေရာမှာ အခက်အခဲတွေ၊ အဆင်မပြေတာတွေ ရှိနိုင်ပါတယ်။

ဦးခင်မောင်မြင့်

(အရှေ့ပိုင်းခရိုင် ကိုယ်စားပြု ဗဟိုကော်မတီဝင်လောင်း)

ဒီရွေးကောက်ပွဲမှာ ပြည်သူတွေ မဲမပေးလိုက်ရဘူးဆိုတဲ့ ကိစ္စတွေ အများကြီးဖြစ်တယ်။ မဲထည့်ချင်တဲ့ လူတွေအတွက် ထည့်ခွင့်မရသလို မသိတဲ့သူတွေကလည်း အများကြီးပါ။ စည်းရုံးရေးနဲ့ပတ်သက်ပြီး အား နည်းချက်တွေ များလို့ပါ။ ပြည်သူတွေ အားတက်လာအောင် မလှုံ့ ဆော် နိုင်ခဲ့ဘူး။ တာဝန်ရှိသူတွေကလည်း ဖြစ်သလိုပဲ လုပ်နေတာ။ တာဝန်ခံမှု၊ တာဝန်ယူမှုမထားဘူး။ မဲဆန္ဒရှင်တွေအတွက်ကို ဒီနှစ်တော့ ရွေးကောက် ပွဲက ပြည်သူတွေအားလုံးကို ကိုယ်စားမပြုဘူးလို့ ပြောချင်ပါတယ်။ ကော်မရှင်ကလည်း သိမှာပါ။ အခုတောင်မှပဲ မဲမပေးရလို့ ဆူပူမှုတွေ ဖြစ် တာရှိတယ်။

ဦးစိန်ဝင်း

(အရှေ့ပိုင်းခရိုင် ကော်မတီဝင်လောင်း) လူမှုရေး

အဓိကအနေနဲ့ မျှတမှုမရှိဘူးလို့ ဝေဖန်ချင်ပါတယ်။ ဘာကြောင့် လဲဆိုတော့ မဲရုံထဲမှာပဲ မဲဆွယ်တဲ့သဘောတွေကို ကိုယ်တိုင်တွေ့ခဲ့ရ လို့ပါ။ အုပ်ချုပ်ရေးပိုင်းကို ပါတီကြီးတစ်ခုက လူတွေ တာဝန်ယူထား တာလည်းရှိတော့ တာဝန်ရှိသူအများစုက သမာသမတ်မကျခဲ့ဘူး ထင် မိပါတယ်။ ဘာကိုမှ ကန့်ကွက်ခြင်းမပြုချင်ပေမယ့် သန့်သန့်ရှင်းရှင်း ဖြစ်စေချင်ပါတယ်။ မဲထည့်ခဲ့တဲ့ လူတွေကို ကျေးဇူးတင်ပါတယ်။ မဲမ ထည့်ခဲ့တဲ့လူတွေကလည်း နောက်ရွေးကောက်ပွဲတွေမှာ သေချာနားလည် စွာနဲ့ မဲပေးနိုင်ပါစေလို့ ပြောချင်ပါတယ်။ ကော်မရှင်ကလည်း ပထမ တစ်ကြိမ်ဆိုတော့ ဖိဖိစီးစီး မလုပ်နိုင်တာပါ။

7Day Daily