လူပေါင်း ၁၆၂ ဦးလိုက်ပါလာသော အဲအေးရှားလေယာဉ် ပျောက်ဆုံးနေ

အင်ဒိုနီးရှားနိုင်ငံ ဆူရာဘာယာမြို့ ဂျူအန်ဒါလေဆိပ်မှ စင်ကာပူသို့ ပျံသန်းလာသော အဲအေးရှားလေယာဉ်ပျောက်ဆုံးခဲ့ရာ လေယာဉ်ပေါ်ပါသူများ၏ ဆွေမျိုးသားချင်းများ လေယာဉ်သတင်းစောင့်ဆိုင်းရင်း ငိုကြွေးနေကြစဉ် (ဓာတ်ပုံ − အေပီ)

အဲအေးရှားလေယာဉ် QZ8501 သည် အင်ဒိုနီးရှားနိုင်ငံ၊ ဆူရာဘာယာမှ စင်ကာပူသို့ ပျံသန်းနေစဉ်အတွင်း တနင်္ဂနွေနေ့နံနက်က ပျောက်ဆုံးသွားခဲ့သည်။ လေယာဉ်ပေါ်၌ လူ ၁၆၂ ဦးပါသွား၏။ အဆက်အသွယ် ပြတ်တောက်မသွားမီအတွင်း ရာသီဥတုအခြေအနေကြောင့် လေကြောင်းလမ်းကို ပြောင်းလဲမောင်းနှင်ရန် မြေပြင်ရှိ လေကြောင်းထိန်းသိမ်းရေးစခန်းသို့ လေယာဉ်မှူးကလှမ်းအကြောင်းကြားမေးမြန်းခဲ့မှုရှိခဲ့သည်။ ယင်းနောက် အဆက်အသွယ်ပြတ်တောက်သွားခဲ့ခြင်း ဖြစ်သည်။
ဖြစ်စဉ်အချိန်ဇယား
(ဒီဇင်ဘာ ၂၈ ရက်)
မူလသတ်မှတ်ထားသည့်ထွက်ခွာချိန် - နံနက် ၅း၂၀ နာရီ (ဆူရာ ဘာယာစံတော်ချိန်)
အမှန်တကယ်ထွက်ခွာခဲ့သည့်အချိန် - နံနက် ၅း၃၅ နာရီ
အင်ဒိုနီးရှားသယ်ယူပို့ဆောင်ရေးဝန်ကြီးဌာနအဆိုအရ အင်ဒိုနီးရှားနှင့် လေယာဉ်ကြား အဆက်အသွယ်ပြတ်တောက်သွားချိန် - နံနက် ၆း၁၇ နာရီ (ဆူရာဘာယာစံတော်ချိန်)
စင်ကာပူ၌ ဆိုက်ရောက်ရမည့်အချိန် - နံနက် ၈း၃၀ နာရီ (စင်ကာပူ စံတော်ချိန်)
ပုံမှန်ခရီးစဉ်ကြာချိန် - ၁း၅၀ နာရီ
လေဆိပ်မှ ထွက်ခွာချိန်မှ အဆက်အသွယ်ပြတ်တောက်ချိန်ထိကာလ - ၄၂ မိနစ်



၉း၁၅ နာရီ - လေယာဉ်အဆက် အသွယ်ပြတ်တောက်သွားကြောင်း အင်ဒိုနီးရှားသယ်ယူပို့ဆောင်ရေး ၀န်ကြီးဌာန အရာရှိကို ကိုးကား ၍ အင်ဒိုနီးရှားမီဒီယာက ဖော်ပြ ခဲ့သည်။

၉း၃၀ နာရီ - လေယာဉ်နှင့် အ ဆက်အသွယ်အားလုံး ပျောက်ဆုံး နေကြောင်း အဲအေးရှားက ၎င်း၏ Facebook စာမျက်နှာတွင် အ တည်ပြုခဲ့သည်။ လေကြောင်း လိုင်းအနေဖြင့် ရှာဖွေကယ်ဆယ် ရေးကို ဆောင်ရွက်နေကြောင်း ထုတ်ပြန်ခဲ့သလို ပျောက်ဆုံးလေ ယာဉ်ပါ ခရီးသည်များ၏ ဆွေမျိုး များအတွက် အရေးပေါ်ဖုန်းနံ ပါတ်တစ်ခုကိုလည်း ထုတ်ပြန်ခဲ့ သည်။


(ဓာတ်ပုံ − အီးပီအေ)

၉း၅၃ နာရီ - လေယာဉ်ထွက်ခွာ ခဲ့ရာ ဆူရာဘာယာအနီးတစ်ဝိုက် တွင် မုန်တိုင်းအန္တရာယ်ရှိခဲ့။ အ ခင်းဖြစ်ပွားရာနေရာရှိ ဆိုးရွား သည့် ရာသီဥတုအခြေအနေ ကြောင့် အင်ဒိုနီးရှားအရာရှိများ အနေဖြင့် ရှာဖွေရေးလုပ်ငန်းများ ဆောင်ရွက်ရန် အခက်အခဲဖြစ်နေ ခဲ့သည်။ QZ8501 သည် Belitungကျွန်းများအနီးတွင် အဆက်အ သွယ်ပြတ်တောက်ခဲ့ခြင်း ဖြစ် သည်။

၁၀း၃၃ နာရီ - အဲအေးရှားက Facebook အပါအ၀င် ၎င်း၏ အွန်လိုင်းစာမျက်နှာများ၏ ပုံများကို မီး ခိုးရောင်ပုံများသို့ ပြောင်းလဲလိုက် သည်။ အဲအေးရှားကုမ္ပဏီ၏ မူ ရင်းလိုဂိုအရောင်မှာ အနီရောင် ဖြစ်သည်။

၁၀း၄၃ နာရီ - Belitung ကျွန်းများတွင် ပျက်ကျလေယာဉ်တစ်စီး၏ အကြွင်းအကျန်များကို တွေ့ရ ကြောင်း အင်ဒိုနီးရှားဒေသခံမီဒီ ယာက တင်ပြသည်။ သို့သော် ယင်းပျက်ကျလေယာဉ်မှာ ပျောက် ဆုံးနေသည့် လေယာဉ်ဖြစ် ကြောင်း အတည်မပြုနိုင်ပေ။ ဤ အတောအတွင်း အင်ဒိုနီးရှားက လေယာဉ်နှစ်စီးအသုံးပြု၍ ရှာဖွေ ရေး ဆောင်ရွက်နေပြီ ဖြစ်သည်။

၁၀း၅၅ နာရီ - ရှာဖွေကယ်ဆယ် ရေးတွင် ပါဝင်ကူညီရန် လေတပ် ရေတပ်များ အသင့်ရှိနေကြောင်း စင်ကာပူက ကြေညာခဲ့သည်။ စင် ကာပူချန်ဂီလေဆိပ်တွင်လည်း ပျောက်ဆုံးလေယာဉ်ပါ ခရီးသည် များ၏ ဆွေမျိုးမိသားစုမိတ်ဆွေ များအတွက် လိုအပ်သည့် အ ထောက်အပံ့များနှင့် စောင့်ဆိုင်း ဧရိယာတစ်ခုကို ပြုလုပ်ပေးခဲ့ သည်။


(ဓာတ်ပုံ − အီးပီအေ)

၁၁း၅၀ နာရီ - စင်ကာပူဝန်ကြီး ချုပ် လီရှန်လွန်းက ၎င်း၏ တွစ်တာနှင့် Facebook စာမျက်နှာများမှ တစ်ဆင့် ပျောက်ဆုံးခရီးသည် များ၏ မိသားစုဝင်များကို နှစ်သိမ့် ခဲ့သည်။ အင်ဒိုနီးရှားဆူရာဘာ ယာမှ စင်ကာပူသို့ ပျံသန်းနေ သည့် အဲအေးရှားလေယာဉ်ပျောက်ဆုံးသွားသည့်အကြောင်း သိလိုက်ရ၍ ၀မ်းနည်းကြောင်း၊ အသေး စိတ်အခြေအနေများ မသိရ သေးသော်လည်း အကူအညီ ပေးရန်အတွက် အင်ဒိုနီးရှား အာဏာပိုင်များထံ ကမ်းလှမ်း ထားကြောင်း ဆိုခဲ့သည်။

စိုးရိမ်ပူပန်မှုကို ဖော်ပြရန်နှင့်အကူအညီပေးရန်အတွက် အင်ဒို နီးရှားသမ္မတ ဂျိုကိုဝီဒိုဒိုထံ တယ် လီဖုန်းခေါ်ဆိုခဲ့ကြောင်း စင်ကာပူ ၀န်ကြီးချုပ် လီရှန်လွန်းက သူ၏ Facebook စာမျက်နှာတွင် ပို့စ် ရေးသားလာသည်။ စင်ကာပူလေ တပ်၏ C-130 ရှာဖွေကယ်ဆယ် ရေးလေယာဉ် နှစ်စီးမှာ အရန်သင့် အနေအထားဖြင့်ရှိနေပြီး ထွက်ခွာရန် အသင့်ပြင်ပြီးပြီဟု ဆိုသည်။ စင်ကာပူဝန်ကြီးများ အနေဖြင့် လည်း ပျောက်ဆုံးနေသော အဲ အေးရှားလေယာဉ်အတွက် အာရုံ စိုက်စောင့်ကြည့်နေကြသည်။

လေယာဉ်သည် လေကြောင်းလမ်းထိန်းချုပ်ကွပ်ကဲသူများနှင့် အဆက်အသွယ်ပြတ်တောက်မ သွားမီ အချိန်အတောအတွင်း လေးမှာပင် ရာသီဥတုအခြေအ နေကြောင့် ပျံသန်းသည့် လမ်း ကြောင်းကို ပြောင်းလဲရန် မေးမြန်းခဲ့သေးသည်။ အဆက်အသွယ် ပြတ်တောက်သွားချိန်က လေ ယာဉ်သည် ကလီမန်တန်နှင့် ဂျာ ဗားကျွန်းများအကြား ဂျာဗားပင် လယ်အပေါ်တွင် ရှိနေခဲ့သည်ဟု အင်ဒိုနီးရှားလေကြောင်း ၀န်ကြီး ဌာနအရာရှိက မီဒီယာများကို ပြောကြားခဲ့သည်။ အဆိုပါနေရာ ရှိ ရာသီဥတုမှာ တိမ်ထူထပ်နေ သည်ဟု ၎င်းက ပြောသည်။

၁၁း၅၄ နာရီ - တိမ်ထူထပ်မှုကို ရှောင်ရှားရန်အတွက် ကောင်းမွန် မှုမရှိသည့် ရာသီဥတုကြားထဲ တိုးဝင်သွားရကြောင်း နောက်ဆုံးရိုက်ယူနိုင်ခဲ့သည့် အချက်ပြမြေပုံများ ကိုထောက်၍ လေကြောင်းလမ်း ထိန်းသိမ်းရေးဌာနနှင့် အဲအေးရှားက ပြောကြားသည်။ ထို့နောက် ကုမ္ပဏီက သတင်းထုတ်ပြန်ရာ လေယာဉ်မှူးသည် ပျံသန်းချိန် ပေါင်း ၆၁၀၀ နာရီရှိထားသည့် ကျွမ်းကျင်လေယာဉ်မှူးတစ်ဦး ဖြစ်ပြီး တွဲဖက်လေယာဉ်မှူးမှာ လည်း ၂၂၇၅ နာရီပျံသန်းချိန်အ တွေ့အကြုံရှိကြောင်း ဖော်ပြခဲ့၏။ထို့အပြင် ပျောက်ဆုံးလေ ယာဉ်ပေါ်တွင် ခရီးသည် ၁၅၅ ဦး၊လေယာဉ်မှူး နှစ်ဦး၊ ၀န်ထမ်း ငါး ဦး လိုက်ပါသွားကြောင်း အတည် ပြုခဲ့သည်။ ခရီးသည်များအနက် အင်ဒိုနီးရှား ၁၄၉ ဦး၊ ကိုရီးယား သုံးဦးနှင့် စင်ကာပူ၊ ဗြိတိန်၊ မလေးရှား တစ်ဦးစီပါဝင်ကြောင်း ထုတ်ပြန်သည်။

၁၂း၂၁ နာရီ - တရားဝင်အတည် ပြုချက်မရှိသော်လည်း လေယာဉ် သည် အင်ဒိုနီးရှားပိုင်နက်အတွင်း ရှိ Belitung ကျွန်းများပေါ်သို့ ပျက်ကျခဲ့ပြီဖြစ်ကြောင်း ဒေသတွင်းမီဒီ ယာများက ဖော်ပြကြသည်။ ဤအတောအတွင်းမှာပင် လေယာဉ် ၌ လေးနာရီခွဲစာ ပျံသန်းရန်သာ လောင်စာဆီပါသွားသည်ဟု အင် ဒိုးနီးရှားသယ်ယူပို့ဆောင်ရေး ၀န် ကြီးက ပြောကြောင်း တရုတ်သ တင်းဌာန CCTV က ဖော်ပြခဲ့ သည်။ ထိုသို့ပြောချိန်၌ လေယာဉ်ပျောက်ဆုံးနေသည်မှာ ခြောက် နာရီခန့်ပင် ရှိနေပြီဖြစ်၏။ နောက် ဆုံးရသတင်းများအရ QZ8501 ကို နောက်ဆုံးခြေရာခံမိခဲ့သည့် နေရာတွင် သင်္ဘောခြောက်စီးနှင့် ဟယ်လီကော်ပတာနှစ်စီးကို တပ် ဖြန့်ချထားသည်။

၁း၄၄ နာရီ - အဲအေးရှားအမှု ဆောင်အရာရှိချုပ် တိုနီဖာနန် ဒက်စ်က ၎င်းသည် အင်ဒိုနီးရှား ဆူရာဘာယာမြို့သို့ သွားရာလမ်း တွင် ရောက်နေပြီဖြစ်ကြောင်း တွစ်တာ၌ ရေးတင်လိုက်သည်။



လက်ရှိအချိန်တွင် ရှာဖွေ ကယ်ဆယ်ရေးလုပ်ငန်းများကို အင်ဒိုနီးရှားလေကြောင်းအာဏာ ပိုင်၏ လမ်းညွှန်မှုအောက်၌ ဆောင်ရွက်နေကြောင်း သတင်း ထုတ်ပြန်ထားသည်။ အဆက်အ သွယ်ပြတ်တောက်မသွားမီအ ချိန်အထိ လေယာဉ်သည် အင်ဒို နီးရှားလေယာဉ်လမ်း ထိန်းချုပ် ရေးဌာန၏ ထိန်းချုပ်မှုအောက်၌ ရှိနေဆဲ ဖြစ်သည်။ လေယာဉ် သည် လေကြောင်းလမ်းထိန်းချုပ် ကွပ်ကဲသူများနှင့် အဆက်အ သွယ်ပြတ်တောက်မသွားမီ အ ချိန်အတောအတွင်းလေးမှာပင် ရာသီဥတုအခြေအနေကြောင့် ပျံ သန်းသည့်လမ်းကြောင်းကို ပြောင်းလဲရန် မေးမြန်းခဲ့သေးသည်။

စင်ကာပူလေကြောင်းအာ ဏာပိုင်အဖွဲ့၏ အဆိုအရ လေ ယာဉ်သည် အဆက်အသွယ်ပြတ် တောက်ခဲ့ချိန်က အင်ဒိုနီးရှားလေ ကြောင်းအချက်ပြဒေသ အင်ဒိုနီး ရှားလေပိုင်နက်အတွင်း၌ ရှိခဲ့ သည်။ ယင်းနေရာမှာ စင်ကာပူ- ဂျကာတာလေကြောင်းအချက် ပြဒေသ၏ အရှေ့တောင်ဘက် မိုင်ပေါင်း ၂၃၀ ကျော်တွင် ဖြစ်သည်။ စင်ကာပူလေကြောင်းအာဏာ ပိုင်အဖွဲ့က စီမံခန့်ခွဲသော စင်ကာ ပူကယ်ဆယ်ရေးပူးပေါင်းစင်တာ နှင့် နိုင်ငံ၏ လေတပ်ရေတပ်တို့ မှာ အင်ဒိုနီးရှားအာဏာပိုင်အဖွဲ့ ကို အကူအညီပေးရန် အသင့်ရှိ နေကြောင်း အစောပိုင်းက ထုတ် ပြန်ခဲ့သည်။

အဲအေးရှားအင်ဒိုနီးရှားလေ ယာဉ် QZ8501 ရှာဖွေကယ်ဆယ် ရေးအတွက် စင်ကာပူ၏ အကူအ ညီကမ်းလှမ်းမှုကို အင်ဒိုနီးရှားက လက်ခံလိုက်ပြီဖြစ်ကြောင်း သ တင်းများအရ သိရသည်။ အိန္ဒိယ ကလည်း ပျောက်ဆုံးလေယာဉ်ရှာ ဖွေရေးအတွက် အကူအညီပေး ရန် ကမ်းလှမ်းထားသည်ဟု ဘီဘီ စီက တင်ပြခဲ့၏။

အိမ်ဖြူတော် ကလည်း ပျောက်ဆုံးလေယာဉ် ပတ်ဝန်း ကျင်အခြေအနေကို စောင့်ကြည့် စစ်ဆေးနေကြောင်း အမေရိကန် သမ္မတ ဘာရက်အိုဘားမားက လည်း ဤအရေးအတွက် ညွှန် ကြားထားပြီးဖြစ်ကြောင်း ပြော ကြားသည်။

မလေးရှားဝန်ကြီးချုပ် နာ ဂျစ်ရာဇက်ကလည်း ပျောက်ဆုံး အဲအေးရှားလေယာဉ်ရှာဖွေကယ် ဆယ်ရေးအတွက် မလေးရှားက ကူညီလိုကြောင်း မက်ဆေ့ခ်ျတစ် စောင်ကို တွစ်တာ၌ ရေးသားခဲ့ သည်။ မလေးရှားအစိုးရအနေဖြင့် ကယ်ဆယ်ရေးပူးပေါင်းစင်တာ တစ်ခုကို တည်ထောင်ထားပြီး ရှာ ဖွေရေးတွင် ကူညီရန်လိုအပ်သည် များကို တပ်ဖြန့်ချထားပြီးဖြစ် ကြောင်း မလေးရှားသယ်ယူပို့ ဆောင်ရေးဝန်ကြီး Liow Tiong Lai က တွစ်တာတွင် ပြောသည်။

လူ ၁၆၂ ဦးပါ အဲအေးရှား လေယာဉ်လက်ရှိပျောက်ဆုံးနေ မှုသည် မလေးရှားလေကြောင်း လိုင်းပိုင် MH370 ပျောက်ဆုံးပြီး နောက် ဆယ်လနီးပါးအကြာတွင် ပေါ်ပေါက်လာခြင်း ဖြစ်သည်။ ၂၀၁၄ ခုနှစ်အတွင်း ဒုတိယအ ကြိမ်မြောက် လေယာဉ်ပျောက် ဆုံးမှုကြီးဖြစ်သကဲ့သို့ အရှေ့တောင် အာရှဒေသအတွင်း လေကြောင်း လိုင်းများအနေဖြင့် တတိယအ ကြိမ် လေယာဉ်မတော်တဆမှု ဖြစ်သည်။

ပြီးခဲ့သည့် မတ်လ ၈ ရက်က ပျောက်ဆုံးသွားခဲ့သည့် မလေးရှားလေကြောင်းလိုင်းပိုင် MH370 လေယာဉ်မှာ

အိန္ဒိယသမုဒ္ဒရာ တောင်ပိုင်းတွင် ပြတ်ကျခဲ့ပြီဟု သက်ဆိုင်ရာ အာဏာပိုင်အရာရှိများက ပြော ကြားခဲ့သော်လည်း ရှာဖွေသူများ မှာ ယခုထိ MH370 ၏ အပျက် အစီးအစအနကို တွေ့ရှိမှုမရှိ သေးပေ။ ခရီးသည် ၂၃၉ ဦး လိုက်ပါသွားသော ယင်းလေ ယာဉ်မှာ မလေးရှား၊ ကွာလာလမ် ပူမှ တရုတ် ဘေဂျင်းသို့ ပျံသန်းနေစဉ် မြေပြင်နှင့် အဆက်အသွယ် ပြတ်တောက်ကာ ပျောက်ဆုံးခဲ့ ခြင်း ဖြစ်သည်။

မလေးရှားအခြေစိုက် အဲ အေးရှားသည် စားရိတ်ခြွေတာ လေကြောင်းလိုင်းတစ်ခုအဖြစ် ဒေသတွင်း၌ ကျော်ကြားသည့် လေကြောင်းလိုင်းတစ်ခု ဖြစ် သည်။ အာရှနိုင်ငံအများအပြား တွင် အဖွဲ့ဝင်ကုမ္ပဏီများနှင့် ပျံ သန်းသည့် လေဆိပ် ၁၀၀ ခန့်ရှိ သည်။ ပျောက်ဆုံးနေသည့် လေ ယာဉ်မှာ အဲအေးရှား အင်ဒိုနီးရှား ဖြစ်ပြီး ယင်း၏ အစုရှယ်ယာ ၄၈ ဒသမ၉ ရာခိုင်နှုန်းကို မလေးရှား ကုမ္ပဏီက ပိုင်ဆိုင်ထားသည်။

အဲအေးရှားသည် လုံခြုံစိတ် ချရသည့်နေရာတွင် ဂုဏ်သတင်း အလွန်ကောင်းကြောင်း CNN ၏ လေကြောင်းဆိုင်ရာ သတင်း ထောက် ရစ်ချတ်ကွတ်စ်က ပြော သည်။ ပျောက်ဆုံးလေယာဉ် QZ8501 မှာ ခြောက်နှစ်သက် တမ်းရှိပြီဖြစ်သော လေယာဉ်ဖြစ် သည်။ မောင်းနှင်သွားသည့် လေ ယာဉ်မှူးသည် ပျံသန်းချိန်ပေါင်း ၆၁၀၀ နာရီရှိထားသည့် ကျွမ်း ကျင်လေယာဉ်မှူးတစ်ဦးဖြစ်ပြီး တွဲဖက်လေယာဉ်မှူးမှာလည်း ၂၂၇၅ နာရီပျံသန်းချိန် အတွေ့အ ကြုံရှိသည်။ လေယာဉ်ကို နိုဝင် ဘာ ၁၆ ရက်က နောက်ဆုံးထိန်း သိမ်းမွမ်းမံမှုပြုခဲ့သည်။

ပျောက်ဆုံးအဲအေးရှားလေ ယာဉ်ကို ရှာဖွေကယ်ဆယ်ရေး လုပ်ငန်းများ ရပ်ဆိုင်းလိုက်ပြီဖြစ်ပြီး ဒီဇင်ဘာ ၂၉ နံနက်တွင် ပြန်လည်ဆောင်ရွက်မည်ဖြစ်ကြောင်း အင်ဒိုနီးရှားက ပြောကြားလိုက် သည်။

တနင်္ဂနွေ နံနက်က လူပေါင်း ၁၆၂ ဦးလိုက်ပါသွားသည့် QZ8501 လေယာဉ်မြေပြင်ရှိ လေကြောင်းလမ်း ထိန်းသိမ်းရေးဌာန နှင့် အဆက်အသွယ်ပြတ်တောက် သွားပြီး ပျောက်ဆုံးနေခဲ့သည့် နောက် အာဏာပိုင်များက ရှာဖွေ ကယ်ဆယ်ရေးလုပ်ငန်းကို ဆောင်ရွက်နေခဲ့သည်။

ရှာဖွေရေးကို အင်ဒိုနီးရှားက ဦးဆောင်ခဲ့ပြီး စင်ကာပူနှင့် မလေး ရှားတို့က အကူအညီများပေးခဲ့ကြ ၏။ သို့သော် ဂျာဗားပင်လယ်ပြင် ပေါ်တွင် ရာသီဥတုဆိုးရွားမှု ကြောင့် ရှာဖွေရေးလုပ်ငန်းများ နှောင့်နှေးခဲ့ရပြီး လတ်တလော တွင် ရပ်ဆိုင်းလိုက်ခြင်း ဖြစ်သည်။အင်ဒိုနီးရှားစစ်တပ်မှ လေ ယာဉ်များ၊ စစ်သင်္ဘောများနှင့် ဟယ်လီကော်ပတာတစ်စီးကို ပျောက်ဆုံးလေယာဉ်နောက်ဆုံး ခြေရာခံမိခဲ့သည့်နေရာ၌ တပ်ဖြန့် ချထားသည်။

မလေးရှားက ရေယာဉ်သုံး စီးနှင့် လေယာဉ်သုံးစီးပို့လွှတ်ခဲ့ပြီး စင်ကာပူက စစ်သုံးသယ်ယူပို့ ဆောင်ရေး လေယာဉ်တစ်စီးပေး ပို့ထားသည်။

အင်ဒိုနီးရှားစစ်တပ်၊ အင်ဒို နီးရှား၏ အမျိုးသားရှာဖွေကယ် ဆယ်ရေးအေဂျင်စီ (ဘဆာနက်စ်)နှင့် အမျိုးသားရဲတပ်ဖွဲ့တို့ ပါဝင် နေသည့် ရှာဖွေရေးလုပ်ငန်းကို အင်ဒိုနီးရှားဒုသမ္မတ Jusuf Kalla က လတ်တလောတွင် ဦးဆောင် နေသည်

7Day Daily