အိန္ဒိယ လူငယ်တစ်ဦး၏ ပါးစပ်ထဲမှာ သွားအသေး (၂၃၂)ချောင်းကို ဆရာဝန်များ ဖယ်ရှားပေးခဲ့

အိန္ဒိယ နိုင်ငံမှ သွားဘက်ဆိုင်ရာ ဆရာဝန်များသည် (၇)နာရီကြာ Operation တစ်ရပ်အပြီးတွင် ဆယ်ကျော်သက် လူငယ်တစ်ဦး၏ ပါးစပ်ထဲမှ သွားအသေး (၂၃၂)ချောင်းကို ဖယ်ရှားပေးခဲ့ကြောင်း သိရှိရသည်။အသက်(၁၇)နှစ်ရှိ အေရှစ်ခ်ဂါဗိုင်သည် ၎င်း၏ ညာဘက်ပါးရိုး၌ ရောင်ကိုင်းနာကျင်နေခြင်းကြောင့် သွားဘက်ဆိုင်ရာ ဆရာဝန်များထံ လာရောက် ပြသခဲ့ကြောင်း မွမ်ဘိုင်းရှိ JJဆေးရုံ၊ သွားဘက်ဆိုင်ရာ ဌာန အကြီးအကဲ ဒေါက်တာ ဆူနန်ဒါဒီဝါရီက ပြောကြားခဲ့သည်။

ကျေးရွာလေး တစ်ခုတွင် နေထိုင်သည့် အေရှစ်ခ်သည် ပါးရိုးမှ နာကျင်မှုကို (၁၈)လလုံးလုံး ခံစားခဲ့ရပြီးနောက် မတတ်သာသည့်အဆုံး မွမ်ဘိုင်းမြို့ပေါ် တက်လာကာ ဆေးရုံတွင် ပြသခဲ့ခြင်း ဖြစ်သည်။ ဒေသတွင်း ဆရာဝန်များက အေရှစ်ခ်၏ ဝေဒနာကို အမျိုးအမည် မခွဲခြားနိုင်ခဲ့ချေ။

မွမ်ဘိုင်းတွင် စစ်ဆေးမှုများအရ အေရှစ်ခ်၏ ရောဂါသည် သွားအမြောက်အမြား စုဖွဲ့ဖြစ်ပေါ်သည့် ရှားပါးလှသော ရောဂါတစ်မျိုး ဖြစ်ကြောင်း ဖော်ထုတ်နိုင်ခဲ့သည်။ ထို့အပြင်၎င်း၏ သွားအရေအတွက်သည် ကမ္ဘာ့စံချိန်တင် အရေအတွက်ထိ များပြားနေကြောင်း ဒေါက်တာ ဆူနန်ဒါက ဆိုသည်။

“အေရှစ်ခ် ခံစားနေရတဲ့ ဝေဒနာက သွားတွေအများကြီး ဖြစ်ပေါ်လာတတ်တဲ့ ရှုပ်ထွေးတဲ့ ရောဂါတစ်ရပ် ဖြစ်ပါတယ်။ အကြိတ်တစ်ခုရဲ့ ပုံမှန်လုပ်ငန်းဆောင်တာတွေ ဖောက်ပြန်သွားရာက အခုလို ဖြစ်လာတာပါ။ ပထမတော့ ကျွန်တော်တို့ သူ့ရဲ့သွား အပေါ်ယံမှာ ဖုံးနေတဲ့ အလွှာတွေကို ဖွင့်ထုတ်လို့ မရဘူး။ နောက်ဆုံး ဆောက်ရယ်၊ တူရယ်ကိုပါ သုံးပြီး ဖယ်ပစ်ရတယ်။ နောက်တော့ ပုလဲလုံးလေးတွေလိုမျိုး သွားလေးတွေကို တစ်ခုချင်း တွေ့လာရတယ်။ ကျွန်တော်တို့ အဲဒါတွေကို ဖြည်းဖြည်းချင်း ဖယ်ထုတ်ရတယ်။ ပုလဲအရိုင်းတုံး သေးသေးလေတွေလိုပဲ။ အဲဒီပုလဲတွေကို ဖယ်ထုတ်နေရင်း ကျွန်တော်တို့ပါ တော်တော် ပင်ပန်း နွမ်းနယ်လာတယ်။ စုစုပေါင်း သွားသေးသေးလေး (၂၃၂)ခုကို ကျွန်တော်တို့ ဖယ်ရှားပေးနိုင်ခဲ့တယ်”ဟု ဒေါက်တာ ဆူနန်ဒါက ပြောကြားခဲ့သည်။

ဇူလိုင်(၂၁)ရက်နေ့က ပြုလုပ်ခဲ့သည့် Operationတွင် သွားဘက်ဆိုင်ရာ အထူးကု ဆရာဝန်ကြီးနှစ်ဦးနှင့် လက်ထောက်နှစ်ဦးတို့က ကူညီခဲ့ရသည်။ အခြား သွားဘက်ဆိုင်ရာ ဆရာဝန် တစ်ဦးဖြစ်သည့် ဒေါက်တာ ဒီဝါရီက အေရှစ်ခ်၏ ဖြစ်ရပ်သည် ရှားပါးလွန်းသည့် အခြေအနေ တစ်ရပ်ဟု ဆိုသည်။ “ကျွန်မရဲ့ လုပ်သက် နှစ်ပေါင်း(၃၀)ရှိပြီ။ တစ်ခါမှ ဒါမျိုးမကြုံဖူးဘူး။ ဆရာဝန် တစ်ယောက်အနေနဲ့တော့ ဒီကုသမှုဟာ စိတ်လှုပ်ရှားစရာ အခြေအနေ တစ်ခုပါပဲ”ဟု ဒေါက်တာ ဒီဝါရီက မှတ်ချက်ပေးခဲ့သည်။

သူမက “ဆေးဘက်ဆိုင်ရာ စစ်တမ်းတွေ အရတော့ အပေါ်မေးရိုးမှာ သွားသေးသေးလေးတွေ ဖြစ်ပေါ်လာလို့ (၃၇)ချောင်းထိ နုတ်ပေးခဲ့ရဖူးတဲ့ ဖြစ်စဉ်မျိုး ရှိခဲ့ဖူးပါတယ်။ ဒါပေမဲ့ အေရှစ်ခ်မှာတော့ အကြိတ်က မေးရိုးရဲ့ အတွင်းပိုင်း ခပ်နက်နက်ကို ရောက်နေတယ်။ အဲဒီမှာတင် သွားတွေ ရာနဲ့ချီ ဖြစ်ပေါ်လာတာပါပဲ”ဟုလည်း ရှင်းပြခဲ့သည်။

အေရှစ်ခ်၏ ဖခင်ဖြစ်သူ ဆူရက်ရ်ှဂါဗိုင်က ၎င်း၏သားသည် ဆိုးရွားသည့် နာကျင်မှု ဝေဒနာကို လပေါင်းအတော်များများ ခံစားနေခဲ့ရကြောင်း ဆိုသည်။ “ကျွန်တော်လည်း ဆရာဝန်တချို့ဆီက အကြံယူခဲ့ပေမယ့် အဖြေရှာမတွေ့တာကြောင့် မကြံတတ်တော့ဘဲ သူ့ကို မွမ်ဘိုင်းမြို့ပေါ် ခေါ်လာတာပါ”ဟု ဆူရက်ရ်ှက ပြောကြားခဲ့သည်။

_Ref: BBC

7Day Daily