မြန်မာကို ဒေါ်အောင်ဆန်းစုကြည်အထက်ကျော်ပြီး ကြည့်တတ်မြင်တတ်ဖို့
အမေရိကန်နိုင်ငံရေးကို ဖော်ကျူးထားသည့်ရုပ်ရှင်ကားများအနက် ဂန္တ၀င်အဖြစ်ဆုံးရုပ်ရှင်ကားမှာ ၁၉၇၂ ကရိုက်ကူးခဲ့သော (အမတ်လောင်း)“ The Candidate” ဖြစ်သည်။ သင်္ကေတ(Symbolism) က ရုပ်ဝတ္ထု /လူ(Substance) အပေါ်အနိုင်ရခြင်း အကြောင်းကိုဖော်ကျူးထားပြီး ဇာတ်ကောင်နေရာတွင် 'စတားရင်း ရောဘတ်ရက်ထ်ဖို့ဒ်' က သရုပ်ဆောင်ထားသည်။ လူချစ်လူခင်များသော နိုင်ငံရေးခေါင်းဆောင်တစ်ဦး၏ သားဖြစ်သူက မိသားစုအရှိန်အ၀ါကိုအားပြုပြီး နိုင်ငံရေးနယ်ပယ်သို့ ၀င်ရောက်သည်။
အထွေထွေရွေးကောက်ပွဲ နီးလာသည်နှင့်အမျှ မီဒီယာများက အဖေ့သားရှုထောင့်ဖြင့် သူ့ပေါ်အာရုံစိုက်ကြသည်။ သူကလည်း လူကြိုက်များသော (သို့သော်အနှစ်ကင်းမဲ့သော) မိန့်ခွန်းများစွာခြွေသည်။ နောက်ဆုံး အမေရိကန်ဆီးနိတ် (အထက်လွှတ်တော်) အမတ်အဖြစ်ရွေးချယ်ခံရသည်။ ရုပ်ရှင်၏ အထွတ်အထိပ်အဆုံးသတ်ပိုင်းတွင် ထောက်ခံသူပရိသတ်များက ဆီးနိတ်အမတ်ကြီး၏ နောက်သို့ ကြွေးကြော်အော်ဟစ်လိုက်ပါလာကြသည်။ ဘာမှမလုပ်တတ် မကြံတတ်သော အမတ်ကြီးက ပရိသတ်ကို ရှောင်ဖယ်ပြေးသည်။ အတိုင်ပင်ခံများကို အခန်းတစ်ခန်းထဲခေါ်၍ ပညာမဲ့စကား တုံးတိတိမေးသည်။ "အခု ... ကျွန်တော်တို့ ဘာလုပ်ကြမလဲဗျာ"
ဒီမိုကရေစီဖြစ်ထွန်းစမြန်မာနိုင်ငံတွင် ဒေါ်အောင်ဆန်းစုကြည်နိုင်ငံရေးဇာတ်ကွက်၏ နောက်ဆုံးအခန်းများကိုကြည့်လိုက်လျှင် အဆိုပါရုပ်ရှင်ကားကို သတိမရပဲမနေနိုင်။ နိုင်ငံ့ခေါင်းဆောင်တစ်ဦး၏သမီးဖြစ်သူ ဒေါ်စုကြည်သည် စစ်အုပ်စုကိုဆန့်ကျင်ခဲ့ခြင်းဖြင့် ၁၉၉၁ တွင် နိုဘဲလ်ငြိမ်းချမ်းရေးဆုချီးမြှင့်ခံခဲ့ရသည်။ ၁၉၉၀ရွေးကောက်ပွဲရလဒ်ကို ငြင်းပယ်ခံခဲ့ရပြီး နေအိမ်အကျယ်ချုပ် (၁၅) နှစ်ကျခံခဲ့ရသည်။ ၂၀၁၂ ရွေးကောက်ပွဲတွင် လွှတ်တော်တွင်းအမတ်တစ်နေရာရရှိခဲ့ပြီးနောက်တွင် မြန်မာတို့၏မျှော်လင့်ချက်များကို သယ်ဆောင်လာသူတစ်ဦးသဖွယ်ဖြစ်လာခဲ့ပြီး တောင်အာဖရိကရှိ 'နဲလ်ဆင်မင်ဒဲလား' ကဲ့သို့စွမ်းဆောင်နိုင်သော တစ်ဦးတည်းသောနိုင်ငံရေးသမားအဖြစ် ဖော်ပြလာကြသည်။
ဖော်ပြပါရုပ်ရှင်ကားနှင့် သည်အထိတော့ မတူသေးပါ။ ရုပ်ရှင်ထဲကဇာတ်ကောင်နည်းတူ နိုင်ငံရေးအာဏာ ရယူဖို့ ကြိုးစားတာချင်းတော့တူသည်။ သို့သော် ထိုအာဏာကို သူမကိုယ်ရေးကိုယ်တာမှတပါး အခြားကိစ္စများအတွက် အသုံးပြုပုံချင်းတော့ကွာသည်။ ကြာလာတော့ သူမကိုထောက်ခံသူများက ကျွန်တော့ကိုပြောသည် - “သူ့ကိုချစ်ကြတဲ့သူတွေတောင် သူ့လုပ်ရပ်တွေကြောင့် ယုံကြည်မှုကျဆင်းလာနေပြီ” သူမ၏ကိုယ်ရေးအရာရှိဟောင်းတစ်ဦးကလည်းထောက်ခံသည် - “အရင်တုံးကတော့ မဟာလူသားလို့ယုံကြည်ကြတယ်၊ အခုတော့ အမြင်တွေအတော်များများ ပြောင်းကုန်ကြပါပြီ”။ ဂလိုဘယ်မီဒီယာကြီးတစ်ခုကပင် အလားတူလေသံမျိုး ပထမဆုံးအကြိမ်ထွက်လာသည်။ သူမသည် အရိုအသေတန်လာနေသော နတ်ဘုရားသဖွယ် အရောင်ရှိန်ဝါများ မှိန်ဖျော့လာသည်၊ သံမဏိသစ်ခွနှင့်တူသော ဂုဏ်သတင်းသည်လည်း ညှိုးနွမ်းစပြုနေပြီ၊ အားကိုးမှုများလျော့ကျလာသဖြင့် ခေါင်းဆောင်မှုအခန်းကဏ္ဍလည်း မှေးမှိန်လာသည်။ သူမ၏လုပ်ရပ်များကြောင့် ကွယ်လွန်သူ ခေါင်းဆောင်ဖခင်ကြီးကပင် လန့်သွားလောက်သည် ဟု ဆိုသည်။
သို့သော် သူမဘယ်တော့မှမကျရှုံးနိုင်ဟု ယုံကြည်နေသည့် သြဇာကြီးမားသော ပရိသတ်တစ်စု ရှိသေးသည်။ အနောက်နိုင်ငံခေါင်းဆောင်များဖြစ်သည်။ ဒေးဗစ်ကမ်မရွန်းက သူမကို အကြည်ညိုဆုံးပုဂ္ဂိုလ်ဟု ဆိုသည်။ ဥရောပနိုင်ငံသံအမတ်များပြောတာ ကြားဖူးသည် “ဒီနိုင်ငံကိုနေ့တိုင်းစောင့်ကြည့်လိုက်၊ အဲဒီအမျိုးသမီးကိုပဲတွေ့ရမယ်၊ သူကသာ အိန်ဂျလာမာကဲလ်ကိုခေါ်ပြီး ဘယ်လှည့်၊ ညာလှည့် လုပ်ခိုင်းရင်တောင် ဟိုကလိုက်လုပ်လိမ့်မယ်”။ ရီပတ်ဗလစ်ကန်ကြီးစိုးထားတဲ့ ကွန်ဂရက်တစ်ခုလုံးကလည်း ဒေါ်စုမှဒေါ်စုပဲဟု အနောက်နိုင်ငံခေါင်းဆောင်တစ်ဦးကလည်း ကျွန်တော့ကိုပြောဖူးသည်။ ကွန်ဂရက်ခေါင်းဆောင်မှာ 'မစ်ခ်ျ မက်ကော်နဲလ်' ဖြစ်သည်။ သူ့ကိုယ်သူ လေဒီဘက်တော်သားအဖြစ် ခံယူထားသည်။ ဒေါ်စုကြည်ပေးပို့ခဲ့သည့် ပေးစာတစ်စောင်ကိုဘောင်သွင်း၍ ရုံးခန်းနံရံတွင် ချိတ်ထားသည့်အပြင် ယူထားသည့်မိန်းမသည်လည်း ဒေါ်စုကြည်၏သူငယ်ချင်းဖြစ်သည်ဟု ကောလဟလများကဆိုကြသည်။
ဖော်ပြပါရုပ်ရှင်ကားနှင့် သည်အထိတော့ မတူသေးပါ။ ရုပ်ရှင်ထဲကဇာတ်ကောင်နည်းတူ နိုင်ငံရေးအာဏာ ရယူဖို့ ကြိုးစားတာချင်းတော့တူသည်။ သို့သော် ထိုအာဏာကို သူမကိုယ်ရေးကိုယ်တာမှတပါး အခြားကိစ္စများအတွက် အသုံးပြုပုံချင်းတော့ကွာသည်။ ကြာလာတော့ သူမကိုထောက်ခံသူများက ကျွန်တော့ကိုပြောသည် - “သူ့ကိုချစ်ကြတဲ့သူတွေတောင် သူ့လုပ်ရပ်တွေကြောင့် ယုံကြည်မှုကျဆင်းလာနေပြီ” သူမ၏ကိုယ်ရေးအရာရှိဟောင်းတစ်ဦးကလည်းထောက်ခံသည် - “အရင်တုံးကတော့ မဟာလူသားလို့ယုံကြည်ကြတယ်၊ အခုတော့ အမြင်တွေအတော်များများ ပြောင်းကုန်ကြပါပြီ”။ ဂလိုဘယ်မီဒီယာကြီးတစ်ခုကပင် အလားတူလေသံမျိုး ပထမဆုံးအကြိမ်ထွက်လာသည်။ သူမသည် အရိုအသေတန်လာနေသော နတ်ဘုရားသဖွယ် အရောင်ရှိန်ဝါများ မှိန်ဖျော့လာသည်၊ သံမဏိသစ်ခွနှင့်တူသော ဂုဏ်သတင်းသည်လည်း ညှိုးနွမ်းစပြုနေပြီ၊ အားကိုးမှုများလျော့ကျလာသဖြင့် ခေါင်းဆောင်မှုအခန်းကဏ္ဍလည်း မှေးမှိန်လာသည်။ သူမ၏လုပ်ရပ်များကြောင့် ကွယ်လွန်သူ ခေါင်းဆောင်ဖခင်ကြီးကပင် လန့်သွားလောက်သည် ဟု ဆိုသည်။
သို့သော် သူမဘယ်တော့မှမကျရှုံးနိုင်ဟု ယုံကြည်နေသည့် သြဇာကြီးမားသော ပရိသတ်တစ်စု ရှိသေးသည်။ အနောက်နိုင်ငံခေါင်းဆောင်များဖြစ်သည်။ ဒေးဗစ်ကမ်မရွန်းက သူမကို အကြည်ညိုဆုံးပုဂ္ဂိုလ်ဟု ဆိုသည်။ ဥရောပနိုင်ငံသံအမတ်များပြောတာ ကြားဖူးသည် “ဒီနိုင်ငံကိုနေ့တိုင်းစောင့်ကြည့်လိုက်၊ အဲဒီအမျိုးသမီးကိုပဲတွေ့ရမယ်၊ သူကသာ အိန်ဂျလာမာကဲလ်ကိုခေါ်ပြီး ဘယ်လှည့်၊ ညာလှည့် လုပ်ခိုင်းရင်တောင် ဟိုကလိုက်လုပ်လိမ့်မယ်”။ ရီပတ်ဗလစ်ကန်ကြီးစိုးထားတဲ့ ကွန်ဂရက်တစ်ခုလုံးကလည်း ဒေါ်စုမှဒေါ်စုပဲဟု အနောက်နိုင်ငံခေါင်းဆောင်တစ်ဦးကလည်း ကျွန်တော့ကိုပြောဖူးသည်။ ကွန်ဂရက်ခေါင်းဆောင်မှာ 'မစ်ခ်ျ မက်ကော်နဲလ်' ဖြစ်သည်။ သူ့ကိုယ်သူ လေဒီဘက်တော်သားအဖြစ် ခံယူထားသည်။ ဒေါ်စုကြည်ပေးပို့ခဲ့သည့် ပေးစာတစ်စောင်ကိုဘောင်သွင်း၍ ရုံးခန်းနံရံတွင် ချိတ်ထားသည့်အပြင် ယူထားသည့်မိန်းမသည်လည်း ဒေါ်စုကြည်၏သူငယ်ချင်းဖြစ်သည်ဟု ကောလဟလများကဆိုကြသည်။
ပြည်တွင်းမှာပင်မေးခွန်းများထုတ်လာကြသည်မှာ - လာမည့်နိုဝင်ဘာရွေးကောက်ပွဲသည် ဒေါ်အောင်ဆန်းစုကြည် သမ္မတမဖြစ်ပဲပြီးဆုံးခဲ့လျှင် အနောက်အုပ်စုက ယင်းရွေးကောက်ပွဲကို တရားဝင်သည်ဟု ရှုမြင်ပေးနိုင်ကြမည်လား၊ မြန်မာနိုင်ငံသားများအပေါ် နောက်ထပ် အရေးယူပိတ်ဆို့မှုများ ထပ်မံချမှတ်ကြဦးမည်လား။ အကယ်၍ NLD က အခြေခံဥပဒေမပြင်လျှင် ရွေးကောက်ပွဲကိုသပိတ်မှောက်မည်ဟု ခြိမ်းခြောက်ထားသည့်အတိုင်း တကယ်လုပ်ဖြစ်ခဲ့လျှင် လွန်ခဲ့သည့်လေးနှစ်အတွင်း ပြုပြင်ပြောင်းလဲမှုများကို အနောက်အုပ်စုက မျက်ကွယ်ပြုလိုက်ကြမည်လား။ မေးစရာများတပုံတပင်ဖြစ်သည်။
NLD မပါဝင်နိုင်အောင်ရေးဆွဲထားပြီး မဲမသမာမှုများဖြင့်အငြင်းပွားဖွယ် ပြည်သူ့ဆန္ဒခံယူပွဲဖြင့်အတည်ပြုထားသော ၂၀၀၈ ခုနှစ် မြန်မာ့အခြေခံဥပဒေတွင် နိုင်ငံခြားသားဇနီး၊ ခင်ပွန်း၊ သားသမီးရှိသူများကို သမ္မတဖြစ်ခွင့်ပိတ်ပင်ထားသည်။ လေဒီ၏ သွားလေသူခင်ပွန်းနှင့် သားနှစ်ဦးသည် ဗြိတိသျှနိုင်ငံသားဖြစ်ခြင်းကြောင့် အဆိုပါအချက်ကို ထည့်သွင်းထားခြင်းမှာတော့ သံသယဖြစ်စရာမလိုပေ။
စစ်ခေါင်းဆောင်များ အခြေခံဥပဒေကိုပြင်ဆင်ရန် စည်းရုံးမည်ဟု ဒေးဗစ်ကင်မရွန်းက ကတိပေးခဲ့သည်။ နိုဝင်ဘာခရီးစဉ်အတွင်း အိုဘားမားကလည်း ယင်းဥပဒေကို နားမလည်နိုင်ကြောင်းဖြင့် ဝေဖန်ခဲ့သည်။ လွှတ်တော်ဥက္ကဌ ဦးရွှေမန်းကတော့ အခြေခံဥပဒေပြင်ဆင်ရေးသည် လူထုဆန္ဒခံယူပွဲကျင်းပရန်လိုအပ်ကြောင်းနှင့် ၂၀၁၆ မေမတိုင်ခင်အထိ မဖြစ်နိုင်သေးကြောင်း ထပ်ခါတလဲလဲပြောကြားနေသည်။ ယင်းလူထုဆန္ဒခံယူပွဲ ကျင်းပရန်ပြည်ထောင်စုလွှတ်တော်တွင်း ထောက်ခံမဲ ၇၅% အထက်ရရှိရန်လိုအပ်သည်။ ၂၅% သည် တပ်မတော်သားကိုယ်စားလှယ်များဖြစ်ကြရာ ညှိနှိုင်းရန်များစွာခက်ခဲနိုင်သည်။
ဤအခြေအနေက ဒေါ်စုကြည် ရှောင်လွှဲမရသော ပါရာဒေါ့စ် (paradox) ဖြစ်သည်။ “ဒေါ်စုကြည်ဟာ အခြေခံဥပဒေကိုပြင်ဖို့ တစ်ကိုယ်တော် သို့မဟုတ် လူထုအားနဲ့လော်ဘီလုပ်မှရလိမ့်မယ်၊ ခုချိန်မှာလူထုဟာ သူ့အတွက်နဲ့ အစိုးရကိုထိပ်တိုက်ရင်ဆိုင်ဖို့လုပ်မှာ မဟုတ်ဘူး” ဟု လူသိများသည့် စီးပွားရေးလုပ်ငန်းရှင်တစ်ဦးက ကျွန်တော့ကိုပြောသည်။ သို့သော် ကိုယ်သမ္မတဖြစ်ဖို့အတွက်လောက်နဲ့ အခြေခံဥပဒေပြင်ဖို့ လော်ဘီလုပ်မည်ဆိုလျှင် တစ်ကိုယ်ကောင်းဆန်ရာကျပေလိမ့်မည်။ လက်ရှိတွင် သည်အတိုင်းပဲ ဖြစ်နေသည်။ အရှေ့အလယ်ပိုင်းနိုင်ငံမှ သံအမတ်တစ်ဦးက ခြေ/ဥ ပြင်ဖို့ချည်းထပ်တလည်းလည်းပြောနေတာက အများကြီး စဉ်းစားစရာရှိတယ် ဟုဆိုသည်။ “သူမဟာအတ္တကြီးတယ်၊ လက်ချာရိုက်ချင်တယ်၊ ရိုးလ်မော်ဒဲလ် နေရာက နေချင်တယ်”။
အစဉ်တစိုက်တိုက်ခိုက်ပြောဆိုနေမည့်အစား နိုဘဲလ်ဆုရှင်တစ်ဦး၏သြဇာကို အကျိုးရှိရှိအသုံးချပြီး ပြောင်းလဲဖို့ကြိုးစားမည်ဆိုလျှင် အားလုံးအတွက် ပိုမိုအကျိုးဖြစ်ထွန်းနိုင်ပါသည်။ သို့သော် သတင်းခေါင်းစည်းများမှဆိုသည့်အတိုင်းပင် ဖြစ်မလာခဲ့ပါ။ ဂျာနယ်လစ် Jane Perlez က “ဒေါ်စုကြည်သည် နိုင်ငံ၏အဓိကပြဿနာကြီးများကို လက်ရှောင်သည်…. လူ့အခွင့်အရေးရှေ့တန်းတင်လိုသူများအတွက်လည်း ကျေနပ်စရာမဖြစ်ခဲ့ပေ” ဟု ဝေဖန်သည်။
လွှတ်တော်တွင်းရောက်သွားကတည်းက အစိုးရ၏လုပ်ရပ်များကို ဝေဖန်လေ့မရှိတော့။ ကချင်နှင့်တိုင်းရင်းသားလက်နက်ကိုင်များအပေါ် အစိုးရ၏အကြမ်းဖက်ကိုင်တွယ်မှုများ၊ တစ်သန်းသော ရိုဟင်ဂျာမူဆလင်များအပေါ် ရက်စက်ကျူးလွန်မှုများအပေါ် နှုတ်ဆိတ်နေခဲ့သည်။ ယင်းလုပ်ရပ်ကလူ့အခွင့်အရေးသမား များ၏အမျက်ဒေါသကို ဖြစ်စေခဲ့သည်။ လူ့အခွင့်အရေးစောင့်ကြည့်ရေးအဖွဲ့လာရောက်စဉ်က အလုပ်များသည် ဟု အကြောင်းပြ ရှောင်နေခဲ့သည်။ ပြီးခဲ့သည့်လက ကျောင်းသားအရေးအခင်းကိုထောက်ခံသူ ပါတီဝင်များကိုအရေးယူမည်ဟု ခြိမ်းခြောက်ခဲ့သည်။ ကျောင်းသားများကို လျစ်လျူရှုလိုက်ပြီလားဟု မေးခွန်းများထွက်ပေါ်လာခဲ့သည်။
ကြေးနီသတ္တုလုပ်ငန်းကို ဆန့်ကျင်ဆန္ဒပြသူများကို ရဲကအကြမ်းဖက်ဖြိုခွဲခဲ့ရာတွင်လည်း သူမသည်အီလစ်များဖက်က ရပ်တည်ခဲ့သည်။ ၂၀၁၆တွင်ကျင်းပမည့် ဆွေးနွေးပွဲကို ဖုံးလွှမ်းသွားလောက်အောင် အခြေခံဥပဒေပြင်ဆင်ရေး တောင်းဆိုချက်ကို အရှိန်မြှင့်လာဖွယ်ရှိသည်။ ယင်း၂၀၁၆ ဆွေးနွေးပွဲသည် ယခုလအတွင်း လက်မှတ်ထိုးသဘောတူခဲ့သော အစိုးရနှင့် တိုင်းရင်းသားလက်နက်ကိုင် (၁၆) ဖွဲ့ အကြား အပစ်ရပ်သဘောတူညီမှုဖြင့် ဖယ်ဒရယ်စနစ်သို့အရောက်သွားရန်ဖြစ်သည်။ ဖယ်ဒရယ်မရှိပဲ မြန်မာနိုင်ငံသည် ဘယ်တော့မှ နိုင်ငံပီသမည် မဟုတ်ပေ။ ယခင်ထောက်ခံခဲ့သူများ စိတ်ပျက်သွားခဲ့ရခြင်းအပေါ်
ရှေ့နေဦးသိန်းညွန့်က “ သူ့ခေါင်းဆောင်မှုကို အနှစ်နှစ်ဆယ်လိုက်ခဲ့ပြီးပြီ။ ဒါပေမဲ့ဘာရလဒ်မှထွက်မလာဘူး၊ သူအာဏာရဖို့ကလွဲပြီး ပြည်သူတွေအတွက် ဘာမှထည့်မစဉ်းစားတာသေချာသွားပြီ” ဟုဆိုသည်။
The Candidate ရုပ်ရှင်ထဲကလိုပင် လေဒီသည် သူ့ဖခင်၏ပုံရိပ်ကို တတ်နိုင်သလောက် ဆက်လက်အသုံးချနေဆဲပင်ဖြစ်သည်။ သူသမ္မတမဖြစ်မချင်း စစ်မှန်သည့်အပြောင်းအလဲများ ဖြစ်လာမည်မဟုတ် ဟု ယုံကြည်နေသည်။ တိုင်းပြည်ကယ်တင်ရှင်အဖြစ်မှ ရပ်စဲခံရမည့်အရေးသည် သူ့အတွက်ရော၊ ကျွန်တော်တို့အတွက်ပါ သည်းမခံနိုင်လောက်အောင်ဖြစ်ရသည်။ အောင်ဆန်းစုကြည်နာမည်သည် မျှော်လင့်ထားသည့် သင်္ကေတ တစ်ခုဖြစ်လာဖို့မသေချာပါ။ မြန်မာ ကို လေဒီ အထက် ကျော်ပြီး ကြည့်တတ်မြင်တတ်ဖို့ အနောက်အုပ်စုကြိုးစားရပါမည်။
(ဤဆောင်းပါးအား ရေးသားသူ Stanley Weiss သည် global mining အမှုဆောင်အရာရှိတစ်ဦး နှင့် ဝါရှင်တန် အခြေစိုက် Business Executives for National Security ကို တည်ထောင်သူတစ်ဦးဖြစ်ကာ ပြည်တွင်းနှင့် နိုင်ငံတကာရေးရာများကို ဆယ်စုနှစ်သုံးခုကြာ ရေးသားခဲ့သူဖြစ်သည်။)
တနင်္လာ၊ ဧပြီ ၁၃၊ ၂၀၁၅ ရက်စွဲပါ http://m.huffpost.com/us/entry/7055022 မှ Stanley A. Weiss ၏ Myanmar is More than Aung San Suu Kyi ကို ဘာသာပြန်ဆိုပါသည်။
Myo Min Thant
0 comments:
Post a Comment