ဒေါ်အောင်ဆန်းစုကြည်က ခရစ်ယာန်နှင့် အစ္စလမ်ဘာသာရေးခေါင်းဆောင်များကို ရှိခိုးနေသည့် ပုံစံ ဓာတ်ပုံ (ဓာတ်ပုံ – The Voice Weekly Facebook)
ရန်ကုန်မြို့၊ တော်ဝင်နှင်းဆီခန်းမတွင် ဧပြီလ ၂၁ ရက်နေ့က ကျင်းပသည့် ဟံသာဝတီဦးဝင်းတင်ကွယ်လွန်ခြင်း တနှစ်ပြည့် အခမ်းအနားတွင် ဒေါ်အောင်ဆန်းစုကြည်က အစ္စလမ်နှင့် ခရစ်ယာန် ဘာသာရေး ခေါင်းဆောင်များကို လက်အုပ်ချီ ရှိခိုး နေ သည့် အသွင်သဏ္ဍာန်ရှိသော ဓာတ်ပုံကို လူမှုကွန်ရက် Facebook စာမျက်နှာတွင် ဖော်ပြခဲ့သည့်အတွက် The Voice Weekly က ပြန်လည် တောင်းပန် လိုက်ကြောင်း သတင်းရရှိသည်။The Voice Weekly ဂျာနယ်၏ Facebook စာမျက်နှာတွင် ခရစ်ယန်နှင့် မူဆလင် ဘာသာရေးခေါင်းဆောင်များကို အတိုက်အခံ ခေါင်းဆောင် ဒေါ်အောင်ဆန်းစုကြည်က လက်အုပ်ချီ ဂါရ၀ပြုနေသည့် ပုံစံ ဓာတ်ပုံတပုံကို ဧပြီ လ ၂၁ ရက်နေ့က တင်ခဲ့ပြီးနောက် စာဖတ်သူများကြားတွင် မည်သူ့ကို လက်အုပ်ချီသနည်းဟု မေးခွန်းထုတ်မှုများနှင့် အငြင်းပွား ဖွယ်ရာများ ဖြစ်ပေါ်စေခဲ့သည်။
Facebook အသုံးပြုသူတဦးက “အန်တီစုက ဂါရ၀ပြုနေတာ မွတ်စလင်တယောက် ကိုလား။ ကျနော်တို့ ရှင်းရှင်းလင်းလင်း မြင်ရတယ် သူငယ်ချင်းတို့” ဟု မှတ်ချက်ရေးသားခဲ့သည်။
ဒေါ်အောင်ဆန်းစုကြည်သည် အစ္စလမ်နှင့် ခရစ်ယာန် ဘာသာရေးခေါင်းဆောင်များ နှင့် ပေအနည်းငယ် အကွာတွင် တတန်း တည်း ထိုင်နေသော ဗုဒ္ဓဘာသာ ဘုန်းတော်ကြီးများကို လက်အုပ်ချီရှိခိုးနေခြင်းဖြစ်ကြောင်း ပေါ်ပေါက်လာပြီး နောက် Facebook အသုံးပြုသူ မြောက်မြားစွာ၏ မည်သို့ ရည်ရွယ်ချက်ဖြင့် လုပ်ဆောင်သနည်းဆိုသော မေးခွန်းထုတ်မှု များ ပေါ်ထွက်လာခဲ့သည်။
“The Voice က ဒီလိုလုပ်ရတဲ့ နောက်ကွယ်က အကြောင်းရင်း က ဘာလဲ။ ဒီလို ပြဿနာတွေဖြစ်စေခဲ့တဲ့ အတွက် ခင်ဗျား တို့ကို လေးစားပါတယ်။ ဒေါ်အောင်ဆန်းစု ကြည်က အစ္စလမ်ဘာသာရေးခေါင်းဆောင်တယောက်ကို ဂါရ၀ပြု နေတဲ့ ပုံမျိုး ဖြစ်အောင် ဘာကြောင့် ရိုက်ခဲ့တယ်ဆိုတာကို မစဉ်း စားဘဲ မနေနိုင်ပါဘူး။ တကယ်တော့ သူက ဗုဒ္ဓဘာသာ ဘုန်းတော်ကြီး တွေကို ဂါရ၀ပြုနေတာပါ။ ပုံတွေကို ကြည့်လိုက်ပါ” ဟု Facebook သုံးစွဲသူတဦးက လူမှုကွန်ရက်တွင် မှတ်ချက်ပြု မေးခွန်းထုတ်ထားသည်။
ဝေဖန်မှုများ ပျံ့နှံ့သွားခဲ့ပြီး များမကြာမီတွင် The Voice Weekly ၏ Facebook စာမျက်နှာတွင် “အွန်လိုင်း အယ်ဒီတာ အဖွဲ့၏ ပေါ့ဆမှု ကြောင့် အများအထင်အမြင် လွဲမှားစေနိုင်သည့် အငြင်း ပွားဖွယ်ရာ ဓာတ်ပုံ တပုံ ပါဝင်သွားခဲ့ခြင်း အတွက် သက်ဆိုင် သူများကို အနူးအညွတ် လေးလေးစားစား တောင်းပန်အပ် ပါသည်” ဟု တောင်းပန် ဖော်ပြခဲ့ သည့် အပြင် “သစ္စာတိုင် တောင်းပန် ဖြေရှင်းခြင်း” ဆိုသော တောင်းပန်စာကိုလည်း ထပ်မံ ထုတ်ပြန်ခဲ့သည်။ ဓာတ်ပုံ ကိုလည်း Faceook စာမျက်နှာမှ ဖယ်ရှားခဲ့သည်။
ယခုကဲ့သို့ ဖြစ်ခြင်းသည် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ကို အငြင်းပွားဖွယ်ရာ ဘာသာရေး ကိစ္စများနှင့် ရောထွေးစေ ပတ်သက်စေသည့် ပထမဆုံး အဖြစ်အပျက်မဟုတ်ပေ။
၂၀၁၄ ခုနှစ် ဇွန်လကလည်း ပြန်ကြားရေးဝန်ကြီးဦးရဲထွဋ်၏ ဇနီးက ဒေါ်အောင်ဆန်းစုကြည်ကို မွတ်စလင်အမျိုးသမီးပုံစံ ၀တ်စားဆင်ယင်ပေးထားသည့် ပြုပြင်ဖန်တီးထားသော ဓာတ်ပုံတပုံကို “Woman of the Week” ဟု အမည်တပ်၍ လူမှုကွန်ရက် Facebook စာမျက်နှာပေးတွင် ဖြန့်ဝေခဲ့သည့်အတွက် ၀န်ကြီးဦးရဲထွဋ်က ဇနီးသည်ကိုယ်စား ပြန်လည် တောင်း ပန်ခဲ့ရသည်။
ထိုကဲ့သို့ အဖြစ်အပျက်များသည် နိုင်ငံရေးပြုပြင်ပြောင်းလဲမှုများနှင့် အတူ အစ္စလမ်ဆန့်ကျင်ရေး သဘောထားများ မြင့်တက် လာမှုနှင့် လူမှုမီဒီယာကွန်ရက်များတွင် အမုန်းစကားများ ရေးသားခြင်းသည် ဘာသာရေး ပဋိပက္ခများ ဖြစ်နေ ရသည့် မြန်မာနိုင်ငံအတွက် အလွန် အကဲ ဆတ်ပြီး သိမ်မွေ့သောကိစ္စများအဖြစ် မီးမောင်းထိုးပြလျက်ရှိသည်။
ဧရာဝတီ
0 comments:
Post a Comment