အင်ဒိုနီးရှားနိုင်ငံ မြို့တော် ဂျာကာတာမှာ ၇ နှစ်အတွင်း အဆိုးဝါးဆုံး ရေကြီးမှုကြုံတွေ့နေ

အင်ဒိုနီးရှားနိုင်ငံရဲ့ မြို့တော်နဲ့ အနီးအနားက မြို့တွေမှာ နှစ်သစ်ကူး အကြိုကာလ ကတည်းက မိုးသည်းထန်စွာ အဆက်မပြတ် ရွာသွန်းခဲ့တာကြောင့် ၇ နှစ်တာ ကာလအတွင်း အဆိုးရွားဆုံး ရေကြီးမှု ဖြစ်ပွားခဲ့ပါတယ်။ ရေကြီးမှုကြောင့် လူနေအိမ်တွေနဲ့ ကားတွေ ရေနစ်မြုပ်ခဲ့ရပြီး ဂျာကာတာမြို့ရဲ့ လေဆိပ်တစ်ခု ပိတ်ထားလိုက်ရပါတယ်။

ဂျာကာတာမှာ ဒေသ ၇၀၀ ကျော်လောက် လျှပ်စစ်ဓာတ်အား ပြတ်တောက်နေကြောင်း အစိုးရပိုင် လျှပ်စစ်ကုမ္ပဏီဖြစ်တဲ့ PT Perusahaan Listrik Negara က ဆိုပါတယ်။ ရေကြီးမှုကြောင့် မီးရထားခရီးစဉ် အချို့ ရပ်ဆိုင်းထားရပါတယ်။

မိုးလေဝသ အေဂျင်စီတွေက လာမယ့် ၃ ရက် အတွင်းမှာ မိုးဆက်လက် သည်းထန်စွာ ရွာသွန်း နေဦးမယ်လို့ ခန့်မှန်းတာကြောင့် ဂျာကာတာ ပြည်နယ် အစိုးရက ဒေသခံများရဲ့ လုံခြုံရေးအတွက် ကယ်ဆယ်ရေး စခန်းများ ပြင်ဆင်ထားရန် ကျောင်းများနဲ့ ရုံးအချို့ကို ညွှန်ကြားခဲ့ပါတယ်။

Halim Perdanakusuma အပြည်ပြည်ဆိုင်ရာ လေဆိပ်ရဲ့ ပြေးလမ်းကြောင်းတွေမှာ ရေလွှမ်းမိုးမှုတွေ ဖြစ်နေတာကြောင့် အာဏာပိုင်တွေက လေဆိပ်ကို ပိတ်ထားကာ Soekarno-Hatta သို့ လေယာဉ် လမ်းကြောင်း ပြောင်းစေခဲ့ရပါတယ်။ ဂျာကာတာမြို့မှာရှိတဲ့ လမ်းအများစုဟာလည်း ရေလွှမ်းမိုးမှုခံရတာကြောင့် ယာဉ်သွားလာမှုတွေ ပြတ်တောက်နေပါတယ်။

၂၀၁၃ ခုနှစ် ဇန်နဝါရီလတုန်းကလည်း ဗဟိုအချက်အချာ စီးပွားရေး ခရိုင်အပါအဝင် နေရာတော်တော် များများမှာ ရေလွှမ်းမိုးမှု ခံရခြင်းကြောင့် လူဒါဇင်ပေါင်းများစွာ သေဆုံးခဲ့ရပြီး ဒေသခံ သန်း ၃၀ လောက် ရေလွှမ်းမိုးမှုဒဏ်ကို ခံစားခဲ့ရပါတယ်။

Ref : bangkokpost

<zawgyi>

အင်ဒိုနီးရှားနိုင်ငံ မြို့တော် ဂျာကာတာမှာ ၇ နှစ်အတွင်း အဆိုးဝါးဆုံး ရေကြီးမှုကြုံတွေ့နေ

Thursday , January 2 , 2020

အင်ဒိုနီးရှားနိုင်ငံရဲ့ မြို့တော်နဲ့ အနီးအနားက မြို့တွေမှာ နှစ်သစ်ကူး အကြိုကာလ ကတည်းက မိုးသည်းထန်စွာ အဆက်မပြတ် ရွာသွန်းခဲ့တာကြောင့် ၇ နှစ်တာ ကာလအတွင်း အဆိုးရွားဆုံး ရေကြီးမှု ဖြစ်ပွားခဲ့ပါတယ်။ ရေကြီးမှုကြောင့် လူနေအိမ်တွေနဲ့ ကားတွေ ရေနစ်မြုပ်ခဲ့ရပြီး ဂျာကာတာမြို့ရဲ့ လေဆိပ်တစ်ခု ပိတ်ထားလိုက်ရပါတယ်။

ဂျာကာတာမှာ ဒေသ ၇၀၀ ကျော်လောက် လျှပ်စစ်ဓာတ်အား ပြတ်တောက်နေကြောင်း အစိုးရပိုင် လျှပ်စစ်ကုမ္ပဏီဖြစ်တဲ့ PT Perusahaan Listrik Negara က ဆိုပါတယ်။ ရေကြီးမှုကြောင့် မီးရထားခရီးစဉ် အချို့ ရပ်ဆိုင်းထားရပါတယ်။

မိုးလေဝသ အေဂျင်စီတွေက လာမယ့် ၃ ရက် အတွင်းမှာ မိုးဆက်လက် သည်းထန်စွာ ရွာသွန်း နေဦးမယ်လို့ ခန့်မှန်းတာကြောင့် ဂျာကာတာ ပြည်နယ် အစိုးရက ဒေသခံများရဲ့ လုံခြုံရေးအတွက် ကယ်ဆယ်ရေး စခန်းများ ပြင်ဆင်ထားရန် ကျောင်းများနဲ့ ရုံးအချို့ကို ညွှန်ကြားခဲ့ပါတယ်။

Halim Perdanakusuma အပြည်ပြည်ဆိုင်ရာ လေဆိပ်ရဲ့ ပြေးလမ်းကြောင်းတွေမှာ ရေလွှမ်းမိုးမှုတွေ ဖြစ်နေတာကြောင့် အာဏာပိုင်တွေက လေဆိပ်ကို ပိတ်ထားကာ Soekarno-Hatta သို့ လေယာဉ် လမ်းကြောင်း ပြောင်းစေခဲ့ရပါတယ်။ ဂျာကာတာမြို့မှာရှိတဲ့ လမ်းအများစုဟာလည်း ရေလွှမ်းမိုးမှုခံရတာကြောင့် ယာဉ်သွားလာမှုတွေ ပြတ်တောက်နေပါတယ်။

၂၀၁၃ ခုနှစ် ဇန်နဝါရီလတုန်းကလည်း ဗဟိုအချက်အချာ စီးပွားရေး ခရိုင်အပါအဝင် နေရာတော်တော် များများမှာ ရေလွှမ်းမိုးမှု ခံရခြင်းကြောင့် လူဒါဇင်ပေါင်းများစွာ သေဆုံးခဲ့ရပြီး ဒေသခံ သန်း ၃၀ လောက် ရေလွှမ်းမိုးမှုဒဏ်ကို ခံစားခဲ့ရပါတယ်။

Ref : bangkokpost