Relief Flight ဖြင့် မြန်မာနိုင်ငံသို့ ပြန်လည်ထွက်ခွာမည့် ဂျပန်နိုင်ငံရောက် မြန်မာနိုင်ငံသားများ၊ မိသားစုများစာရင်းအားအသိပေးထုတ်ပြန်ချက် (၂၁)

ဂျပန်နိုင်ငံမှ မြန်မာနိုင်ငံသို့ ၂၀၂၀ ပြည့်နှစ်၊ မေလ ၂ ရက် (စနေနေ့)၊ နံနက် ၀၈၁၅ နာရီ တွင် နာရီတာအပြည်ပြည်ဆိုင်ရာလေဆိပ်မှ ရန်ကုန်မြို့သို့ ပျံသန်းမည့် All Nippon Airways ၏ လူသားချင်းစာနာမှုအကူအညီလေယာဉ် (Relief Flight / NH 813) ဖြင့် လိုက်ပါမည့် မြန်မာ နိုင်ငံသားများနှင့် မိသားစုများ၏စာရင်းကို ထုတ်ပြန်အပ်ပါသည်။ All Nippon Airways ရုံးချုပ်မှ အသေးစိတ် စိစစ်ရသည့်အတွက် အချိန်အနည်းငယ်ယူခဲ့ရသည်ကို နားလည်ခွင့်လွှတ်ပေးပါရန် မေတ္တာရပ်ခံအပ်ပါသည်။

အဆိုပါ မြန်မာနိုင်ငံသားများနှင့် မိသားစုများအနေဖြင့် နာရီတာအပြည်ပြည်ဆိုင်ရာ လေဆိပ်၊ Terminal 1 (South Wing) ၏ ANA Check-in Counter သို့ ၂-၅-၂၀၂၀ ရက် (စနေနေ့)၊နံနက် ၀၆၀၀ နာရီ မတိုင်မီ အချိန်မီရောက်ရှိကြပါရန် နှိုးဆော်တိုက်တွန်းအပ်ပါသည်။

သို့ဖြစ်ပါ၍၊ နယ်မှလိုက်ပါမည့် ခရီးသည်များအနေဖြင့် တိုကျိုမြို့ သို့မဟုတ် လေဆိပ်အနီးရှိ ဟိုတယ်များမှတစ်ဆင့် လေဆိပ်သို့ အချိန်မီ သွားရောက်ကြပါရန် အကြံပြုအပ်ပါသည်။

ယင်းသို့ Relief Flight (NH 813) ဖြင့် လိုက်ပါမည့် မြန်မာနိုင်ငံသားများနှင့်မိသားစုများ အနေဖြင့် ခရီးစဉ်တွင် အဆင်ပြေစွာလိုက်ပါနိုင်ရေးအတွက် ကျန်းမာရေး အထူးဂရုပြုကြပါရန် အကြံပြုတိုက်တွန်းအပ်ပါသည်။ နေမကောင်းဖြစ်နေသူများနှင့် ရောဂါသံသယရှိသူများကို လေကြောင်းလိုင်းမှ လိုက်ပါခွင့်ပြုမည် မဟုတ်ပါကြောင်း အလေးအနက် အသိပေးအပ်ပါသည်။

Relief Flight ဖြင့် လိုက်ပါကြမည့် မြန်မာနိုင်ငံသားများနှင့် မိသားစုများအနေဖြင့် မိမိ ကိုင်ဆောင်ထားသည့်မြန်မာနိုင်ငံကူး လက်မှတ်နှင့် NH 813 ၏ Electronic Ticket (စာရွက်ဖြင့်) တို့ ကို ANA Check-in Counter သို့ အသင့်ယူဆောင်လာကြပါရန် နှိုးဆော်အပ်ပါသည်။

Relief Flight ဖြင့် လိုက်ပါကြမည့် မြန်မာနိုင်ငံသားများနှင့် မိသားစုများအနေဖြင့် အောက်ပါအချက်များကို လေးစားလိုက်နာ ကြပါရန်လည်းထပ်လောင်း မေတ္တာရပ်ခံအပ်ပါသည်-

(က) ယခုစီစဉ်ပေးသည့် လေယာဉ်သည် လူသားချင်းစာနာမှု အကူအညီလေယာဉ် (Relief Flight) ဖြစ်ပါသဖြင့်၊ ANA လေကြောင်းအပေါ်တွင် မလိုလားအပ်သည့် ဝန်ထုတ်ဝန်ပိုးများ မဖြစ်ပေါ်စေရေးအတွက် စနစ်တကျ လိုက်ပါစီးနင်းကြပါရန်၊

(ခ) မြန်မာနိုင်ငံသား မိသားစုများအနေဖြင့် နာရီတာအပြည်ပြည်ဆိုင်ရာ လေဆိပ်ရှိ ANA Check-in Counter တွင် သတ်မှတ်ချိန်မတိုင်မီ ရောက်ရှိပြီး၊ စနစ်တကျ တန်းစီ စောင့်ဆိုင်းကြပါရန်၊ (Check-in Counter ပိတ်ချိန်ထက် နောက်ကျပါက မိမိတာဝန်သာ ဖြစ်ပါမည်။)

(ဂ) ခရီးသည်များအားလုံးသည် ဂျပန်နိုင်ငံတွင် အခက်အခဲများရင်ဆိုင်နေရပြီး၊ Relief Flight ဖြင့် လိုက်ပါကြမည် ဖြစ်ပါသဖြင့် စိတ်ရှည်သည်းခံပြီး၊ အချင်းချင်းကူညီ ဆောင်ရွက်ပေးကြပါရန်၊

(ဃ) မိမိနေအိမ်မှ နာရီတာအပြည်ပြည်ဆိုင်ရာ လေဆိပ်သို့ စတင်ထွက်ခွာသည်မှ စတင်၍ Masks များ စနစ်တကျ တတ်ဆင်ထားပါရန်၊

(င) ANA Check-in Counter တွင် မလိုလားအပ်သည့် ကြန့်ကြာမှုမဖြစ်ပေါ်စေရေး အတွက် ခွင့်ပြုဝန်အလေးချိန် ပမာဏထက် ပိုမိုသယ်ဆောင်လာခြင်း မပြုလုပ် ကြပါရန်။ (မိမိကြောင့် Relief Flight လေယာဉ်တွင် အတူလိုက်ပါမည့် ခရီးသည် များအား နှောင့်နှေးမှုမဖြစ်စေရေးအတွက် အထူးမေတ္တာရပ်ခံအပ်ပါသည်။)

(စ) မြန်မာနိုင်ငံသို့ ပြန်လည်ရောက်ရှိသည့်အခါ ကျန်းမာရေးနှင့် အားကစားဝန်ကြီး ဌာနမှ သတ်မှတ်ထားသည့် လူထုအခြေပြု ကုသစောင့်ရှောက်မှုပေးခြင်း (Community-based Facility Quarantine) (၂၁)ရက်နှင့် မိမိနေအိမ်တွင် သီးခြားနေထိုင်ခြင်း (Home Quarantine)ကာလ (၇)ရက်၊ စုစုပေါင်း(၂၈)ရက်ကို မပျက်မကွက် လိုက်နာဆောင်ရွက်ကြပါရန် တိုက်တွန်းအပ်ပါသည်။

မြန်မာသံရုံး

တိုကျိုမြို့။

၂၀၂၀ပြည့်နှစ်၊ ဧပြီလ ၃၀ ရက်။