တစ်ခုသော နေ့လည်ခင်းဝယ် စိုင်းနောင်တစ်ယောက်
ခြံထဲတွင် အလှုပ်ရှုပ်နေစဉ် ပန်းရောင် ၀မ်းဆက်လေးနှင့် သိပ်လှသည့်
မိန်းမလှလေးတစ်ယောက် သူ့နားသို့ တစ်လှမ်းချင်း စည်းချက်ညီစွာ လှမ်းလာသည်။
"ဟင်... သဲ .. လာလည်တာလား""အင်း ဟုတ်တယ်လေ .. "
"လာလေ တဲထဲဝင် အပြင်မှာနေပူတယ် ... "
"အင်း အမေရောဟင် "
"ဟိုဘက်ခြံသွားတယ် သဲ "
"အင်း နေကောင်းလား စိုင်း"
"ကောင်းပါတယ် သဲရော နေကောင်းလား "
"အင်း .. "
"လာ အထဲသွားမယ် .."
စိုင်းနောင် ပြောပြောဆိုဆို လက်ထဲမှ ပေါက်တူးကိုချကာ တဲထဲသို့ လာခဲ့သည်။သူက ရွာအပြင်ဘက်တွင် ယာခင်းလုပ်ထားပြီး ယာခင်းမှာပဲနေသည်။ သူ စိုက်ခင်းတွင် စိုက်ထားသော ပန်းပင်လေး များကို ပေါင်းသင် ရင်း မြေဆွနေစဉ် သူ အလုပ်ရာလုပ်ရာနေရာသို့ သဲအိချို လာခဲ့ခြင်းဖြစ်သည်။
သဲအိချိုဆိုတာ ရွာအလယ်ပိုင်းမှ သူဌေးသမီးလေးဖြစ်သည်။ မိဘများက တောရွာတွင် ချမ်းသာသော တောသူဌေးများ။ သူကတော့ သာမာန်တောသားပေါ့။ ဒါပေမယ့် သူနဲ့ သဲ ချစ်တာ သုံးနှစ်ရှိခဲ့ပြီ။ မိဘတွေပါ သိကြသည်။ ဘာမှတော့မထူးခြားသေး။ သဲ မိဘများက အဆင့်တန်းခွဲခြားသည် ဆိုပေမယ့် ခုထိငြိမ်နေဆဲမို့ စိုင်းနောင် ရင်တထိတ်ထ်ိတ်တော့ ဖြစ်မိသည်။
" စိုင်း ငါ နင့်ကို သတိရလို့ လာကြည့်တာ "
"ငါ ဘာမှမဖြစ်ပါဘူးဟာ.. "
"အင်း .. နင် မထူးဆန်းနေဘူးလား "
"ဘာကိုလဲ "
"ငါ လာခဲ့တာကိုပေါ့ "
" ဟုတ်သားပဲ နင် ဘယ်တုန်းကမှ မလာဖူးဘူး "
" ငါ ခု နင့်ဆီ အပြီးလာခဲ့တာလေ "
"ဟာ.. "
"လန့်သွားတာလား ၊ ခစ် ခစ် စတာပါ နင်ကလဲ .."
" မသိဘူးလေ တကယ်ဆို ငါ ခေါင်းပါ ကြီးသွားလို့ "
" နင်က ငါလာမှာကို ကြောက်နေတာလား "
" မကြောက်ပါဘူးဟာ .. ငါ နင် နဲ့အတူနေချင်တာပေါ့ .. ငါ့နားမှာ အမြဲထားချင်တာပေါ့"
" နင်တကယ် ငါ့ကို မကြောက်ဘူးလား "
" ကြောက်စရာလား နင်က ငါ့ချစ်သူပဲဟာ "
" အင်း ဟုတ်ပါတယ်လေ "
" ဒါနဲ့ နင် ငါ့ဆီလာတာ နင့်မိဘတွေသိလား "
" ငါ့ကို သူတို့တားလို့မရတော့ဘူးလေ ဘယ်သူမှ တားမယ့်သူမရှိတော့ဘူး "
" ဟာ... နင့်ကို ဘယ်မှ ပေးမသွားတာ ငါ အသိဆုံးလေ၊ ဘာလို့တားလို့မရတော့တာလဲ "
သူ့မေးခွန်းကြောင့် သဲ မျက်နှာလေး နွမ်းလျသွားသည်ကိုတော့ သူမြင်ဖြစ်အောင် မြင်လိုက်သေးသည်။
" ငါ နားမထောင်လို့ပေ့ါ နင်ကလဲ "
"အော် .... "
ထိုစဉ် အမေ ပြန်လာသည်မို့ သဲက ထပြီး နှုတ်ဆက်သည်။
"အမေ ပြန်လာပြီလား .."
"သြော် သမီးလေးရောက်နေတာလား ၊ နေကောင်းရဲ့လား သမီး "
"ဟုတ် ကောင်းပါတယ် .. စိုင်းကို သတိရလို့ လာကြည့်တာပါ၊ အမေ စိုင်းကို ဂရုစိုက်ပေးပါနော် "
" အေးပါကွယ် .. "
မေမေနှင့် သဲ စကားပြောနေတာကို သူကြည့်နေမိသည်။ သဲ မျက်နှာလေး မကောင်းတာကို သူ သတိပြုမိသည်။ သဲ ဘာဖြစ်ခဲ့လို့ပါလိမ့်။
"အမေ သမီးပြန်တော့မယ်နော်.. ညနေရောက်နေပြီ "
" အေးကွယ်.. သမီးပြန်ရမှာ ဝေးတယ်ကွဲ့ .. သား လိုက်ပို့လိုက်ပါကွယ် .. "
"ဟုတ်ကဲ့ မေမေ"
"ကောင်းကောင်းလဲ သွားကြနော် "
စိုင်းနောင် ခေါင်းတစ်ချက်ငြိမ့်ကာ သဲ ကို လိုက်ပို့သည်။ သူတို့နှစ်ယောက် စကားမပြောဖြစ်ပဲ လမ်းလျှောက်လာရင်း လမ်းတစ်ဝက်တွင် သဲက စကားစသည်။
" စိုင်း ... "
" အင်း "
" စိုင်း လိုက်မပို့နဲ့တော့ အိမ်ပြန်လိုက်တော့နော် "
" ဘယ်ဖြစ်မလဲ သဲကို စိတ်မချဘူး "
" စိတ်ချပါ၊ ငါ့ကို ဘယ်သူမှ ရန်မလုပ်ပါဘူး ၊ နင် ပဲ အိမ်ကိုပြန်ပါနော် "
" သဲ ထူးဆန်းနေတယ်နော်၊ အရင်လို မဟုတ်သလိုပဲ "
" မထူးဆန်းပါဘူး စိုင်းရယ်.. ၊ အမေတို့ ပြန်လာရင် တွေ့သွားမှာစိုးလို့ပါ။ ရွာလဲ ရောက်နေပြီပဲဟာ.. "
" အင်း ဒါဆိုလဲ ငါပြန်လိုက်မယ်လေ သဲ လမ်းမှာ ဂရုစိုက်နော် .. "
" အင်း ... စိုင်း .. ငါ့ကို ခွင့်လွှတ်ပါနော် "
" ဘာအတွက်လဲ သဲ ရဲ့ "
" ဘာမှ မဟုတ်ပါဘူး .. ငါ့ ကို သတိရပေးနော် အချိန်တိုင်းပေါ့ "
" သဲ နင် ဒီနေ့ ထူးထူးဆန်းဆန်းတွေ ဖြစ်နေတယ်နော် "
" ငါ လေ .... ငါ ..... "
သဲ စကားမဆုံးမီ ရွာနောက်မှ ခွေးအူသံ နက်နက်ကြီးက ကြောက်ခမန်းလိလိ ထွက်ပေါ်လာသည်။ သူ သဲလက်လေးတွေကို ဆုပ်ကိုင်လိုက် မိသည်။ အေးစက်နေပါလား ... ။
" သဲ နေမကောင်းဘူးလား ဟင်... လက်တွေလဲ အေးစက်နေတာပဲ "
" ငါ .... "
" ပြောလေ .. ဘာဖြစ်လို့လဲ "
" ဘာမှ မဟုတ်တော့ပါဘူးဟာ... နင် ကောင်းကောင်းပြန်နော် "
"အင်း "
" ငါ သွားတော့မယ် "
ပြောပြောဆိုဆိုပင် သဲ လှည့်ထွက်သွားသည်။ သူ သဲ နောက်ကျောကိုကြည့်ရင်း ကြက်သီးများ ဖြန်းဖြန်းထလာသည်။ ဘာကြောင့်မှန်းမသိ။ သဲ အရိပ်လေး ပျောက်သွားမှ သူလဲ ပြန်လာခဲ့သည်။ ခြံထဲ ရောက် သည်နှင့် ပေါက်တူး ကိုင်ကာ မြေဆက်ရှင်းလိုက်သည်။ သူ့စိတ်ထဲတွင်တော့ စိတ်တွေက လေးနေသည်။ တစ်စုံတစ်ခုဖြစ်သည်ဆိုတာ သိပေမယ့် ဘာဖြစ်မှန်းသူမသိ။
နေ့လည် ၃ နာရီ ... ။
သူ သစ်ခွပန်းပင်များအနား အနားယူနေစဉ် အပြင်မှ ပြေးဝင်လာသော ကလေးမလေးတစ်ယောက် .. ။ ဘယ်သူမှန်းတော့ သူမသိသေး။
"ကို စိုင်းနောင် ... ကိုစိုင်းနောင်... "
"ဟေ.. ငါ ဒီမှာ.. "
" အမြန်လာအုံး .. အီး ဟီး... "
ကလေးမလေး အသံကြောင့် သူထိုင်ရာမှ ထလာခဲ့သည်။
"ဟင် ... သဲနုထွေး"
" ကိုစိုင်း ..မမ မရှိတော့ဘူး ... မမ မရှိတော့ဘူး.. ဟင့် .. ဟင့် "
"ဘာဖြစ်လို့လဲ သဲနုရဲ့ ကိုစိုင်းကို ရှင်းအောင်ပြောလေ "
" မေမေတို့ကြောင့် မမ ခုလို လုပ်လိုက်တာ ... မေမေတို့ရက်စက်တယ် ...ဟင့် .. ဟင့် .. "
" သဲနု.. ကိုစိုင်းကို ရှင်းအောင်ပြော... ဘာဖြစ်တာလဲ ကိုစိုင်း ရင်ပူလှပြီ "
" အင်း ... "
သဲနုထွေး ပင့်သက်တစ်ချက် ရှိုက်ကာ မျက်ရည်ပိုးပိုးပေါက်ပေါက် ကျနေ ရင်း ပြောပြသည်။
" တစ်နေ့ကပေါ့ မေမေက မမကို မြို့က လူတစ်ယောက်နဲ့ လက်ထပ်ပေးချင်တယ်.. အဲတာ မမက ငြင်းတယ်၊ သူ့မှာ ကိုစို်င်းရှိတယ်ဆိုပြီးတော့ အတင်းပဲ ငြင်းတယ်.. "
"အင်း "
" အဲတာ တစ်ပတ်နေပြီးမေးလဲ မမက ခေါင်းခါတယ်.. မမ က ကိုစိုင်းကလွဲပြီး ဘယ်သူကိုမှ မယူနိုင်ဘူးလို့ ပြောတယ်... အဲလိုပြောလို့ မမကို အခန်းထဲမှာ ထည့်ပြီး သော့ခတ်ထားခဲ့တယ်.. ငါးရက်ထိပေါ့ "
" ဟာ... "
" မမက ခေါင်းမာတယ်.. ကိုစိုင်းနဲ့မှ မဟုတ်ဘူးဆိုရင် ဘယ်သူကိုမှ မယူဘူးဆိုပြီး အဲတိုင်းပဲနေတယ် ဘာကျွေးကျွေး မစားဘူး ။ ဒီလိုပဲ အခန်းထဲမှာနေတယ် "
" သဲက အဲလို လုပ်ရတယ်လို့ကွာ ... "
" တစ်နေ့တော့ မမ ဖျားတယ်.. ဒါပေမယ့် ဘယ်လိုပဲ ဆေးတိုက်တိုက် မသောက်ဘူး... ဘာကျွေးကျွေးမစားဘူး.. မေမေတို့ဆန္ဒကို သူမလိုက်လျောနိုင်ဘူးတဲ့.. အမေတို့ကလဲ လုံးဝကို အပြင်ပေးမထွက်ဘူးလေ .. သော့ခတ်ထားခဲ့တယ် .. "
".............. "
" မေမေတို့ကလဲ အလျော့မပေးဘူး အဲလိုပဲ မမကလဲ မလျော့ဘူး တင်းထားတယ်။ ကိုစိုင်းနဲ့ သဘောမတူလို့ မေမေတို့က တင်းနေသလိုပဲ မမကလဲ ကိုစိုင်းကလွဲပြီး ဘယ်သူမှ မယူနိုင်ဘူးဆိုပြီးတင်းတယ်... ကြာတော့ မမ အပြင်းဖျားတယ်.. ဒီတော့ သဲနုရယ် မမကြီး သဲစု ရယ် မမကို သော့ခတ်မထားဖို့ တောင်း ပန်ကြ တယ် မေမေ ဆီမှာ.. ကတိတွေလဲ အများကြီးပေါ့ .. ။ ဒါနဲ့ အမေတို့က အခန်းတံခါးတော့ မခတ်တော့ဘူး ။ ခြံတံခါးကို ခတ်သွားတယ် .. "
" အင်း ..... "
" တစ်ရက်က သဲနုစိတ်ထဲမှာ မမကို စိတ်မချသလိုကြီးဖြစ်နေ လို့ ကျောင်းသွားသလို ဟန်ဆောင်ပြီး အိမ်ကို ပြန်လာချောင်းကြည့်တယ် ။ မမ ဘာလုပ်သလဲဆိုတာကိုပေါ့ ။
အဲချိန်မှာ မမ ဆေးသောက်ချတာ တွေ့တယ် .. သဲနုလဲ ပြေးပြီးတော့ ရိုက်ချလိုက်တယ် ။ မမက သဲနုကို ကြည့်ပြီး တစ်ချက် ပြုံးတယ် ။ ပြီးတော့ ဘာမှ မဖြစ်သလိုပဲ အေးအေးဆေးဆေးလေး အခန်းထဲဝင်သွားတယ် .. "
" ဟာ...."
" ဒါကြောင့် သဲနု ကျောင်းမသွားဘဲ နေ့တိုင်း ချောင်းကြည့်ခဲ့တယ် .. ဒီနေ့ မနက်မှာ သဲနု နိုးလာတော့ မမက ခြံထဲမှာ စံပယ်ပန်းတွေ ခူးနေတယ် .. သဲနုလဲ လိုက်ခူးကူပေးတယ် .. ပြီးတော့ မမက အခန်းထဲကို ယူဝင်သွားတာ.. သဲနုလဲ လိုက်မကြည့်ဖြစ်တော့ဘူး.. သူငယ်ချင်းကို ခွင့်စာတင်ဖို့ ပေးလိုက်တာ.. ပေးပြီးတာနဲ့ မမကို ချောင်းကြည့်နေတယ် .. မမက အခန်းထဲက ထွက်လာပြီးတော့ ရေချိုးတယ် .. ပြီးရင် သနပ်ခါးစင်မှာ သနပ်ခါးလိမ်းဖို့ ထိုင်တယ်.. သနပ်ခါးသွေးပြီးတော့ ပါးကို အသဲပုံလေး ကွက်တယ် .. တစ်ဖက်ပဲ ကွက်ရသေးတယ် နောက်တစ်ဖက်ကို ကွက်မယ့်အခါ မမ လဲကျသွားတယ် .. သဲနု မမ လို့အော်ပြီးပြေးတက်သွားတော့ ... အီး ဟီး... ဟီး ... မမ သေနေပြီ ကိုစိုင်း ... ဟင့် "
" ဘာ ..... သဲ သေပြီ ဟုတ်လား ... သဲနု ပြန်ပြောစမ်းပါ .. ဟုတ်လား .... "
" ဟုတ်တယ် ကိုစိုင်း.. မမ ကို ခုထိ မှန်စင်ခုံရှေ့က ယူဖယ်လို့မရဘူးဖြစ်နေလို့ ကိုစိုင်းကို လာခေါ်တာ .. မေမေ တို့လဲ ရောက်နေပြီ .. ဘယ်သူမှ ယူဖယ်လို့မရဘူး ... "
" မလိုက်နိုင်ဘူး သဲနု.. ကိုစိုင်းမလိုက်နိုင်ဘူး ... သဲ သေပြီတဲ့ မယုံဘူးကွာ ... သဲ မသေသေးဘူး ... ဟုတ်တယ်နော် .. "
" ကိုစိုင်း သဲနုပြောတာကို ယုံပါ .. မမကိုချစ်ရင် မမရဲ့ နောက်ဆုံးခရီးကို ကိုစိုင်းလုပ်ပေးပါ တောင်းပန်ပါတယ် ... "
"မလိုက်နိုင်ဘူး "
သူ အော်ဟစ်ပစ်လိုက်ချင်သည်။ သူ သိပ်ချစ်သည့် သဲ က သူ့ကို ထားခဲ့မယ်ဆိုတာ မဖြစ်နိုင်တာ.. လုံးဝကို မဖြစ်နိုင်ဘူး ။ သူ ခေါင်းတတွင်တွင်ခါ မျက်ရည်များ အတားဆီးမဲ့စွာကျနေတာကို သုတ်မပစ်နိုင်အား.. ။ သူ့နားထဲတွင် သဲမရှိတော့ဘူး ဆိုတာကို မယုံနိုင်အောင်ဖြစ်နေခဲ့သည်။ ထိုစဉ် သဲမေမေရောက်လာသည်။
"သား .. အန်တီနဲ့ ခဏလိုက်ပေးခဲ့ပါလားကွယ် .. "
" မလိုက်ချင်ဘူးဗျာ.. ကျွန်တော့်ကို လာမခေါ်ကြပါနဲ့ "
"သားချစ်သူရဲ့ နောက်ဆုံးခရီးတောင် မဖြစ်စေချင်တော့ဘူးလား .. "
" ကျွန်တော် ဘာမှ မကြားချင်ဘူးဗျာ... "
စိုင်းနောင် ထိုမျှသာပြောကာ တဲထဲသို့ဝင်လာခဲ့သည်။ ညနေ လေးနာရီ ကျော်နေပြီ။ သူ ဘာမှ မလုပ်ပဲ ထိုင်နေမိသည်။
"သားလေး "
" ဟင် အမေ "
" သား သဲအိချိုတို့အိမ်ကို သွားလိုက်ပါ .. ဘာတွေပဲဖြစ်ဖြစ် သားသွားလိုက်ပါ "
" မသွားချင်ဘူး၊ သား မယုံနိုင်သေးဘူး "
" မသွားလို့မရဘူး သမီးလေးက ကျိန်ဆိုခဲ့တယ်နဲ့ တူတယ်.. ခုထိ သူ့ကို ရွေ့လို့မရဘူး ထမီရင်ရှားနဲ့ အဲမှာ လဲကျနေတုန်းပဲ .. သွားလိုက်ပါ ၊ လိမ္မာပါတယ် "
မေမေ ပြောနေတာကို နားထောင်ရင်း သူ လေးတွဲစွာ ထလိုက်သည်။ ထို့နောက် သဲအိချို အိမ်လေးဆီသို့ ... ။
သူ သဲအိချို အိမ်ရှေ့သို့ရောက်ခဲ့သည်။ ခြံထဲသို့ မ၀င်ရဲဖြစ်နေသည်။ ထိုစဉ်..
"ကိုစိုင်း .. လာလေ .. "
မျက်လုံးနီရဲမို့အစ်နေသော မျက်လုံးများနှင့် သဲနုထွေး ရောက်လာသည်။ သူ့ကို လက်ဆွဲခေါ်တာမို့ သူ ခြေထောက်တွေကို အနိုင်နိုင်ထိန်းကာ သူ မကြည့်ရက် မယုံရဲသော သူချစ်တဲ့ သဲကို တွေ့ရမည်ကိုတွေးကာ ခြေလှမ်းတို့ အားအင် မရှိဖြစ်နေသည်။
"ကိုစိုင်း ... ဟိုမှာ ... ဟင့် .. ဟင့် "
"ဟင် ..."
သူ့မျက်လုံးများက မှန်တင်ခုံရှေ့လေးတွေ လဲကျနေသော သူ သိပ်ချစ်သည့် သဲကို တွေ့လိုက်သည်။ သူ .. သဲနားသို့ သွားကာ သဲ ကိုယ်လေးကို ပွေ့ယူလိုက်သည်။ အိပ်ပျော်နေသကဲ့သို့ နုနုညက်ညက် လှရက်လွန်းသာ ချစ်သူလေး..။ သူပွေ့ချီကာ
နေရာပြောင်းပေးလိုက်သည်။ သဲနှင့်ပတ်သက်သမျှ အရာရားလုံး သူကလွဲပြီး ဘယ်သူမှ လုပ်ပေးလို့မရ... ။ သဲကို သူ ရင်ခွင်ထဲ ပွေ့ထားရင်း ငုံ့ကြည့်မိသည်။ သူမယုံနိုင်စရာပင် .. ။ သဲ မျက်ဝန်းတို့မှ မျက်ရည်တွေကျနေပါလား ..... ။ ရင်တစ်ခုလုံး ဆို့နင့်နေသည်။
သဲနုထွေး ခေါ်ပြရာ သူချစ်သည့် သဲ အခန်းလေးထဲသို့ သူ ၀င်ခဲ့သည်။ မင်္ဂလာအခမ်းအနားတစ်ခုကဲ့သို့ အနီရောင်အသစ်စက်စက် အိပ်ရာကုတင်များ။
ခေါင်းအုံးလေးကို စံပယ်ပန်းများနှင့်ဝိုင်းထားသည်။ ထို့အတူ အိပ်ရာခင်း စောင်၊ ဖက်လုံးများကိုလဲ စံပယ်ပန်းလေးများနှင့် ၀န်းရံထားလေသည်။ သူ့ရင်ထဲ ကြေကွဲစွာဖြင့် ကုတင်ဘေးတွင်လက်ထောက်ကာ ထိုင်ချလိုက်သည်။ သူ့လက်က ခေါင်းအုံးလေးကို တွန်းသလိုဖြစ်သွားခဲ့ရာ ခေါင်းအုံးအောက်မှ စာအိတ်ဖြူဖြူလေး တစ်ခုကို တွေ့ရလေသည်။
အိတ်ပေါ်တွင်....
** စိုးနောင်သို့ .. **
ဟု ရေးထားသဖြင့် သူ ဖောက်ကာ ဖတ်လိုက်သည်။
♥♥ စိုင်းနောင် ....
ဒီချိန်ဆို သဲ စာလေးကို ဖတ်နေပြီပေါ့နော် ...
သဲ ခုလိုလုပ်လိုက်တဲ့အတွက် ခွင့်လွှတ်ပါလို့ ပြောချင်ပါတယ် ..
သဲ စိုင်းနဲ့ မခွဲနိုင်လို့ ခုလို ဆုံးဖြတ်လိုက်တာပါ... ကိုယ်မချစ်တဲ့လူအနားမှာ နေရတာ
ထက် သေရတာက ပိုကောင်းပါတယ်။
ရွှေငွေဓနဂုဏ်အတွက်နဲ့ မချစ်တဲ့သူမှာ သဲဘ၀ကို မပေးအပ်ထားနိုင်ဘူး.. ဘယ်လောက်ပဲဆင်းရဲပါစေ ချစ်တဲ့သူနဲ့ဆိုရင် ဘယ်လိုပဲနေရပါစေ ပျော်ပါတယ် ... မိဘရဲ့ ဆန္ဒကုို မလိုက်လျောနိုင်တဲ့အတွက် ခွင့်လွှတ်ပါလို့ မေမေ့ကိုပြောပေးနော် ..
ပြီးတော့ ညီမလေး သဲနုထွေးကိုလဲ တောင်းပန်ပါတယ်လို့ ပြောပေးပါ ....
သဲ တစ်ခုခု လုပ်မှာစိုးလို့ သဲကို အမြဲစောင့်ကြည့်နေတဲ့ကြားက သူမသိခင် သဲ လုပ်လိုက်မိတယ် .. သဲကို ခွင့်လွှတ်ပါလို့နော် ..
သဲ လေ စိုင်းနဲ့ပဲ နေချင်ခဲ့တယ် .. ဒါပေမယ့် အတူနေဖို့ဖြစ်မလာခဲ့ဘူး ..
သဲ စိုင်းကို အရမ်းချစ်ပါတယ် ... သဲ ဘယ်လောက်ထိချစ်လဲဆိုတာ သက်သေပြဖို့
သဲ ရဲ့ အသက်မဲ့နေတဲ့ ကိုယ်ခန္ဓာကို စိုင်းကလွဲပြီး ဘယ်သူမှရွှေ့ပေးလို့ မရပါစေနဲ့လို့ကျိန်ဆိုထားခဲ့ပါတယ် ...
နောင်ဘ၀ဆိုတာ ရှိခဲ့ရင် ခုလို အဖြစ်မျိုးနဲ့ မကြုံပါရစေနဲ့လို့ ဆုတောင်းပါတယ် ....
သဲ ဘ၀ခြားကနေပဲ စိုင်းဆီကို လာတော့မယ်နော် .. သဲကို နေခွင့်ပြုပါနော် ...
စိုင်းကို အရမ်းချစ်တဲ့ ......
သဲအိချို ♥♥
စိုင်းနောင် တစ်ယောက် သဲ ရဲ့ စာကလေးဆုံးသွားချိန်ဝယ် သဲ အိမ်မှ သူနေသော အိမ်လေးသို့ အပြေးတပိုင်းပင် ပြေးထွက်ခဲ့တော့သည်။ သူပြေးရာ လမ်းတစ်လျှောက်ဝယ် ဂုဏ်ပကာသနမဲ့သော ဆင်းရဲသော သူ့ကြောင့် သူ့ကု သိပ်ချစ်သည့် ချစ်သူက အသက်ပေးကာ သက်သေပြခဲ့သည်ကို ယူကြုံးမရစွာနှင့် ဖြေမ ဆည်နိုင်အောင် ရင်တစ်ခုလုံး ပြည့်ကျပ်နေခဲ့သည်။
သူ ....
တဲအိမ်ကလေးသို့ ရောက်သောအခါ အဖြူရောင် ၀တ်စုံလေးနှင့် သူချစ်သည့် သဲအိချိုက အပြုံးလေးနှင့် ကြိုဆိုနေသည်။
သူ့ကို စောင့်နေသော ချစ်သူလေးကို မျက်ရည်စများနှင့် အပြုံးတစ်ခု သူ ပြုံးပြရင်း စိတ်ထဲမှ .......
သြော် ...
ဘ၀ခြားခဲ့ပြီလား ချစ်သူရယ် ........ ။
လွမ်းဆုလေး
Admin :lwansulay
0 comments:
Post a Comment