ဖုန်ကြားရှင်ဦးဆောင်တဲ့ ကိုးကန့်သောင်းကျန်း သူအဖွဲ့တွေကကိုယ်ပိုင်အုပ်ချုပ်ခွင့်ရလောက်ကိုင် ဒေသနဲ့ ပတ်ဝန်းကျင်က အစိုးရတပ်စခန်းတွေအပြင် လောက်ကိုင်မြို့တွင်းမှာရှိတဲ့ အုပ်ချုပ်ရေးမှူးရုံး၊ ရဲစခန်းနဲ့ အကျဉ်းထောင်များပါမကျန်ပစ်ခတ်တိုက် ခိုက်ခဲ့ကြလို့ ဒေသခံတွေ သောင်းနဲ့ချီကာထွက်ပြေး တိမ်းရှောင်ခဲ့ရပါတယ်။တိုက်ပွဲအခြေအနေဟာ ပိုမို ပြင်းထန်လာပြီး လိုအပ်ချက်အရ နိုင်ငံတော်သမ်္မတ ကြီးကဒေသတည်ငြိမ်မှုနဲ့ အခြေအနေအရပ်ရပ်ကို အမြန်ထိန်းသိမ်းရန် ၁၂.၂.၂၀၁၅ရက်နေ့မှာပုဒ်မ ၁၄၄ ထုတ်ပြန်လိုက်ပါသည်။ အဲဒီနောက် ၁၇.၂. ၂၀၁၅ ရက်နေ့မှာသမ်္မတ၏ ဥပဒေကဲ့သို့အာဏာ တည်သောအမိန့်အရ အရေးအပေါ်အခြေအနေ ၎င်းင်းနေ့မှာပဲစစ်အုပ်ချုပ်ရေးအမိန့်ထုတ်ပြန်ကြေညာကာ တပ်မတော်ကာကွယ်ရေးဦးစီးချုပ်ထံ အာဏာလွှဲ ပြောင်းပေးအပ်ခဲ့ပါတယ်။ သမ္မတကြီးလွှဲပြောင်းပေးအပ်လိုက်တဲ့ အခွင့်အာဏာကိုတပ်မတော် ကာကွယ်ရေးဦးစီးချုပ်ကဒေသကွပ်ကဲမှုစစ်ဌာနချုပ် (ဒကစမှူး) ထံ တစ်ဆင့်ပြန်လွှဲအပ်လိုက်တာကို လည်းအားလုံးအသိပဲဖြစ်ပါတယ်။ဒါနဲ့ ပတ်သက်ပြီး ဝေဖန်မှုတွေ၊ မှတ်ချက်တွေ နဲ့ အမြင်အမျိုးမျိုးပေါ်ထွက်လာရာမှာ ပါတီခေါင်း ဆောင်တစ်ဦးရဲ့အမြင်ကတော့ လက်ရှိတာဝန်ယူဆောင်ရွက်နေရသူတွေနဲ့ ပြည်သူတွေအတွက် စိတ် ပျက်ဖွယ်ကောင်းသော ပြက်လုံးတစ်လိုဖြစ်သွားခဲ့ပါတယ်။ သူပြောလိုက်တာက စစ်ရေးအရ လိုအပ်၍စစ်အုပ်ချုပ်ရေးလုပ်ဆောင်ရသော်လည်း တရား ဥပဒေစိုးမိုးရေးအလေးထားရန် လိုအပ်တယ်တဲ့။ မည်သည့်အုပ်ချုပ်ရေးဖြင့်အုပ်ချုပ်သည်ဖြစ်စေ တရားဥပဒေစိုးမိုးရေးကို အလေးထားရန် လိုအပ် သည်ဟု ၀ါးလုံးရှည်ဖြင့် သိမ်းရမ်းလိုက်သလိုဖြစ်သွား ပါတယ်။ တရားဥပဒေစိုးမိုးရေးဆိုသည်မှာ နိုင်ငံ အတွက်၊ဒေသတစ်ခုအတွက်၊ ပြည်သူအတွက် အင်မတန်အရေးကြီးသော အကြောင်းအရာတစ်ခု ဖြစ်ပါတယ်။ ဒါပေမဲ့ ပြည်သူများ အသက်အိုးအိမ် စည်းစိမ်ကိုထိပါးအန္တရာယ်ပြုကာ နိုင်ငံတော်၏ အချုပ်အခြာအာဏာကို ဆူပူသောင်းကျန်မှု၊ အကြမ်းဖက်မှုနှင့် အဓမ္မနည်းများဖြင့်ရယူရန်၊ ထိပါး နှောင့်ယှက်ရန်ကြိုးပမ်းအားထုတ်နေသော သောင်း ကျန်းသူတို့ကို ဘယ်လိုတရားဥပဒေနဲ့အညီ အလေးထားဆောင်ရွက်လို့ရမှာလဲခင်ဗျာ။ တရားဥပဒေစိုးမိုးမှုပျက်ယွင်းကာစည်းလွတ်ဝါးလွတ်ဖြစ်နေ သော အကြမ်းဖက်သောင်းကျန်းသူတို့ ခိုအောင်း လှုပ်ရှားရာဒေသကို စစ်အုပ်ချုပ်ရေးကြေညာကာ တရားဥပဒေစိုးမိုးအောင်၊ တည်ငြိမ်အေးချမ်းအောင် ဆောင်ရွက်ခြင်းပင်ဖြစ်ပါတယ်။ ပုံမှန်အခြေအနေရှိ တဲ့ဒေသမှာ တရားဥပဒေစိုးမိုးရေဆောင်ရွက်မှုနဲ့နိုင်ငံတော်သမ္မတရဲ့ ဥပဒေကဲ့သို့အာဏာတည် သော အရေးပေါ်အခြေအနေထုတ်ပြန်ထားတဲ့ အကျိုးသက်ရောက်သည့်နယ်မြေဒေသတွင် တရားဥပဒေစိုးမိုးရေးဆောင်ရွက်မှုတို့ကိုရောထွေး၍ လှေနံ ဓားထစ်မသတ်မှတ်ရန် သတိပြုစေလိုပါတယ်။ ဒီလို မသိနားမလည်သူတွေက လူပြိန်းကြိုက်ဝေဖန်လာ မှာကိုသိလည်း ၂၀၀၈ ခုနှစ် ပြည်ထောင်စုသမ္မတ မြန်မာနိုင်ငံတော်ဖွဲ့စည်းပုံအခြေခံဥပဒေအခန်း (၁၀၁) တွင် အရေးပေါ်ကာလဆိုင်ရာပြဋ္ဌာန်းချက် များဖြင့်စနစ်တကျဖော်ပြ ပြဋ္ဌာန်းထားပြီးဖြစ်ပါ တယ်။
၂၀၀၈ ဖွဲ့စည်းပုံအခြေခံဥပဒေမှာ အရေးပေါ် ကာလာဆိုင်ရာပြဋ္ဌာန်းချက်များအနေနဲ့ ပုဒ်မ ၄၁၂ (က) တွင် တိုင်းဒေသကြီးတစ်ခုတွင် ဖြစ်စေ၊ ပြည်နယ်တစ်ခုတွင်ဖြစ်စေ၊ ပြည်ထောင်စုနယ်မြေတစ်ခု တွင်ဖြစ်စေ၊ ကိုယ်ပိုင်အုပ်ချုပ်ခွင့်ရစီရင်စုတစ်ခုတွင် ဖြစ်စေ၊ ယင်းတို့၏ တစ်စိတ်တစ်ဒေသတွင်ဖြစ်စေ၊ ပြည်သူများ၏အသက်အိုးအိမ်စည်းစိမ်ကို ထိပါး အန္တရာယ်ပြုမည့်အရေးပေါ်အခြေအနေပေါ်ပေါက် လျှင် သို့မဟုတ် ထိုသို့ပေါ်ပေါက်ရန် လုံလောက်သောအကြောင်းရှိကြောင်းသိလျှင်သော်လည်းကောင်း၊ ထိုသို့ပေါ်ပေါက်ရန် လုံလောက်သောအကြောင်းရှိ ကြောင်း သက်ဆိုင်ရာဒေသအာဏာပိုင်အဖွဲ့အစည်း က တင်ပြလျှင်သော်လည်းကောင်း နိုင်ငံတော်သမ်္မတ သည်အမျိုးသားကာကွယ်ရေးနှင့် လုံခြုံရေးကောင်စီ နှင့်ညှိနှိုင်းပြီး ဥပဒေကဲ့သို့အာဏာတည်သည့်အမိန့် ထုတ်ပြန်၍ အရေးပေါ်အခြေအနေကြေညာနိုင်သည်။ ပုဒ်မ ၄၀၃ (ခ) တွင်လည်း အရေးပေါ်အခြေအနေ ကြေညာသည့်ကိစ်္စနှင့် ပတ်သက်၍ နိုင်ငံတော်သမ်္မတသည်လိုအပ်ပါကစစ်အုပ်ချုပ်ရေးအမိန့်တစ်ရပ်ထုတ် ပြန်နိုင်သည်။ ယင်းစစ်အုပ်ချုပ်ရေးအမိန့်တွင် တပ်မတော်ကာကွယ်ရေးဦးစီးချုပ်အား အုပ်ချုပ်ရေးဆိုင်ရာလုပ်ပိုင်ခွင့်နှင့် တာဝန်များကိုလည်းကောင်း၊ ရပ်ရွာအေးချမ်းသာယာရေးနှင့် တရားဥပဒေစိုးမိုးရေး သက်ဆိုင်သည့်တရားစီရင်ရေးဆိုင်ရာလုပ်ပိုင်ခွင့်နှင့် တာဝန်များကိုလည်းကောင်း သတ်မှတ်ပေးရမည်။ ကာကွယ်ရေးဦးစီးချုပ်သည်ယင်းလုပ်ပိုင်ခွင့်နှင့် တာဝန်များကို မိမိကိုယ်တိုင်ကျင့်သုံးဆောင်ရွက်ခြင်း၊ သို့မဟုတ်သင့်လျော်သည့်စစ်ဘက်အာဏာပိုင်တစ် ဦးဦးကို ကျင့်သုံးဆောင်ရွက်စေခြင်းပြုနိုင်သည်ဟု အတိအလင်းဖော်ပြထားပါတယ်။ ယင်းသို့ နိုင်ငံတော်သမ်္မတသည်ဥပဒေကဲ့သို့အာဏာတည်သည့်အမိန့် ထုတ်ပြန်၍ အရေးပေါ်အခြေအနေကြေညာသည့် အခါပုဒ်မ ၄၀၄ (ခ) တွင် လိုအပ်ပါက အရေးပေါ်အခြေအနေအကျိုးသက်ရောက်သည့်နယ်မြေဒေသ အတွင်း နေထိုင်ကြသော နိုင်ငံသားများ၏ မူလ အခွင့်အရေးတစ်ရပ်ရပ်ကိုဖြစ်စေ၊ တစ်ရပ်ထက်ပိုသည်ကိုဖြစ်စေလိုအပ်သလိုကန့်သတ်နိုင်သည်သို့ မဟုတ်ရပ်ဆိုင်းထားနိုင်သည်။ စစ်အုပ်ချုပ်ရေးသက် တမ်းက ပုံမှန်အားဖြင့် ၃ လကနေ လိုအပ်သလိုထပ်တိုးတောင်းခံနိုင်ပါတယ်။ စစ်အုပ်ချုပ်ရေးသတ် မှတ်ထားသော နယ်မြေကို ပုံမှန်အုပ်ချုပ်ရေးနယ်မြေ လိုဖြေလျှော့အုပ်ချုပ်လိုမရပါဘူး။ ပုံမှန်အုပ်ချုပ်ရေးအချိန်နဲ့တစ်သမတ်တည်းနှိုင်းယှဉ်လိုလည်းမရပါဘူး။ ဥပမာအနေနဲ့ ညမထွက်ရအမိန့်ထုတ်ပြန်ထားတာ ကို ဖီဆန်ပြီး ခိုင်လုံသောအကြောင်းပြချက်မရှိဘဲလမ်းပေါ်ထွက်လာခဲ့ရင် တာဝန်ရှိသူများက ဖမ်းဆီး အရေးယူခွင့်ရှိပါတယ်။ ဒါ့အပြင် စစ်အုပ်ချုပ်ရေး အမိန့်မှာအခြားအခြားသော ကန့်သတ်ချက်များစွာရှိပါသေးတယ်။ မင်းမဲ့စရိုက် ဆန်ဆန်ဆူပူသောင်း ကျန်းမှု၊ အကြမ်းဖက်မှုတွေကို ထိန်းသိမ်းရန် တရား ဥပဒေစိုးမိုးရေးပြန်လည်ရရှိအောင်ဆောင်ရွက်ရန်စစ်အုပ်ချုပ်ရေးမှာ စီရင်လုပ်ဆောင်ခွင့်များစွာရှိပါ တယ်။ တရားစီရင်ရေးနှင့် ပတ်သက်၍လည်း စစ် အုပ်ချုပ်ရေးနဲ့ ပတ်သက်သော လုပ်ပိုင်ခွင့်တာဝန် များကိုလွှဲအပ်ခြင်းခံရသူ စစ်ဘက်အာဏာပိုင်မှ အကြီးအမှူးအဖြစ်တာဝန်ယူဆောင်ရွက်သွားရမှာဖြစ် ပါတယ်။ ဒါကြောင့် စစ်အုပ်ချုပ်ရေးနဲ့ သာမန်ချိန် အုပ်ချုပ်ရေးတို့မှာအများကြီးခြားနားကြောင်း ထပ်ပြောလိုပါတယ်။
ဒါထက်ပိုပြီး တိတိကျကျသိချင်ရင်တော့ ၂၀၀၈ ဖွဲ့စည်းပုံအခြေခံဥပဒေနဲ့ ဖေဖော်ဝါရီ ၁၇၊ ၁၈၊ ၁၉ ရက်နေ့ထုတ် နေ့စဉ်သတင်းစာပါ ထုတ်ပြန် ချက်တွေကိုနားလည်အောင် ဖတ်ရှုစေလိုပါတယ်။ အခုလည်း လိုအပ်ချက်အရ စစ်အုပ်ချုပ်ရေးကာလ ကို နောက်ထပ်ရက်ပေါင်း (၉၀) ထပ်တိုးလိုက်ရပြန် ပါပြီ။ပြည်ထောင်စုလွှတ်တော်ကလည်း အတည်ပြု ပေးလိုက်ပါတယ်။ တိုက်ပွဲဖြစ်နေတဲ့ နယ်မြေနဲ့ နီးကပ်နေတဲ့ နေရာ၊ တိုက်ပွဲဖြစ်ခဲ့တဲ့နေရာ၊ ဒီနေ့ထိ သေနတ်သံတွေကြားနေရတဲ့နေရာမှာ စစ်အုပ်ချုပ် ရေးနဲ့ မအုပ်ချုပ်လို့ ဘာနဲ့အုပ်ချုပ်မလဲခင်ဗျာ။ ဒီလို မထိန်းသိမ်းရင် မင်းမဲ့စရိုက်တွေလွှမ်းမိုးလာမှာပေါ့။ အပြုသဘောဆောင်ဖို့တော့လိုမှာပါ။ တည်ဆဲဥပဒေ နဲ့ စစ်အုပ်ချုပ်ရေးရဲ့ သဘော၊ အခြေအနေအချိန် အခါတွေကိုလည်း ပြည့်စုံအောင်လေ့လာပြီးမှ ဆင်ခြင်တုံတရားလေးတွေနဲ့ ဝေဖန်ကြရင်ပိုကောင်း ပါကြောင်းအကြံပြုချင်ပါတယ်။
မင်းခေါင်အနော်ရထာ
Hot News Journal
0 comments:
Post a Comment