ဒဂုံမြို့သစ်(တောင်ပိုင်း)တွင် ခိုးမှုမသင်္ကာသူ(၃)ဦးကို စစ်ဆေးရာမှ အခြားလုယက်မှုများ ဖော်ထုတ်နိုင်ခဲ့

ရန်ကုန်တိုင်းဒေသကြီးရဲတပ်ဖွဲ့မှူးက မိမိနယ်မြေအတွင်း ခိုး၊ဆိုး၊လု၊နှိုက်မှုကျူးလွန်သူများကို ဖော်ထုတ်ဖမ်းဆီး အရေးယူဆောင်ရွက်သွားရန်ညွှန်ကြားချက်အရ အနောက်ပိုင်းခရိုင်ရဲတပ်ဖွဲ့မှူးရုံး၊ မှုခင်း နှိမ်နင်းရေးဌာနစုမှတပ်ဖွဲ့ဝင်များနှင့် ဒဂုံမြို့သစ်(တောင်ပိုင်း)မြို့မရဲစခန်းမှတပ်ဖွဲ့ဝင်များသည် ၁၉.၁.၂၀၂၀ ရက်နေ့ ၂၃၀၀ အချိန်တွင် နယ်မြေအတွင်း ခိုး၊ဆိုး၊လု၊နှိုက်သတင်းများ စုံစမ်းဆောင်ရွက်နေစဉ် ခိုးမှုများ ကျူးလွန်ထားကြောင်း ကြိုတင်သတင်းရရှိထားသူ ဇေယျာဦး၊ မင်းသူနှင့် စောထူးအောင်(ခ)ကျော်ကြီး တို့ (၃)ဦးကို CANDA-125 အမျိုးအစား ဆိုင်ကယ်(၁)စီးနှင့်အတူ တွေ့ရှိစစ်ဆေးရာ ၎င်းတို့လက်အတွင်း ကိုင်ဆောင်ထားသော အမျိုးသမီးမှတ်ပုံတင်(၂)ခု၊ ၎င်းအမျိုးသမီးတို့၏ ထောက်ခံစာ(၁)ခု၊ AYA BANK ငွေစုစာအုပ်(၁)အုပ်၊ မိန်းမကိုင်ပိုက်ဆံအိတ်(၂)ခု၊ OPPO အမျိုးအစား ဖုန်း(၁)လုံးတို့နှင့်ပတ်သက်၍ ပိုင်ဆိုင်ကြောင်း အထောက်အထားမပြနိုင်သဖြင့် အမှုဖွင့်ဖမ်းဆီးခဲ့ပါသည်။

ခိုးမှုမသင်္ကာသူ ဇေယျာဦး ပါ (၃)ဦးကို အခြားပြစ်မှုများကျူးလွန်ခဲ့ခြင်းရှိ/မရှိ အသေးစိတ်တိုက်ဆိုင် စစ်ဆေးခဲ့ရာ ၎င်းတို့(၃)ဦးသည် ၂၀၁၉ ခုနှစ်၊ ဒီဇင်ဘာလမှ ၂၀၂၀ ပြည့်နှစ်၊ ဇန်နဝါရီလအတွင်း ဆိုင်ကယ် (၁)စီးအသုံးပြု၍ ဒဂုံမြို့သစ်(မြောက်ပိုင်း)မြို့နယ်၊ (၃၂)ရပ်ကွက်၊ ပင်လုံလမ်း၊ ပွိုင့်တည်းခိုခန်းအကျော်တွင် လမ်းလျှောက်လာသော အမျိုးသမီးတစ်ဦး၏ လက်မောင်းတွင်ညှပ်ထားသော ရွှေဆွဲကြိုး(၁)ကုံး၊ ရွှေလက်စွပ်(၃)ကွင်း၊ ရွှေလက်ကောက်(၁)ကွင်းနှင့် ငွေစက္ကူရောရာ(၅၀၀,၀၀၀)ကျပ်ပါ ပိုက်ဆံအိတ် (၁)လုံး၊ ဒဂုံမြို့သစ်(အရှေ့ပိုင်း)မြို့နယ်၊ (၅)ရပ်ကွက်၊ ဗထူးလမ်း၊ (၅)ရပ်ကွက်ဈေးအကျော်၌ စက်ဘီး စီးနင်းလာသော စုံတွဲတစ်တွဲ၏ စက်ဘီးရှေ့ခြင်းထဲမှ ရွှေလက်စွပ်(၃)ကွင်းပါ ပိုက်ဆံအိတ်(၁)လုံး၊ ကျန်စစ်သားလမ်း၊ မီးရထားသံလမ်းအနီး လမ်းလျှောက်လာသော အမျိုးသမီးတစ်ဦး၏လက်ထဲမှ VIVO Y15 အမျိုးအစား ဖုန်း(၁)လုံးနှင့် စက်ဘီးစီးနင်းလာသော စုံတွဲတစ်တွဲ၏ နောက်မှထိုင်စီးလာသော အမျိုးသမီး လက်ထဲမှ SAMSUNG GALAXY J6 အမျိုးအစား ဖုန်း(၁)လုံးတို့ကို လုယူခဲ့ကြကြောင်း ထပ်မံစစ်ဆေး ပေါ်ပေါက်ပါသည်။

စစ်ဆေးပေါ်ပေါက်ချက်အရ အမှုမှသက်သေခံပစ္စည်းများကို ပြန်လည်သိမ်းဆည်းရရှိပြီးဖြစ်၍ ပြစ်မှုကျူးလွန်သူ ဇေယျာဦး ပါ (၃)ဦးကို ဥပဒေနှင့်အညီ အမြန်တရားစွဲတင်ပို့နိုင်ရေး ဆောင်ရွက်လျက်ရှိ ကြောင်း ရန်ကုန်ရဲတပ်ဖွဲ့မှ သတင်းရရှိပါသည်။

<zawgyi>

ဒဂုံမြို့သစ်(တောင်ပိုင်း)တွင် ခိုးမှုမသင်္ကာသူ(၃)ဦးကို စစ်ဆေးရာမှ အခြားလုယက်မှုများ ဖော်ထုတ်နိုင်ခဲ့

Monday, February 10 , 2020

ရန်ကုန်တိုင်းဒေသကြီးရဲတပ်ဖွဲ့မှူးက မိမိနယ်မြေအတွင်း ခိုး၊ဆိုး၊လု၊နှိုက်မှုကျူးလွန်သူများကို ဖော်ထုတ်ဖမ်းဆီး အရေးယူဆောင်ရွက်သွားရန်ညွှန်ကြားချက်အရ အနောက်ပိုင်းခရိုင်ရဲတပ်ဖွဲ့မှူးရုံး၊ မှုခင်း နှိမ်နင်းရေးဌာနစုမှတပ်ဖွဲ့ဝင်များနှင့် ဒဂုံမြို့သစ်(တောင်ပိုင်း)ြမို့မရဲစခန်းမှတပ်ဖွဲ့ဝင်များသည် ၁၉.၁.၂၀၂၀ ရက်နေ့ ၂၃၀၀ အချိန်တွင် နယ်မြေအတွင်း ခိုး၊ဆိုး၊လု၊နှိုက်သတင်းများ စုံစမ်းဆောင်ရွက်နေစဉ် ခိုးမှုများ ကျူးလွန်ထားကြောင်း ကြိုတင်သတင်းရရှိထားသူ ဇေယျာဦး၊ မင်းသူနှင့် စောထူးအောင်(ခ)ကျော်ကြီး တို့ (၃)ဦးကို CANDA-125 အမျိုးအစား ဆိုင်ကယ်(၁)စီးနှင့်အတူ တွေ့ရှိစစ်ဆေးရာ ၎င်းတို့လက်အတွင်း ကိုင်ဆောင်ထားသော အမျိုးသမီးမှတ်ပုံတင်(၂)ခု၊ ၎င်းအမျိုးသမီးတို့၏ ထောက်ခံစာ(၁)ခု၊ AYA BANK ငွေစုစာအုပ်(၁)အုပ်၊ မိန်းမကိုင်ပိုက်ဆံအိတ်(၂)ခု၊ OPPO အမျိုးအစား ဖုန်း(၁)လုံးတို့နှင့်ပတ်သက်၍ ပိုင်ဆိုင်ကြောင်း အထောက်အထားမပြနိုင်သဖြင့် အမှုဖွင့်ဖမ်းဆီးခဲ့ပါသည်။

ခိုးမှုမသင်္ကာသူ ဇေယျာဦး ပါ (၃)ဦးကို အခြားပြစ်မှုများကျူးလွန်ခဲ့ခြင်းရှိ/မရှိ အသေးစိတ်တိုက်ဆိုင် စစ်ဆေးခဲ့ရာ ၎င်းတို့(၃)ဦးသည် ၂၀၁၉ ခုနှစ်၊ ဒီဇင်ဘာလမှ ၂၀၂၀ ပြည့်နှစ်၊ ဇန်နဝါရီလအတွင်း ဆိုင်ကယ် (၁)စီးအသုံးပြု၍ ဒဂုံမြို့သစ်(မြောက်ပိုင်း)မြို့နယ်၊ (၃၂)ရပ်ကွက်၊ ပင်လုံလမ်း၊ ပွိုင့်တည်းခိုခန်းအကျော်တွင် လမ်းလျှောက်လာသော အမျိုးသမီးတစ်ဦး၏ လက်မောင်းတွင်ညှပ်ထားသော ရွှေဆွဲကြိုး(၁)ကုံး၊ ရွှေလက်စွပ်(၃)ကွင်း၊ ရွှေလက်ကောက်(၁)ကွင်းနှင့် ငွေစက္ကူရောရာ(၅၀၀,၀၀၀)ကျပ်ပါ ပိုက်ဆံအိတ် (၁)လုံး၊ ဒဂုံမြို့သစ်(အရှေ့ပိုင်း)ြမို့နယ်၊ (၅)ရပ်ကွက်၊ ဗထူးလမ်း၊ (၅)ရပ်ကွက်ဈေးအကျော်၌ စက်ဘီး စီးနင်းလာသော စုံတွဲတစ်တွဲ၏ စက်ဘီးရှေ့ခြင်းထဲမှ ရွှေလက်စွပ်(၃)ကွင်းပါ ပိုက်ဆံအိတ်(၁)လုံး၊ ကျန်စစ်သားလမ်း၊ မီးရထားသံလမ်းအနီး လမ်းလျှောက်လာသော အမျိုးသမီးတစ်ဦး၏လက်ထဲမှ VIVO Y15 အမျိုးအစား ဖုန်း(၁)လုံးနှင့် စက်ဘီးစီးနင်းလာသော စုံတွဲတစ်တွဲ၏ နောက်မှထိုင်စီးလာသော အမျိုးသမီး လက်ထဲမှ SAMSUNG GALAXY J6 အမျိုးအစား ဖုန်း(၁)လုံးတို့ကို လုယူခဲ့ကြကြောင်း ထပ်မံစစ်ဆေး ပေါ်ပေါက်ပါသည်။

စစ်ဆေးပေါ်ပေါက်ချက်အရ အမှုမှသက်သေခံပစ္စည်းများကို ပြန်လည်သိမ်းဆည်းရရှိပြီးဖြစ်၍ ပြစ်မှုကျူးလွန်သူ ဇေယျာဦး ပါ (၃)ဦးကို ဥပဒေနှင့်အညီ အမြန်တရားစွဲတင်ပို့နိုင်ရေး ဆောင်ရွက်လျက်ရှိ ကြောင်း ရန်ကုန်ရဲတပ်ဖွဲ့မှ သတင်းရရှိပါသည်။