စစ်ကိုင်းတိုင်းဒေသကြီး၊ ချောင်းဦးမြို့နယ် ငါးလုံးတင်ကျေးရွာအုပ်စု အုပ်ချုပ်ရေးမှူးအား အရေးယူပေးရန် ဒေသခံအချို့ ဖေဖော်ဝါရီ ၂၆ ရက် နံနက်ပိုင်းက ဆန္ဒထုတ်ဖော်ခဲ့ကြသည်။
ငါးလုံးတင်ကျေးရွာအုပ်စု အုပ်ချုပ်ရေးမှူးသည် ရပ်ကျေးအုပ်ချူပ်ရေးမှူးဥပဒေကို ကျော်လွန်၍ လုပ်ကိုင် ဆောင်ရွက်နေပြီး ကျေးရွာမီးလင်းရေးကိစ္စနှင့်ပတ်သက်၍ စာရင်းရှင်းလင်းပေးမှုမရှိခြင်း ကျေးရွာဖွံ့ဖြိုးရေး တံတားကို ပြီးစီးအောင် ဆောင်ရွက်မပေးခြင်းတို့ကြောင့် ငါးလုံးတင်ကျေးရွာအုပ်စုမှ ငလုံးတင်ကျေးရွာ ဆင်မြေကျေးရွာ မထိသာကျေးရွာတို့မှ ဒေသခံတချို့မှ ဆန္ဒပြခဲ့ကြခြင်းဖြစ်သည်။
“ရပ်ကျေးအုပ်ချုပ်ရေးဥပဒေကို ချိုးဖောက်ပြီး လုပ်ကိုင်နေတဲ့အတွက် ရပ်ရွာနစ်နာနေပါတယ်။ မြို့နယ်ကို တိုင်တော့လည်း အရေးယူမပေးဘူး။ ဒါကြောင့် ဒီနေ့ အခုလိုဆန္ဒပြရတာပဲ”ဟု ဆန္ဒပြပွဲဦးဆောင်သူ ဦးနိုင် မိုးဦးမှ ပြောသည်။
ယခုလို ဆန္ဒပြတောင်းဆိုနေမှုများနှင့်ပတ်သက်၍ ချောင်းဦးမြို့နယ် ဒုတိယအုပ်ချုပ်ရေးမှူးက “တံတားကိစ္စက ကြာပါပြီ။ ကျွန်တော်တို့ နှစ်ကြိမ်တောင်စစ်ဆေးပြီးပါပြီ။ ကျေးရွာတံတားတည်ဆောက်ရေးကော်မတီနဲ့ ညှို နှိုင်းသုံးစွဲတယ်လို့သိရပါတယ်။ နောက်တစ်ခုက စိုက်/ဘဏ် ချေးငွေကိစ္စကောက်တယ်ဆိုတာကိုလည်း ကျွန်တော်တို့အဖွဲ့ ဖွဲ့ပြီး စစ်ဆေးနေပါတယ်”ဟု ၎င်းမှပြောသည်။
၎င်းကျေးရွာမှ တိုင်ကြားထားသည့် တိုင်ကြားစာမှန်သမျှကို စုံခုံဖွဲ့စစ်ဆေးလျက်ရှိသည်ဟုလည်း မြို့နယ် ဒုတိယအုပ်ချုပ်ရေးမှူးကဆိုသည်။ ဆန္ဒပြသူများအနေဖြင့် ကျေးရွာအုပ်စုအုပ်ချုပ်ရေးမှူးကို တစ်ပတ်အတွင်း အရေးယူမပေးပါက စစ်ကိုင်းတိုင်းဒေသကြီးအစိုးရအဖွဲ့ရုံးရှေ့တွင် ထပ်မံဆန္ဒပြတောင်းဆိုသွားမည်ဖြစ်ကြောင်း သိရသည်။
Ref ; PeopleMedia
<zawgyi>
စစ်ကိုင်းတိုင်းဒေသကြီး၊ ချောင်းဦးမြို့တွင် ကျေးရွာအုပ်စု အုပ်ချုပ်ရေးမှူးအား အရေးယူပေးရန် ဆန္ဒပြတောင်း ဆို
Thursday , February 27 , 2020
စစ်ကိုင်းတိုင်းဒေသကြီး၊ ချောင်းဦးမြို့နယ် ငါးလုံးတင်ကျေးရွာအုပ်စု အုပ်ချုပ်ရေးမှူးအား အရေးယူပေးရန် ဒေသခံအချို့ ဖေဖော်ဝါရီ ၂၆ ရက် နံနက်ပိုင်းက ဆန္ဒထုတ်ဖော်ခဲ့ကြသည်။
ငါးလုံးတင်ကျေးရွာအုပ်စု အုပ်ချုပ်ရေးမှူးသည် ရပ်ကျေးအုပ်ချူပ်ရေးမှူးဥပဒေကို ကျော်လွန်၍ လုပ်ကိုင် ဆောင်ရွက်နေပြီး ကျေးရွာမီးလင်းရေးကိစ္စနှင့်ပတ်သက်၍ စာရင်းရှင်းလင်းပေးမှုမရှိခြင်း ကျေးရွာဖွံ့ဖြိုးရေး တံတားကို ပြီးစီးအောင် ဆောင်ရွက်မပေးခြင်းတို့ကြောင့် ငါးလုံးတင်ကျေးရွာအုပ်စုမှ ငလုံးတင်ကျေးရွာ ဆင်မြေကျေးရွာ မထိသာကျေးရွာတို့မှ ဒေသခံတချို့မှ ဆန္ဒပြခဲ့ကြခြင်းဖြစ်သည်။
“ရပ်ကျေးအုပ်ချုပ်ရေးဥပဒေကို ချိုးဖောက်ပြီး လုပ်ကိုင်နေတဲ့အတွက် ရပ်ရွာနစ်နာနေပါတယ်။ မြို့နယ်ကို တိုင်တော့လည်း အရေးယူမပေးဘူး။ ဒါကြောင့် ဒီနေ့ အခုလိုဆန္ဒပြရတာပဲ”ဟု ဆန္ဒပြပွဲဦးဆောင်သူ ဦးနိုင် မိုးဦးမှ ပြောသည်။
ယခုလို ဆန္ဒပြတောင်းဆိုနေမှုများနှင့်ပတ်သက်၍ ချောင်းဦးမြို့နယ် ဒုတိယအုပ်ချုပ်ရေးမှူးက “တံတားကိစ္စက ကြာပါပြီ။ ကျွန်တော်တို့ နှစ်ကြိမ်တောင်စစ်ဆေးပြီးပါပြီ။ ကျေးရွာတံတားတည်ဆောက်ရေးကော်မတီနဲ့ ညှို နှိုင်းသုံးစွဲတယ်လို့သိရပါတယ်။ နောက်တစ်ခုက စိုက်/ဘဏ် ချေးငွေကိစ္စကောက်တယ်ဆိုတာကိုလည်း ကျွန်တော်တို့အဖွဲ့ ဖွဲ့ပြီး စစ်ဆေးနေပါတယ်”ဟု ၎င်းမှပြောသည်။
၎င်းကျေးရွာမှ တိုင်ကြားထားသည့် တိုင်ကြားစာမှန်သမျှကို စုံခုံဖွဲ့စစ်ဆေးလျက်ရှိသည်ဟုလည်း မြို့နယ် ဒုတိယအုပ်ချုပ်ရေးမှူးကဆိုသည်။ ဆန္ဒပြသူများအနေဖြင့် ကျေးရွာအုပ်စုအုပ်ချုပ်ရေးမှူးကို တစ်ပတ်အတွင်း အရေးယူမပေးပါက စစ်ကိုင်းတိုင်းဒေသကြီးအစိုးရအဖွဲ့ရုံးရှေ့တွင် ထပ်မံဆန္ဒပြတောင်းဆိုသွားမည်ဖြစ်ကြောင်း သိရသည်။
Ref ; PeopleMedia
0 comments:
Post a Comment