နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဒေါ်ခင်ကြည်ဖောင်ဒေးရှင်းနဲ့ဆက်စပ်ပြီး စွပ်စွဲထားတဲ့ အမှုတွေထဲက အဂတိလိုက်စားမှုတိုက်ဖျက်ရေးဥပဒေပုဒ်မ ၅၅ နဲ့ တရားစွဲဆိုထားတဲ့ အမှု ၄မှု အတွက် ဒီကနေ့ ထောင်ဒဏ် ၆ နှစ်ချမှတ်လိုက်ပါတယ်။
ဒီကနေ့ ဩဂုတ် ၁၅ရက်မှာ နေပြည်တော်အချုပ်ထောင် အထူးတရားရုံးကနေ အမိန့်ချမှတ်လိုက်တာလို့ တရားရုံးနဲ့ နီးစပ်သူတွေကနေ သိရပါတယ်။
ဒေါ်အောင်ဆန်းစုကြည်ဟာ စစ်အာဏာသိမ်းပြီး ဖမ်းဆီးခံရကတည်းက ဆက်တိုက်တရားစွဲဆိုခံခဲ့ရတဲ့ အမှု ၆မှုအတွက်လည်းထောင်ဒဏ် ၁၁နှစ်ချမှတ်ခံထားရပြီး ဖြစ်တာကြောင့် အခုဆို ထောင်ဒဏ် ၁၇ နှစ် ရှိလာပြီဖြစ်ပါတယ်။
ဒီကနေ့ ချမှတ်ခံရတဲ့ အဂတိအမှု ၄မှုဟာ ဒေါ်ခင်ကြည်ဖောင်ဒေးရှင်းအတွက် ရန်ကုန်နဲ့ နေပြည်တော်တို့မှာ အဆောက်အဦးနဲ့ မြေနေရာတွေ ရယူရာမှာ အဂတိလိုက်စားတယ်စွပ်စွဲချက်နဲ့ ချမှတ်ခဲ့တာဖြစ်ပါတယ်။
BBC
0 comments:
Post a Comment