အမျိုးသား ဒီမိုကရေစီအဖွဲ့ချုပ် ပြောခွင့်ရ ပုဂ္ဂိုလ် ဦးဥာဏ်ဝင်း က လှေစီးဒုက္ခသည်တွေဟာ လူ့အခွင့်အရေးနဲ့ ထိုက်တန်ကြောင်း မနေ့က ပြောပါတယ်။
သမ္မတ ဦးသိန်းစိန်နဲ့ နိုင်ငံရေးပါတီတွေ တွေ့ဆုံဆွေးနွေးပွဲ ပြင်ပမှာ ဦးဥာဏ်ဝင်း က သတင်းမီဒီယာ တွေကို ပြောဆိုခဲ့တာပါ။
သူတို့ကို လက်မခံနိုင်တာနဲ့ မြစ်ထဲ၊ ပင်လယ်ထဲ တွန်းလွှတ်လို့မဖြစ်ပါဘူး၊ သူတို့ဟာ လူတွေ ဖြစ်ပါတယ်၊ ကျနော့အနေနဲ့ သူတို့ဟာ လူ့အခွင့်အရေးရရှိခံစားသင့် တဲ့ လူသားတွေလို့ပဲမြင်ပါတယ်လို့ ပြောကြားခဲ့ကြောင်း AFP သတင်းက ဖော်ပြပါတယ်။ဒီအတွင်း မလေးရှား ၀န်ကြီးချုပ်ဟောင်း မဟာသီယာမိုဟာမက် က မြန်မာအစိုးရက ရိုဟင်ဂျာတွေ အပေါ် ဖိနှိပ်နေတာတွေ ရပ်ဆိုင်းဖို့ ၀ိုင်းဝန်းဖိအားပေးသင့် တယ်လို့ မနေ့က ပြောလိုက်ပါတယ်။
သူရဲ့ ကမ္ဘာ့ခေါင်းဆောင်များသို့ လက်ရွေးစင် ပေးစာများ အတွဲ (၂) စာအုပ် ဖြန့်ချီတဲ့ အခမ်းအနားမှာ သတင်းထောက်တွေရဲ့မေးခွန်းကို ဖြေကြားခဲ့တာပါ။
မြန်မာအစိုးရက ရိုဟင်ဂျာတွေကို ဘာကြောင့် လက်မခံနိုင်ရတာလဲ၊ သူတို့အဲဒီမှာ နေလာခဲ့ကြတာ ရာစုနှစ်တွေနဲ့ချီနေပါပြီ၊ မြန်မာအစိုးရအနေနဲ့ သူတို့အပေါ် မျှမျှတတ ဆက်ဆံလာအောင် မလေးရှားက ဆောင်ရွက်သင့်တယ်လို့ ပြောဆိုခဲ့ပြီး၊ ဒါဟာ သူတစ်ပါးပြည်တွင်းရေးဝင်စွက်တာ မဟုတ်ကြောင်း၊ ဒီကိစ္စ ဟာ ပြည်တွင်းရေးကိစ္စ သက်သက် မဟုတ်တော့ဘဲ၊ ဒေသတွင်းက နိုင်ငံတိုင်းအပေါ် သက်ရောက်မှုတွေ ရှိလာနေပြီ ဖြစ်ကြောင်း မလေးရှား ၀န်ကြီးချုပ်ဟောင်း မဟာသီယာမိုဟာမက်က ပြောပါတယ်။
RFA
0 comments:
Post a Comment