လေးစားမှုရဲ့ နောက်ထပ်အဓိပ္ပာယ်တစ်မျိုးကတော့ အသိအမှတ်ပြုတန်ဖိုးထားတဲ့သဘောဖြစ်ပါတယ်... “လူကိုမလေးစားရင်နေပါ ပညာကိုတော့လေးစားပါ” ဆိုတဲ့စကားမှာပါတဲ့ ပညာကိုလေးစားတယ်ဆိုတာ အသိအမှတ်ပြုတန်ဖိုးထားတဲ့သဘောကိုဆောင်ပါတယ်... လူမှာတော့ အားနည်းချက်တွေရှိနေနိုင်တယ်... မကောင်းတဲ့အကျင့်စရိုက်တွေရှိနေနိုင်တယ်... အဲ့ဒီအတွက် လူကိုမလေးစားရင်နေနိုင်ပါတယ်.... ဒါပေမဲ့ တတ်မြောက်ထားတဲ့ပညာကတော့ သူ့နေရာနဲ့သူ အသုံးဝင်တာချည်းပဲဖြစ်ပါတယ်.... ဒါကြောင့် လူကဘယ်လိုပဲဖြစ်နေနေ တတ်မြောက်ထားတဲ့ပညာကိုတော့ အသိအမှတ်ပြုသင့်တယ်၊ တန်ဖိုးထားသင့်တယ်၊ အလေးအနက်ထားသင့်တယ်ဆိုတဲ့သဘောဖြစ်ပါတယ်...
လေးစားမှုနဲ့ တွဲလျက်ကပ်ပါလေ့ရှိတာကတော့ ရိုသေမှုဆိုတဲ့စကားဖြစ်ပါတယ်.... ရိုသေလေးစားမှုဆိုပြီး တွဲသုံးလေ့ရှိကြပါတယ်... အဲ့ဒီစကားလုံးက လေးစားမှုရဲ့ အနက်အဓိပ္ပာယ်ကို ကန့်သတ်ပစ်တယ်လို့ ယူဆမိပါတယ်... ရိုသေလေးစားရမယ်လို့ဆိုတဲ့အတွက် အောက်ကနေအထက်ကို ထားရှိရမယ့် အပြုအမူတစ်ရပ်အဖြစ် သဘောသက်ရောက်သွားစေပါတယ်... တပည့်က ဆရာ့ကို၊ လူငယ်က လူကြီးကို၊ လက်အောက်ငယ်သားက အထက်လူကြီးကို ထားရှိရမယ့်သဘောထားသက်သက်အဖြစ် အထင်ရောက်သွားနိုင်ပါတယ်... တကယ့်လေးစားမှုအစစ်ကတော့ အဲ့လိုသဘောမျိုးမဟုတ်ပါဘူး... အပြန်အလှန်လေးစားမှုဆိုတဲ့ ပြည့်ဝတဲ့အနက်အဓိပ္ပာယ်ကိုဆောင်ပါတယ်...
မြန်မာစကားမှာ “ကြီးသူကိုရိုသေ၊ ရွယ်တူကိုလေးစား၊ ငယ်သူကိုသနား” ဆိုတာရှိပါတယ်... ကိုယ့်ထက်အသက်အရွယ်အားဖြင့်၊ ဂုဏ်အရှိန်အဝါအားဖြင့်ကြီးမားသူကို ရိုသေရပါမယ်.... ရိုသေမှုမှာ လေးစားတဲ့သဘောလည်း အကျုံးဝင်ပါတယ်... ကိုယ်နဲ့အဆင့်အတန်းချင်း၊ အသက်အရွယ်ချင်းမတိမ်းမယိမ်းတွေကိုတော့ အပြန်အလှန်လေးစားမှုရှိရပါမယ်... ကိုယ့်ထက်အသက်အရွယ် ငယ်တဲ့သူ၊ အဆင့်အတန်းနိမ့်ကျတဲ့သူတွေကိုတော့ သနားချစ်ခင်ရပါမယ်... သနားတယ်ဆိုပေမဲ့ လေးစားမှုပြုစရာမလိုဘူးလို့ ဆိုလိုတာမဟုတ်ပါဘူး.... လေးစားမှုဟာ အသက်အရွယ်အဆင့်အတန်းတွေနဲ့ မသက်ဆိုင်ပါဘူး..... တစ်ဖက်လူက ဘာလုပ်သလဲ၊ သူလုပ်တဲ့အရာက ဘယ်လိုအကျိုးသက်ရောက်မှုရှိလဲဆိုတဲ့အပေါ်မှာ မူတည်ရပါမယ်....
စစ်သားတွေ၊ ရဲတွေအချင်းချင်း အလေးပြုကြတာတွေဟာ အပြန်အလှန်ခင်မင်လေးစားမှုကိုပြတဲ့သဘောဖြစ်ပါတယ်... ကိုယ့်ရဲ့ကိစ္စအဝဝကို ဖြေရှင်းဆောင်ရွက်ပေးလို့၊ ကိုယ့်ထက်ကြီးလေးတဲ့တာဝန်ကို ထမ်းဆောင်နေလို့ လက်အောက်ကလူက အထက်လူကြီးကို လေးစားရပါတယ်... အထက်လူကြီးကလည်း လက်အောက်ကလူတွေရဲ့ တာဝန်ထမ်းဆောင်မှု၊ တာဝန်ကျေပွန်မှုအပေါ် အသိအမှတ်ပြုလေးစားရပါတယ်.... လက်အောက်ကပဲ အထက်ကိုလေးစားနေရတာမျိုးမဟုတ်ပါဘူး.... အထက်ကလည်း လက်အောက်ကို လေးစားမှုရှိဖို့ အရေးကြီးပါတယ်... တပ်သားတွေမရှိဘဲ ဗိုလ်တွေ၊ ဗိုလ်ချုပ်တွေခန့်ထားလို့မရပါဘူး... ဒါကြောင့် ဘယ်အဆင့်အတန်းမျိုးကိုမဆို အပြန်အလှန်လေးစားမှုရှိဖို့ လိုပါတယ်...
ရဟန်းသံဃာတွေကလည်း အချင်းချင်းလေးစားမှုကို ပြကြပါတယ်... မိမိထက် အသက်ကြီးဝါကြီးတဲ့သံဃာတွေကို ကန်တော့တာဟာ လေးစားမှုပြတဲ့သဘောပါ.... ငယ်ပေမဲ့လည်း လုပ်ဆောင်တဲ့အကြောင်းအရာအပေါ်မူတည်ပြီး လေးစားလိုက်နာရတာမျိုးလည်းရှိပါတယ်... သင်္ကန်းအနားမညီတာကို ကိုရင်ငယ်လေးက ထောက်ပြတဲ့အခါ အရှင်သာရိပုတ္တရာက လေးစားလိုက်နာပြုပြင်တဲ့အကြောင်းဟာ ကြီးငယ်မရွေး အပြန်အလှန်လေးစားမှုရှိရမယ့်အချက်ကို ကွက်ကွက်ကွင်းကွင်းသိမြင်စေတဲ့ ဇာတ်လမ်းလေးဖြစ်ပါတယ်...
လူတွေက ရဟန်းသံဃာတွေကို သံသရာကလွတ်မြောက်ကြောင်းအကျင့်ကောင်းတွေကို ကျင့်ကြံတဲ့အချက်၊ သာသနာသုံးရပ်ဖွံ့ဖြိုးရေးအတွက် ကြိုးပမ်းအားထုတ်တဲ့အချက်တွေအတွက် လေးစားရိုသေပြီး ပစ္စည်းလေးပါးထောက်ပံ့ကာ ကိုးကွယ်ဆည်းကပ်ကြပါတယ်... ဒကာဒကာမတွေကို လေးစားတဲ့ရဟန်းသံဃာတွေကလည်း သင့်လျော်တဲ့တရားကို ဟောကြားလမ်းညွှန်ပေးတာမျိုး၊ မိမိအကျင့်သီလကို ပိုပြီးဖြူစင်အောင်အားထုတ်တာမျိုး၊ သာသနာတော်တိုးတက်ပြန့်ပွားရေးအတွက် ကြိုးပမ်းအားထုတ်တာမျိုးလုပ်ပြီး လေးစားမှုကိုပြန်ပြရပါတယ်...
ရတနာသုံးပါးကို ရှိခိုးကန်တော့တာဟာ ရိုသေလေးစားမှုကိုပြတဲ့ အပြုအမူဖြစ်ပါတယ်... ရတနာသုံးပါးရဲ့ အဆုံးအမအတိုင်း လိုက်နာကျင့်ကြံတာကတော့ အပြန်အလှန်လေးစားမှုရှိတာဖြစ်ပါတယ်... မိမိအထက်က ညွှန်ကြားချက်အတိုင်း အကောင်အထည်ဖော်တာဟာ ပေးအပ်ထားတဲ့ တာဝန်ကိုလေးစားမှုရှိတာဖြစ်ပါတယ်.... မိမိကိုခန့်အပ်ထားတဲ့ ရာထူးအဆင့်နဲ့အညီ လုပ်သင့်လုပ်ထိုက်တာကို မိမိဘာသာလုပ်ဆောင်တာဟာ မိမိရာထူးအဆင့်ကိုလေးစားမှုရှိတာ၊ နိုင်ငံတော်ကိုလေးစားမှုရှိတာ၊ တာဝန်နဲ့ဝတ္တရားအပေါ် လေးစားမှုရှိတာ၊ မိမိကိုယ်ကို လေးစားမှုရှိတာဖြစ်ပါတယ်... မိမိဖောက်သည်တွေအတွက် အကောင်းဆုံးအရည်အသွေးကို ထုတ်လုပ်ဖြန့်ချိပေးတာဟာ ဖောက်သည်တွေကို လေးစားမှုရှိတာ၊ မိမိအလုပ်ကိုလေးစားမှုရှိတာဖြစ်ပါတယ်....
လေးစားမှုမှာ အခြေခံအကျဆုံးနဲ့ အဆင့်အမြင့်ဆုံးကတော့ မိမိကိုယ်ကိုလေးစားခြင်းပဲဖြစ်ပါတယ်.... မိမိကိုယ်ကိုလေးစားမှုမရှိတဲ့သူဟာ တခြားသူတွေရဲ့ လေးစားမှုကိုရဖို့မလွယ်ပါဘူး.... မိမိကိုယ်လေးစားမှုရှိဖို့အတွက် ရိုးသားမှုရှိဖို့လိုပါတယ်.... မရိုးမဖြောင့်လုပ်ဆောင်တဲ့အခါ ကိုယ့်လိပ်ပြာကိုယ်မလုံပါဘူး.... ကိုယ့်ကိုယ်လည်း ဘယ်လိုမှလေးစားမှုမရနိုင်ပါဘူး.... ပြီးတော့ ကြိုးစားမှုလည်းရှိရပါမယ်.... နေရာတကာ ရေသာခိုအချောင်လိုက်နေရင် မိမိကိုယ်ကိုမလေးစားနိုင်သလို တခြားဘယ်သူကမှလည်း လေးစားမှာမဟုတ်ပါဘူး... နောက်တစ်ချက်က ကိုယ်လုပ်တဲ့အလုပ်ကို လေးစားရပါမယ်... ဘာအလုပ်ကိုပဲလုပ်နေနေ အလုပ်ကိုလေးလေးစားစားနဲ့ အလေးအနက်ထားပြီး ချဉ်းကပ်လုပ်ကိုင်ဖို့လိုပါတယ်... ဒါမှ လုပ်ငန်းက အဆင်ပြေအောင်မြင်ပြီး မိမိကိုယ်ကို ယုံကြည်မှုတိုးမြင့်လာသလို လေးစားမှုလည်းရှိလာမှာဖြစ်ပါတယ်...
မိမိကိုယ်ကို လေးစားမှုထားရှိရမယ့်အပြင် မိမိနဲ့ ထိတွေ့ဆက်ဆံရတဲ့ ပတ်ဝန်းကျင်ကသူတွေအပေါ် လေးစားမှုရှိဖို့ကလည်း အရေးကြီးပါတယ်.... အသက်အရွယ် ကြီးသည်ဖြစ်စေ ငယ်သည်ဖြစ်စေ၊ ရာထူးအဆင့်အတန်း ကြီးသည်ဖြစ်စေ ငယ်သည်ဖြစ်စေ၊ ငွေကြေးဥစ္စာ ပြည့်စုံသည်ဖြစ်စေ ချို့တဲ့သည်ဖြစ်စေ၊ လုပ်ငန်းအောင်မြင်တဲ့သူဖြစ်စေ ဆုံးရှုံးနေတဲ့သူဖြစ်စေ၊ ဘယ်လိုအခြေအနေမျိုးမှာရှိနေတဲ့ ဘယ်သူ့ကိုမဆို လေးစားသမှုနဲ့ဆက်ဆံဖို့လိုပါတယ်... သူတို့ရဲ့အခြေအနေအဆင့်အတန်းဟာ မိမိနဲ့ မသက်ဆိုင်ပါဘူး.... အဲ့ဒီအခြေအနေက အမြဲတမ်းတသမတ်တည်းဖြစ်နေမှာလည်းမဟုတ်ပါဘူး... မိမိနဲ့ထိတွေ့ဆက်ဆံရတဲ့ အခိုက်အတန့်အတွင်းမှာ လေးစားမှုရှိရှိနဲ့ စိတ်ရင်းအတိုင်းဆက်ဆံလုပ်ကိုင်နိုင်ဖို့သာ မိမိရဲ့တာဝန်ဖြစ်ပါတယ်.... ဒါမှသာ အပြန်အလှန်လေးစားမှုရှိတဲ့ ပတ်ဝန်းကျင်တစ်ခုကို ဖန်တီးနိုင်မှာဖြစ်ပါတယ်....
လေးစားတယ်ဆိုတာ အပြောသက်သက်စကားမဟုတ်ပါဘူး.... လေးစားထိုက်တယ်ဆိုတာကို လူတစ်ယောက်ထဲကလည်း အဆုံးအဖြတ်မပေးနိုင်ပါဘူး.... အချိန်ကာလ၊ နေရာဒေသတွေနဲ့လည်းမဆိုင်ပါဘူး.... ခင်မင်မှု၊ အားကိုးယုံကြည်မှု၊ အထင်ကြီးအားကျမှုတွေနဲ့လည်း မဆိုင်ပါဘူး.... အမှန်တကယ်လေးစားထိုက်တဲ့သူကို ရန်သူတွေကပါ လေးစားကြတဲ့သာဓကတွေလည်း အများအပြားရှိခဲ့ပါတယ်... လေးစားခံထိုက်တဲ့သူတွေဟာ သူတို့ကိုယ်တိုင်က တလေးတစားပြုမူလုပ်ဆောင်တတ်တာကို သတိပြုကြည့်ရင် သိမြင်နိုင်ပါတယ်... အများတကာရဲ့လေးစားမှုကို ခံယူချင်ရင် ကိုယ်တိုင်ကလည်း လေးစားမှုရှိရပါမယ်... “လူသားအားလုံးကို လေးစားပါတယ်” လို့ ဆိုနေရုံနဲ့ မရပါဘူး... လေးစားတဲ့အတိုင်း ပြုမူပြောဆိုနေထိုင်လုပ်ကိုင်ကျင့်ကြံသွားဖို့လိုပါတယ်....
မိမိကိုယ်ကိုလေးစားမှုရှိတဲ့သူ၊ မိမိပတ်ဝန်းကျင်ကိုလေးစားမှုရှိတဲ့သူ၊ မိမိအလုပ်ကို လေးစားမှုရှိတဲ့သူကို လူတွေကလည်း လေးစားကြမှာသေချာပါတယ်.... လေးစားမှုကို ချက်ချင်းလက်ငင်းဖန်တီးယူလို့မရပါဘူး.... ဆွဲဆောင်သိမ်းသွင်းလို့လည်း မရပါဘူး.... အချိန်ပေးတည်ဆောက်ယူရတာဖြစ်ပါတယ်.... လေးစားမှုဆိုတာ ကိုယ်ကအရင်ပေးရတဲ့အရာပါ... ကိုယ်ကလေးစားမှုမထားဘဲနဲ့ တခြားသူတွေဆီကလေးစားမှုကို လိုချင်လို့မရပါဘူး.... လေးစားခံချင်ရင် လေးစားထိုက်တဲ့အရည်အချင်းရှိဖို့လိုပါတယ်.... လေးစားမှုရှိခြင်း၊ လေးစားတတ်ခြင်းဟာ လေးစားထိုက်ခြင်းရဲ့ အဓိကသော့ချက်ဖြစ်ပါတယ်.... ဒါကြောင့် စာဖတ်သူများအနေနဲ့ လေးစားမှုတစ်ခုကို အရင်းပြုပြီး အပြန်အလှန်လေးစားမှုရှိတဲ့ ဝန်းကျင်တစ်ခုတည်ဆောက်ရင်းနဲ့ အများတကာရဲ့ လေးစားခံထိုက်တဲ့သူများဖြစ်ကြပါစေလို့ ဆန္ဒပြုဆွေးနွေးလိုက်ပါတယ်.....
========================
နှိုင်းရင့်နွေ
0 comments:
Post a Comment