ဖမ်းဆီးရမိသည့် ပိုင်ရှင်မဲ့ စိတ်ကြွဆေးပြားများ (ဓာတ်ပုံ – MOI)
ရန်ကုန်တိုင်းဒေသကြီး ရဲတပ်ဖွဲ့ အထူးတပ်ဖွဲ့၊ နယ်မြေခံရဲတပ်ဖွဲ့၊ ခရိုင်ရဲတပ်ဖွဲ့၊ မူးယစ်အထူးရဲတပ်ဖွဲ့ များပူးပေါင်း၍ စုံစမ်းစစ်ဆေးနေခြင်း ဖြစ်သည်။
ဇူလိုင် ၂၆ ရက်၊ နံနက် ၅ နာရီခန့်က အဆိုပါနေရာတွင် ရပ်ထားသည့် KIA BONGO အမျိုးအစား ကွန်တိန်နာ ဘောက် အဖြူရောင်ယာဉ်ပေါ်တွင် စိတ်ကြွဆေးပြားပေါင်း ၂၆၇ သိန်းကို အထုပ်များ ထုတ်ပိုးထားကြောင်း၊ ဖမ်းဆီးရမိသည့် စိတ်ကြွဆေးပြားများသည် တန်ဖိုးငွေ ကျပ် ၁၃၃ ဒသမ ၅ ဘီလီယံရှိပြီး မင်္ဂလာဒုံမြို့မရဲစခန်း လှည့်ကင်းတပ်ဖွဲ့က ကင်းလှည့်ရင်း တွေ့ရှိရာမှ ပိုင်ရှင်မဲ့အဖြစ် သိမ်းဆည်းရမိခဲ့ခြင်းဖြစ်ကြောင်း သိရသည်။
အဆိုပါ အမှုကို မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများ ဆိုင်ရာ ဥပဒေအရ အမှုဖွင့်ထားကြောင်း သိရှိရသည်။
တရားခံကို ဖမ်းဆီးရမိရေးအတွက် နေပြည်တော်ရှိ တာဝန်ရှိသူများလည်း ရန်ကုန်အထိ ဆင်း၍ အခြားအဖွဲ့များနှင့် ပူးပေါင်းကာ စုံစမ်းစစ်ဆေးလျက်ရှိကြောင်း၊ ဖြစ်စဉ်အခြေအနေ အသေးစိတ်ကို ဇူလိုင် ၃၁ ရက်ရောက်မှသာ ပြန်လည် ဖြေဆိုနိုင်မည်ဖြစ်ကြောင်း နေပြည်တော် အထွေထွေအုပ်ချုပ်ရေးဦးစီးဌာနက ပြောသည်။
ဧရာဝတီ
0 comments:
Post a Comment