ပဲခူးတိုင်းဒေသကြီး ပြည်ခရိုင် ပေါင်းတည်မြို့နယ်၌ ၁၁၉ ကြိမ်မြောက် ဗုဒ္ဓမြတ်စွယ်ရတနာအား တနှစ်တာကိန်းဝပ်စံမြန်းတော်မူရာ ဂန္ဓကုဋိ တိုက်တော်မှ ယာယီစံမြန်းတော်မူမည့် ရွှေကျောင်းဆောင် ရွှေပလ္လင် ထက်ပေါ်သို့ ပင့်ဆောင်သည့်အခမ်းအနားကို တော်သလင်းလဆန်း ၁၂ရက်နေ့ ယမန်နေ့ ညနေ ၅နာရီအချိန်က အဆိုပါ ဗုဒ္ဓမြတ်စွယ်တော် အာရုံခံတန်ဆောင်း၌ကျင်းပပြုလုပ်သည်။
အစီအစဉ်အရ ကြွရောက်လာကြသည့်ဘုရားဖူးဧည့်ပရိတ်များက နမော တဿသုံးကြိမ်ရွတ်ဆိုဘုရားကန်တော့ဖွင့်လှစ်ပြီး ငါးပါးသီလခံယူဆောက်တည်တော်မူကြသည်။
ထို့နောက် ဦးရွှေတိုးက ဗုဒ္ဓမြတ်စွယ်တော်ပင့် ဝရဒါဌာနိမန္တနာ မင်္ဂလာ ရစနာ ဂါထာတော် နှင့်ပင့်လျောက် တော်မူသည်။ ထို့နောက် စောင်း ဦးမောင်မောင်ခင်နှင့်အတူ အ.ထ.က(ငြိမ်း)ဆရာမဒေါ် မြင့်စိုးက ရွှေကျောင်းတော် ရွှေပလ္လင်တော်မဟာသို့ ကြွမြန်းချိန် သင့်ပြီဖြစ် ပါကြောင်း ရတုပုဒ်စုံ နှင့်မြို့မ အ.ထ.က အထက်တန်းပြ ဆရာမ ဒေါ်မေသူအောင်က ဦးညွှတ်ရိုသေ တောင်းဆုချွေရာ ပတ္တနာတေးထပ်ကို ရွာစားကျော်မြန်မာပြည် စွမ်း မင်္ဂလာဆိုင်းနှင့်သီဆိုပူဇော်ကြသည်။
ထို့နောက်အစီအစဉ်အရ ဗုဒ္ဓမြတ်စွယ်တော်ကိုအခမ်းအနားစီစဉ်မှုအဖွဲ့ ဥက္ကဋ္ဌ ဦးကျော်ဦး(၁)ကစတင်ပင့်ဆောင်ပြီး မြို့နယ်သံဃနာယကဥက္ကဋ္ဌ အာဂမဇောတိကာရုံစာသင်တိုက်ဆရာတော် သဒ္ဓမ္မဇောတိကဓဇ ဘဒ္ဒန္တ ပညာဝံသထံသို့လွှဲပြောင်းပေးအပ်ကာတာဝန်ရှိသူများကလက်ဆင့်ကမ်း ပင့်ဆောင်ပူဇော်ကြသည်။
ထို့နောက်ရွှေကျောင်းဆောင်တော်ပေါ်သို့ရောက်ရှိပြီးအပူဇော်ခံတော်မူရာနာယယကဆရာတော်ကြီးများ ပဲခူးတိုင်းဒေသကြီးအစိုးရအဖွဲ့ လူဝင်မှု ကြီးကြပ်ရေးနှင့်လူ့စွမ်းအားအရင်းအမြစ်ဝန်ကြီးဌာန ဝန်ကြီး ဦးထွန်းထွန်းဦး လူမှုရေးဝန်ကြီး ဒေါ်ညွန့်ညွန့်ဌေး ပြည်သူ့လွှတ်ကိုယ်စား လှယ် ဦးအေးမင်းအောင် ပြည်ခရိုင်အုပ်ချုပ်ရေးမှူး ဦးဉာဏ်ဇော် ပွဲတော် ကျင်းပရေးဦးစီးနာယက မြို့နယ်အုပ်ချုပ်ရေးမှူး ဦးနေလင်းနိုင် မြို့နယ် ရဲတပ်ဖွဲ့မှူး ရဲမှူးလှမြင့် နိင်ငံရေးပါတီများမှဥက္ကဋ္ဌနှင့်အဖွဲ့ဝင်များ ပွဲတော် ကျင်းပရေး အခမ်းအနား စီစဉ်မှုအဖွဲ့ ဥက္ကဋ္ဌ ဦးကျော်ဦး(၁) နှင့်အဖွဲ့ဝင် သကျမုနိမိုဃ်းကောင်းဘုရားကြီး ဝေယျာဝစ္စအဖွဲ့ဝင်များ တိုင်း၊ ခရိုင်၊ မြို့နယ်အဆင့်ဌာနဆိုင်ရာတာဝန်ရှိသူများနှင့် ဘုရားဖူးပရိတ်သတ် ရဟန်းရှင်လူ ပြည်သူအပေါင်းတို့က ဖူးမျှော်ကြည်ညို ကန်တော့ကြပြီး လက်ဝတ်ရတနာများနှင့် အလှူငွေများကို လာရောက်လှူဒါန်းကြသည်။
မြန်မာနိင်ငံတစ်ဝှမ်းနှင့် ရပ်ဝေးရပ်နီးမှ ဒေသခံများအပြင် ဘုရားဖူးများက ခရီးသည်တင်မော်တော်ယာဉ်များ၊ ဘုရားဖူးယာဉ်များ၊ ရထား၊ ထော်လာဂျီ၊ ဆိုင်ကယ်၊ စက်ဘီး၊ မြင်းလှည်းများဖြင့် လာရောက်ကြသည့် အတွက် ယခင်နှစ်များထက်ပင် ပိုမို၍ စည်ကားသိုက်မြိုက်ကြောင်း ဘုရားဖူးလာရောက်သူ ဒေါ်ခင်ရတနာကပြောကြားသည်။
(မင်းသားကြီး)ပြန်ဆက်
0 comments:
Post a Comment