ျမစ္ႀကီးနားၿမိဳ႕၊ ေျမျမင့္ရပ္ကြက္၊ မိုင္တဲ့ေကြ႕အနီးတြင္ ကားမေတာ္ဆမႈျဖစ္ရာသို႕ ၾကည့္႐ႈစစ္ေဆးခဲ့သည့္ ေျမျမင့္ရပ္ကြက္ အုပ္ခ်ဳပ္ေရးမွဴးကုိ ယာဥ္ေမာင္းမွ ကုိယ္ထိလက္ေရာက္ က်ဴးလြန္ခဲ့မႈျဖစ္ပြားေၾကာင္း သိရသည္။
ျဖစ္စဥ္မွာ ျမစ္ႀကီးနားၿမိဳ႕၊ ေျမျမင့္ရပ္ကြက္၊ ျပည္ေထာင္စုလမ္းမေဘး၊ မိုင္တဲေကြ႕တြင္ ယေန႕၊ စက္တင္ဘာလ ၂၇ ရက္ေန႕၊ နံနက္၄နာရီခန္႕က ယာဥ္ေမာင္း ေက်ာ္မင္းကို ေမာင္းႏွင္လာသည့္ကားမွာ အရွိန္မထိန္းနိုင္ဘဲ ပလက္ေဖာင္း ကို ေက်ာ္ၿပီး အုတ္တံတိုင္းသို႕ တိုက္မိခဲ့ရာ အဆိုပါေနရာသို႕ ရပ္ကြက္အုပ္ခ်ဳပ္ေရးအဖြဲ႕မွ လာေရာက္ ၾကည့္႐ႈစစ္ေဆးခဲ့ရာတြင္ ယာဥ္ေမာင္းျဖစ္သူမွ ၄င္းအား ကိုယ္ထိလက္ေရာက္ က်ဴးလြန္ခဲ့ေၾကာင္း ေျမျမင့္ရပ္ကြက္ အုပ္ခ်ဳပ္ေရးမွဴး ဦးေမာင္ေမာင္ၾကည္ထံ သိရသည္။
“ယာဥ္ေမာင္းက အရက္ေတာ္ေတာ္မူးေနတယ္၊ ေတြ႕သမွ်လူကုို ရန္လုပ္ေနတယ္၊ က်ေနာ့္ကိုလဲ လက္သီးနဲ႕ ထိုးပါတယ္၊ ၿပီးေတာ့ မင္းတို႔အကုန္လုံးကုိ တန္းစီပါး႐ုိက္ပစ္မယ္လို႔လဲေျပာပါတယ္” ဟု အုပ္ခ်ဳပ္ေရးမွဴး ဦးေမာင္ၾကည္က ဆိုသည္။
ျဖစ္စဥ္ႏွင့္ပတ္သက္ၿပီး ေျမျမင့္အုပ္ခ်ဳပ္ေရးမွဴး ဦးေမာင္ၾကည္မွ ယာဥ္ေမာင္းေက်ာ္မင္းကို ၄င္းအား ကုိယ္ထိလက္ေရာက္ ေစာ္ကားမႈျဖင့္ အမွတ္(၂)ရဲစခန္း တြင္ အမႈဖြင့္တိုင္ၾကားထားေၾကာင္း သိရၿပီး လက္ရွိတြင္ အဆိုပါယာဥ္ေမာင္းအား ယာဥ္ထိန္းရဲတပ္ဖြဲ႕မွဴး႐ုံးတြင္ ေမးျမန္းစစ္ေဆးေနေၾကာင္း သိရသည္။
မီးမီး
<Unicode>
ကားမတော်ဆမှုဖြစ်ရာသို့ ကြည့်ရှုစစ်ဆေးခဲ့သည့် အုပ်ချုပ်ရေးမှူးအား ယာဉ်မောင်းမှ ကိုယ်ထိလက်ရောက်ကျူးလွန်
Friday, September 27, 2019
မြစ်ကြီးနားမြို့၊ မြေမြင့်ရပ်ကွက်၊ မိုင်တဲ့ကွေ့အနီးတွင် ကားမတော်ဆမှုဖြစ်ရာသို့ ကြည့်ရှုစစ်ဆေးခဲ့သည့် မြေမြင့်ရပ်ကွက် အုပ်ချုပ်ရေးမှူးကို ယာဉ်မောင်းမှ ကိုယ်ထိလက်ရောက် ကျူးလွန်ခဲ့မှုဖြစ်ပွားကြောင်း သိရသည်။
ဖြစ်စဉ်မှာ မြစ်ကြီးနားမြို့၊ မြေမြင့်ရပ်ကွက်၊ ပြည်ထောင်စုလမ်းမဘေး၊ မိုင်တဲကွေ့တွင် ယနေ့၊ စက်တင်ဘာလ ၂၇ ရက်နေ့၊ နံနက်၄နာရီခန့်က ယာဉ်မောင်း ကျော်မင်းကို မောင်းနှင်လာသည့်ကားမှာ အရှိန်မထိန်းနိုင်ဘဲ ပလက်ဖောင်း ကို ကျော်ပြီး အုတ်တံတိုင်းသို့ တိုက်မိခဲ့ရာ အဆိုပါနေရာသို့ ရပ်ကွက်အုပ်ချုပ်ရေးအဖွဲ့မှ လာရောက် ကြည့်ရှုစစ်ဆေးခဲ့ရာတွင် ယာဉ်မောင်းဖြစ်သူမှ ၎င်းအား ကိုယ်ထိလက်ရောက် ကျူးလွန်ခဲ့ကြောင်း မြေမြင့်ရပ်ကွက် အုပ်ချုပ်ရေးမှူး ဦးမောင်မောင်ကြည်ထံ သိရသည်။
“ယာဉ်မောင်းက အရက်တော်တော်မူးနေတယ်၊ တွေ့သမျှလူကို ရန်လုပ်နေတယ်၊ ကျနော့်ကိုလဲ လက်သီးနဲ့ ထိုးပါတယ်၊ ပြီးတော့ မင်းတို့အကုန်လုံးကို တန်းစီပါးရိုက်ပစ်မယ်လို့လဲပြောပါတယ်” ဟု အုပ်ချုပ်ရေးမှူး ဦးမောင်ကြည်က ဆိုသည်။
ဖြစ်စဉ်နှင့်ပတ်သက်ပြီး မြေမြင့်အုပ်ချုပ်ရေးမှူး ဦးမောင်ကြည်မှ ယာဉ်မောင်းကျော်မင်းကို ၎င်းအား ကိုယ်ထိလက်ရောက် စော်ကားမှုဖြင့် အမှတ်(၂)ရဲစခန်း တွင် အမှုဖွင့်တိုင်ကြားထားကြောင်း သိရပြီး လက်ရှိတွင် အဆိုပါယာဉ်မောင်းအား ယာဉ်ထိန်းရဲတပ်ဖွဲ့မှူးရုံးတွင် မေးမြန်းစစ်ဆေးနေကြောင်း သိရသည်။
မီးမီး
#Myanmar_Online_News
0 comments:
Post a Comment