အသက်(၄)နှစ်အရွယ် ကောင်မလေးတစ်ယောက်ဟာ ဖုန်းအသုံးပြုတာ များလွန်းတဲ့အတွက် အသက်ငယ်ငယ်မှာပဲ မျက်လုံးခွဲစိတ်မှု ခံယူခဲ့ရပါတယ်။ ဒီသတင်းဟာ ကလေးကို အလိုလိုက်ပြီး ဖုန်းပေးကိုင်တဲ့ မိဘတွေအတွက် သတိထားစရာပါ။ ဖုန်းကထုတ်လွှတ်တဲ့ အလင်းတန်းတွေဟာ-
ကလေးရဲ့ မျက်သားနုနုတွေကို ထိခိုက်မှုမြန်စေပါတယ်။ လူကြီးတွေထက် ပိုပြီး ထိခိုက်မှုမြန်စေတဲ့အတွက်၊ ကလေးကို ချစ်ရင် ဖုန်းပေးမကိုင်ကြဖို့၊ ဒီလိုပဲ ကွန်ပျူတာနဲ့ Tablet တွေကိုလည်း ပေးမသုံးသင့်ဘူးလို့ အကြံပြုနေကြပါတယ်။ အခု ကလေးမလေးကတော့ လက်တွေ့သက်သေပါဘဲ။
ဒီအဖြစ်အပျက်ဟာ ထိုင်းနိုင်ငံမှာ ဖြစ်ခဲ့တာပါ။ ကလေးမလေးရဲ့ဖခင် Dachar Nuysticker Chuayduang က ဒီအကြောင်းကို လူမှုကွန်ရက်ပေါ်မှာ တင်ခဲ့တာဖြစ်ပါတယ်။ Dachar ရဲ့ ပြောဆိုချက်အရ သူတို့ဟာ ကလေး (၂)နှစ်အရွယ်ကတည်းက ဖုန်းပေးသုံးခဲ့တာပါတဲ့။
ဖုန်းပေးသုံးခြင်း အကြောင်းအရင်းကတော့ သူဟာ အလုပ်များသူဖြစ်သည့်အလျှောက် ကလေး ငြိမ်နေစေဖို့ ရည်ရွယ်ပါတယ်။ ဒီလိုနဲ့ နောက်ထပ် တစ်နှစ်ကျော်လောက်အတွင်းမှာ သမီးဖြစ်သူမှာ အမြင်အာရုံနဲ့ ပြဿနာတွေ စလာပါတော့တယ်။ နောက်တော့ မျက်မှန် ဝတ်ပေးရပါတော့တယ်။
နောက်တော့ မမြင်မစမ်းပုံစံဖြစ်လာလို့ ဒေါက်တာထံမှာ ပြသခဲ့ရာ သမီးလေးမှာ အမြင်အာရုံဆုံးရှုံးခြင်း သို့မဟုတ် Lazy Eyes ကို ခံစားနေရတယ်လို့ ပြောပါတယ်။ ဒီအခြေအနေကတော့ မျက်လုံးတွေဟာ တစ်လုံးနဲ့တစ်လုံး တူညီတဲ့အချိန်တစ်ခုတည်းမှာ တူညီတဲ့ အလုပ်ကို မလုပ်နိုင်တော့တာပါ။
တစ်နည်းဆိုရရင် အမြင်အာရုံမှုန်ဝါးရုံသာမက၊ မျက်လုံးစွေစောင်းသွားတဲ့ ရောဂါကိုပါခံစားခဲ့ရတဲ့ သဘောဖြစ်ပါတယ်။ ပြီးခဲ့နှစ် အောက်တိုဘာ (၃၁)မှာ ခွဲစိတ်မှုခံယူခဲ့ရာ၊ အခုဆို သမီးလေးဟာ နဂိုလို ပြန်ကောင်းနေပါပြီတဲ့။ ဒါပေမယ့် ကလေးကို ဖုန်းပေးမသုံးတော့ဖို့ ဒေါက်တာတွေက တားမြစ်ထားပါတယ်။
နေသူရိန် (D Nae Khit)
0 comments:
Post a Comment