အဂတိလိုက်စားမှုနှင့်တိုက်ဖျက်ရေး ပြိုင်ပွဲကြီးပြန်လည်စတင်နေပြီး အပြီးသတ်အောင်ပွဲခံရန် အဝေးကြီး လိုသေးကြောင်း အဂတိလိုက်စားမှုနှင့်တိုက်ဖျက်ရေးကော်မရှင်မှဥက္ကဋ္ဌ ဦးအောင်ကြည်ကပြောသည်။
နေပြည်တော်တွင် ဇွန်လ ၃ ရက်ကကျင်းပသော ဖြောင့်မတ်တည်ကြည်မှု လူငယ်စခန်း ၂၀၁၉ ဖွင့်ပွဲ အခမ်းအနားတွင် ယခုကဲ့သို့ပြောခဲ့ခြင်းဖြစ်သည်။
“ အဂတိလိုက်စားမှုတိုက်ဖျက်ရေးလုပ်ငန်းဆိုတာ အဂတိလိုက်စားမှု (သို့မဟုတ်)အကျင့်ဖောက်ပြန်မှုနှင့် ဖြောင့်မတ်တည်ကြည်မှုတို့အကြားမှာအလွန်ရှည်ကြာစွာယှဉ်ပြိုင်နေရတဲ့ ပြိုင်ပွဲကြီးတစ်ခုလိုပဲဖြစ်ပါတယ်။ မြန်မာပြည်မှာ ၂၀၁၃ ခုနှစ်အဂတိလိုက်စားမှုတိုက်ဖျက်ရေးဥပဒေ ပြဋ္ဌာန်းပြီးတဲ့ကာလနောက်ပိုင်းဒီပြိုင်ပွဲကြီး ပြန်လည်စတင်ခဲ့တာဖြစ်ပြီးအထူးသဖြင့် ကျွန်တော်တို့ကော်မရှင်တာဝန်ယူပြီးရှစ်လခန့်အကြာ နိုင်ငံတော်သမ္မတလက်မှတ်ရေးထိုးထုတ်ပြန်ခဲ့သည့် စတုတ္တအကြိမ်ပြင်ဆင်ချက်ဥပဒေအတည်ပြု ပြီးနောက်ပိုင်းကျမှသာဒီပြဲုင်ပွဲကြီးမှာဖြောင့်မတ်တည်ကြည်မှုဘက်ကတစ်စုံတစ်ရာရခဲ့တာဖြစ်ပါတယ်။ တစ်ချိန်တုန်းကဖြောင့်မတ်တည်ကြည်မှုဘက်ကအမြဲတမ်းလိုလိုဦးစားပေးမခံရဘဲ ပုန်းလျှိူးကွယ်လျှိုး အဆင့်မျိုးနဲ့နေခဲ့ရာမှ အခုအခါမှာတော့ ပြည်သူအများစုရဲ့ထောက်ခံအားပေးမှုကြောင့် နေရာပိုမိုရရှိလာတာ ဖြစ်ပါတယ်။ သို့သော်ဒီပြိုင်ပွဲကြီးမှာအပြီးသတ်အောင်ပွဲခံနိုင်ဖို့က အဝေးကြီးလိုပါသေးတယ်’’ ဟု ကော်မရှင် ဥက္ကဋ္ဌ ဦးအောင်ကြည်ကပြောသည်။
အဂတိလိုက်စားမှုတိုက်ဖျက်ရေးကော်မရှင်သည် အစိုးရသစ်လက်ထက်တွင် ရန်ကုန်တိုင်းဒေသကြီးဥပဒေချုပ် ဦးဟန်ထူး၊ FDAအကြီးအကဲဒေါက်တာသန်းထွဋ် ၊ တနင်္သာရီတိုင်းဒေသကြီး ၀န်ကြီးချုပ် ဒေါက်တာလဲ့လဲ့မော်တို့အား အဂတိလိုက်စားမှုတိုက်ဖျက်ရေးဥပဒေဖြင့် အမှုဖွင့်တိုင်ကြားထားသည်။
မင်းသီဟန်(အကုန်သိသတင်းဌာန)
0 comments:
Post a Comment