မန္တလေးမြို့ ချမ်းမြသာစည်မြို့နယ် ၅၅ လမ်း နှင့် ရွာလယ်လမ်းအနီးတွင် ဖြစ်ပွားခဲ့သည့် လင်မယားနှစ်ယောက်အား သေနတ်ဖြင့် ပစ်သတ်မှု မှ ဖမ်းဆီးရမိသည့်တရားခံအား ဇွန်လ ၂၇ ရက်နေ့က မန္တလေးခရိုင်တရားရုံးတွင် သေဒဏ် နှင့် ထောင်ဒဏ် (၁၀) နှစ်ကို သီးခြားကျခံရန်အမိန့်ချခဲ့သည် ။
အမှုနှင့်ပတ်သက်၍ တရားခံဖြစ်သူ ဦးခွန်ကောလာအား ရာဇသတ်ကြီးဥပဒေ ပုဒ်မ - ၃၀၂(၁-ဂ)/၃၉၂/၃၉၇ တို့ဖြင့် စွဲချက်တင်ခဲ့ထားပြီး ရာဇသတ်ကြီးဥပဒေ ပုဒ်မ - ၃၀၂(၁-ဂ) အတွက် သေဒဏ် ၊ ရာဇသတ်ကြီးဥပဒေ ပုဒ်မ - ၃၉၂/၃၉၇ အတွက် အလုပ်ကြမ်းနှင့် ထောင်ဒဏ် ဆယ်နှစ် ချမှတ်ခဲ့ခြင်းဖြစ်သည် ။
တရားခံအနေဖြင့် ရှေ့နေငှားရမ်းနိုင်ခြင်းမရှိသည့်အတွက် ဥပဒေအရ ရှေ့နေလိုက်ပါရန်အတွက် ဥပဒေရုံး မှ မန္တလေးတိုင်းဒေသကြီး ရှေ့နေများအသင်းသို့ ညွှန်ကြားချက်ကြောင့် နိုင်ငံတော်စားရိတ်ဖြင့် တရားလွှတ်တော်ရှေ့နေ တစ်ဦး က လိုက်ပါဆောင်ရွက်ရသည် ။
ထိုသို့ အမိန့်ချမှုနှင့်ပတ်သက်၍ (၇) ရက်အတွင် အထက်ရုံးသို့ အယူခံဝင်သွားမည်ဖြစ်ကြောင်း ဦးခွန်ကောလာ၏ ရှေ့နေဖြစ်သူ တရားလွှတ်တော်ရှေ့နေ ဦးခင်မောင်မြင့် က ပြောသည် ။
ပစ်ခတ်မှုမှာ ၂၀၁၈ ခုနှစ် သြဂုတ်လ ၁၃ ရက်နေ့က ဖြစ်ပွားခဲ့ပြီး ဆိုင်ကယ်မောင်းလာသည့် လင်မယားနှစ်ယောက်အား သေနတ်သမားတစ်ဦးက ဆိုင်ကယ်ဖြင့်လာရောက်၍ ပစ်ခတ်ခြင်းဖြစ်ကာ ယောက်ျားဖြစ်သူမှာ ရင်ဘက် နှင့် မိန်းမဖြစ်သူမှာ နားထင် တို့ကို ပစ်ခတ်ခံရခြင်းဖြစ်သည် ။ ထိုသို့ သေနတ်ဖြင့်ပစ်ခံရသည့် ဖြစ်စဉ်မှ အမျိုးသမီးမှာ ဆေးရုံအရောက်တွင် သေဆုံးခဲ့ပြီး ယောက်က်ျားဖြစ်သူမှာ ဒဏ်ရာသက်သာကြောင်း သိရသည် ။
သေနတ်ဖြင့် ပစ်ခံရသူ (၂) ဦးမှာ မန္တလေးမြို့ ချမ်းမြသာစည်မြို့မယ် ထွန်တုံးရပ်ကွက်တွင် ခေါင်ရည်ဆိုင်ဖွင့်ထားသည့် လီလျှီခွမ်း (ခ) ကိုဇော်လင်း နှင့် မဟော်လောက်ဖိန်း တို့ဖြစ်ပြီး ဖမ်းဆီးရမိသူမှာ ပုသိမ်ကြီးကြီးမြို့နယ် အုန်းချောတွင် နေထိုင်သည့် ဦးခွန်ကောလားဖြစ်သည် ။
ထို့အပြင် သေနတ်ဖြင့် ပစ်ခတ်သည့် ဦးခွန်ကောလာအား လက်နက်မှု ၁၉ (င) အတွက် စက်တင်ဘာလ ၁၉ ရက်နေ့က ချမ်းမြသာစည်မြို့နယ်တရားရုံးမှ ထောင်ဒဏ်သုံးနှစ်ကျခံရန် အမိန့်ချပြီးဖြစ်သည် ။
The Fifth Wave News
0 comments:
Post a Comment