တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးပွဲ အခမ်းအနားတွင် နိုင်ငံတော်သမ္မတ ဦးသိန်းစိန် ပြောကြားသော မိန့်ခွန်း (၂၀၁၅ ခုနှစ်၊ အောက်တိုဘာလ၊ ၁၅ ရက်)
ဒီကနေ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူညီချက်စာချုပ် လက်မှတ်ရေးထိုးပွဲ အခမ်းအနားကို လက်မှတ်ရေးထိုးဖို့ တက်ရောက်လာကြတဲ့ တိုင်းရင်းသား ခေါင်းဆောင်ကြီးများ၊ ပြည်တွင်းအသိသက်သေများ၊ နိုင်ငံတကာ အသိသက်သေများ၊ မြန်မာနိုင်ငံဆိုင်ရာ နိုင်ငံခြား သံတမန် အကြီးအကဲများ၊ အစိုးရ၊ လွှတ်တော်၊ တပ်မတော်မှ ကိုယ်စားလှယ်များ၊ နိုင်ငံရေးပါတီမှ ခေါင်းဆောင်များ၊ အရပ်ဘက် လူမှုအဖွဲ့အစည်းများမှ ကိုယ်စားလှယ်တော်များနဲ့ အထူးဖိတ်ကြားထားသော ဧည့်သည်တော်များကို မင်္ဂလာအပေါင်းနှင့် ပြည့်စုံပါစေကြောင်း နှုတ်ခွန်းဆက်ပါရစေ။ဒီကနေ့ဟာ ကျွန်တော်တို့ မြန်မာနိုင်ငံအတွက် အရေးပါတဲ့ သမိုင်းဝင် နေ့ထူးနေ့မြတ်တစ်ခု ဖြစ်ပါတယ်။ နိုင်ငံတော်ရဲ့ ငြိမ်းချမ်းရေး အနာဂတ်အတွက် လမ်းသစ်တစ်ခုကို ဖွင့်လှစ်နိုင်ခဲ့ပြီ ဖြစ်ပါတယ်။
လွတ်လပ်ရေး ရပြီးကတည်းက လက်နက်ကိုင် ပဋိပက္ခတွေ မြန်မာနိုင်ငံမှာ ပေါ်ပေါက်ခဲ့ပါတယ်။ ဒီပဋိပက္ခတွေကြောင့် သောင်းနဲ့ချီတဲ့ နှစ်ဖက်စလုံးက တပ်သားတွေ အသက်ဆုံးရှုံးခဲ့ကြရပါတယ်။ လက်နက်ကိုင်ပဋိပက္ခ ဒေသတွေမှာ နေထိုင်ကြတဲ့ သိန်းနဲ့ချီသော ပြည်သူတွေဟာ စစ်ဘေးစစ်ဒဏ်ကို ခါးစည်းခံခဲ့ရပါတယ်။ အားလုံးဟာ ကိုယ့်တိုင်းရင်းသား ကိုယ့်ပြည်သူတွေပဲ ဖြစ်ကြပါတယ်။
ကျွန်တော်တို့ အစိုးရ တာဝန်စယူခဲ့တဲ့ အချိန်မှာ ဒီမိုကရေစီစနစ်ကို ဦးတည်တဲ့ အပြောင်းအလဲတွေကို စတင်လုပ်ဆောင်ခဲ့ပါတယ်။ တစ်ဆက်တည်းမှာ ငြိမ်းချမ်းရေး မရှိဘဲ ဒီမိုကရေစီ အပြောင်းအလဲကို သွားဖို့ခက်မယ် ဆိုတာကို သဘောပေါက်ခဲ့ပါတယ်။
ဒါကြောင့် အပစ်အခတ်ရပ်စဲရေးအတွက် ၂၀၁၁ သြဂုတ်လမှာ အစိုးရကနေ စတင်ကမ်းလှမ်းခဲ့ပါတယ်။ ၂ နှစ်အတွင်း အစိုးရနဲ့ တိုင်းရင်းသားလက်နက်ကိုင် ၁၄ ဖွဲ့အကြား အပစ်အခတ်ရပ်စဲရေး သဘောတူညီချက်တွေကို ချုပ်ဆိုနိုင်ခဲ့ပါတယ်။ ကချင်ပြည်နယ် အတွင်းက လက်နက်ကိုင် ပဋိပက္ခတွေကို အတော်များများ လျှော့ချနိုင်တဲ့ သဘောတူညီချက်တွေကိုလည်း လက်မှတ်ရေးထိုးနိုင်ခဲ့ပါတယ်။
ဒါပေမဲ့ ကျွန်တော်တို့ တိုင်းပြည်မှာ ရေရှည်တည်တံ့ ခိုင်မြဲတဲ့ ငြိမ်းချမ်းရေးရဖို့ အပစ်အခတ်ရပ်စဲရေး တစ်ခုတည်းနဲ့ မလုံလောက်ပါဘူး။ ကျွန်တော်တို့ရဲ့ နက်နက်ရှိုင်းရှိုင်း ပြဿနာတွေကို အဖြေရှာနိုင်ဖို့ နိုင်ငံရေးဆွေးနွေးပွဲတွေ ရှိဖို့လိုပါတယ်။ တစ်ဆက်တည်းမှာပဲ ဆွေးနွေးအဖြေရှာနေတဲ့ အချိန်အတောအတွင်းမှာ အပစ်အခတ်ရပ်စဲရေး ခိုင်ခိုင်မာမာ ဖြစ်စေဖို့ လိုအပ်တဲ့ ပြင်ဆင်မှုတွေ လိုပါတယ်။ ဒါတွေကို အကောင်အထည်ဖော်နိုင်ဖို့ အဓိကအင်အားစုများ လက်ခံတဲ့ ငြိမ်းချမ်းရေး ဖြစ်စဉ်တစ်ခုရှိဖို့ လိုတယ်ဆိုတာကို ကျွန်တော်တို့ သဘောပေါက်ခဲ့ပါတယ်။
ဒါကြောင့် အပစ်အခတ်ရပ်စဲရေး သဘောတူညီချက်တွေ ဘယ်လောက်ပဲရှိရှိ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူညီချက် (Nationwide Ceasefire Agreement- NCA) ဆိုတဲ့ ခေါင်းစဉ်အောက်မှာ အားလုံး ကျယ်ကျယ်ပြန့်ပြန့် လက်ခံထားတဲ့ ငြိမ်းချမ်းရေး ဖြစ်စဉ်တစ်ခု ပေါ်လာအောင် ဝိုင်းဝန်းကြိုးစား ညှိနိူင်းခဲ့ကြတာ ဖြစ်ပါတယ်။
ဒီလိုဆွေးနွေးညှိနှိုင်းခဲ့တဲ့ အခါမှာ အစိုးရဘက်က အသိအမှတ်ပြုမထားတဲ့ အဖွဲ့တွေ ပါဝင်ခဲ့ကြပေမယ့် အားလုံးလက်ခံနိုင်တဲ့ ဖြစ်စဉ်တစ်ခု ထွက်ပေါ်လာရမယ် ဆိုတဲ့ ရည်ရွယ်ချက်နဲ့ အားလုံး ပါဝင်ဆွေးနွေးနိုင်အောင် ကြိုးစားခဲ့တာ ဖြစ်ပါတယ်။ NCA ထဲမှာ ပါဝင်တဲ့ သဘောတူညီချက် အားလုံးနီးပါးက တိုင်းရင်းသား လက်နက်ကိုင်များဘက်က တင်ပြချက်များအပေါ် အခြေခံပြီး အစိုးရဘက်က ညှိနှိုင်းခဲ့တာ ဖြစ်ပါတယ်။
အစိုးရ၊ လွှတ်တော်၊ တပ်မတော်နဲ့ တိုင်းရင်းသားလက်နက်ကိုင် အဖွဲ့အစည်းများမှ ကိုယ်စားလှယ်များရဲ့ ဝိုင်းဝန်းကြိုးပမ်းမှု၊ သည်းခံသဘောထားကြီးမှု၊ အနစ်နာခံ ကြိုးစားအားထုတ်မှုတွေကြောင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူညီချက်စာချုပ်ကို ပါဝင်ဆွေးနွေးသူတွေ အားလုံးက သဘောတူနိုင်ခဲ့တာ ဖြစ်ပါတယ်။
ကျွန်တော်တို့ အစိုးရ အနေနဲ့ကတော့ အားလုံးလက်ခံတဲ့ ငြိမ်းချမ်းရေး ဖြစ်စဉ်တစ်ခု ပေါ်ပေါက်လာဖို့က လက်မှတ်ရေးထိုးရေးထက် ပိုပြီးအရေးကြီးပါတယ်။ အားလုံးလက်ခံတဲ့ ငြိမ်းချမ်းရေး ဖြစ်စဉ်တစ်ခုကို အုတ်မြစ်ချနိုင်ရေးက မြန်မာပြည် အနာဂတ်အတွက် အရေးကြီးတဲ့ လုပ်ငန်းစဉ်တစ်ရပ်လို့ ကျွန်တော်တို့ အစိုးရက ခံယူပြီး NCA သဘောတူညီမှု ရအောင် အကောင်အထည်ဖော်ခဲ့တာ ဖြစ်ပါတယ်။
ဒါကြောင့် တိုင်းရင်းသားလက်နက်ကိုင် အဖွဲ့အားလုံး မပါနိုင်သေးပေမယ့် ကနဦး ရှေ့ပြေးအနေနဲ့ ပါဝင်ပြီး ရှေ့ဆက်သွားဖို့ အဆင်သင့်ဖြစ်နေတဲ့ အဖွဲ့တွေနဲ့ အရင်ဦးစွာ လက်မှတ်ထိုးဖို့ ဆုံးဖြတ်ခဲ့တာပဲ ဖြစ်ပါတယ်။
ဒါပေမဲ့ ကျန်နေသေးတဲ့ အဖွဲ့တွေ ပါဝင်နိုင်ရေးကို ကျွန်တော်တို့အားလုံး ဆက်လက်ကြိုးပမ်းသွားမှာ ဖြစ်ပါတယ်။ သူတို့အတွက်လည်း တံခါးဖွင့်ထားပါတယ်။ သူတို့ကိုယ်တိုင် ပါဝင်ဆွေးနွေး ညှိနိူင်းသဘောတူခဲ့တဲ့ အချက်များအပေါ်မှာ အုတ်မြစ်ချထားတဲ့ ငြိမ်းချမ်းရေးလုပ်ငန်းစဉ် ဖြစ်တဲ့ အတွက်ကြောင့် ဒီဖြစ်စဉ်ကို အကောင်အထည်ဖော်ရာမှာ သူတို့ရဲ့ ဆန္ဒတွေကိုလည်း ထင်ဟပ်စေမှာ ဖြစ်ပါတယ်။ လက်မှတ်မထိုးသေးတဲ့ အဖွဲ့တွေ တောင်းဆိုလာရင် ငြိမ်းချမ်းရေးဖြစ်စဉ်ရဲ့ ဆက်လက်လုပ်ဆောင်ရမယ့် လုပ်ငန်းတွေမှာ သူတို့ပါဝင်နိုင်အောင် ကျွန်တော်တို့ အစိုးရအနေနဲ့ ညှိနှိုင်းလုပ်ဆောင်သွားမှာ ဖြစ်ပါတယ်။
အခုတက်ရောက် လက်မှတ်ရေးထိုးကြတဲ့ နိုင်ငံတော်အစိုးရနဲ့ တိုင်းရင်းသား လက်နက်ကိုင်အဖွဲ့များမှ ခေါင်းဆောင်တွေ အနေနဲ့ ကျွန်တော်တို့အားလုံးရဲ့ အောင်မြင်မှုကို လှိုက်လှိုက်လှဲလှဲ ဂုဏ်ယူသင့်ပါတယ်။ ဒါပေမဲ့ ကျွန်တော်တို့ရဲ့ သမိုင်းတန်ဖိုးက NCA ကို ဘယ်နှစ်ဖွဲ့ လက်မှတ်ရေးထိုးတယ် ဆိုတာထက် အားလုံးလက်ခံထားတဲ့ သဘောတူညီချက်တွေကို ဘယ်လောက် ထိထိရောက်ရောက် အကောင်အထည်ဖော်နိုင်လဲ ဆိုတဲ့ မှတ်ကျောက်အပေါ်မှာ အခြေခံပါလိမ့်မယ်။
NCA ပါ သဘောတူညီချက်တွေကို လက်တွေ့အကောင်အထည်ဖော်မှုအပေါ် အခြေခံပြီး နှစ်ဖက်အကြား ယုံကြည်မှု တည်ဆောက်ရေးကို ပိုမိုခိုင်မာအောင် လုပ်ဆောင်သွားကြဖုို့ ဖြစ်ပါတယ်။ ကျန်နေသေးတဲ့ အဖွဲ့တွေအနေနဲ့လည်း NCA ပါ လုပ်ငန်းစဉ်တွေကို အကောင်အထည်ဖော်နိုင်လာတာနဲ့အမျှ အနှေးနဲ့အမြန် ဆိုသလို ဒီငြိမ်းချမ်းရေး ဖြစ်စဉ်မှာ ပါဝင်လာကြမှာ ဖြစ်ပါတယ်။
NCA လက်မှတ်ရေးထိုးပြီး ပေါ်ပေါက်လာမယ့် ငြိမ်းချမ်းရေး လုပ်ငန်းစဉ်တွေက ရှေ့ကို ဆက်သွားဖို့ပဲ ရှိပါတယ်။ နောက်ပြန်လှည့်စရာ မရှိပါဘူး။ ဒါကြောင့် NCA အပေါ် အခြေခံတဲ့ လုပ်ငန်းစဉ်များဟာ မြန်မာပြည် အနာဂတ်သစ်ရဲ့ ရေရှည်တည်တံ့ ခိုင်မြဲတဲ့ ငြိမ်းချမ်းရေး ရရှိဖို့ တစ်ခုတည်းသော လမ်းကြောင်းအဖြစ် ပေါ်ပေါက်လာမှာ ဖြစ်ပါတယ်။
NCA ဟာ နောင်မျိုးဆက်သစ်တွေရဲ့ အနာဂတ်အတွက် သမိုင်းလက်ဆောင် ဖြစ်ပါတယ်။ ဒါကြောင့် ဒီပွဲကို စီစဉ်ခဲ့စဉ်အခါမှာ မျိုးဆက်သစ် လူငယ်တွေကိုပါ ဖိတ်ကြားဖို့ ကျွန်တော်တို့ စဉ်းစားခဲ့ပါတယ်။ သူတို့တွေရဲ့ အနာဂတ်အသစ်အတွက် သူတို့ရဲ့ ရှေ့မှောက်မှာ ကျွန်တော်တို့တွေ ကတိကဝတ် ပြုကြတာပဲ ဖြစ်ပါတယ်။
၂၀၁၄-၂၀၁၅ နှစ်တွေရဲ့ စစ်တမ်းတွေအရ မြန်မာနိုင်ငံရဲ့ လူဦးရေ ၁၀ ရာခိုင်နူန်းဟာ တိုက်ပွဲဖြစ်ပွားရာ ဒေသတွေမှာ နေထိုင်ကြပါတယ်။ လူဦးရေ ၄၀ ရာခိုင်နူန်းခန့်ဟာ လက်နက်ကိုင် ပဋိပက္ခရဲ့ အကျိုးသက်ရောက်မှုရှိတဲ့ ဒေသတွေမှာ နေထိုင်ကြပါတယ်။ NCA လက်မှတ်ရေးထိုးလိုက်ပြီး လုပ်ငန်းစဉ်တွေကို စတင်အကောင်အထည်ဖော်တာနဲ့ ပဋိပက္ခ ဘေးထွက်ဆိုးကျိုးတွေ ခံစားနေရတဲ့ လူဦးရေရဲ့ ၇၀ ရာခိုင်နူန်းဟာ ငြိမ်းချမ်းရေးရဲ့ အသီးအပွင့်တွေကို အချိန်တိုတို အတွင်းမှာ ခံစားကြရမှာ ဖြစ်ပါတယ်။
တိုက်ပွဲတွေ လျှော့ချရပ်ဆိုင်းနိုင်ဖို့ “ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ကြီးကြပ်ရေး ကော်မတီ (JMC)” ကို ဖွဲ့စည်းပြီး ထိန်းသိမ်းလုပ်ဆောင်သွားမှာ ဖြစ်ပါတယ်။ တိုက်ပွဲတွေ မရှိတော့တဲ့အခါ ဒီဒေသတွေမှာ နေထိုင်တဲ့ ပြည်သူလူထုများဟာ အေးအေးချမ်းချမ်းနဲ့ လုပ်ကိုင်စားသောက်နိုင်တော့မှာ ဖြစ်ပါတယ်။
တည်ငြိမ်အေးချမ်းလာတာနဲ့အမျှ နိုင်ငံတော်အစိုးရ အနေနဲ့ ဖွံ့ဖြိုးရေးလုပ်ငန်းတွေကို ပိုမိုအကောင်အထည်ဖော်နိုင်မှာ ဖြစ်ပါတယ်။ ပဋိပက္ခအလွန် ဒေသတွေမှာ နိုင်ငံတကာ အထောက်အကူတွေ၊ လူထုအကျိုးပြုတဲ့ ရင်းနှီးမြုပ်နှံမှုတွေ ဝင်ရောက်လာစေဖို့ ဦးစားပေး လုပ်ဆောင်သွားမှာ ဖြစ်ပါတယ်။
တစ်ဆက်တည်းမှာပဲ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) ကို ဖွဲ့စည်းပြီး အမျိုးသားပြန်လည်ရင်ကြားစေ့ရေးကို ဦးတည်ထားတဲ့ နိုင်ငံရေးဆွေးနွေးပွဲများကို အကောင်အထည်ဖော်သွားမှာ ဖြစ်ပါတယ်။ ဒီလုပ်ငန်းစဉ်တွေကို NCA က ပြဋ္ဌာန်းပေးလိုက်တာ ဖြစ်ပါတယ်။
ယခု လက်ငင်းချက်ချင်းမှာပဲ ကျွန်တော်တို့တစ်တွေ အကြားမှာ ကြီးမားတဲ့ အောင်မြင်မှုကြီးတစ်ခု ရှိနေပါပြီ။ တိုင်းရင်းသား လက်နက်ကိုင်အဖွဲ့များ အနေနဲ့ ပြည်ထောင်စု မပြိုကွဲရေး၊ တိုင်းရင်းသား စည်းလုံးညီညွတ်မှု မပြိုကွဲရေးနဲ့ အချုပ်အခြာအာဏာ တည်တံ့ခိုင်မြဲရေးဆိုတဲ့ တို့တာဝန် အရေးသုံးပါးကို သဘောတူ လက်ခံခဲ့ကြပါတယ်။ နိုင်ငံတော်အစိုးရဘက်ကလည်း တိုင်းရင်းသားတွေ တောင်းဆိုနေတဲ့ ဒီမိုကရေစီနဲ့ ဖယ်ဒရယ်စနစ်ကို အခြေခံတဲ့ နိုင်ငံတော်ကြီးကို တည်ဆောက်ဖို့အတွက် လက်ခံသဘောတူခဲ့ပြီး ဖြစ်ပါတယ်။ မြန်မာပြည်ရဲ့ အစိုးရ အဆက်ဆက်မှာ တစ်ခါမှ မရှိခဲ့ဖူးတဲ့ ကျွန်တော်တို့အကြား ဘုံလက်ခံထားတဲ့ အနာဂတ် ပန်းတိုင်တစ်ခုကို သဘောတူညီနိုင်ခဲ့တာ ဖြစ်ပါတယ်။ ဒီဘုံအနာဂတ်ကို အကောင်အထည်ဖော်နိုင်ဖို့ အတွက် NCA ပါ သဘောတူညီချက်များကို အကောင်အထည်ဖော်နိုင်ရေးက ကျွန်တော်တို့အားလုံး အတွက် အရေးကြီးတဲ့ သမိုင်းပေး တာဝန်ပဲ ဖြစ်ပါတယ်။ NCA ဆိုတာ ကျွန်တော်တို့ ထားရစ်ခဲ့မယ့် သမိုင်းအမွေ ဖြစ်ပါလိမ့်မယ်။
ဒီကနေ့ကစပြီး ကျွန်တော်တို့ အားလုံးဟာ ကျွန်တော်တို့ရဲ့ ဘုံအနာဂတ်အတွက် အတူတကွ တာဝန်ရှိသူတွေ ဖြစ်သွားပါပြီ။ ကျွန်တော်တို့ရဲ့ သမိုင်းကို အတူတကွ ပုံဖော်ရေးသားကြရတော့မှာပါ။ သမိုင်းရဲ့ အောင်မြင်မှု ကျရှုံးမှုတွေကို အတူတကွ တာဝန်ခံကြရတော့မှာပါ။ ဒီကနေ့ လက်မှတ်ရေးထိုးတဲ့ NCA စာချုပ်ဟာဆိုရင် ကျွန်တော်တို့ အချင်းချင်းအကြားမှာ တည်ဆောက်ရရှိလာတဲ့ ယုံကြည်မှုကို ပြသနိုင်ခဲ့တာ ဖြစ်ပါတယ်။ အနာဂတ် မျိုးဆက်သစ်များအတွက် ငြိမ်းချမ်းရေး အမွေတစ်ခု ချန်ထားနိုင်ခဲ့တာလည်း ဖြစ်ပါတယ်။ ကျွန်တော်တို့ အားလုံးရဲ့ စိတ်ရင်းစေတနာ အမှန်ကိုလည်း ထင်ထင်ရှားရှား သက်သေထူနိုင်ခြင်းပဲ ဖြစ်ပါတယ်။
နိဂုံးချုပ်အနေနဲ့ NCA လက်မှတ်ရေးထိုးနိုင်ရေး အတွက် ပါဝင်ကြိုးပမ်းဆောင်ရွက်ကြသူ အားလုံးကို အစိုးရအဖွဲ့ကိုယ်စား လည်းကောင်း၊ နိုင်ငံသားများကိုယ်စား လည်းကောင်း ကျေးဇူးတင်ရှိကြောင်း ပြောလိုပါတယ်။ NCA လက်မှတ်ရေးထိုးပွဲကနေ အောင်မြင်တဲ့ အကောင်အထည်ဖော်မှု ဖြစ်လာတဲ့အထိ ကျွန်တော်တို့အားလုံး ဝိုင်းဝန်းကြိုးစားဆောင်ရွက်ကြဖို့ တိုက်တွန်းရင်း သမိုင်းမှတ်တိုင်ကို အတူတကွ စိုက်ထူကြဖို့ ဆန္ဒပြုလိုက်ပါတယ်။
အားလုံးကို ကျေးဇူးတင်ပါတယ်။
(Source: Myanmar Peace Center Page)
thevoicemyanmar.com
0 comments:
Post a Comment