ဒီချုပ်နိုင်လျှင် သမ္မတလောင်း ဘယ်သူဖြစ်မလဲ

အောက်တိုဘာ၎ရက်က ဒေါ်အောင်ဆန်းစုကြည် မိုးညှင်းဒေသခံများအား ဟောပြောနေစဉ်-ဓာတ်ပုံ−ဂျေမောင်မောင်(အမရပူရ) 

‘‘အမျိုးသားဒီမိုကရေစီအဖွဲ့ချုပ် အစိုးရတက်လာရင် ကျွန်မပဲ ဦး ဆောင်ပြီးတော့ ပဲ့ကိုင်သွားမှာပဲ ဆိုတာ ပွင့်ပွင့်လင်းလင်းပြောပါရ စေ’’ဟု ဒေါ်အောင်ဆန်းစုကြည်က ပြောကြားခဲ့သည်။ မကြာသေးမီ ရက်များက ကျင်းပခဲ့သော အမျိုးသားဒီမို ကရေစီအဖွဲ့ချုပ်၏ ရွေး ကောက်ပွဲအောင်နိုင်ရေးမဲဆွယ် ဟောပြောပွဲများတွင် မကြာခဏ ဆိုသလို အထက်ပါစကားများကို ဒေါ်အောင်ဆန်းစုကြည်က ထည့် သွင်းပြောကြားခဲ့သည်။ ရွေးကောက်ပွဲသို့ ၀င်ရောက် ယှဉ်ပြိုင်ကြမည့် နိုင်ငံရေးပါတီ များအနက် လူထုထောက်ခံမှုရှိ သည့် အမျိုးသားဒီမိုကရေစီအဖွဲ့ ချုပ် အနိုင်ရရှိပါက ဖွဲ့စည်းမည့်အ စိုးရအဖွဲ့ ခေါင်းဆောင်သမ္မတ လောင်းကိုအများပြည်သူစိတ်ဝင် စားနေချိန်တွင် ဒေါ်အောင်ဆန်းစု ကြည်က သူ ရွေးချယ်ခန့်အပ်မည့် သမ္မတလောင်းမည်သူဖြစ်မည်ကို အရိပ်အမြွက်ထုတ်ဖော်ပြောခြင်းဖြစ်သည်။

‘‘သူ(ဒေါ်အောင်ဆန်းစု ကြည်)ပြောစကားတွေအရတော့ သမ္မတလောင်းဟာ သူ့ရဲ့သြဇာကို လက်ခံပြီးလိုက်နာနိုင်မယ့်သူမျိုးပဲ ဖြစ်မယ်’’ဟု အမျိုးသားဒီမိုကရေစီ အဖွဲ့ချုပ်အကြောင်း သုံးသပ် ဆောင်းပါးများရေးသားနေသူ နိုင်ငံရေးဆောင်းပါးရှင် ဒေါက်တာရန်မျိုးသိမ်းက ပြောသည်။

အမျိုးသားဒီမိုကရေစီအဖွဲ့ ချုပ်သည် ရွေးကောက်ပွဲတွင်နိုင် ခြေရာခိုင်နှုန်းများနေသော်လည်း ပါတီခေါင်းဆောင်ဒေါ်အောင် ဆန်းစုကြည်သည် တပ်မတော်အ စိုးရ ရေးဆွဲခဲ့သော လက်ရှိ ဖွဲ့စည်းပုံအခြေခံဥပဒေကြောင့် သမ္မတဖြစ်ရေးအခက်ကြုံနေသည်။

လွှတ်တော်အတွင်းတွင် လည်း ဒေါ်အောင်ဆန်းစုကြည် အား သမ္မတဖြစ်ပိုင်ခွင့် ပိတ်ပင် ထားသည့် ဖွဲ့စည်းပုံအခြေခံဥပဒေ ပုဒ်မ ၅၉(စ)ပြင်ဆင်ရေးမှာအောင် မြင်မှုမရှိခဲ့သည့်အတွက် သူ့ အ နေဖြင့် မည်သူ့ကို ပါတီ၏သမ္မတ လောင်းအဖြစ်ရွေးချယ်တင် မြှောက်မည်ကို ပြည်တွင်းပြည်ပ မြန်မာ့နိုင်ငံရေးလေ့လာသူများက စိတ်ဝင်တစားစောင့်ကြည့်နေကြ သည်။

ရွေးကောက်ပွဲအောင်နိုင်ပါ က ပါတီက ဖွဲ့စည်းမည့်အစိုးရအ ဖွဲ့၏ ခေါင်းဆောင်ဖြစ်သော သမ္မ တလောင်းကို ဒေါ်အောင်ဆန်းစု ကြည်က ခန့်အပ်ရာတွင် နိုင်ငံရေး၊ စီးပွားရေး၊ လူမှုရေးဆိုင်ရာ ကိစ္စရပ်များတွင်လည်း ကျွမ်းကျင် နှံ့စပ်သူ၊ အုပ်ချုပ်ရေးပိုင်းဆိုင်ရာ အတွေ့အကြုံရှိသူနှင့် သူ၏လမ်း ညွှန်မှုကို လိုက်နာနိုင်သောသူဖြစ် လိမ့်မည်ဟု နိုင်ငံရေးလေ့လာသူ များက သုံးသပ်ကြသည်။

‘‘အဓိကကတော့ သူ(ဒေါ် အောင်ဆန်းစုကြည်)ရဲ့ ယုံကြည် ကိုးစားသူဖြစ်မယ်။ အဲဒီလိုလူမျိုးက ပါတီဝင်ထဲကလည်းဖြစ်နိုင်တယ်။ ပြင်ပကလည်းဖြစ်နိုင်တယ်။ ပါတီဝင်မဟုတ်ဘူးဆိုလည်း သမ္မတ လောင်းလျာထားခါနီးမှ ပါတီဝင်လုပ်လိုက်လည်းရတယ်’’ဟု ဒေါက်တာရန်မျိုးသိမ်းက သုံးသပ်သည်။

ဒေါ်အောင်ဆန်းစုကြည်က ပါတီ၏ သမ္မတလောင်း ခန့်အပ်ရာတွင် ပါတီဝင်ဖြစ်ပြီးအရပ်သားစစ်စစ်သာ ရွေးချယ်မည်ဖြစ်ကာ သူ ရွေးချယ်မည့်သူသည် ပါတီမူဝါဒလိုက်နာနိုင်သူဖြစ်ရမည်ကို အောက်တိုဘာလ ၁၁ရက်က ရန်ကုန်တိုင်းဒေသကြီး လှည်းကူးမြို့နယ်အတွင်း ပြုလုပ်ခဲ့သော မဲဆွယ်ဟောပြောပွဲ၌ ထည့်သွင်း ပြောကြားခဲ့သည်။

ပါတီဝင်ဖြစ်ပြီး အရပ်သား ဖြစ်သူကို သမ္မတခန့်မည်ဟု ဒေါ် အောင်ဆန်းစုကြည်၏ပြောကြား ချက်သည် အစောပိုင်းသတင်း ထွက်ပေါ်ခဲ့သော ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီဝင် သူရဦးရွှေမန်းအား ပါတီ၏သမ္မတလောင်းအဖြစ် တင်မြှောက်မည်ဆိုသောအချက်ကို ချေဖျက်လိုက်ခြင်းလည်းဖြစ်သည်ဟုအမျိုးသားဒီမိုကရေစီအဖွဲ့ချုပ်၏ မဟာမိတ်ပါတီတစ်ခုဖြစ်သည့် ရှမ်းတိုင်းရင်းသားများ ဒီမိုကရေစီအဖွဲ့ချုပ်အထွေထွေအတွင်းရေးမှူးဦးစိုင်း ညွန့်လွင်ကသုံးသပ်သည်။

‘‘အစောက ကောလာဟလ သတင်းထွက်နေတဲ့ ပြိုင်ဘက်ပါ တီက ခေါင်းဆောင်တစ်ယောက် ကို သမ္မတလောင်းတင်မြှောက် မယ်ဆိုတဲ့အချက်ကိုချေဖျက် လိုက်တာပါ’’ဟု ဦးစိုင်းညွန့်လွင် ကဆိုသည်။

လက်ရှိအမျိုးသားဒီမိုကရေ စီအဖွဲ့ချုပ်ခေါင်းဆောင်ပိုင်းများ ပါဝင်သော ဗဟိုအလုပ်အမှု ဆောင်အဖွဲ့တွင်ဒေါ်အောင်ဆန်း စုအပါအ၀င် ၁၅ဦးရှိနေသည်။ အဆိုပါပုဂ္ဂိုလ်များသည် ပါတီစတင် တည်ထောင်ခဲ့စဉ်ကတည်းကပင် ပါဝင်ခဲ့သူများဖြစ်ပြီး နိုင်ငံရေးအရ ဖိနှိပ်မှုများကြုံတွေ့ရစဉ်ကပင် ပါ တီရပ်တည်ရှင်သန်နိုင်ရေးအ တွက် ကြံ့ကြံ့ခံကြိုးပမ်းလုပ်ဆောင်ခဲ့ကြသူများဖြစ်သည်။

သို့သော်ယင်းဗဟိုအလုပ်အမှုဆောင်အဖွဲ့ထဲမှ တစ်ဦးဦးကိုသမ္မတလောင်းအဖြစ် ဒေါ်အောင်ဆန်းစုကြည်က ရွေးချယ်ခြင်းရှိ၊မရှိကိုမူခန့်မှန်းရခက်နေသည်ဟုအမျိုးသားဒီမိုကရေစီအဖွဲ့ချုပ်နှင့် လက်တွဲဆောင်ရွက်ဖူးသည့်မိတ်ဖက်ပါတီများ၏ ခေါင်းဆောင်အချို့ထံမှ သိရသည်။

‘‘သူတို့နဲ့နိုင်ငံရေးဆွေးနွေးမှု တွေလုပ်နေပေမယ့် ပါတီခေါင်း ဆောင်ပိုင်းထဲက ဘယ်သူ့ကိုသမ္မ တလောင်းခန့်မယ်ဆိုတော့ ကျွန် တော်တို့လည်း ခန့်မှန်းရခက် တယ်’’ဟု ဦးစိုင်းညွန့်လွင်ကပြော သည်။

အမျိုးသားဒီမိုကရေစီအဖွဲ့ ချုပ်ပါတီဝင်များထဲက သမ္မတ လောင်းအဖြစ်ခန့်အပ်မည့်သူကို လေ့လာကြည့်ရာတွင် ခန့်မှန်းရ ခက်နေသော်လည်း ပါတီနာယက ဦးတင်ဦးသည်တပ်မတော်ကာ ကွယ်ရေးဦးစီးချုပ်တာဝန်ထမ်း ဆောင်ဖူးသောကြောင့် အုပ်ချုပ် ရေးပိုင်းဆိုင်ရာအတွေ့အကြုံ ကောင်းကောင်းရှိသူဖြစ်သည့်အ ပြင် တပ်မတော်၌ တာဝန်ထမ်း ဆောင်စဉ်က အမည်ပျက်မရှိ ကြောင်း ဒေါ်အောင်ဆန်းစုကြည် ၏ လေးစားအားကိုးမှုကိုလည်း ခံ ထားရသူတစ်ဦးဖြစ်သည့်အတွက် ဖြစ်နိုင်ခြေရှိကြောင်းရခိုင်အမျိုး သားပါတီဗဟိုအလုပ်အမှုဆောင် ဦးအေးသာအောင်ကပြောသည်။

‘‘ဦးတင်ဦးက အသက်အ ရွယ်တစ်ခုပဲ ထောက်ပြစရာရှိ တာ။ ကျန်တဲ့အရည်အချင်းကသူ့ မှာအကုန်ရှိတယ်။ အောက်ခြေပါ တီဝင်အများစုကလည်း သူ့ကို ထောက်ခံတာများတယ်။ နောက် ပြီ တပ်ကလာတဲ့သူဖြစ်တော့လက် ရှိတပ်မတော်ခေါင်းဆောင်တွေနဲ့ ပြောဆိုဆွေးနွေးမယ်ဆိုရင်လည်း နယ်ပယ်တူချင်းဖြစ်တော့အဆင် ပြေနိုင်တယ်’’ဟု နိုင်ငံရေးကိစ္စရပ် များတွင် အမျိုးသားဒီမိုကရေစီအ ဖွဲ့ချုပ်ခေါင်းဆောင်ပိုင်းများနှင့် ဆွေးနွေးမှုအတွေ့အကြုံများရှိ သည့် ဦးအေးသာအောင်ကဆို သည်။

လာမည့်နိုဝင်ဘာ ၈ရက်တွင် အမျိုးသားဒီမိုကရေစီအဖွဲ့ချုပ်ကို ကိုယ်စားပြုပြီး ၀င်ရောက်ယှဉ်ပြိုင် ကြမည့်လွှတ်တော်ကိုယ်စားလှယ် လောင်းတစ်ထောင်ကျော်အနက်ပညာတတ်အရည်အချင်းရှိသူ များ များစွာပါဝင်နေသည့်အတွက် အဆိုပါလွှတ်တော်ကိုယ်စားလှယ် လောင်းများထဲကလည်း သမ္မတ လောင်းကိုရွေးချယ်နိုင်ခြေရှိသည် ဟု နိုင်ငံရေးလေ့လာသူများကသုံး သပ်ပြန်သည်။

ဒေါက်တာရန်မျိုးသိမ်းကမူ ဒေါ်အောင်ဆန်းစုကြည်အနေဖြင့် လက်ရှိပါတီ၏ ဗဟိုအလုပ်အမှု ဆောင်အဖွဲ့ဝင်များထဲမှ သမ္မတ လောင်းအဖြစ်ရွေးချယ်တင် မြှောက်ခြင်းသည် ဖြစ်နိုင်ခြေအ လွန်နည်းပါးကြောင်းသုံးသပ် သည်။

ဆယ်စုနှစ်တစ်ခုကျော်ကြာ အမျိုးသားဒီမိုကရေစီအဖွဲ့ချုပ် ပါတီဝင်ဖြစ်ခဲ့ပြီး ၁၉၉၀အထွေ ထွေရွေးကောက်ပွဲအနိုင်ရလွှတ် တော်ကိုယ်စားလှယ်တစ်ဦးဖြစ် သည့် ဦးဒေးဗစ်လှမြင့်ကမူ ရွေး ကောက်ပွဲရလဒ်ကိုကြည့်ပြီးမှသာ သမ္မတလောင်းမည်သူဖြစ်မည်ကို ခန့်မှန်းနိုင်လိမ့်မည်ဟု ပြောသည်။

‘‘ရွေးကောက်ပွဲမှာအပြတ်အ သတ်နိုင်ရင်တော့ NLDက သမ္မ တလောင်းကို ဘယ်သူတင်မလဲ ဆိုတာ သူတို့ပါတီဗဟိုအလုပ်အမှု ဆောင်အဖွဲ့အစည်းအဝေးခေါ်ပြီး ဆုံးဖြတ်လို့ရတယ်။ အကယ်၍ မှန်းသလောက်မနိုင်ရင်တော့ တ ခြားပါတီတွေနဲ့ အစိုးရဖွဲ့နိုင်ဖို့ပူး ပေါင်းရမယ်။ အဲဒီကျရင် ဘယ်သူ့ကို သမ္မတတင်မယ်ဆိုတာတော့ ပူးပေါင်းမယ့် ပါတီတွေရဲ့သဘော ထားလည်းပါလာလိမ့်မယ်’’ဟု ဦး ဒေးဗစ်လှမြင့်ကဆိုသည်။

ပြင်ပတွင် ပါတီ၏သမ္မတ လောင်းနှင့်ပတ်သက်၍ ဝေဖန်သုံးသပ်ဝေဖန်မှုများရှိနေသော် လည်း လက်ရှိအချိန်တွင် ပါတီကို ဦးဆောင်နေသူဒေါ်အောင်ဆန်းစု ပင်ဖြစ်ကာ ရွေးကောက်ပွဲအောင် နိုင်ပါက ပါတီက ဖွဲ့စည်းမည့်အစိုး ရအဖွဲ့ကို ခေါင်းဆောင်မည့်သူမှာ လည်း ဒေါ်အောင်ဆန်းစုကြည်ပင် ဖြစ်ကြောင်းအမျိုးသားဒီမိုကရေစီ အဖွဲ့ချုပ်ဗဟိုအလုပ်အမှုဆောင် အဖွဲ့ဝင် ဦးဝင်းထိန်ကပြောသည်။

ရွေးကောက်ပွဲတွင် အမျိုး သားဒီမိုကရေစီအဖွဲ့ချုပ်တစ်နိုင် ငံလုံးအတိုင်းအတာဖြင့် အနိုင်ရခဲ့ ပါက အစိုးရဖွဲ့နိုင်မည်ဖြစ်ကာ အစိုးရအဖွဲ့ခေါင်းဆောင်သမ္မ တလောင်းအဖြစ် ဒေါ်အောင် ဆန်းစုကြည်က မည်သူ့ကို ရွေး ချယ်မည်လဲဆိုသည်မှာ ကမ္ဘာကရော မြန်မာကပါ စောင့်ကြည့်နေ သော အဖြေတစ်ခုဖြစ်သည်။

7Day Daily