နေကို ယခင် စူးစမ်းခဲ့ဖူးတဲ့ အကြိမ်တွေကထက် ပိုမိုနီးကပ်စွာ စူးစမ်းလေ့လာနိုင်မယ့် ဂြိုလ်တုတစ်စင်း ပို့ လွှတ်မယ့် အာကာသမစ်ရှင်ကို အမေရိကန်အာကာသအေဂျင်စီ နာဆာက လွှတ်တင်လိုက်ကြောင်း သိရပါတယ်။ ဒီမစ်ရှင်ဟာ အန္တရာယ်များတဲ့ နေမုန်တိုင်းတွေရဲ့  ဖြစ်ရပ်ဆန်းတွေကို ဖော်ထုတ်ကာ မိမိတို့ ကမ္ဘာမြေကြီးကို ကာကွယ်သွားနိုင်ဖို့  ရည်ရွယ်တာဖြစ်ပါတယ်။
ဖလော်ရီဒါပြည်နယ် ကိတ် ကာနေဗရယ် လွှတ်တင်ရေးစခန်းကနေ Parker Solar Probe အမည်ရ အကာသယာဉ်ကို ဒုံးပျံတစ်စင်းနဲ့ လွှတ်တင်လိုက်တာဖြစ်ပါတယ်။ ဒီယာဉ်ဟာ သမိုင်းတလျှောက် နေနဲ့ အနီးဆုံးကို ချဉ်းကပ်နိုင်ခဲ့တဲ့ လူလုပ်ယာဉ်ဖြစ်လာမှာလည်းဖြစ်ပါတယ်။ ဒီယာဉ်ဟာ နေရဲ့  အပြုအမူအလေ့အထအပေါ် ကာလကြာရှည် ဝေခွဲမရဖြစ်နေတဲ့ အချက်တွေကို ဖြေရှင်းနိုင်ဖို့  လေ့လာသွားမှာဖြစ်ပါတယ်။ ၁၉၅၈ ခုနှစ်က နေဂြိုဟ်ရဲ့  လေထုကို ပထမဆုံးဖော်ထုတ်နိုင်ခဲ့တဲ့ အခုတိုင် သက်ရှိထင်ရှားရှိနေသေးတဲ့ အသက် ၉၁ နှစ်အရွယ် ရုပနက္ခတ္တဗေဒပညာရှင် အွင်ဂနီ ပါကာကို အစွဲပြုကာ အာကာသယာဉ်ကို နာမည်ပေးထားတာဖြစ်ပါတယ်။
နေစူးစမ်းရေးယာဉ် သယ်ဆောင်ထားတဲ့ Delta-IV Heavy ဒုံးပျံကို ဒေသစံတော်ချိန် ၀၃း၃၁ နာရီမှာ လွှတ်တင်ခဲ့တာဖြစ်ပါတယ်။ ယခင်ရက်က ပစ်လွှတ်ဖို့ လုပ်စဉ် နောက်ဆုံးမိနစ်ပိုင်းအရောက်မှ အချက်ပေးသံထွက်ခဲ့ကာ လွှတ်တင်မှု မအောင်မြင်ခဲ့တဲ့နောက် အခုတဖန် ပြန်လည်လွှတ်တင်ခဲ့တာဖြစ်ပါတယ်။ ဒီအာကာသယာဉ်ဟာ မိမိတို့  နေဂြိုဟ်ရဲ့  အပြင်ပိုင်း လေထုကို တိုက်ရိုက် စူးစမ်းလေ့လာမှာဖြစ်ပြီး ယာဉ်ကို သယ်ဆောင်သွားတဲ့ ဒုံးပျံဟာ နေရဲ့  အတွင်းပိုင်း အဖွဲ့ အစည်း စနစ်အတွင်း အကာသယာဉ်ကို ပစ်ချခဲ့မှာဖြစ်ပါတယ်။
အာကာသယာဉ်ဟာ ခုနစ်နှစ်ကြာ သူ့ ရဲ့ မစ်ရှင်အတွင်း နေကို ၂၄ ကြိမ်ခန့် လှည့်ပတ်မှာဖြစ်ကာ နေ အပြင်ပိုင်းလေထုရဲ့  ရူပဖွဲ့ စည်းပုံဆိုင်ရာကို လေ့လာသွားမှာဖြစ်ပါတယ်။ ဒီလေထုနေရာဟာ ကမ္ဘာကို သက်ရောက်မှုဖြစ်စေတဲ့ အရေးပါတဲ့လုပ်ဆောင်ချက်များစွာရှိနေကာ ဒီလုပ်ဆောင်ချက်တွေရဲ့  အစပြုရာကို ဖော်ထုတ်လေ့လာမှာလို့ ဆိုပါတယ်။ ဒီလေထုဟာ အလွန်စွမ်းအားပြင်းတဲ့အပူချိန်ကို အကာအကွယ်ပေးထားတဲ့ ဒိုင်းတစ်ခုဖြစ်ကာ ကမ္ဘာက ကြုံတွေရတဲ့ ရောင်ခြည်ထွက်မှုရဲ့  အဆ ၅၀၀ လောက် ယင်းနေရာမှာရှိကာ မကြုံဖူးတဲ့ အပူချိန်အတိုင်းအတာကို ခံနိုင်ရည်ရှိနေတဲ့ နေရာဖြစ်ပါတယ်။ အာကာသယာဉ်ဟာ နေရဲ့ လောင်ကျွမ်းဆူပွက်နေတဲ့ မျက်နှာပြင်ကနေ မိုင်ပေါင်း ၃.၈၃ သန်းအကွာလောက်အထိ ထိုးဖောက်ဝင်ရောက်ကာ ၄င်းရဲ့ ပါးလွှာတဲ့လေထုအတွင်း စူးစမ်းလေ့လာမှာဖြစ်ပါတယ်။ ယင်းနေရာဟာ နေမျက်နှာပြင်ရဲ့ အပူချိန်ထက် အဆ ၃၀၀ လောက် ပိုပူတဲ့ နေရာလို့ လည်း သိရပါတယ်။
ကိုလင်း (အကုန်သိသတင်းဌာန)
0 comments:
Post a Comment