မန္တလေးတိုင်းဒေသကြီး မြင်းခြံမြို့မှာ သြဂုတ် ၂၆ ရက် ည ၇ နာရီကျော်လောက်က ဂက်စ်အိုးပေါက်ကွဲရာကနေ ဈေးဆိုင် ၄ ဆိုင် မီးလောင်ကျွမ်းခံခဲ့ရပါတယ်။
ဖြစ်စဉ်မှာ မြင်းခြံမြို့ အမှတ် ၈ ရပ်ကွက် ဗိုလ်ချုပ်လမ်း အရှေ့ဘက်ခြမ်းရှိ၊ ဦးမင်းမင်း (အမှတ်-၁၈ ရပ်ကွက် နေထိုင်သူ) ပိုင်၊ Five Star CP ကြက်ကင်ဆိုင်ရှိ ဂက်စ်အိုးပေါက်ကွဲပြီး မီးစတင်လောင်ကျွမ်းခဲ့ရာကနေ အဆိုပါဆိုင်အနီးရှိ ရှင်းဟုန် လျှပ်စစ်ပစ္စည်းဆိုင်၊ GB Mobile ဖုန်းအရောင်းဆိုင်၊ Giordano အဝတ်အထည်အရောင်းဆိုင်တို့ မီးကူးစက် လောင်ကျွမ်းသွားခဲ့ပါတယ်။
မြင်းခြံခရိုင် မီးသတ်ဦးစီးဌာနမှ မီးသတ်ယာဉ် ၁၅ စီး၊ ရေသယ်ယာဉ် ၁၀ စီး၊ တောင်သာမြို့နယ် မီးသတ်တပ်ဖွဲ့မှ မီးသတ်ယာဉ် ၃ စီး၊ နွားထိုးကြီးမြို့နယ် မီးသတ်တပ်ဖွဲ့မှ မီးသတ်ယာဉ် ၂ စီး၊ ပုဂ္ဂလိကရေသယ်ယာဉ် ၅ စီး တို့က ဝိုင်းဝန်းမီးငြှိမ်းသတ်ခဲ့ရာ ည ၉ နာရီကျော်အချိန်လောက် မီးငြှိမ်းသတ်နိုင်ခဲ့ကြပါတယ်။
မီးလောင်ကျွမ်းမှုကြောင့် ဆုံးရှုံးမှုတန်ဖိုး ကျပ်သိန်းပေါင်း ၁၄၉ သိန်း ၂ သောင်း ခန့် ဆုံးရှုံးခဲ့ပြီး သေဆုံးဒဏ်ရာရသူ မရှိဘူးလို့ ရဲတပ်ဖွဲ့ ထုတ်ပြန်ချက်အရ သိရပါတယ်။
မီးအားပေါ့ဆစွာ သုံးစွဲသူ CP ကြက်ကင်ဆိုင်မှ ဦးစီးလုပ်ကိုင်သူ မထက်မြတ်သူ(ခ)မမုန်းအား မြင်းခြံမြို့မရဲစခန်းက မီးပေါ့ဆစွာ အသုံးပြုမှု (ပ) ၄၉၉/၁၈၊ ပုဒ်မ ၂၈၅ နဲ့ အမှုဖွင့် ရေးယူထားပါတယ်။
သတင်း- ရီရီထွန်း (မြင်းခြံ)
DVB
0 comments:
Post a Comment