လျှပ်စစ်ရထားစီမံကိန်းကြောင့်ငွေကျပ်(၅)ဘီလီယံကျော်ဆုံးရှုံးခဲ့ပြီးအစည်းအဝေးတစ်ခုနှင့်အချိန်(၅)လကျော်အတွင်းဖြုန်းတီးလိုက်နိုင်ခြင်းမှာအလွန်အံ့သြဝမ်းနည်းစရာကောင်းကြောင်းမန္တလေးတိုင်းဒေသကြီးမဲဆန္ဒနယ်အမှတ်(၆)မှဒေါက်တာဦးကြွယ်ကြွယ်ကပြောသည်။
ယမန်န့က ကျေင်းပသောပြည်ထောင်စုလွှတ်တော်တွင်၎င်းက"ဒီ(၅)လအတွင်းဆုံးရှုံးသွားတဲ့(၅)ဘီလီယံကျော်ဟာမြန်မာနိုင်ငံရဲ့ဆင်းရဲသားလယ်သမား အလုပ်သမားပြည်သူတွေ အခွန်ထမ်းပြည်သူတွေရဲ့ချွေးတွေနဲ့လုပ်အားတွေဖြစ်ပါတယ်။ ဒီချွေးတွေကိုအစည်းအဝေးတစ်ခုနဲ့အချိန်(၅)လကျော်အတွင်းဖြုန်းတီးပြစ်လိုက်နိုင်တာကတော့အလွန်ပဲအံ့သြဝမ်းနည်းစရာကောင်းလှပါတယ်ခင်ဗျာ"ဟုပြောကြားခဲ့ခြင်းဖြစ်သည်။
ပြည်ထောင်စုစာရင်းစစ်ချုပ်ရုံး၏(၂၀၁၆-၂၀၁၇)ဘဏ္ဍာရေးနှစ်စစ်ဆေးတွေ့ရှိချက်အစီရင်ခံစာနှင့်စပ်လျဉ်းသည့်ပြည်သူ့ငွေစာရင်းပူးပေါင်းကော်မတီ၏လေ့လာတွေ့ရှိချက်နှင့်သဘောထားမှတ်ချက်အစီရင်ခံစာအမှတ်စဉ်(၇/၂၀၁၈)ကိုဆွေးနွေးရာ၌ယင်းကဲ့သို့ထည့်သွင်းပြောကြားခဲ့ခြင်းဖြစ်သည်။
ယင်းစီမံကိန်းမှာရထားပို့ဆောင်ရေးဝန်ကြီးဌာနအမှုဆောင်ကော်မတီအစည်းအဝေးအမှတ်စဉ်(၄၃/၂၀၁၄)တွင်ဆုံးဖြတ်ခဲ့ပြီး(၂၀၁၅)ခုနှစ်ဇူလိုင်လတွင်တည်ဆောက်ရေးလုပ်ငန်းများစတင်ခဲ့ခြင်းဖြစ်ပြီး၊ (၁၀.၁.၂၀၁၆)ရက်နေ့ကရန်ကုန်မြို့တွင်စတင်ပြေးဆွဲခဲ့ခြင်းဖြစ်ကြာ(၅)လနှင့်ရက်(၂၀)အကြာတွင်လုံးဝရပ်ဆိုင်းခဲ့ရခြင်းဖြစ်သည်။
ဖူးဖူးအောင်
0 comments:
Post a Comment