ယခုအချိန်တွင် လုပ်ပိုင်ခွင့်မရှိသော်လည်း ထိုင်မနေ၊ အိပ်မနေဘဲ ပြည်သူလူထု၏အကျိုးကို ဆောင်ရွက်ရမည်ဟု ခံယူထားကြောင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးက ပြောလိုက်သည်။
ညောင်တုန်းမြို့နယ်၊ ရှမ်းစုကျေးရွာတွင် မေလ ၃၁ ရက်က ပြည်ခိုင်ဖြိုးပါတီဝင်များနှင့်တွေ့ဆုံစဉ် ယခုကဲ့သို့ ပြောခဲ့ခြင်းဖြစ်သည်။
“ကျွန်တော်တို့မှာ အခုလုပ်ပိုင်ခွင့်မရှိဘူး။ သို့သော်လည်းလုပ်ပိုင်ခွင့်မရှိဘူးဆိုပြီး ဒီအတိုင်းထိုင်မနေဘူး၊ အိပ်မနေဘူး။ စိတ်ပျက်အားလျှော့မနေပါဘူး။ စောစောကပြောတဲ့ ယနေ့ပါတီနိုင်ငံရေးကိုလုပ်မယ်လို့ ပြောလိုက်ကတည်းက အာဏာရှိသည်ဖြစ်စေ၊မရှိသည်ဖြစ်စေ၊ ပြည်သူ့လူထုရဲ့အကျိုးလုပ်ငန်းကို ငါတို့လုပ်ရမယ်လို့ခံယူထားပြီးဖြစ်တယ်’’ဟု ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးက ပြောသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် ၂၀၁၀ ခုနှစ်ရွေးကောက်ပွဲတွင်အနိုင်ရရှိခဲ့ပြီး ၂၀၁၁ခုနှစ်မှ ၂၀၁၅ ခုနှစ်အထိ ဦးသိန်းစိန်မှ နိုင်ငံတော်သမ္မတအဖြစ်ဦးဆောင်ကာ အုပ်ချုပ်ရေးတာဝန်များ ထမ်းဆောင်ခဲ့သည်။
“ သူတို့ အတိုက်အခံခေါင်းဆောင်က တိုင်းပြည်ကြီးကယိုယွင်းနေတယ် ပြောတယ်။ ပျက်စီးနေတယ်ဆိုတာ ဒါသူ့လွတ်လပ်ပိုင်ခွင့်ပြောခွင့်ရှိတယ်။ဒါကိုမပိတ်ပင်ပါဘူး။ သို့သော် တိုင်းပြည်ပျက်စီးတယ်၊ ယိုယွင်းတယ် ဆိုတာ ပြည်သူကပဲ သူပြောတာဟုတ်လား၊ မဟုတ်လားဆိုတာ လက်တွေ့နဲ့ချိန်ထိုးပြီး ဆုံးဖြတ်မှာပဲ။ သူ့အနေနဲ့ အစိုးရကို ဝေဖန်တာပြောဆိုတာကတော့ ပြည်သူကပဲဆုံးဖြတ်မှာပဲ။ ဒါကသူ့ဂုဏ်သိက္ခာပဲ။ သူ အဲဒီလို ပြောပြောလေ နိုင်ငံရေးအရနစ်နာလေလေဖြစ်မှပဲ’’ဟု NLD ပါတီဗဟိုပြန်ကြားရေးမှ အတွင်းရေးမှူး မုံရွာဦးအောင်ရှင်က ပြောကြားထားသည်။
၂၀၁၅ ခုနှစ်ပါတီစုံဒီမိုကရေစီအထွေထွေရွေးကောက်ပွဲတွင် ပြည်ခိုင်ဖြိုးပါတီသည် NLD ပါတီကိုရှုံးနိမ့်ခဲ့ကာ အတိုက်အခံပါတီအဖြစ်ဆက်လက်ရပ်တည်နေသည်။
မင်းသီဟန်(အကုန်သိသတင်းဌာန)
0 comments:
Post a Comment