MMA လိုက်ဟဲဗီးဝိတ် ကမ္ဘာ့ချန်ပီယံလုပွဲတွင် ပြိုင်ဘက် ဘရာဇီးနိုင်ငံသား အလက်ဇန္ဒား မာချာဒိုကို သုံးချီ အတွင်း အလဲထိုးနိုင်မည်ဟု ယုံကြည် ကြောင်း အောင်လအန်ဆန်က ပြောကြားသည်။
‘‘ကျွန်တော့်ရဲ့ တိုက်ခိုက်မှု ကို မာချာဒို ငါးချီအထိ ခံနိုင်မယ် မထင်ပါဘူး။ သုံးချီအတွင်း အလဲ ထိုးနိုင်မယ်လို့ ယုံကြည်တယ်။ မာချာဒိုက ဂျူဂျစ်ဆု အရမ်းကောင်းတဲ့အတွက် ချုပ်ကွက်နဲ့နိုင်ဖို့ မမျှော်မှန်းထားဘူး။ Stand fight နည်းနဲ့ နိုင်ဖို့နည်းပြတွေနဲ့လည်း ပြိုင်ပွဲပုံစံ လေ့ကျင့်ထားပါတယ်’’ ဟု အောင်လအန်ဆန်က ဆို သည်။
မာချာဒိုသည် ဂျူဂျစ်ဆု တိုက်ခိုက်နည်းတွင် ခါးပတ်နက် ရရှိထားသည့် MMA ကစားသမား ဖြစ်ပြီး ၂၀၁၆ နောက်ဆုံးပွဲတွင် ဂါလာနီကို ဒုတိယအချီအတွင်း အနိုင်ရရှိထားသည်။
ထိုဘရာဇီးနိုင်ငံသားသည် MMA ပြိုင်ပွဲတစ်လျှောက် ၁၀ ပွဲ ကစား၊ ရှစ်ပွဲနိုင်၊ နှစ်ပွဲရှုံးထား သည်။
MMA လိုက်ဟဲဗီးဝိတ်တန်း ကမ္ဘာ့ချန်ပီယံဆုကို မူလက အ သက် (၃၆)နှစ်ရှိ ဘရာဇီးနိုင်ငံ သား ရော်ဂျာ ကရေ့စ်က ရရှိထား သော်လည်း လက်ရှိတွင် အသက် အရွယ်ကြောင့် MMA ကစားသ မားဘဝမှ အနားယူ ခဲ့သည်။
ထို့ကြောင့် လစ်လပ်နေ သည့် MMA လိုက်ဟဲဗီးဝိတ်တန်း ကမ္ဘာ့ချန်ပီယံဆုအတွက် အောင်လအန်ဆန်နှင့် အလက်ဇန္ဒားမာချာဒိုတို့ ယှဉ်ပြိုင်ထိုးသတ်မည်ဖြစ်သည်။
အောင်လအန်ဆန်သည် လက်ရှိတွင် MMA မစ်ဒယ်ဝိတ် တန်း ချန်ပီယံခါးပတ် ရရှိထားသဖြင့် လိုက်ဟဲဗီး ဝိတ်တန်း ချန်ပီ ယံခါးပတ်ရရှိပါက ပထမဦးဆုံး ချန်ပီယံခါးပတ် နှစ်ခုရရှိသည့် MMA ကစားသမားဖြစ်လာ မည်ဖြစ်သည်။
ကချင်တိုင်းရင်းသား အောင် လအန်ဆန်သည် MMA ပြိုင်ပွဲ တစ်လျှောက် ၃၁ ပွဲ ယှဉ်ပြိုင်ထား ပြီး ၂၁ ပွဲနိုင်၊ ၁၀ ပွဲရှုံးနိမ့်ထား သည်။
7Day
0 comments:
Post a Comment