ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ ကြိုဆိုထောက်ခံသည့်အနေဖြင့် ငြိမ်းချမ်းရေး သရုပ်ဖော် ဖျော်ဖြေတင်ဆက်ပွဲ၊ တေးဂီတဖျော်ဖြေပွဲနှင့် ချစ်ကြည်ရေးဘောလုံးပွဲတို့၌ ပြောကြားချက်နှင့် ငြိမ်းချမ်းရေး သရုပ်ဖော် ဖျော်ဖြေမှုတို့နှင့်ပတ်သက်၍ သတင်းထုတ်ပြန်ချက်

၁။ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ ကြိုဆိုထောက်ခံသည့်အနေဖြင့် ငြိမ်းချမ်းရေး သရုပ်ဖော် ဖျော်ဖြေတင်ဆက်ပွဲ၊ တေးဂီတဖျော်ဖြေပွဲနှင့် ချစ်ကြည်ရေးဘောလုံးပွဲ တို့ကို ၈၈ မျိုးဆက် (ငြိမ်းချမ်းရေးနှင့် ပွင့်လင်းလူ့အဖွဲ့အစည်း) မှ ဦးမင်းကိုနိုင်၊ ဦးဂျင်မီ (ခ)ကျော်မင်းယု၊ စောဖိုးခွားတို့ဦးစီး၍ ၂၀၁၈ ခုနှစ်၊ ဇန်န၀ါရီ ၂၇ ရက်တွင် ရန်ကုန်တိုင်း ဒေသကြီး၊ သင်္ဃန်းကျွန်း၊ သုဝဏ္ဏလူငယ်လေ့ကျင့်ရေး စခန်းခွဲ၌ ပြုလုပ်ခဲ့ကြောင်း သိရှိရသည်။

၂။အဆိုပါ ဖျော်ဖြေပွဲတွင် အစီအစဉ် ၁၀ ခုဖြင့်ဆောင်ရွက်ခဲ့ပြီး အစီအစဉ် ၈ ပါ ငြိမ်းချမ်းရေးသရုပ်ဖော် ကကွက် အားဖျော်ဖြေရာ၌ စစ်စိမ်းရောင်ယူနီဖောင်း(လက်မောင်း တံဆိပ်၊ အဆင့်တံဆိပ်မပါ) ၁၅ ဦးသည် တပ်မတော်အဖြစ်လည်းကောင်း၊ ပျောက်ကျား ယူနီဖောင်းဝတ်ဆင်ထားသည့် ၁၅ ဦးသည် တိုင်းရင်းသား လက်နက်ကိုင်အဖွဲ့အစည်း အဖြစ်လည်းကောင်း လက်နက်များကိုယ်စီကိုင်ဆောင်၍ သရုပ်ဖော် ထားကြောင်း တွေ့ရှိရ ပါသည်။ ၎င်းသရုပ်ဖော်ကကွက်တွင် တပ်မတော်အဖြစ် သရုပ်ဆောင်ထားသည့် စစ်စိမ်းရောင် ယူနီဖောင်းဝတ်စားဆင်ယင်မှုသည် တပ်မတော်၏ခွင့်ပြုချက်ရယူမှုမရှိသည့်အပြင် တပ်မတော်မှ သတ်မှတ် ထားသော စစ်ဝတ်တန်ဆာစည်းမျဉ်းနှင့် ကိုက်ညီမှုမရှိခြင်း၊ ပွဲအခမ်းအနား တင်ဆက်နိုင်သည့် အရည်အသွေး နှင့် ကိုက်ညီမှုမရှိသည့်ဝတ်စုံများကို ၀တ်ဆင်ထားခြင်း၊ ကိုင်ဆောင် သည့်လက်နက်များသည်လည်း တပ်မတော် မှ လက်ရှိတပ်ဆင်ကိုင်ဆောင်ထားသည့် လက်နက်ငယ်များ မဟုတ်ခြင်းစသည့်အချက်များကြောင့် တပ်မတော် ၏ပုံရိပ်အား နိုင်ငံတကာမျက်နှာစာနှင့် ပြည်သူတစ်ရပ် လုံး၏ မြင်ကွင်း၌ ဆိုးရွားစွာ ထိခိုက်စေ ကြောင်း တွေ့ရှိရပါသည်။

၃။အဆိုပါ အခမ်းအနားအစီအစဉ် ၇ ၌ အခမ်းအနားကျင်းပရေးလုပ်ငန်း ကော်မတီဝင် ဦးမင်းကိုနိုင်က “လက်နက်ကိုင်အဖွဲ့အစည်းအသီးသီးမှာ ကလေးစစ်သားများ အဖြစ်တွေ့မြင်နေရခြင်းကြောင့် အဲဒီကလေး စစ်သားများက တက္ကသိုလ်တွင် ဆုံကြမည့် အရွယ်များဖြစ်နေကြောင်း” စသည်ဖြင့် ကလေးစစ်သားများ အသုံးပြုခြင်းနှင့်ပတ်သက်ပြီး ပြောကြားခဲ့ကြောင်းတွေ့ရှိရပါသည်။ ထိုသို့ “လက်နက်ကိုင်အဖွဲ့အစည်း အသီးအသီး” ဟု သုံးနှုန်းပြောကြားခြင်းသည် တပ်မတော်ကပါ ပါဝင်သည့် သဘောသက်ရောက်နေပါ သည်။ မြန်မာ့တပ်မတော်သည် ၂၀၁၂ ခုနှစ်မှစတင်၍ အရွယ်မရောက်သေးသူ ကလေးသူငယ်များ စစ်မှုထမ်း ဆောင်ခြင်းမှ ထိန်းသိမ်းကာကွယ်စောင့်ရှောက်ရေးလုပ်ငန်းစဉ်ကို ကုလသမဂ္ဂနှင့် နိုင်ငံတကာ အဖွဲ့အစည်း များဖြင့် ပူးပေါင်းလျက်ကြိုးပမ်းအကောင် အထည်ဖော်ဆောင်ရွက်ခဲ့ပါသည်။

ထိုသို့ဆောင်ရွက်ချက်များကြောင့် အမေရိကန်နိုင်ငံ၏ လူကုန်ကူးမှု တိုက်ဖျက်ရေးအစီရင်ခံစာ (Tier) အစီအစဉ် အရ ကလေးသူငယ်အခွင့်အရေး ချိုးဖောက်သူစာရင်းမှ ပယ်ဖျက်ပေးခြင်းဖြင့် ကောင်းမွန်သော ရလာဒ်များနှင့်အတူ ကုလသမဂ္ဂ၏ ကလေး စစ်သားအသုံးပြုသူနိုင်ငံစာရင်းမှ ပယ်ဖျက်နိုင်ရေးအတွက် အပြီးသတ်ဆောင်ရွက် နိုင်တော့မည့်အချိန်တွင် ယခုကဲ့သို့ပြောဆိုခြင်းသည် ဦးမင်းကိုနိုင်အနေဖြင့် နိုင်ငံတော် အစိုးရနှင့် တပ်မတော်က ကလေးသူငယ်များ စစ်မှုထမ်းဆောင်ခြင်းမှ ထိန်းသိမ်း ကာကွယ်စောင့်ရှောက်ရေးလုပ်ငန်းစဉ်ဆိုင်ရာ ကြိုးပမ်းအကောင်အထည် ဖော်ဆောင်ရွက်နေမှုများနှင့် တိုးတက်မှုအခြေအနေများအပေါ် မျက်ခြေမပြတ်သိရှိမှုမရှိကြောင်း ထင်ရှားစေ သည့်အပြင် နိုင်ငံတော် အစိုးရနှင့် တပ်မတော်တို့၏ ကြိုးပမ်းဆောင်ရွက်မှုများ ကိုလည်း လစ်လျူရှုရာ ရောက်ကြောင်းတွေ့ရှိရ ပါသည်။


၎။၎င်းအပြင် တပ်မတော်သည် ၂၀၀၈ ခုနှစ်၊ ဖွဲ့စည်းပုံအခြေခံဥပဒေ ပုဒ်မ ၂၀ (င) နှင့် ပုဒ်မ ၃၉၉ တို့အရ ဒို့တာဝန်အရေးသုံးပါးကို ကာကွယ်စောင့်ရှောက်ရေးနှင့် နိုင်ငံတော်အား ပြည်တွင်းပြည်ပအန္တရာယ်မှ ကာကွယ်ရေးအတွက် တပ်မတော်ကဦးဆောင်ရမည်ဆိုသည့် ဥပဒေပြဌာန်းချက်များနှင့်အညီ ဆောင်ရွက် လျက် ရှိပါသည်။ ငြိမ်းချမ်းရေးသရုပ်ဖော်အစီအစဉ်တွင် စစ်စိမ်းရောင်ယူနီဖောင်းဝတ်ဆင်ထားသူများက ကလေးသူငယ်များကို သေနတ်ချိန်ရွယ်ထားသောပြကွက်ကို ဖန်တီးသရုပ်ဖော်ခြင်းကို တွေ့ရှိရပါသည်။ တပ်မတော်အနေဖြင့် ပြည်သူလူထုအပေါ် လက်နက်ဖြင့်ခြိမ်းခြောက် အနိုင်ကျင့်ခြင်း၊ အထိတ်တလန့် ဖြစ်စေခြင်းစသည့်လုပ်ရပ်များကို လုပ်ဆောင်ခဲ့ခြင်းမရှိသည့်အပြင် အချို့သောလက်နက်ကိုင် အဖွဲ့အစည်း များ၏ နယ်မြေကျော်လွန်ဝင်ရောက်လှုပ်ရှားခြင်း၊ ပြည်သူလူထုထံမှ အဓမ္မလူသစ်စုဆောင်ပြီး ဆက်ကြေး ကောက်ခံခြင်းစသည့် လုပ်ရပ်များကြောင့်သာ တပ်မတော်စစ်ကြောင်းများက ၂၀၀၈ ခုနှစ်၊ဖွဲ့စည်းပုံအခြေခံ ဥပဒေပုဒ်မ ၃၉၉ အရ နယ်မြေ၀င်ရောက်ရှင်းလင်းစဉ်များတွင်သာ ထိတွေ့မှုဖြစ်ပေါ် နေခြင်းဖြစ်ပါသည်။ ယနေ့အချိန်ထိလည်း တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (Nationwide Ceasefire Agreement-NCA) မဆွေးနွေးမီကပင် လက်နက်ကိုင်အဖွဲ့အစည်းများ၏ အဓိကစခန်းဌာနချုပ်များ တိုက်ခိုက်ခြင်းမပြုဟူသည့်အချက်တို့ကို တပ်မတော်က ယနေ့တိုင်ထိန်းသိမ်းထားလျက်ရှိပါသည်။ တပ်မတော် သည် ပြည်သူလူထု၏ အသက်အိုးအိမ်စည်းစိမ်နှင့် နိုင်ငံတော်၏အချုပ်အခြာအာဏာ တည်တံ့ခိုင်မြဲစေရန် ကာကွယ်ရေးတာဝန်ကို ထမ်းဆောင်လျက်ရှိသည့် တစ်ခုတည်းသော ပြည်ထောင်စုတပ်မတော်ဖြစ်ပါသည်။ ထို့ပြင် သမိုင်းအဆက်ဆက်နိုင်ငံတော်နှင့်နိုင်ငံသားတို့ အပေါ်ကြုံတွေ့ခဲ့ရသည့် ဘေးအန္တရာယ် အမျိုးမျိုးကို လည်း အသက်၊ သွေး၊ ချွေး ပေးဆပ် လျက် ကာကွယ်စောင့်ရှောက်ခဲ့သည်မှာ အထင်အရှားပင်ဖြစ်ပါသည်။ လက်ရှိအခြေအနေတွင်လည်း နိုင်ငံတော်အစိုးရ၏ ဦးဆောင်မှုနှင့်အတူ ထာဝရငြိမ်းချမ်းရေးရရှိအောင် ဆောင်ရွက်လျက်ရှိပါသည်။

၅။ထိုသို့ငြိမ်းချမ်းရေးရရှိအောင်တည်ဆောက်လျက်ရှိရာတွင် (NCA)နှင့်အညီ တိုင်းရင်းသား လက်နက်ကိုင် အဖွဲ့အစည်းများကို အတူတကွ ပူးပေါင်း ပါဝင်စေလျက် နိုင်ငံရေးပြဿနာ များကို လက်နက်ကိုင်စွဲမဖြေရှင်း ဘဲ နိုင်ငံရေးစားပွဲဝိုင်းပေါ်တွင် ငြိမ်းချမ်းစွာအဖြေရှာလျက် နိုင်ငံရေးယဉ်ကျေးမှုအသစ်အဖြစ် နိုင်ငံရေးဆွေးနွေးမှု လုပ်ငန်းစဉ်များကိုလည်း အကောင်အထည်ဖော်ဆောင်ရွက်လျက်ရှိပြီး တပ်မတော်နှင့် တိုင်းရင်းသား လက်နက်ကိုင်များအကြား အပြန်အလှန်ယုံကြည်မှုတည်ဆောက်နေသည့်အချိန်လည်းဖြစ်ပါသည်။ ထိုသို့ ပြည်ထောင်စုငြိမ်းချမ်းရေးကို အဖက်ဖက်မှ ၀ိုင်းဝန်းကြိုးပမ်းအကောင်အထည်ဖော် ဆောင်ရွက်နေချိန်တွင် ယခုကဲ့သို့ သရုပ်ဖော်ဖျော်ဖြေတင်ဆက်မှုသည် တပ်မတော်အပေါ် နိုင်ငံတကာနှင့် ပြည်သူလူထုက အထင်အမြင်လွဲမှားစေနိုင်သည့်အပြင် သမိုင်းအစဉ်အလာ ကြီးမားသော တပ်မတော်၏ ဂုဏ်သိက္ခာ ကိုလည်းကောင်း၊ (NCA)၏ ငြိမ်းချမ်းရေး လုပ်ငန်းစဉ်များ အကောင်အထည်ဖော်မှုကိုလည်းကောင်း၊ ခေတ်အဆက်ဆက်ငြိမ်းချမ်းရေးကို ကြိုးပမ်းအကောင်အထည်ဖော်ဆောင်ရွက်ခဲ့ကြသူများကိုလည်းကောင်း များစွာထိခိုက် နစ်နာစေပါသည်။

၆။ထို့ပြင် သရုပ်ဖော်ပြကွက်၌ ပြည်သူများအဖြစ် သရုပ်ဆောင်ထားသည့် လူပုဂ္ဂိုလ်များ ကလည်း အထိတ်တလန့်ထွက်ပြေးနေသည့် ပြကွက်များလည်း ပါရှိကြောင်းတွေ့ရှိရပါသည်။ တပ်မတော်အနေဖြင့် ငြိမ်းချမ်းရေးမူဝါဒ ၆ ရပ်အား ချမှတ်ပြီး ထာဝရငြိမ်းချမ်းရေး ရရှိရန် နိုင်ငံတော်အစိုးရ၏ ဦးဆောင်မှုဖြင့် ၂၀၁၁ ခုနှစ်မှ စတင်၍ ဆောင်ရွက်ခဲ့သည့် (NCA) စာချုပ်အား ၂၀၁၅ ခုနှစ်၊ အောက်တိုဘာ ၁၅ ရက်တွင် တိုင်းရင်းသားလက်နက်ကိုင် အဖွဲ့အစည်း ၈ ဖွဲ့ဖြင့် လက်မှတ်ရေးထိုးချုပ်ဆိုနိုင်ခဲ့ပြီး ကျန်လက်နက်ကိုင် အဖွဲ့အစည်းများဖြင့် လက်မှတ်ရေးထိုးနိုင်ရေး ဆက်လက်ညှိနှိုင်းဆွေးနွေးဆောင်ရွက်ဆဲဖြစ်ပါသည်။ အဆိုပါ ပြကွက်အနေဖြင့် (NCA) လက်မှတ်ရေးထိုးရန်ဆောင်ရွက်ဆဲဖြစ်သော အဖွဲ့အစည်းများ နှင့်လည်း တစ်ဖက်နှင့် တစ်ဖက်အထင်အမြင်လွဲမှားမှုကို ဖြစ်ပေါ်စေသလို တပ်မတော်နှင့် (NCA)စာချုပ်လက်မှတ်ရေးထိုးပြီးသော တိုင်းရင်းသားလက်နက်ကိုင်အဖွဲ့အစည်းများ အနေဖြင့် (NCA) စာချုပ်၊ အပိုဒ်(၉)ပါ အရပ်သားများကို အကာအကွယ်ပေးခြင်းဆိုင်ရာ လိုက်နာဆောင်ရွက်ရမည့် အချက်များကိုလည်းကောင်း၊ တပ်မတော်၏ ငြိမ်းချမ်းရေးမူဝါဒ ၆ ရပ်၊ အချက်(၄)ပါ ဒေသခံပြည်သူအပေါ် ၀န်ထုပ်ဝန်ပိုးမဖြစ်စေရန်ဆိုသည့်အချက်ကို လည်းကောင်း ချိုးဖောက်သည့်သဘောသက်ရောက်နေပြီး တပ်မတော်နှင့် (NCA) စာချုပ်တို့၏ ပုံရိပ်၊ အချို့သော တိုင်းရင်းသားလက်နက်ကိုင်အဖွဲ့အစည်းတို့၏ ပုံရိပ်တို့ကို များစွာထိခိုက်စေပါသည်။

၇။သို့ဖြစ်ပါ၍ ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ ကြိုဆိုထောက်ခံ သည့်အနေဖြင့် ငြိမ်းချမ်းရေး သရုပ်ဖော်ဖျော်ဖြေတင်ဆက်ပွဲ၊ တေးဂီတဖျော်ဖြေပွဲနှင့် ချစ်ကြည်ရေးဘောလုံးပွဲတို့ကို ပြုလုပ်ခြင်း၏ ရည်ရွယ်ချက်နှင့် အခြားအစီအစဉ်များသည် အပြုသဘောဆောင်သည့် ဖျော်ဖြေမှုများဖြစ်သော်လည်း အစီအစဉ် ၇ ပါ အခမ်းအနား ကျင်းပရေးလုပ်ငန်းကော်မတီဝင် ဦးမင်းကိုနိုင်၏ ကလေးစစ်သားများ အသုံးပြုခြင်းဆိုင်ရာ ပြောကြားချက်သည်လည်းကောင်း၊ အစီအစဉ် ၈ ပါ ငြိမ်းချမ်းရေး သရုပ်ဖော်ပြသမှုသည် လည်းကောင်း ထာဝရငြိမ်းချမ်းရေးရရှိရန်အတွက် နိုင်ငံတော်အစိုးရ၏ ဦးဆောင်မှုဖြင့် တပ်မတော်နှင့် တိုင်းရင်းသားလက်နက်ကိုင်အဖွဲ့အစည်းများ၏ ကြိုးပမ်းဆောင်ရွက်နေမှုများကို ထိခိုက်နှောင့်နှေးစေနိုင်ခြင်း၊ သမိုင်းအစဉ်အလာရှိခဲ့သည့် တပ်မတော်၏ ဂုဏ်သိက္ခာနှင့် ပုံရိပ်များကိုလည်း များစွာထိခိုက်နစ်နာစေခြင်းတို့ကြောင့် အဆိုပါငြိမ်းချမ်းရေး သရုပ်ဖော်ပြကွက်အစီအစဉ်အား စီစဉ်တင်ဆက်သည့် တာဝန်ရှိသူပုဂ္ဂိုလ်များအားလုံး အပြင် ကလေးစစ်သားသုံးစွဲမှုနှင့်ပတ်သက်၍ မှားယွင်းစွာမသိနားမလည်ဘဲ ပြောကြားခဲ့သည့် ဦးမင်းကိုနိုင် တို့အား တပ်မတော်အနေဖြင့် ပြင်းထန်စွာကန့်ကွက်ရှုတ်ချပါကြောင်း သတင်းထုတ်ပြန်အပ်ပါသည်။

တပ်မတော်သတင်းမှန်ပြန်ကြားရေးအဖွဲ့

ငြိမ်းချမ်းရေး ညီလာခံ ထောက်ခံပွဲတွင် သရုပ်ဖော်မှု တပ်မတော် ချစ်မြတ်နိုးသူများအဖွဲ့ ကန့်ကွက်
Monday, January 29, 2018

ပြီးခဲ့သည့် ဇန်နဝါရီလ ၂၇ ရက်နေ့က ရန်ကုန်မြို့ သုဝဏ္ဏ ဘောလုံးကွင်းတွင် ကျင်းပခဲ့သည့် ပြည်ထောင်စု ငြိမ်းချမ်းရေး ညီလာခံ (၂၁ ရာစုပင်လုံ) ထောက်ခံကြိုဆိုပွဲတွင် ပါဝင်ခဲ့သော သရုပ်ဖော်တင်ဆက်မှုနှင့်ပတ်သက်၍ တပ်မတော် ချစ်မြတ်နိုးသူများအဖွဲ့က တပ်မတော်ကိုထိခိုက်၍ ကန့်ကွက်ကြောင်း ကြေညာချက်တစ်စောင် ထုတ်ပြန်ခဲ့သည်။

တပ်မတော် ချစ်မြတ်နိုးသူများအဖွဲ့သည် ပြည်နယ်နှင့် တိုင်းအသီးသီးတွင် ဖွဲ့စည်းထားပြီး နိုင်ငံ့ဝန်ထမ်းကောင်း ထောက်ခံပွဲနှင့် တပ်မတော် ထောက်ခံပွဲများကို ဦးဆောင် ကျင်းပနေသည့် အဖွဲ့အစည်းဖြစ်သည်။

၂၁ရာစု ပင်လုံညီလာခံ ထောက်ခံပွဲတွင် ပါဝင်သော သရုပ်ဖော် တင်ဆက်မှုနှင့်ပတ်သက်၍ တပ်မတော်သည် ပြည်တွင်းစစ်များကို ဖန်တီးဆောင်ရွက်နေသယောင် ၈၈ မျိုးဆက် (ငြိမ်း/ပွင့်) မှ ဦးမင်းကိုနိုင်နှင့် အဖွဲ့ဝင်များ၊ သီးလေးသီးမှ ပူးပေါင်းတင်ဆက်၍ မြန်မာနိုင်ငံ ရုပ်ရှင်အစည်းအရုံးမှ လူကြမ်း သရုပ်ဆောင်များဖြင့် သရုပ်ဖော်ခဲ့သည်ကို တွေ့ရှိရကြောင်း အဆိုပါ ထုတ်ပြန်ချက်တွင် ဖော်ပြထားသည်။

အဆိုပါ တင်ဆက်မှုများသည် ရဟန်းရှင်လူပြည်သူများ၊ တပ်မတော် မိသားစုဝင်များနှင့် တပ်မတော် ချစ်ခင်သူများကို စိတ်နှလုံး ထိခိုက်စေသည့်အတွက် အဆိုပါ တင်ဆက်မှုတွင် ဦးဆောင်ပါဝင်သည့် တာဝန်ရှိသူများ တက်ရောက်ခဲ့ကြသည့် နိုင်ငံတော်အဆင့် တာဝန်ရှိသူများက လူသိရှင်ကြား တောင်းပန်ရန် လိုအပ်ကြောင်း ယင်းထုတ်ပြန်ချက်တွင် ဖော်ပြထားသည်။

ယင်းအခမ်းအနားတွင် သရုပ်ဖော်တင်ဆက်သူများက လက်နက်ကိုင် အဝတ်အစားများ၊ ပျောက်ကျားဝတ်စုံများဖြင့် သရုပ်ဖော်ခဲ့ကြခြင်းဖြစ်ပြီး ကလေးငယ်များကို လက်နက်ကိုင်နှစ်ဖွဲ့ ပစ်ခတ်နေမှု အလယ်တွင်ထား၍ တင်ဆက်ခဲ့ကြခြင်းဖြစ်သည်။

ယင်းထုတ်ပြန်ချက်နှင့် ပတ်သတ်၍ ၈၈ ငြိမ်း/ပွင့်မှ ဦးဂျင်မီကို ဆက်သွယ်မေးမြန်းရာ အခမ်းအနားတွင် ပြုလုပ်ခဲ့သော သရုပ်ဖော်တင်ဆက်မှုမှာ အနုပညာရှင်များက ပြုလုပ်ခြင်းဖြစ်ပြီး ၎င်းတို့ အဖွဲ့အစည်းအနေနှင့် မသိရှိကြောင်း ပြန်လည် ဖြေကြားသည်။

“အဲဒီ ထုတ်ပြန်တာကို မသိသေးဘူး။ ကိုမင်းကိုနိုင်နာမည်နဲ့ အဖွဲ့အစည်း နာမည်ပါတယ်ဆိုတော့ သူ့အနေနဲ့ ပြန်ဖြေရှင်းမှာပါ။ ပါဖောမန့်က ကျွန်တော်တို့ လုပ်တာမဟုတ်ဘူး”ဟု ၎င်းကဆိုသည်။

ထို့ပြင် ယင်းထုတ်ပြန်ချက်တွင် ပြည်ထဲရေး ဝန်ကြီးဌာန အနေနှင့်လည်း ယခုနှစ် ဇန်နဝါရီလ ၁၆ ရက်နေ့က ထုတ်ပြန်ခဲ့သည့် ဥပဒေအရ နိုင်ငံတော်လုံခြုံရေး အဖွဲ့အစည်းများ၏ အသွင်သဏ္ဍာန်ဖြင့် ယူနီဖောင်းများ ဝတ်ဆင်ခြင်းမပြုရန် ညွှန်ကြားချက်အရ လိုအပ်သလို အရေးယူပေးရန်နှင့် ယင်းသရုပ်ဖော်မှုတွင် တပ်မတော်ကို ထိခိုက်စေရန် ပါဝင်ခဲ့သည့် လူပုဂ္ဂိုလ်နှင့် အဖွဲ့အစည်းများကို ပြင်းထန်စွာ ပြစ်တင်ရှုတ်ချကြောင်း ဖော်ပြထားသည်။

အဆိုပါ အခမ်းအနားတွင် ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ အမျိုးသားလွှတ်တော် ဒုတိယဥက္ကဋ္ဌ ဦးအေးသာအောင်၊ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းတို့လည်း တက်ရောက်ခဲ့ကြသည်။

ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံညီလာခံကို လာမည့် ဖေဖော်ဝါရီလအတွင်း ပြုလုပ်ရန် စီစဉ်နေခြင်းဖြစ်ပြီး အဆိုပါညီလာခံကို ထောက်ခံသည့် အခမ်းအနားများ ဖျော်ဖြေပွဲများ နေရာအနှံ့ ကျင်းပပြုလုပ်လျက်ရှိသည်။

The Voice