မန္တလေး၊ မဟာအောင်မြေမြို့နယ်မှာ သင်္ကြန်လည်ပတ်သူတွေဆီက အန္တရာယ်ရှိတဲ့ လက်နက် ပစ္စည်းတွေကို ရဲတပ်ဖွဲ့က ပိတ်ဆို့ရှာဖွေနေပါတယ်။
၁၃၇၉ ခုနှစ် မန္တလေးသင်္ကြန်ပွဲတော်ကို အနယ်နယ်အရပ်ရပ်က လာရောက်ပြီး ပျော်ရွှင်ကြသူတွေ ဘေးကင်းလုံခြုံစေဖို့ ရေပက်ခံကားတွေကို ပိတ်ဆို့ရှာဖွေရတာလို့ မဟာအောင်မြေမြို့်နယ် ရဲတပ်ဖွဲ့မှူး တင်ထွန်းအောင်ကပြောပါတယ်။
အခုလို ပိတ်ဆို့ရှာဖွေရာမှာ ၆၂ လမ်း၊ ၄၂ လမ်းနဲ့ မနော်ရမ္မံပန်းခြံရှေ့မှာ တုတ်၊ ဓား၊ လက်နက်တွေကို မဟာအောင်မြေမြို့နယ် ရဲတပ်ဖွဲ့ တာဝန်ရှိသူတွေ၊ ယာဉ်ထိန်းဌာနက ဒုရဲမှူး မျိုးလွင်၊ မဟာအောင်မြေမြို့နယ် အုပ်ချုပ်ရေးမှူးနဲ့ မီးသတ်တပ်ဖွဲ့ဝင်တွေ ပူးပေါင်း ပိတ်ဆို့ရှာဖွေကြတာပါ။
ရှာဖွေသိမ်းဆည်းရမိတဲ့ မျက်နှာဖုံးတွေ၊ သစ်သားချောင်းတွေ၊ ဘီယာဖန်ပုလင်းတွေ၊ ဝက်အူလှည့်အရှည်တွေကို သိမ်းဆည်းရရှိပြီး တပ်ဖွဲ့သုံး အီကွေ့မန့်တွေကိုတော့ လောလောဆယ် သိမ်းဆည်းထားပြီး သင်္ကြန်ပြီးရင် လာရောက်ပြန်ယူနိုင်တယ်လို့ မဟာအောင်မြေမြို့်နယ် ရဲတပ်ဖွဲ့မှူး တင်ထွန်းအောင်ကပြောပါတယ်။
ဧပြီလ ၁၃ ရက်နေ့ကစတင်ပြီး ပြင်ဦးလွင်- မန္တလေးကားလမ်းက ၁၆ ဂိတ်၊ မန္တလေး- စစ်ကိုင်းလမ်းက အမရပူရဂိတ်၊ မန္တလေး- မတ္တရာကားလမ်းက ရွှေကျင်ဂိတ်တွေနဲ့အတူ မန္တလေးမြို့တွင်း ၁၄ နေရာကိုလည်း သင်္ကြန်နောက်ဆုံးနေ့အထိ ပိတ်ဆို့ရှာဖွေသွားမယ်လို့ သိရပါတယ်။
သတင်းနှင့်ဓာတ်ပုံ – အောင်အောင်နိုင်
DVB
0 comments:
Post a Comment