ဗဟိုဘဏ် လက်ရှိဥက္ကဋ္ဌ သက်တမ်းထပ်တိုးဖွယ်ရှိ

ဇူလိုင်လ ၃၁ ရက်နေ့တွင် သက်တမ်းကုန်ဆုံးတော့မည့် မြန်မာနိုင်ငံတော်ဗဟိုဘဏ်၏ ဥက္ကဋ္ဌရာထူးနေရာ၌ လက်ရှိတာဝန်ထမ်းဆောင်နေသော ဦးကျော်ကျော်မောင်ကိုသာ ထပ်မံ သက်တမ်းတိုး ခန့်အပ်နိုင်ကြောင်း ပြည်တွင်းဘဏ်လုပ်ငန်းရှင်များနှင့် ကျွမ်းကျင်သူများက သုံးသပ်ပြောကြားသည်။

ဗဟိုဘဏ်ဥက္ကဋ္ဌနေရာကို နိုင်ငံတော် သမ္မတက တိုက်ရိုက် ခန့်အပ်မည်ဖြစ်ပြီး လာမည့် ပြည်ထောင်စုလွှတ်တော် ကျင်းပချိန်တွင် အမည်စာရင်း တင်သွင်းမည်ဖြစ်ကာ လက်ရှိအချိန်အထိ အစိုးရအနေနှင့် အခြားမည်သူ့ကိုမျှ ခေါ်ယူတွေ့ဆုံ မေးမြန်းခြင်းများ မရှိသေးခြင်းကြောင့် လက်ရှိဥက္ကဋ္ဌကိုသာ သက်တမ်းတိုးမည်ဖြစ်ကြောင်း ၎င်းတို့ကပြောဆိုသည်။

“ကျွန်တော့်အသိ ဘဏ်လုပ်ငန်းရှင်တွေ အားလုံးဆီက သိရသလောက် ဦးကျော်ကျော်မောင်ကိုပဲ သက်တမ်းတိုးမယ်ကြားတယ်။ သူကလည်း ဘဏ်လုပ်ငန်းကျွမ်းကျင်မှုအရ ကြည့်ရင် ငြင်းစရာ အကြောင်းမရှိတဲ့ လူမျိုးပါ။ သူအလုပ်ကို ဘယ်လောက် အပြည့်အဝ လုပ်မလဲဆိုတာတော့ ကြည့်ရမယ်”ဟု NLD ပါတီ၏ စီးပွားရေး ကော်မတီအဖွဲ့ဝင် ဦးရဲမင်းဦးက ပြောကြားသည်။

လက်ရှိအချိန်တွင်လည်း ၂၀၁၈ ခုနှစ် ဖွဲ့စည်းပုံ အခြေခံဥပဒေအရ အစိုးရကတင်မြှောက်မည့် ပြည်ထောင်စုဝန်ကြီးအဆင့်ရှိသူများကို လွှတ်တော်အနေနှင့် လုပ်ငန်းပိုင်းဆိုင်ရာ ကျွမ်းကျင်မှုများကို စစ်ဆေးရခြင်းမရှိဘဲ ပြစ်မှုကျူးလွန်ခြင်း ရှိ၊ မရှိ၊ နိုင်ငံသားဖြစ်ခြင်းနှင့် မိဘများက အမှန်တကယ် နိုင်ငံသား ဟုတ် မဟုတ် စသည့် အချက်သုံးချက်သာ စစ်ဆေးကာ အတည်ပြုပေးရကြောင်း ၎င်းကရှင်းပြသည်။

“ကျွမ်းကျင်မှုအရက တကယ်တော်တဲ့သူပါ။ ဒါပေမဲ့ အသက်အရွယ်နဲ့ ကျန်းမာရေးလုပ်နိုင်ဦးတော့ ဒီဘက်ခေတ် ဘဏ်လုပ်ငန်းတွေကလည်း ဒစ်ဂျစ်တယ်စနစ် ဖြစ်နေပြီဆိုတော့ တစ်ခုခုဆို ချက်ချင်း လုပ်ရမှာ။ သူအရင်က သက်တမ်းမှာ ပေါ်လစီတွေ ချမှတ်တဲ့နေရာမှာ အမြဲ Delay (နှောင့်နှေး) ဖြစ်တယ်”ဟု ပြည်တွင်းရှိ သက်တမ်းရင့် ပုဂ္ဂလိက ဘဏ်လုပ်ငန်းတစ်ခုမှ အုပ်ချုပ်မှုဒါရိုက်တာတစ်ဦးက ဝေဖန်ပြောဆိုသည်။

နိုင်ငံတစ်နိုင်ငံ၏ ငွေရေးကြေးရေး ပေါ်လစီများသည် ဗဟိုဘဏ်အပေါ်တွင် အများအပြား မူတည်နေသည့်အတွက် ဘဏ်လုပ်ငန်း အမှန်တကယ် ကျွမ်းကျင်ပြီး လုပ်ရဲကိုင်ရဲသည့် ဘဏ်ဥက္ကဋ္ဌတစ်ဦး လိုအပ်နေကြောင်း၊ လက်ရှိအခြေအနေမှာ ဝန်ဆောင်မှုအသစ်တစ်ခု ထုတ်သည့်အခါ ယင်းဝန်ဆောင်မှု၏ ဆုံးရှုံးနိုင်ခြေပမာဏကို ကြည့်နေသည့်အတွက် ဘဏ်များအနေနှင့် လုပ်သာကိုင်သာသည့် အခြေအနေ မရှိကြောင်း ဘဏ်လုပ်ငန်းရှင်အချို့က ဆိုသည်။

၂၀၁၃ ခုနှစ်တွင် ပြဋ္ဌာန်းခဲ့သော မြန်မာနိုင်ငံတော် ဗဟိုဘဏ်ဥပဒေအရ ဗဟိုဘဏ်ဥက္ကဋ္ဌ သက်တမ်းသည် ငါးနှစ်ရှိပြီး ဒါရိုက်တာအဖွဲ့ဝင်များ၏ သက်တမ်းသည် လေးနှစ်ဖြစ်ကြောင်း၊ ကျန်ဒါရိုက်တာ အဖွဲ့ဝင်များသည် သက်တမ်းကုန်သွားသည့်အတွက် ၂၀၁၇ ခုနှစ် ဇူလိုင်လက သမ္မတက လွှတ်တော်သို့ အမည်စာရင်းပေးပို့ကာ ဒါရိုက်တာအသစ်များ ရွေးချယ် ခန့်အပ်ခဲ့သည်။ “ဘဏ်စည်းကမ်းတွေ ရုတ်တရက်ကြီး ထုတ်တယ်။ အောက်ခြေမှာ အဆင်မပြေတော့ ပြန်ပြီးဖြေလျှော့တယ်။ ဘဏ်တွေက တခြားဟာတွေနဲ့ လုံးလည်ချာလည် ဖြစ်နေတော့ တခြား ငွေလွှဲဝန်ဆောင်မှုတွေ ပြည်တွင်းမှာ ထပ်ပေါ်လာတယ်။ ဘဏ်တွေ တကယ်လုပ်နိုင်တဲ့ ပေါ်လစီတွေထုတ်ပြီး ပြည်သူတွေက ဘဏ်ဝန်ဆောင်မှုတွေကို လက်လှမ်းမီလာအောင် လုပ်သင့်တယ်”ဟု ဘဏ်လုပ်ငန်း ကျွမ်းကျင်သူတစ်ဦးက မှတ်ချက်ပြုသည်။

ဦးကျော်ကျော်မောင်သည် ၁၉၃၉ ခုနှစ် ဧပြီလ ၁၂ ရက်နေ့တွင် မွေးဖွားခဲ့၍ လက်ရှိအချိန်တွင် အသက် ၇၉ နှစ်အရွယ်ရှိနေပြီဖြစ်ကာ ပညာအရည်အချင်းအနေနှင့် မန္တလေးတက္ကသိုလ်မှ Commerce, Bachelor of Arts ဘွဲ့ရရှိထားသူဖြစ်ပြီး မြန်မာ့စီးပွားရေးဘဏ်တွင် ၁၀ နှစ်ကျော်ကြာ ဘဏ်လုပ်ငန်းလုပ်ကိုင်ခဲ့ကာ မြန်မာနိုင်ငံတော် ဗဟိုဘဏ်တွင်လည်း မန်နေဂျာရာထူးမှစတင်ကာ နှစ် ၂၀ ကျော်ကြာ လုပ်ကိုင်ခဲ့ဖူးသည့် ဘဏ်လုပ်ငန်းကျွမ်းကျင်သူ တစ်ယောက်ဖြစ်သည်။

လက်ရှိ ဗဟိုဘဏ်ဥက္ကဋ္ဌ ဦးကျော်ကျော်မောင်ကို ၂၀၁၃ ခုနှစ် ဦးသိန်းစိန် အစိုးရလက်ထက်တွင် ခန့်အပ်ခဲ့ပြီး ယခု ထမ်းဆောင်ခဲ့သော သက်တမ်းအတွင်းတွင် နိုင်ငံခြားဘဏ်လုပ်ငန်များကို ပြည်တွင်း၌ လုပ်ငန်းလုပ်ကိုင်ခွင့်အချို့ ခွင့်ပြုခဲ့သည့်အချက်တစ်ခုသာ ထင်သာမြင်သာရှိပြီး နိုင်ငံခြား ငွေလဲလှယ်နှုန်း ထိန်းချုပ်ခြင်း အပါအဝင် အခြားငွေရေး ကြေးရေးမူဝါဒများ ထုတ်ပြန်ရာတွင် အားနည်းချက် များစွာရှိကြောင်း စီးပွားရေးလုပ်ငန်းရှင်များနှင့် ဘဏ်လုပ်ငန်းကျွမ်းကျင်သူအချို့က သုံးသပ်သည်။

The Voice