ကယားပြည်နယ်၊ လွိုင်ကော်မြို့မှာ ဗိုလ်ချုပ်အောင်ဆန်းမြင်းစီးကြေးရုပ်ထားရှိဖို့ ကန့်ကွက်မှုတွေရှိနေတာကြောင့် ပြည်နယ်အစိုးရအဖွဲ့က ကရင်နီလူငယ်ထု ကိုယ်စား လှယ်တွေကို အစိုးရအဖွဲ့ရုံးမှာ ဒီမနက် ၉ နာရီလောက်က ခေါ်ယူတွေ့ ဆုံခဲ့ပါတယ်။
ပြည်နယ်ဝန်ကြီးချုပ်အနေနဲ့ ဗိုလ်ချုပ်ကြေးရုပ်ကိစ္စအပေါ် တဖက်သတ် ဆုံးဖြတ်တယ်ဆိုပြီး ခုလိုတွေ့ဆုံဆွေးနွေးနေဆဲမှာ ကရင်နီလူငယ်တွေက ကန့်ကွက်တဲ့နေနဲ့ အစည်း အဝေးခန်းမကနေ ထွက်ပြန်လာခဲ့တယ်လို့ ဆိုပါတယ်။
ခုလို ထွက်ပြန်ခဲ့ရတာနဲ့ ပတ်သက်လို့ ကရင်နီလူငယ်ထုရဲ့ ပြောရေးဆိုခွင့်ရှိသူ ခွန်းဘားနဒ်ဘုတ်က “ကျနော်တို့ တောင်းဆိုတာကတော့ ဗိုလ်ချုပ်ကြေးရုပ် တည်ဆောက်နေတာကို ရပ်တန့်ထားဖို့ဖြစ်တယ်။ ဒါပေမယ့် ကျနော်တို့ ကန့်ကွက်တဲ့ အစုအဖွဲ့တွေကို အလေးထားပြီး ညှိနှိုင်းဆောင်ရွက်တာမျိုး မပေါက်ပဲနဲ့ တစ်ဖက်သတ် ဆောက်ကို ဆောက်မယ်ဆိုတဲ့ အနေအထားမျိုးနဲ့ ခေါ်ယူတွေ့ဆုံတာပဲလို့ ကျနော်တို့မြင်တယ်” လို့ ပြောပါတယ်။
ဒါ့အပြင် ကရင်နီတွေရဲ့ သမိုင်းကြောင်းအရ တည်ရှိမှုကို အပြန်အလှန်လေးစား အသိအမှတ်ပြုတာတွေ မရှိမတဲ့အပေါ် ကရင်နီလူငယ်အင်အားစုတွေက ဆက်လက် ကန့်ကွက်သွားမယ်လို့ ခွန်းဘားနဒ်ဘုတ်က ပြောပါတယ်။
ဗိုလ်ချုပ်ကြေးရုပ်ကို လွိုင်ကော်မြို့မှာ ထားရှိဖို့ လုပ်ဆောင်နေတာကို ကရင်နီ လက်နက်ကိုင်အဖွဲ့အစည်း၊ စာပေနှင့် ယဉ်ကျေးမှုအဖွဲ့၊ ပါတီနဲ့ ကရင်နီလူငယ်ထုစတဲ့ အဖွဲ့အစည်း ၂ဝ လောက်က ကန့်ကွက်ထားပါတယ်။
လက်ရှိအချိန်မှာ ပြည်နယ်အစိုးရအဖွဲ့က ဗိုလ်ချုပ်ကြေးရုပ်ကို ထောက်ခံတဲ့ လူထုသဘောထား ကောက်ယူနေပြီး ကရင်နီလူငယ်ထုဘက်ကလည်း ကန့်ကွက်တဲ့ လူထုသဘောထားတွေ ကောက်ယူနေတာ ၄ သောင်းကျော်အထိ ရနေပြီဖြစ်ပါတယ်။
ဗိုလ်ချုပ်ကြေးရုပ်ထားရှိမှာကို ပြီးခဲ့တဲ့ ဇူလိုင် ၃ ရက်နေ့က လွိုင်ကော်မှာ ကန့်ကွက်ဆန္ဒပြခဲ့ရာမှာ ပါဝင်ခဲ့တဲ့ ကရင်နီလူငယ် ၁၆ ဦးကို အစိုးရ အာဏာပိုင်တွေက ငြိမ်းစုစီ ပုဒ်မ (၁၉) (၂ဝ) နဲ့တရားစွဲဆိုထားပါတယ်။
ဒါ့အပြင် ကရင်နီသမိုင်းအမှန်စာရွက်တွေကို ဖြန့်ဝေခဲ့တဲ့ လူငယ် ၁၃ ဦးကိုလည်း ရာဇသတ်ကြီး ပုဒ်မ-၅ဝ၅ (ခ)(ဂ) နဲ့ တရားစွဲဆိုထားပါတယ်။
သတင်း၊ ဓာတ်ပုံ-ခွန်းတူးတူးလေး
DVB
0 comments:
Post a Comment