တနင်္သာရီတိုင်း ကော့သောင်းမြို့နယ်၊ ပုလုံးတုံတုံး ကျေးရွာတွင် ဇူလိုင်လ ၃၀ ရက်နေ့ နံနက်ပိုင်းတွင် မိုးသည်းထန်စွာ ရွာသွန်းမှုကြောင့် တောင်နံရံ မြေသားများ နေအိမ်များအပေါ်သို့ ပြိုကျပျက်စီးကာ လူ ၅ ဦး သေဆုံးကာ၊ ၁ ဦး ထိခိုက်ဒဏ်ရာများ ရရှိခဲ့ကြောင်း သိရ သည်။
အခင်းဖြစ်ပွားချိန်တွင် မိုးသည်းထန်စွာ ရွာသွန်းမှုကြောင့် ပုလုံးတုံတုံး ကျေးရွာ အောင်ရတနာလမ်းတွင် ဇူလိုင်လ ၃၀ ရက်နေ့ နံနက် ၇ နာရီခွဲ အချိန်တွင် တောင်နရံ မြေသားများ ပြိုကျ၍ နေအိမ် ၄ လုံး ပျက်စီးပြီး၊ နေအိမ်အတွင်း နေထိုင်သည့် လူများ ပိတ်မိကာ ၅ ဦး သေဆုံးပြီး၊ ၁ ဦးမှာ ဆေးရုံကြီးတွင် အရေးပေါ် ဆေးကုခံနေရာကာ စိုးရိမ်ရကြောင်း ကော့သောင်းမြို့ခံများထံမှ သိရ သည်။
“မြေပြိုမှုကြောင့် အိမ် ၄ လုံး ပျက်စီးပါတယ်၊ ၁ လုံးကတော့ အိမ်အပေါ်ထပ် ပျက်စီးသွားပါတယ်၊ လူတွေကတော့ အမျိုးသမီး ၃၊ အမျိုးသား ၂ ဦး စုစုပေါင်း ၅ ဦး သေဆုံးပါတယ်၊ ကျန်တာကတော့ မြေဖိပြီး အရေးပေါ် ကယ်ဆယ်နိုင်ခဲ့လို့ လက်ရှိမှာ ဆေးရုံကြီးမှာ ဆေးကုသခံနေရပါတယ်၊ စိုးရိမ်ရတဲ့ အခြေအနေရှိတယ်”လို့ ပုလုံလုံးကျေးရွာ အုပ်ချုပ်ရေးမှူး ဦးဇင်ကိုက ပြောသည်။
လက်ရှိတွင် အဆိုပါ မြေပြိုမှုကြောင့် အခင်ဖြစ်ပွားချိန်တွင် အရေးပေါ် ကယ်ဆယ်ရေး လုပ်ငန်းများ လုပ်ဆောင် နေကြောင်း၊ မိုးများ ဆက်လက်ရွာသွန်းနေပြီး၊ ထပ်မံ မြေပြိုနိုင်သောကြောင့် ယင်းနေရာတွင် နေထိုင်သည့် လူနေအိမ် ၈ လုံးတွင် နေထိုင်သော ပြည်သူများကို အခြား ဘေးလွတ်ရာနေရာသို့ ပြောင်းရွေ့ နေထိုင် ခိုင်းထားသည်ဟု အုပ်ချုပ်ရေးမှူးက ထပ်လောင်း ပြောသည်။
ထိုအပြင် ကော့သောင်းမြို့တွင် မိုးသက်လေပြင်း တိုက်ခတ်မှုကြောင့် မြို့ထဲပိုင်းတွင် လူနေအိမ်နှင့် ဌာနဆိုင်ရာ ရုံးအချို့ အမိုးများပျက်စီးကြောင်း သိရ သည်။
Mizzima - News in Burmese
0 comments:
Post a Comment