တောင်အာဖရိက ဗဟိုဘဏ်ဟာ သမ္မတဟောင်း နယ်လ်ဆင်မန်ဒဲလားပုံပါတဲ့ ငွေစက္ကူနဲ့ အကြွေစေ့တွေကို ထုတ်ဝေလိုက်ပါတယ်။
ကွယ်လွန်သူ သမ္မတဟောင်း နယ်လ်ဆင် မန်ဒဲလား အသက် ၁ဝဝ ပြည့်မွေးနေ့ အထိမ်းအမှတ်အနေနဲ့ အခုလို ထုတ်ဝေလိုက်တာပါ။
မန်ဒဲလားဟာ တောင်အာဖရိကရဲ့ ပထမဆုံး လူမည်းသမ္မတဖြစ်ပြီး အသားအရောင် ခွဲခြားမှုကို တိုက်ဖျက်ခဲ့သူ ဖြစ်ပါတယ်။
အသစ်ထုတ်လိုက်တဲ့ ငွေစက္ကူတရွက်ချင်းစီမှာတော့ သမ္မတဟောင်း မန်ဒဲလားရဲ့ နိုင်ငံ့အတွက် ကြိုးပမ်းချက်တွေနဲ့ အထင်ကရဖြစ်ရပ်တွေကို ရေးဆွဲဖော်ပြထားပါတယ်။
၅ ရန်း (rand) တန် အကြွေစေ့မှာတော့ မန်ဒဲလား ပြုံးနေတဲ့ပုံကို ရိုက်နှိပ်ထားပါတယ်။ အခုအသစ်ထုတ်လိုက်တဲ့ ငွေစက္ကူတွေနဲ့ အကြွေစေ့တွေရဲ့တန်ဖိုးဟာ တောင်အာဖရိကနိုင်ငံမှာ လက်ရှိအသုံးပြုနေတဲ့ ငွေစက္ကူနဲ့ အကြွေစေ့တွေ တန်ဖိုးအတိုင်း ရှိမှာဖြစ်ပါတယ်။
ငွေစက္ကူတွေကို သန်း ၄ဝဝ ဖိုးအထိ ထုတ်သွားမှာဖြစ်ပြီး လာမယ့် ရက်ပေါင်း ၁ဝဝ အတွင်း ဘဏ်တွေမှာပါ သုံးစွဲလည်ပတ်နိုင်အောင် စီစဉ်သွားမယ်လို့ တောင်အာဖရိက ဗဟိုဘဏ်ဥက္ကဋ္ဌက ပြောပါတယ်။
DVB
ကင်ဆာဖြစ်ပွားသူ ဦးရေ တိုးလာ၊ ငယ်ရွယ်သူများလည်း ဖြစ်လာဟု ဆရာဝန်ကြီးပြော
Monday, July 16, 2018
မြန်မာနိုင်ငံမှာ ကင်ဆာဖြစ်ပွားသူ ဦးရေ တိုးပွားလာပြီး နေထိုင်မှုပုံစံတွေအရ အသက် ငယ်ရွယ်သူတွေမှာ ဖြစ်လာကြတယ်လို့ ကင်ဆာရောဂါအထူးကုဆရာဝန်ကြီး ဒေါက်တာ ဟိန်းမြင့်အောင်က ပြောပါတယ်။
ကမ္ဘာ့နိုင်ငံတွေမှာလည်း ကင်ဆာ ဖြစ်နှုန်းတိုးလာပြီး ကမ္ဘာ့ကျန်းမာရေးအဖွဲ့ကြီး (WHO) ရဲ့ အချက်အလက်တွေအရ တကမ္ဘာလုံးမှာ လူသေဆုံးစေတဲ့ အကြောင်းရင်းတွေထဲမှာ ကင်ဆာက ဒုတိယ လိုက်တယ်လို့ ဆိုပါတယ်။
“ရန်ကုန်ပြည်သူ့ဆေးရုံကြီးမှာရှိတဲ့ ကင်ဆာကုသမှုဌာန နှစ်ခုဖြစ်တဲ့ ကင်ဆာရောဂါ ဓာတ်ရောင်ခြည်ဌာနနဲ့ ကင်ဆာဆေးသွင်းကုသမှု ဌာနနှစ်ခုက စာရင်းဇယားများအရ ၂၀၁၅ ခုနှစ်မှာ ကင်ဆာ လူနာပေါင်း ၈၈၆၈ ယောက် ရှိခဲ့ပြီးတော့ ၂၀၁၆ ခုနှစ်မှာတော့ ကင်ဆာ လူနာ ၁၀၈၄၃ ယောက် ရှိခဲ့ပါတယ်။ ဒီစာရင်းဇယားကို ကြည့်တာနဲ့တင် ကင်ဆာ ဖြစ်ပွားမှုနှုန်း များလာတာကို သိနိုင်ပါတယ်” လို့ ဒေါက်တာ ဟိန်းမြင့်အောင်က ပြောပါတယ်။
ဆေးရွက်ကြီးဆက်စပ်ပစ္စည်းတွေ၊ ရောဂါပိုးမွှားတွေ၊ ဓာတုပစ္စည်းတွေ၊ မွေးရာပါ ခန္ဓာကိုယ်ထဲမှာရှိတဲ့ မျိုးရိုးဗီဇ ချို့ယွင်းချက်တွေ၊ ဟော်မုန်း အပြောင်းအလဲ ပြဿနာတွေနဲ့ ခန္ဓာကိုယ် ခုခံအားစနစ် ချို့ယွင်းချက်တွေစတဲ့ အကြောင်းတွေကြောင့် အသက်အရွယ်က ၅၀ ကျော်လောက်မှာ ကင်ဆာ အဖြစ်များပေမယ့် အခုတော့ အသက်ငယ်ရွယ်သူတွေမှာ ဖြစ်လာတယ်လို့ သူက ဆိုပါတယ်။
“အခုနောက်ပိုင်းမှာ လူတွေရဲ့ lifestyle ခေါ်တဲ့ နေ့စဉ်ဘဝတွေမှာ နေထိုင်မှု ပုံစံတွေ ပြောင်းလာတယ်။ ဥပမာ- ဆေးလိပ်၊ အရက်၊ ဘီယာ စတာတွေကို အသက်ငယ်ရွယ်စဉ်ကနေ စတင် သုံးစွဲလာတဲ့အတွက် ကင်ဆာဖြစ်တဲ့ အသက်အရွယ်တွေ ငယ်လာကြတယ်။ ဒါကြောင့် အူမကြီးကင်ဆာ screening ခေါ်တဲ့ ကင်ဆာ ရှိ၊ မရှိ ကြိုတင်စစ်ဆေးတဲ့ အသက်အရွယ်ကို ယခင် ၅၀ မှာ စခဲ့ရာမှ ၂၀၁၇ ခုနှစ်က စပြီး အသက် ၄၅ နှစ် အရွယ်ကနေစပြီး စစ်ဆေးဖို့ ပြောင်းလဲခဲ့တယ်” လို့ ပြောပါတယ်။
ကမ္ဘာ့ကျန်းမာရေးအဖွဲ့ကြီး (WHO) ရဲ့ အချက်အလက်တွေအရ ကင်ဆာကြောင့် သေဆုံးရမှုတွေရဲ့ ၇၀ ရာနှုန်းဟာ ဝင်ငွေနည်းတဲ့၊ ဝင်ငွေအသင့်အတင့်ရှိတဲ့ နိုင်ငံတွေက ဖြစ်ပြီး ကင်ဆာလူနာ အသစ်တွေ့ရှိရမှုဟာ နောက်အနှစ် ၂၀ အတွင်း ၇၀ ရာနှုန်း မြင့်တက်လာဖို့ ရှိတယ်လို့လည်း ဆိုပါတယ်။
ဒေါက်တာ ဟိန်းမြင့်အောင်က “မြန်မာနိုင်ငံမှာတော့ ရင်သားကင်ဆာနဲ့ သားအိမ်ခေါင်း ကင်ဆာ နှစ်ခုလုံးက တလှည့်စီ ထိပ်ဆုံးရောက်နေပြီးတော့ ဦးခေါင်း၊ ခံတွင်းနဲ့ လည်ချောင်းကင်ဆာ အုပ်စုဟာ ဖြစ်ပွားမှု အများဆုံးမှာ ရှိတယ်။ သူ့နောက်မှာ အဆုတ်ကင်ဆာ၊ အစာအိမ်နဲ့ အူလမ်းကြောင်းကင်ဆာတွေ လိုက်နေတယ်” လို့ ပြောပါတယ်။
ကင်ဆာရောဂါ အများစုဟာ အဆင့်စောပြီးသိရင် ပျောက်ကင်းအောင် ကုသလို့ ရတာကြောင့် ဖြစ်ပွားစေနိုင်တဲ့ အကြောင်းတွေ ရှောင်ကြဉ်ပြီး စစ်ဆေးတာတွေ လုပ်ဖို့ လိုတယ်လို့လည်း သူက အကြံပြုပါတယ်။
မြန်မာနိုင်ငံမှာ ကင်ဆာကုထုံး အားလုံးနီးပါးရှိပေမယ့် ကိုယ်တိုင် ငွေကြေး ကုန်ကျခံရတာ များတဲ့အတွက် ကြိုတင်ကာကွယ်တာတွေ လုပ်ဖို့လိုတယ်လို့လည်း သူက ဆိုပါတယ်။
DVB
0 comments:
Post a Comment