တရုတ်နိုင်ငံမှ ပဲခူးစက်မှုဇုန်သို့ ပြန်လည်ရောက်ရှိလာသူ တရုတ်နိုင်ငံသား ၆ ဦးကို သီးခြားထား၍ စောင့်ကြည့်နေ

ဇန်နဝါရီ ၃၀ ရက်နေ့တွင် ပဲခူးစက်မှုဇုန်ကို ပြန်လည်ရောက်ရှိလာသည့် အထည်ချုပ်စက်ရုံနှင့် ဖိနပ်စက်ရုံတစ်ခုမှ အသက် ၄၀ ကျော် တရုတ်နိုင်ငံသား အမျိုးသား ၆ ဦးဖြစ်သည်။ အဆိုပါ ပြန်လည်ရောက်ရှိလာသူ တရုတ်နိုင်ငံသား ၆ ဦးကို သီးခြားထား၍ စောင့်ကြည့်နေသည်ဟု ပဲခူးတိုင်းဒေသကြီးအစိုးရအဖွဲ့ဝင် လူဝင်မှုကြီးကြပ်ရေးနှင့် လူ့စွမ်းအားအရင်းမြစ် ဖွံဖြိုးတိုးတက်ရေးဝန်ကြီး ဦးထွန်းထွန်းဦးက ပြောကြားသည်။

“ဝေဘာဂီဆေးရုံပို့တယ်ဆိုတဲ့သတင်း မဟုတ်ပါဘူး။ စက်ရုံမှာသီခြားအခန်းတစ်ခုစီနဲ့ထားပြီး နေ့စဉ် ခန္ဓာကိုယ်အပူရှိန် တိုင်းတာစစ်ဆေးတာမျိုးကို နေ့စဉ်လုပ်ပြီး စောင့်ကြည့်နေတယ်၊ သံသယရှိနိုင်တယ်လို စစ်ဆေးတွေ့ရှိရင် သွေးအဖြေ ရန်ကုန်ဓာတ်ခွဲခန်းပို့တာမျိုးလုပ်မယ်”ဟု ပြောကြားခဲ့သည်။

ဖေဖော်ဝါရီလ ၁ ရက်နေ့နံနက်ကလည်း ပဲခူးတိုင်းရေတာရှည်မြို့နယ် ရေနီ အထည်ချုပ်စက်ရုံနှင့် စက္ကူစက်ရုံမှ တရုတ်နိုင်ငံသားအချို့ကို ဒေသခံများကန့်ကွက်မှုကြောင့် နေပြည်တော်ကို ရွှေ့ပြောင်းစောင့်ကြည့်စစ်ဆေးထားကြောင်း ဒေသဆိုင်ရာအုပ်ချုပ်ရေးအဖွဲ့စည်းများမှ သိရသည်။

ပြန်လည် ရောက်ရှိမည်ဟု သတင်းပို့ထားတာ ၁၇ ဦး ဖြစ်သော်လည်း လက်ရှိ ပဲခူးစက်မှုဇုန်ရှိ စက်ရုံများတွင် ပြန်လည်ရောက်ရှိနေသူ တရုတ်နိုင်ငံသား ၆ ဦးသာရှိပြီး ယင်းတို့ကို စက်ရုံအသီးသီးရှိ သီးခြားအခန်းများတွင် စောင့်ကြည့်ထားနေသော်လည်း သံသယရှိသူများမဟုတ်ကြောင်း ပဲခူးစက်မှုဇုန် ကြီးကြပ်ရေးကော်မတီမှ တာဝန်ရှိသူတစ်ဦးက ပြောကြားသည်။

ပဲခူးတိုင်းဒေသကြီး ပဲခူးမြို့နယ် စက်မှုဇုန်တွင် စက်ရုံအလုပ်ရုံပေါင်း ၁၀၀ ကျော်ရှိကာ တရုတ်နိုင်ငံသားဝန်ထမ်း ၈၀၀ ကျော် တာဝန်ထမ်းဆောင်နေသည့်အပြင် နှစ်သစ်ကူးချိန် တရုတ်နိုင်ငံသို့ ပြန်သွားသူ အယောက် ၄၀၀ ကျော်ခန့်ရှိသည်ဟု ပဲခူးစက်မှုဇုန် တာဝန်ရှိသူများနှင့် တိုင်းကျန်းမာရေးဦးစီးဌာနမှ သိရှိရသည်။

Ref-Thevoice #Myanmar_Onlline_News

<<Zawgyi>>

တရုတ်နိုင်ငံမှ ပဲခူးစက်မှုဇုန်သို့ ပြန်လည်ရောက်ရှိလာသူ တရုတ်နိုင်ငံသား ၆ ဦးကို သီးခြားထား၍ စောင့်ကြည့်နေ

Monday , February 3 , 2020

ဇန်နဝါရီ ၃၀ ရက်နေ့တွင် ပဲခူးစက်မှုဇုန်ကို ပြန်လည်ရောက်ရှိလာသည့် အထည်ချုပ်စက်ရုံနှင့် ဖိနပ်စက်ရုံတစ်ခုမှ အသက် ၄၀ ကျော် တရုတ်နိုင်ငံသား အမျိုးသား ၆ ဦးဖြစ်သည်။ အဆိုပါ ပြန်လည်ရောက်ရှိလာသူ တရုတ်နိုင်ငံသား ၆ ဦးကို သီးခြားထား၍ စောင့်ကြည့်နေသည်ဟု ပဲခူးတိုင်းဒေသကြီးအစိုးရအဖွဲ့ဝင် လူဝင်မှုကြီးကြပ်ရေးနှင့် လူ့စွမ်းအားအရင်းမြစ် ဖွံဖြိုးတိုးတက်ရေးဝန်ကြီး ဦးထွန်းထွန်းဦးက ပြောကြားသည်။

“ဝေဘာဂီဆေးရုံပို့တယ်ဆိုတဲ့သတင်း မဟုတ်ပါဘူး။ စက်ရုံမှာသီခြားအခန်းတစ်ခုစီနဲ့ထားပြီး နေ့စဉ် ခန္ဓာကိုယ်အပူရှိန် တိုင်းတာစစ်ဆေးတာမျိုးကို နေ့စဉ်လုပ်ပြီး စောင့်ကြည့်နေတယ်၊ သံသယရှိနိုင်တယ်လို စစ်ဆေးတွေ့ရှိရင် သွေးအဖြေ ရန်ကုန်ဓာတ်ခွဲခန်းပို့တာမျိုးလုပ်မယ်” ဟု ပြောကြားခဲ့သည်။

ဖေဖော်ဝါရီလ ၁ ရက်နေ့နံနက်ကလည်း ပဲခူးတိုင်းရေတာရှည်မြို့နယ် ရေနီ အထည်ချုပ်စက်ရုံနှင့် စက္ကူစက်ရုံမှ တရုတ်နိုင်ငံသားအချို့ကို ဒေသခံများကန့်ကွက်မှုကြောင့် နေပြည်တော်ကို ရွှေ့ပြောင်းစောင့်ကြည့်စစ်ေဆးထားကြောင်း ဒေသဆိုင်ရာအုပ်ချုပ်ရေးအဖွဲ့စည်းများမှ သိရသည်။

ပြန်လည် ရောက်ရှိမည်ဟု သတင်းပို့ထားတာ ၁၇ ဦး ဖြစ်သော်လည်း လက်ရှိ ပဲခူးစက်မှုဇုန်ရှိ စက်ရုံများတွင် ပြန်လည်ရောက်ရှိနေသူ တရုတ်နိုင်ငံသား ၆ ဦးသာရှိပြီး ယင်းတို့ကို စက်ရုံအသီးသီးရှိ သီးခြားအခန်းများတွင် စောင့်ကြည့်ထားနေသော်လည်း သံသယရှိသူများမဟုတ်ကြောင်း ပဲခူးစက်မှုဇုန် ကြီးကြပ်ရေးကော်မတီမှ တာဝန်ရှိသူတစ်ဦးက ပြောကြားသည်။

ပဲခူးတိုင်းဒေသကြီး ပဲခူးမြို့နယ် စက်မှုဇုန်တွင် စက်ရုံအလုပ်ရုံပေါင်း ၁၀၀ ကျော်ရှိကာ တရုတ်နိုင်ငံသားဝန်ထမ်း ၈၀၀ ကျော် တာဝန်ထမ်းဆောင်နေသည့်အပြင် နှစ်သစ်ကူးချိန် တရုတ်နိုင်ငံသို့ ပြန်သွားသူ အယောက် ၄၀၀ ကျော်ခန့်ရှိသည်ဟု ပဲခူးစက်မှုဇုန် တာဝန်ရှိသူများနှင့် တိုင်းကျန်းမာရေးဦးစီးဌာနမှ သိရှိရသည်။

Ref-Thevoice #Myanmar_Onlline_News