မယ်ဆိုင် ကျောက်ဂူထဲက တစ်ဦးတည်းသော အင်္ဂလိပ်စကား ပြောဆိုတဲ့ မြန်မာပြည်ဖွား လူငယ်လေး

သူ့ကို မြန်မာနိုင်ငံမှာ မွေး ဖွားခဲ့ပါတယ်။ ပြီးတော့ ထိုင်း နိုင်ငံက ခရစ်ယာန် ကျောင်းဆရာ တွေရဲ့ ပျိုးထောင်မှုနဲ့ ကြီးပြင်း လာခဲ့ပါတယ်။ မယ်ဆိုင်က ကျောက်ဂူထဲမှာ ပိတ်မိခဲ့တဲ့ လူ ငယ်ဘောလုံးအသင်းမှာ အဒူလ် ဆမ်အွန် တစ်ယောက်သာ အင်္ဂ လိပ်စကားကို ရေရေလည်လည်  ပြောဆိုတတ်တာ ဖြစ်ပါတယ်။

ထိုင်းနိုင်ငံ မြောက်ပိုင်း ကျောက်ဂူတစ်ခုထဲမှာ ပိတ်မိနေ တဲ့ တောဝက် ဘောလုံးအသင်း က လူငယ်ကစားသမား ၁၂ဦးနဲ့ အသက်   (၂၅)    နှစ်အရွယ် နည်းပြကို ရှာဖွေတွေ့ရှိပြီဖြစ် ကြောင်း ထိုင်းရေတပ် အထူးကွန် မန်ဒို အဖွဲ့က ဇူလိုင် ၂ ရက်မှာ တရားဝင် ကြေညာခဲ့ပါတယ်။ အဲ ဒီနောက် လူငယ်တွေရှိနေတဲ့ နေ ရာကို ပထမဆုံးရောက်ခဲ့တဲ့ အင်္ဂ လိပ် ရေငုပ်သမားနှစ်ယောက်နဲ့ လူငယ်တစ်ယောက် အပြန်အ လှန် ပြောဆိုနေကြတဲ့ ဗီဒီယိုဖြတ် ပိုင်းလေး တစ်ခုကိုပါ နာရီအနည်း ငယ်အကြာမှာ လွှင့်တင်ခဲ့ပါ တယ်။ အဲဒီဗီဒီယိုထဲမှာ အင်္ဂလိပ် လိုပြောနေတဲ့ မျက်လုံးပြူးပြူးနဲ့ လူငယ်လေးကို တစ်ကမ္ဘာလုံးက သတိပြုမိခဲ့ကြပါတယ်။

သဘာဝအတိုင်း ရေဝင်မှု ကြောင့် ရေလျှံပိတ်ဆို့နေတဲ့ သမ် လောင်ဂူထဲမှာ အသက် (၁၄) နှစ် အရွယ် အဒူလ်ဟာ အသင်းဖော် တွေနဲ့အတူ ကိုးရက်ကျော် ကြာ ငတ်မွတ်မှု၊ ထိတ်လန့်မှုတွေ ရောပြွမ်း ဖြတ်သန်းခဲ့ရပါတယ်။ သူတို့ဆီကို ကယ်ဆယ်ရေးတွေ ရောက်ရှိပြီး နာရီပိုင်း အကြာမှာ တော့ သူက တစ်ကမ္ဘာလုံးကို ဗီဒီ ယို တစ်ခုကနေတစ်ဆင့် နှုတ် ဆက်ခဲ့ပါတယ်။ ‘‘ကျွန်တော် အ ဒူလ်ပါ။ ကျွန်တော့် ကျန်းမာရေး ကောင်းပါတယ်’’ လို့ ပိန်သွယ် ဖျော့တော့ပေမယ့် လန်းလန်းဆန်းဆန်းရှိနေတဲ့ လူငယ်လေးကပြော ပါတယ်။ ပြီးတော့ ထိုင်းတွေရဲ့ ရိုးရာအတိုင်း လက်အုပ်လေးချီပြီး ယဉ်ယဉ်ကျေးကျေး နှုတ်ဆက်ခဲ့ တာကိုလည်း တွေ့ရပါတယ်။

ဘန်ပါမို့ဒ်ကျောင်းမှာ သူ့ကို ပညာသင်ပေးခဲ့တဲ့ ကျောင်းဆရာ ဖန်နီး တီယာပရွမ်ကတော့အဒူလ် နဲ့ ပတ်သက်ပြီး ခေါင်းထဲ အရင် ဆုံး ဝင်လာတဲ့ အကြောင်းအရာ တွေကတော့ ဒီကောင်လေးဟာ ရည်မွန်တယ်၊ ယဉ်ကျေးတယ် ဆိုတာပဲ ဖြစ်တယ်လို့ ပြောပါ တယ်။ ‘‘သူ့အကြောင်းကိုတော့ ကောင်းတာတွေချည်း တွေးမိ တယ်။ အခုလည်း သူက ထိုင်း တွေလိုပဲ လက်အုပ်လေးချီပြီး နှုတ်ဆက်တယ်လေ။ ဒါကသိပ် တော့ အဆန်းမဟုတ်ဘူး။ သူက ကျောင်းမှာဆိုရင်လည်း လမ်း လျှောက်လာရင်း တွေ့သမျှ ဆ ရာ၊ ဆရာမတိုင်းကို အခုလိုပဲ ယဉ်ယဉ်ကျေးကျေး နှုတ်ဆက်နေ ကျပါ’’ လို့ ဖန်နီးက အေအက်ဖ်ပီ ကို မှတ်ချက်ပေးခဲ့ပါတယ်။

အဒူလ်ဟာ အင်္ဂလိပ်စာ၊ အင်္ဂလိပ်စကား ကျွမ်းကျင်တဲ့ အ တွက် ချီးကျူးခံရသူတစ်ယောက် ပါ။ ထိုင်းမှာက တစ်နိုင်ငံလုံး လူဦးရေရဲ့ သုံးပုံတစ်ပုံအောက် လောက်သာ အင်္ဂလိပ်လို ပြော ဆိုနိုင်တာ ဖြစ်ပါတယ်။

ဇူလိုင် ၂ ရက်က အမှောင်ထု ထဲ စမ်းတဝါးဝါးနဲ့ ဓာတ်မီးထိုးရင်း လူငယ်တွေကို အမှတ်မထင်ရှာ တွေ့ခဲ့တဲ့ အင်္ဂလိပ် ရေငုပ်သမား နှစ်ယောက်ကို သူတစ်ယောက်ပဲ အပြန်အလှန် ဆက်သွယ်စကား ပြောနိုင်ခဲ့တာပါ။ အဒူလ်က ‘‘ဒီ နေ့ ဘာနေ့လဲ’’ လို့ အော်မေးခဲ့ပါ တယ်။ ပြီးတော့ သူတို့တွေအား လုံး ဗိုက်သိပ်ဆာနေကြပြီလို့ လည်း ပြောပြခဲ့ပါတယ်။ ဒီအပြန် အလှန် ပြောဆိုမှုတွေကို တစ် ကမ္ဘာလုံးက မျက်မြင်တွေ့ခွင့်ရခဲ့ ကြပါတယ်။

အဒူလ်ကို မြန်မာနိုင်ငံက ‘ဝ’ ကိုယ်ပိုင်အုပ်ချုပ်ခွင့်ရ ဒေသမှာ မွေးဖွားခဲ့တာ ဖြစ်ပါတယ်။ ဒီလူ ငယ်လေးဟာ ထိုင်း၊ မြန်မာ၊ တရုတ်နဲ့ အင်္ဂလိပ် စကားတွေကို ပြောဆိုတတ်ပါတယ်။ သူဟာ အ သက် (၇) နှစ် အရွယ်ကတည်းက ထိုင်းမြောက်ပိုင်းကို ပြောင်းရွှေ့ လာပြီး ကျောင်းတက်နေခဲ့တာဖြစ် ပါတယ်။

ပိုပြီး ကောင်းမွန်တဲ့ ပညာ သင်ယူခွင့်ကို မျှော်လင့်ပြီးအဒူလ် ဟာ မိသားစုကို စွန့်ခွာလာခဲ့ပါ တယ်။ ဒါပေမဲ့ မိဘတွေနဲ့လုံးဝအ ဆက်ပြတ်နေတာတော့ မဟုတ်ပါ ဘူး။ အဒူလ်ရဲ့ အဖေနဲ့ အမေက သူ့ကို လက်ခံထားတဲ့ ခရစ်ယာန် ဘုရားကျောင်းလေးဆီ လာလည် ပြီး တွေ့ဆုံလေ့ရှိပါတယ်။

 သမိုင်းကြောင်းတစ် လျှောက် ‘ဝ’ ဒေသက UWSA လက်နက်ကိုင် အဖွဲ့နဲ့ မြန်မာ့တပ် မတော်ကြား ရင်ဆိုင်တိုက်ပွဲတွေ ဖြစ်ပွားခြင်းနဲ့အတူ ထောင် သောင်းချီတဲ့ ဒေသခံတွေက စစ် ဘေးရှောင်ရင်း ရေကြည်ရာ၊ မြက်နုရာကို ပြောင်းရွှေ့ခဲ့ကြပါ တယ်။ အဲဒီထဲမှာ အိမ်နီးချင်းထိုင်း နိုင်ငံဘက်ကို ရောက်ရှိခိုလှုံသွား  သူတွေလည်း ရှိပါတယ်။

အဒူလ်ဟာ နိုင်ငံမဲ့ လူတန်း စားအဖြစ် ထိုင်းနိုင်ငံက မှတ်ပုံ တင်ထားတဲ့ ဒုက္ခသည် လေးသိန်း ကျော်ထဲမှာ ပါဝင်နေပါတယ်။ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကတော့ တကယ် တမ်းမှာ အဒူလ်တို့လို အခြေအ နေမျိုး ကြုံတွေ့နေသူ သုံးသန်းခွဲ လောက်ထိ ရှိနေနိုင်တယ်လို့ ခန့် မှန်းထားပါတယ်။

အခြေအနေတချို့ တိုးတက် မှုရှိလာတဲ့တိုင် ထိုင်းနိုင်ငံက နိုင်ငံ မဲ့ လူတန်းစားတွေအနေနဲ့အခြေခံ အခွင့်အရေးတွေရရှိဖို့ အပါအ ဝင် ကြီးမားတဲ့ စိန်ခေါ်မှုတွေ အ များကြီး ကြုံနေရဆဲလို့ ဒုက္ခသည် များဆိုင်ရာ မဟာမင်းကြီးရုံးပြော ရေးဆိုခွင့်ရအရာရှိ ဟာနန်မက် ဒေါ်နဲလ်က အေအက်ဖ်ပီကို ပြော ပါတယ်။

တရားဝင် မွေးစာရင်းမရှိ၊ နိုင်ငံသား အသိအမှတ်ပြု မှတ်ပုံ တင်ကတ် မရှိ၊ ပတ်စ်ပို့မရှိတဲ့  အဒူလ်တစ်ယောက် ထိုင်းမှာ တရားဝင် ထိမ်းမြားလက်ထပ်ခွင့်၊ အလုပ်လုပ်ခွင့်၊ ဘဏ်စာရင်းဖွင့် ခွင့် ဘာတစ်ခုမှ မရှိပါဘူး။ ခရီး သွားလာခွင့်၊ အိမ်ခြံမြေ ဝယ်ယူ ခွင့်၊ ရွေးကောက်ပွဲမှာ မဲပေးခွင့် တွေလည်း ရမှာမဟုတ်ပါဘူး။

ထိုင်းအစိုးရကတော့ နိုင်ငံမဲ့ နေထိုင်သူတွေ အားလုံးကို ၂၀၂၄ မတိုင်ခင် မှတ်ပုံတင်နိုင်အောင် လုပ်ဆောင်မယ်လို့ ဆိုပါတယ်။ ဒါပေမဲ့ အဒူလ်တို့ အနေနဲ့  ဥပဒေ ရေးရာ လွန်ဆွဲအားပြိုင်မှုတွေမှာ ကြားညပ်နေဦးမယ့် သဘောရှိ ပါတယ်။

အဒူလ်ကတော့ စိတ်ပျက်စ ရာ အခြေအနေတွေကြောင့် သူ့ ဘဝကို ရေစုန်အမျောခံမယ့်သူ မဟုတ်ပါဘူး။ သူဝါသနာပါရာ ဘောလုံး အားကစားကို တစိုက် မတ်မတ် လိုက်စားပါတယ်။ စန္ဒ ရားနဲ့ ဂစ်တာတီးရတာကို ပျော် ရွှင်နေလေ့ရှိတယ်။ သူဟာ စာ ကြိုးစားတဲ့ ကျောင်းသား တစ် ယောက်လည်း ဖြစ်ပါတယ်။

‘‘ဒီကလေးကတော့ အဖိုး တန်လေးပါပဲ’’ လို့ ကျောင်းအုပ် ဖူနာဝှစ် သပ်ဆူရင်ကအေအက်ဖ် ပီကို ပြောပါတယ်။ ‘‘အဒူလ်က စာလည်းတော်၊ အားကစားလည်း ထူးချွန်ပါတယ်။ သူ့စွမ်းဆောင်မှု တွေကြောင့် ကျောင်းအနေနဲ့ လည်း ဆုတံဆိပ်နဲ့ တခြားအောင် မြင်မှု တချို့ကို ရရှိထားခဲ့ပါတယ်’’ လို့ သပ်ဆူရင်က အသိအမှတ်ပြု ချီးကျူးခဲ့ပါတယ်။

(The Straits Timesတွင် ဖော်ပြထားသည့် Thai cave rescue: Stateless teen Adul Sam-on, the only English speaker among those trapped, praised as ‘gem’ ဆောင်းပါးကို ပြန်ဆိုသည်။)

7Day