ထိုင်းနိုင်ငံ ဘန်ကောက် ဒွန်းမောင်း နိုင်ငံတကာလေဆိပ်ဧရိယာတ၀ိုက်မှာ မနေ့ ညနေ ၂ နာရီကျော်လောက်က မိုးသက်လေပြင်း တိုက်ခတ်သွားတဲ့အတွက် လမ်းမပေါ်ရေကြီးတာ၊ သစ်ပင်တွေ ကျိုးကျတာနဲ့ ယာဉ်ကြောပိတ်ဆို့တာတွေ ဖြစ်ပွားခဲ့ပါတယ်။
ဘန်ကောက် ဒွန်မောင်းနိုင်ငံတကာ လေဆိပ်မှာ Lion Air လေယာဉ်မှ ယာယီလှေခါးတခု လေနဲ့အတူလွှင့်ထွက်သွားပြီး ရပ်ထားတဲ့ Nok Air လေယာဉ်ရဲ့ ယာတောင်ပံကို သွားတိုက်မိတဲ့အတွက် လေယာဉ်တောင်ပံ ပျက်စီးသွားတယ်လို့ ထိုင်းရတ်သတင်းမှာ ဖော်ပြပါတယ်။
ဆန်တိဆုခ်ထိုင်းသတင်းမှာလည်း လေပြင်းကြောင့် ဒွန်းမောင်း လေယာဉ်ကွင်းထဲက လှေခါး ၁၀ ခုကျိုးသွားပြီး ဆိုက်ရောက်လာမယ့် လေယာဉ်ပျံတွေ အခြားအရံလေဆိပ်မှာ ဆင်း သက်ခဲ့ရသလို ညနေ ၂ နာရီမှ ၃ နာရီတွင်း ပျံသန်းမယ့် လေကြောင်းခရီးစဉ် ၈ ခု နဲ့ ညနေ ၃ နာရီမှ ၄ နာရီတွင်း ပျံသန်းမယ့် လေကြောင်းခရီးစဉ် ၁၀ ခု သတ်မှတ်ထားတဲ့ အချိန်တွင်း မပျံသန်းနိုင်တာကြောင့် ပြည်တွင်းပြည်ပ ခရီးသည်ပေါင်း ၃ ထောင်ကျော် ခေတ္တပိတ်မိနေခဲ့ပါ တယ်။
ဒါ့အပြင် ဘန်ကောက်အနီး ပထုန်ဌာနီခရိုင်ရှိ ၀က်စ်တဲန်းဆေးတက္ကသိုလ်မှာလည်း မော်တော်ကားရုံ နံရံပြိုကျလာတာကြောင့် ရပ်နားထားတဲ့ ကားအချို့ ပျက်စီးခဲ့ရပါတယ်။
DVB
0 comments:
Post a Comment