မြစ်ဆုံစီမံကိန်း အပြီးတိုင်ရပ်စဲရေးအတွက် ပြုလုပ်တဲ့ ဧရာဝတီမြစ်ကြီးကို ပြန်ရွေးယူမယ်ဆိုတဲ့ One Dollar ကမ်ပိန်းမှာ ပါဝင်ဖို့စိတ်ကူးမရှိဘူးလို့ နာရေးကူညီမှု အသင်းဥက္ကဌ ဦးကျော်သူ က အကုန်သိ သတင်းဌာန ကို ပြောပါတယ်။
ပြီးခဲ့တဲ့ ဧပြီလ ၂၀ ရက်နေ့ က နိုဗိုတယ်ဟိုတယ်မှာ “ဧရာဝတီကိုပြန်ရွေးယူကြမယ်” ဆိုတဲ့ ခေါင်းစဉ်နဲ့ကျင်းပခဲ့ တဲ့ဆွေးနွေးပွဲမှာ သက်ဆိုင်ကဏ္ဍအသီးသီးက ပညာရှင်တွေနဲ့ အနုပညာရှင်အချို့ဟာ မြစ်ဆုံစီမံကိန်းအပြီး တိုင်ရပ်စဲရေး အတွက် ပြည်သူတစ်ဦးတစ်ယောက်ချင်းစီက တစ်ဒေါ်လာစီ ထည့်ဝင်ရတဲ့ One Dollar Campaign ပြုလုပ်ကာ မြစ်ဆုံကို ပြန်ရွေးယူကြဖို့ ပါဝင်ဆွေးနွေးသူတွေက ပြည်သူတွေလည်း ပါဝင်ကြဖို့ ကမ်းလှမ်းခဲ့တာဖြစ်ပါတယ်။
“မရှိဘူး။ ဒေါ်လာ မှမရှိတာ။ ဧရာဝတီကိစ္စက လွန်ခဲ့တဲ့ ငါးနှစ်ကျော်လောက်ကတည်းက ကျွန်တော်တို့လုပ်ခဲ့ ပြီးပြီလေ။ ဧရာဝတီကျိန်စာ ဆိုပြီ ပွဲမှာ ကျွန်တော် ကဗျာတောင် ရွတ်ခဲ့သေးတယ်။ ဒါတွေက ကျွန်တော်လုပ် ပြီးပြီး လုပ်ပြီးတဲ့အပိုင်းမှာ လူကြီးတွေ၊ တိုင်းပြည်အုပ်ချုပ်တဲ့ လူကြီးတွေက သူတို့ဆက်လုပ်ရမှာလေ။ ဒီတစ်ခါ မှာ ကျွန်တော်တို့ ပါစရာမလိုဘူး။ လူကြီးတွေလုပ်ရမှာ။ ကျွန်တော်တို့က အရင်တစ်ခေါက်ကတည်းက ပြည်သူ ပြည်သားတွေကိုယ်စား လုပ်ခဲ့ပြီးပြီ။ အကျိုးရလာဒ်ကို မသိဘူး။ တကယ့်ကာယံကံရှင်တွေပဲသိမှာ။ ဘေးက ပြည်သူတွေက မဖြစ်သင့်လို့ လုပ်ပေးတာ။ ကိုယ်လုပ်ထားတဲ့ကိစ္စက ဘယ်လောက်အကျိူးသက်ရောက်တယ် ဆိုတာကို စဉ်းလဲမစဉ်းစားဘူး။ ကိုယ်လုပ်စရာရှိတာပဲလုပ်နေတာ” လို့ နာရေးကူညီမှုအသင်းဥက္ကဌ ဦးကျော်သူ က ပြောပါတယ်။
ဆက်လက်ပြီးတော့ ဦးကျော်သူ က မြစ်ဆုံကိစ္စမှာ ဘယ်အပိုင်းကဏ္ဍကမှာ ပါဝင်လိုခြင်းမရှိ တော့သလို အခုလို ရာသီဥတု ပူပြင်းတဲ့အချိန်မှာ ကျန်းမာရေးစောင့်ရှောက်မှုတွေ၊ သေဆုံးမှုတွေ၊ အသုဘချ တာတွေ၊ အရေးပေါ်ကယ်ဆယ်ရေးဝန်ဆောင်မှုလုပ်ငန်းတွေကိုပဲ အဓိကထားလုပ်ဆောင်နေတာဖြစ်ပြီး မျိုးဆက်သစ်ကလေးငယ်လေးတွေရဲ့ ပညာရေး၊ အားကစားပိုင်းတွေကိုပဲ အဓိက အားပေးလုပ်ဆောင်လျက်ရှိ တယ်လို့ ပြောပါတယ်။
နာရေးကူညီမှုအသင်း ဥက္ကဌ ဖြစ်တဲ့ ဦးကျော်သူ က ပရဟိတ ကိစ္စတွေကို ပိုဦးစားပေးဆောင်ရွက်ဖြစ်သလိ်ု ပြီးခဲ့တဲ့ နှစ်က စတင်ပြီးအနုပညာလုပ်ငန်းတွေကိုလည်း ပိုမိုလုပ်ကိုင်လာသူတစ်ဦးလည်းဖြစ်ပါတယ်။
အိဖြူသိမ့်(အကုန်သိသတင်းဌာန)
0 comments:
Post a Comment