အရှေ့တောင်အာရှတွင် အတိုးတက်ဆုံးဖြစ်သော စင်ကာပူ ဓာတ်အားပြတ်တောက်ပါက ရက်ပိုင်းအထိ ကြာတတ်သော်လည်း မြန်မာနိုင်ငံတွင် နာရီပိုင်းနှင့်ပင် ဓာတ်အားပြန်ရအောင်လည်း ဆောင်ရွက်နိုင်ကြောင်း လျှပ်စစ်နှင့် စွမ်းအင်ဝန်ကြီးဌာန၊ ဒုတိယဝန်ကြီး ဒေါက်တာထွန်းနိုင်က ပြောသည်။
“တခြားနိုင်ငံတွေမှာ လျှပ်စစ်ဓာတ်အား မပြတ်တောက်ဘူးဆိုတာ မဟုတ်ပါဘူး။ စင်ကာပူနိုင်ငံမှာ လျှပ်စစ်ဓာတ်အားပြတ်တောက်သွားချိန်မှာ ကျွန်တော်တို့လို နာရီပိုင်းအတွင်း ပြန်မရဘဲ ရက်ပိုင်းအထိ ကြာတတ်ပါတယ်။ အမေရိကန်နိုင်ငံမှာ ဓာတ်အားပြတ်တောက်သွားချိန်တွေဟာ နှစ်ပတ်ကြာတတ်ပါတယ်။ ကျွန်တော်တို့နိုင်ငံမှာ နာရီပိုင်းနဲ့ နှစ်နာရီ သုံးနာရီအတွင်း ပြန်ရအောင် ကြိုးပမ်းဆောင်ရွက်နိုင်ပါတယ်” ဟု ၎င်းက ပြောသည်။
ယနေ့ (ဧပြီ ၂၉) ကျင်းပသော ပြည်သူ့လွှတ်တော်အစည်းအဝေးတွင် ရန်ကုန်တိုင်းဒေသကြီး၊ ကျောက်တံတား မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးနေမျိုးထက်၏ ဓာတ်အားပြတ်တောက်ခြင်းမရှိရန် မည်ကဲ့သို့ ဆောင်ရွက်မည်ကို သိလိုကြောင်း မေးခွန်းနှင့် ဆက်စပ်၍ အထက်ပါအတိုင်း ပြောကြားသွားခဲ့ခြင်း ဖြစ်သည်။
လျှပ်စစ်ဓာတ်အား ပြတ်တောက်မှုများ မဖြစ်ပေါ်စေလိုလျှင် ဝန်ကြီးဌာနက နှစ်စဉ်တင်ပြတောင်းခံသော ဘတ်ဂျက်များကို ဖြတ်တောက်ခြင်းမပြုဘဲ ခွင့်ပြုပေးရန်လိုအပ်ကြောင်းလည်း ဒုတိယဝန်ကြီး ဒေါက်တာထွန်းနိုင်က ဆက်လက်ပြောသည်။
“လျှပ်စစ်နှင့် စွမ်းအင်ဝန်ကြီးဌာနက နှစ်စဉ်တင်ပြတောင်းခံတဲ့ ဘတ်ဂျက်ပမာဏအားလုံးကို ခွင့်ပြုပေးဖို့လည်း လိုအပ်တယ်ဆိုတာလည်း တင်ပြလိုပါတယ်။ လျှပ်စစ်ဓာတ်အားထုတ်လုပ်ခြင်းကဏ္ဍဟာ အခုရေတွင်းတူး အခုရေကြည်သောက်လို့မရတဲ့ ကိစ္စမျိုးဖြစ်ပါတယ်” ဟု ၎င်းက ဆိုသည်။
လျှပ်စစ်ဓာတ်အား ထုတ်လုပ်ခြင်းသည် ရေအားလျှပ်စစ်စက်ရုံများ တည်ဆောက်ပါက ၇ နှစ်မှ ၈ နှစ်ကြာအောင် ဆောင်ရွက်ရခြင်းဖြစ်ပြီး နှစ်တစ်နှစ်စာအတွက် လိုအပ်သည့် ဘတ်ဂျက်ကို ခွင့်မပြုလိုက်ပါက ပြီးစီးရမည့်ကာလပါ နောက်ကျသွားမည့်အပြင် ၂ နှစ်မှ သုံးနှစ်အထိ ဘတ်ဂျက်အဖြတ်ခံရပါက လျှပ်စစ်လျာထားချက်များကိုပါ ထိခိုက်သွားနိုင်ကြောင်း ဒုဝန်ကြီးက ဆိုသည်။
ထို့ပြင် လွှတ်တော်ကိုယ်စားလှယ်များအနေဖြင့် အခြားသောနိုင်ငံများ၏ လျှပ်စစ်ဓာတ်အားရရှိမှုအခြေအနေနှင့် နှိုင်းယှဉ်ဝေဖန်မည်ဆိုပါက အသုံးပြုရသည့် ဘတ်ဂျက်ကိုပါ နှိုင်းယှဉ်သင့်ကြောင်း ၎င်းက ဆိုသည်။
၂၀၁၈-၂၀၁၉ ခုနှစ်၏ မူလခွင့်ပြုငွေစာရင်းကို ပြန်ကြည့်ပါက ဝန်ကြီးဌာနအားလုံးအနက် လျှပ်စစ်နှင့် စွမ်းအင်ဝန်ကြီးဌာနသည် သုံးစွဲရန်ရရှိသော ခွင့်ပြုဘတ်ဂျက်ပမာဏမှာ ကျပ် ၅ ဒသမ ၅၅၁ ထရီလီယံရှိပြီး ဝန်ကြီးဌာနအားလုံး အသုံးစရိတ်၏ ၂၂ ဒသမ၂၄ ရာခိုင်နှုန်းရှိကြောင်း ယင်းအပြင် အဆိုပါဝန်ကြီးဌာနသည် စီမံကိန်းနှင့် ဘဏ္ဍာရေးဝန်ကြီးဌာနပြီးလျှင် ဒုတိယအများဆုံးရရှိသော ဝန်ကြီးဌာနဖြစ်သည်။
“ဆည်ရေများကို စုတဲ့အခါမှာ ပြည်သူများရဲ့ လိုအပ်ချက်ကြောင့်ဆိုပြီး ဆည်ရေရဲ့ အမြင့်ကိုချပေးဖို့ မိုးရာသီနှောင်းပိုင်းမှာ တောင်းဆိုခြင်းများဖြစ်ပေါ်ခဲ့လို့ လိုက်လျောခဲ့ရတာတွေ အများကြီးရှိပါတယ်။ အလားတူ နွေစပါး ပျိုးထောင်ရေးအတွက် ထုတ်ပေးပါဆိုပြီး တောင်းဆိုလို့ ရေထုတ်ပေးခဲ့ရပါတယ်။ အလားတူ အောင်ရေသွင်းဖို့ ရေတွေချပေးပါဆိုတဲ့အခါ ဆည်ရေတွေကို ထပ်ပြီး ထုတ်ပေးခဲ့ရပါတယ်။ အားလုံးကို လိုက်လျောခဲ့ရတဲ့အတွက် ယခုကဲ့သို့ ရေအားလျှပ်စစ်စက်ရုံများရဲ့ ထုတ်လုပ်နိုင်မှုဟာ ၁၉၇၁ မဂ္ဂါဝပ်အထိ ကျဆင်းခဲ့ရတာ ဖြစ်ပါတယ်” ဟု ၎င်းက ပြောကြားခဲ့သည်။
ယခု နွေရာသီအတွင်း ဓာတ်အားပြတ်တောက်ခြင်းများသည် ဓာတ်အားလိုင်းများတွင် ချို့ယွင်းချက်ဖြစ်ပေါ်ခဲ့ခြင်းနှင့် ရေအားလျှပ်စစ်စက်ရုံများမှ ဓာတ်အားထုတ်လုပ်မှု ယခင်နှစ်အောက် လျော့ကျခဲ့ခြင်းကြောင့်ဖြစ်ကြောင်း၊ လျှပ်စစ်ဓာတ်အားကို ပြည်သူများ မျှတစွာ အသုံးပြုနိုင်ရန် ဆက်လက်လုပ်ဆောင်ပေးသွားမည်ဖြစ်ကြောင်း ၎င်းက ထပ်လောင်းပြောကြားခဲ့သည်။
The Voice
0 comments:
Post a Comment