တနင်္သာရီတိုင်း ကော့သောင်းမြို့အနီး ပင်လယ်ပြင်မှာ ကျပ်သိန်းပေါင်း ၃ သိန်းကျော်တန်ဖိုးရှိ အိုက်စ်မူးယစ်ဆေးဝါးတွေကို ဧပြီ ၂၆ ရက်နေ့က ဖမ်းဆီးမိခဲ့ပါတယ်။
မြန်မာ့တပ်မတော် (ရေ) မှ စစ်ရေယာဉ်မှူး ဗိုလ်မှူး သောင်းထူး ဦးဆောင်တဲ့ စစ်ရေယာဉ် ၅၆၇ က ဖမ်းဆီးရမိခဲ့ပါတယ်။
အောင်ပြည့်စုံ ၁ အမည်ရှိလှေအား မသင်္ကာဖွယ်တွေ့ရှိလို့ စစ်ဆေးဖို့ အချက်ပြခေါ်ယူရာမှာ လှေပေါ်မှ အထုတ်တွေကို ပစ်ချထွက်ပြေးတာကြောင့် ခြောက်လှန့်ပစ်ခတ်ပြီး ဝင်ရောက်ဖမ်းဆီးခဲ့တာပါ။
ပစ်ချခဲ့တဲ့ အထုတ်တွေကို လိုက်လံဆယ်ယူပြီး စစ်ဆေးခဲ့ရာ တထုတ်ကို ၁ ကီလိုဂရမ်လောက်ရှိ Refined Chinese Tea စာတမ်းပါ အစိမ်းနုရောင်ပလတ်စတစ်အိပ်နဲ့ ထုတ်ပိုးထားတဲ့ အဖြူရောင်ဘလောက်တုံး ၁၂၃၈ ထုတ် ကာလတန်ဖိုးကျပ်သိန်းပေါင်း ၃၀၉၅၀၀ ဖိုးရှိ အိုက်စ်မူးဆေးတွေကို လှေပိုင်ရှင် ဦးဝေလင်းအပါအဝင် လှေသား ၇ ဦးနဲ့အတူ ဖမ်းမိခဲ့ပါတယ်။
စစ်ဆေးမေးမြန်းရာမှာ ထိုင်းနိုင်ငံ ပို့ဆောင်ပေးရမယ်လို့ ဆိုထားပါတယ်။ ဖမ်းမိတဲ့ မူးယစ်ဆေးဝါးနဲ့ လူ ၇ ဦးအား တပ်မတော်ရေ ကော့သောင်း မူးယစ်တပ်ဖွဲ့ ၃၄ ကို ဧပြီ ၂၈ ရက်နေ့မှာ လွှဲပြောင်းပေးခဲ့ပါတယ်။
သတင်းနှင့်ဓာတ်ပုံ – လတ်ကိုကို
DVB
0 comments:
Post a Comment