ယနေ့ကျင်းပသောဒုတိယအကြိမ်ပြည်သူ့လွှတ်တော်အဋ္ဌမပုံမှန်အစည်းအဝေး(၁၈)ရက်မြောက်နေ့တွင်လွှတ်တော်ဥက္ကဋ္ဌမှနိဂုံးချုပ်အမှာစကားပြောကြားရာတွင်လွှတ်တော်ကိုယ်စားလှယ်များအနေဖြင့်တာဝန်နှင့်လုပ်ပိုင်ခွင့် ဘောင်မကျော်စေပဲဥပဒေနှင့်အညီမှန်ကန်စွာဆောင်ရွက်ကြရန်ပြည်သူ့လွှတ်တော်ဥက္ကဋ္ဌဦးတီခွန်မြတ်ကထည့်သွင်းပြောကြားခဲ့သည်။
ပြည်သူ့လွှတ်တော်ဥက္ကဋ္ဌဦးတီခွန်မြတ်က"နိဂုံးချုပ်အနေနဲ့မှာကြားလိုတာကတော့လွှတ်တော်ရပ်နားထားစဉ်ကာလမှာမိမိတို့ရဲ့မဲဆန္ဒရှင်ပြည်သူများထံအရောက်သွားပြီးပြည်သူ့အသံကိုအလေးထားမှတ်သားနားထောင်ကြပါ။ဒေသဖွံ့ဖြိုးရေးကိစ္စရပ်တွေမှာစေတနာအပြည်နဲ့ပူးပေါင်းပါဝင်ဆောင်ရွက်ကြပါ။ဒီလိုဆောင်ရွက်တဲ့အခါမှာလွှတ်တော်ကိုယ်စားလှယ်များရဲ့တာဝန်နဲ့လုပ်ပိုင်ခွင့်ဘောင်မကျော်စေပဲဥပဒေနဲ့အညီမှန်ကန်စွာဆောင်ရွက်ကြပါ။ပါတီစွဲလူမျိုးစွဲဝါဒစွဲတွေမထားပဲပြည်သူ့အကျိုးအတွက်ဦးစားပေးဆောင်ရွက်ကြပါ"ဟုမှာကြားခဲ့ခြင်းဖြစ်သည်။
ထို့ပြင်အရည်အချင်းပြည့်ဝသောလွှတ်တော်ကိုယ်စားလှယ်များအဖြစ်နိုင်ငံတော်နှင့်နိုင်ငံသားများ၏အကျိုးစီးပွားကိုစဉ်ဆက်မပြတ်ကာကွယ်မြှင့်တင်ဆောင်ရွက်ကြရန်နှင့်တရားဥပဒေစိုးမိုးရေးနှင့်ရပ်ရွာအေးချမ်းသာယာရေးအတွက်ပြည်သူနှင့်အတူပူးပေါင်းကာကွယ်စောင့်ရှောက်ပေးကြရန်ဆက်လက်မှာကြားခဲ့သည်။
"ကိုယ်စားလှယ်များရဲ့လိုရာခရီးများသွားလမ်းသာလို့လာလမ်းဖြောင့်ကြပါစေ။မိသားစုများဆွေမျိုးမိတ်ဆွေများနဲ့ပျော်ရွှင်ချမ်းမြေ့စွာစုံစည်းနိုင်ကြပါစေ။ပြည်သူ့အကျိုးပိုမိုထမ်းဆောင်နိုင်ကြပါစေ"ဟုဥက္ကဋ္ဌကဆုတောင်းစကားပြောကြားခဲ့သည်။
ထို့ပြင်ဆက်လက်ကျင်းပမည့်နဝမပုံမှန်အစည်းအဝေးတွင်လည်းကျန်းမာရွှင်လန်းစွာပြန်လည်တွေ့ဆုံနိုင်ကြပါစေကြောင်း၎င်းကပြောသည်။
ဖူးဖူးအောင်
Popular News Journal
0 comments:
Post a Comment